ново рочиште – Kurir.mk

Ново рочиште за „Монструм” во Кривичен суд Скопје

Тале Кристо — Wed, 26 Aug 2020 06:25:00 +0000

Судскиот предмет за петкратното убиство во Смилковско Езеро во април 2012, познат како „Монструм” денеска продолжува во Кривичниот суд Скопје. Ова е прво рочиште по завршување на судската ферија. Постапката на овој случај е во фаза на доказна постапка. Сведоците на обвинителството скоро се при крај, односно на една од следните рочишта би требало свој исказ да даваат сведоците предложени од одбраната. Повторувањето на судењето за „Монструм” како сведоци пред Кривичниот суд Скопје ги доведе поранешните високи функционери во МВР, Гордана Јанкулоска и Сашо Мијалков. Исто така, свој исказ дадоа и политичките функцинонери Зоран Заев и Али Ахмети. За убиството на момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, обвинети се Алил Демири и Африм Исмаиловиќ (во бегство) и Агим Исмаиловиќ, Фејзи и Хаки Азири и Сами Љута. Судењето за овој предмет го води судската двојка Огнен Ставрев и Осман Шабани, додека обвинените го застапуваат обвинителите Фатиме Фетаи и Гаврил Бубевски.

Ново рочиште за „Рекет“ ќе се одржи утре со сослушување на нови сведоци

Дарко Андоновски — Thu, 26 Dec 2019 08:32:10 +0000

Ново рочиште за „Рекет“ ќе се одржи утре со сослушување на нови сведоци. На вчерашното продолжение бизнисменот Томе Главчев сведочеше дека исказите во специјалното јавно обвинителство ги доживеал како „изживување врз него“. --Зоран Митровски инаку, конзул во Латвија, рече дека СЈО од надеж станало кошмар. Основното јавно обвинителство за гонење организиран криминал и корупција во октомври годинава поднесе обвинение против Бојан Јовановски, Катица Јанева и Зоран Милевски-Кичеец. На првото рочиште за „Рекет“, што се одржа на 3-ти овој месец, третообвинетиот Зоран Милевски-Кичеец призна вина, по што беше осуден на три години затвор.

Ново рочиште за „ТНТ“

Дарко Андоновски — Mon, 07 Oct 2019 07:10:53 +0000

Во Основниот кривичен суд во Скопје за денеска е закажано ново рочиште за случајот „ТНТ“ на Специјалното јавно обвинителство. Предметот го води судијата Огнен Ставрев, а застапник на обвиненито е Бурим Рустеми. Случајот се наоѓа во доказна постапка и се сослушуваат сведоци предложени од одбраната. Во предметот „ТНТ“, кој се однесува на уривањето на станбено-деловниот комплекс „Космос“ на бизнисменот Фијат Цаноски, меѓу обвинетите се поранешниот премиер Никола Груевски, поранешниот министер за транспорт и врски Миле Јанакиески, како и поранешниот градоначалник на Општина Гази Баба, Тони Трајковски. Спроед обвинението, тие во 2011 година сториле кривично дело од политичка омраза со уривање на комплексот „Космос“ на Фијат Цаноски.

Ново рочиште за „Монструм“

Дарко Андоновски — Fri, 04 Oct 2019 05:35:42 +0000

Во Основниот кривичен суд во Скопје денеска треба да се одржи ново рочиште за судењето за петкратното убиство кај Смилковско Езеро на 12 април 2012 година, „Монструм“ на СЈО. Случајот се наоѓа во доказна постапка и треба да се почне со изведување на 133.000 СМС-пораки и други транскрипти, предложени како дополнителни докази од Обвинителството. Судскиот процес го води судијата Огнен Ставрев, а застапнци на обвинението се Фатиме Фетаи и Гаврил Бубевски. За петкратното убиство на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута. Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост. По укинувањето на пресудите, случајот „Монструм“ го презеде СЈО и предметот беше вратен на повторно судење.

Ново рочиште за „Траекторија“ на 29 мај

Матеја Петровски — Wed, 23 May 2018 10:04:30 +0000

Адвокатот Димитар Дангов на денешното рочиште за предметот „Траекторија“ побара судењето да се одложи за 29 мај, бидејќи обвинетиот Никола Груевски напладне ќе присуствува на соопштување на пресудата за предметот „Тенк“. Во случајот „Траекторија“ обвинети се Никола Груевски, Владимир Пешевски, Миле Јанакиески и Љупчо Георгиевски поради тоа што во втората половина на 2012 година и во текот на 2013 година презеле повеќе дејствија со кои во постапката за избор на компанија за изградба на автопатните делници Миладиновци – Штип и Кичево – Охрид ги искористиле и пречекориле своите овластувања. Тие според СЈО, нанеле штета на државниот буџет од најмалку 155.117.172 евра и за истиот износ на компанијата изведувач и овозможиле да се стекне со имотна корист.