ново село – Kurir.mk

СЛЕДЕТЕ ВО ЖИВО: „Важно е! Од тебе зависат промените“ во Ново Село, Босилово и Василево

Ивана Ефремовски — Tue, 10 Oct 2023 09:46:51 +0000

Денеска 10.10.2023 година (вторник), ВМРО-ДПМНЕ продолжува со кампањата „Важно е! Од тебе зависат промените“ во општините Ново Село, Босилово и Василево. Во 12:30 часот претседателот на ВМРО-ДПМНЕ, Христијан Мицкоски ќе присуствува на увид во градежни активности на асфалтирање на улица во населено место Борисово, општина Ново Село. Веднаш по завршувањето на увидот, изјава за медиуми ќе даде Мицкоски. Понатаму,Мицкоски продолжува на средба со младите од овој регион кој е најголем по бројот на иселени млади, а ќе изврши и увид на изградба на Одводен канал во општина Босилово, проект финансиран преку ИПА. Во село Родово во општина Босилово, Мицкоски ќе оствари средба со земјоделците. Потоа, во Нова Маала Мицкоски, ќе присуствува на пуштање во употреба на изградено плато пред Домот на културата во општина Василево. Тој ќе изврши увид во ООУ „Гоце Делчев“, проект ветен од СДСМ, со претходно одобрени средства, но тргнати од програмата на МОН. Во 18:15 ќе се обрати пред присутните граѓани во населено место Василевo. Неговата изјава можете да ја следите во живо на линкот во продолжение:

ТРЕТ ДЕН ПО РЕД СООБРАЌАЈНА НЕСРЕЌА КАЈ НОВО СЕЛО: Во прекин сообраќајот

Катерина Бојаџиева — Thu, 03 Nov 2022 17:41:34 +0000

Магистралниот пат село Ново село – граничен премин Ново Село е затворен за сообраќај поради сообраќајна незгода. Сообраќајот е во прекин од 17:30 часот, информира попладнево Авто мото сојузот на Македонија. На останатите гранични премини сообраќајот се одвива непречено, по суви коловози. И вчера и завчера овој пат беше затворен за сообраќај поради сообраќајни несреќи. Пешак бил усмртен во сообраќајна несреќа која завчера попладне се случи на магистралниот пат Струмица-Граничен премин Ново Село, во с.Ново Коњарево, потврдија од МВР за Курир. -На 1 ноември во 17 часот во СВР Струмица било пријавено дека патничко возило „фолксваген голф“ со бугарска национална ознака, управувано од О.П.(67) од Република Бугарија, удрило во пешакот А.С.(72) од с.Ново Коњарево, изјавија од МВР за Курир. Во несреќата пешакот починал на местото, а смрт констатирала екипа од Итна медицинска помош. Увид на местото извршиле Јавен обвинител и увидна екипа од СВР Струмица. Исто така, поради сообраќајна несреќа и вчера од 17:30 часот беше затворен за сообраќај магистралниот пат село Ново село – Граничен премин Ново село.

Продолжува изградбата на нови улици во Ново село во општина Ѓорче Петров

Ивана Ефремовски — Mon, 04 Jul 2022 10:26:46 +0000

Екипите на ЈП Улици и патишта по налог на Град Скопје деновиве целосно завршија со асфалтирање на улица 10 во населеното место Кисела Јабука, а се продолжува со изградбата на улиците во населеното место Ново Село. Во населено место Кисела Јабука изминативе денови се асфалтираа улицата 10 при што се употреби 22 тона асфалтна маса и кракот од улица 1 од левата страна на површина од 260м2 со употреба на 40 тона асфалтна маса. Денеска се работи на кракот од десната страна на улицата 1 во населено место Ново Село која во текот на наредните денови ќе биде асфалтирана на површина од 300м2. Во претходниот период асфалтирани беа улиците 46, 46А, 68, 4 и 6. Станува збор за улици кои досега не биле асфалтирани, односно за првпат се асфалтираат на барање на граѓаните да добијат улици и услови какви што заслужуваат. Екипите на ЈП Улици и патишта продолжуваат со градежните активности на улиците кои се предвидени за асфалтирање во населеното место Ново село.

Мисајлески: Се гради мега парк во Ново Село од 30.000 метри квадратни, на местото каде претходно имаше дива депонија

Ивана Ефремовски — Tue, 21 Jun 2022 13:51:00 +0000

На денешната седница на Советот на општина Ѓорче Петров мнозинството предводено од ВМРО-ДПМНЕ и коалицијата, изгласаа одлука за воспоставување на меѓуопштинска соработка помеѓу општина Ѓорче Петров и Град Скопје. Со одлуката се предвидува партерно уредување и озеленување помеѓу реката Лепенец и прочистителната станица во општина Ѓорче Петров, односно изградба на мега парк кој што ќе биде за сите жители на општина Ѓорче Петров, истакнува Славче Мисајлески, советник во Советот на општина Ѓорче Петров. „Ова е значаен чекор за нашата општина бидејќи просторот од 30.000 метри квадратни кој што беше до скоро дива депонија, сега станува парк, со многу модерни содржи за спорт и рекреација. Со ова скопјани ќе добијат ново место за рекреација. Вредноста на оваа меѓуопштинска соработка изнесува 68.5 милиони денари, при што Град Скопје учествува со 67 милиони денари, а нашата општина со 1,5 милион денари. Продолжуваме да го реализираме она што го ветивме пред граѓаните во предизборието. Во завршна фаза е уредувањето на локалитетот Крст во Кучково при што ѓорчевци и скопјани за многу брзо ќе можат да уживаат во новите содржини. Покрај тоа, во тек е и градежна офанзива со која се врши асфалтирање на над 20 улици во општина Ѓорче Петров, со што жителите ќе добијат соодветни услови за живот. Сето ова го реализираме во првите 8 месеци од нашиот мандат. Во текот на летото продолжуваме со започнување на реализација и на останатите ветени проекти“ – истакна тој.

Арсовски: СДСМ да не го затскрива случајот со убиството во Ново Село, во јавноста се говори дека се вмешани нивни блиски структури

Тале Кристо — Mon, 13 Jun 2022 10:06:24 +0000

Портпаролот на ВМРО-ДПМНЕ Димче Арсовски, на денешната прес-конференција одговараше и на новинарско прашање кое се однесуваше во врска со убиството на младо момче кое се случи во струмичко Ново Село. Арсовски рече дека за жал, во Македонија станало многу нормално да гинат луѓе откако е СДСМ на власт и додаде дека во градот Струмица се говорело и пишувало на социјалните мрежи дека во целиот овој случај биле вмешани структури кои што имаат блиски релации до власта, а нормално, МВР за тоа молчи. - Еве јавно прашуваме, дали во ова убиство се вмешани такви блиски структури до власта. Јавното обвинителство и МВР не треба да молчат, не треба да се обидуваат да прикријат и сокријат било какви докази за убиство за едно недолжно младо момче за кое штотуку почнувал животот и нормално, доколку се вмешани, а сѐ повеќе се говори, се пишува по социјалните мрежи, се зборува низ струмичкиот регион дека се вмешани блиски луѓе до власта, треба најстрого да бидат казнети и нормално сите оние кои што им давале заштита и закрила да сносат одговорност. Не е првпат СДСМ да се обиде да сокрие убиство или докази, или било што поврзано со убиство, така беше и со трагично загинатиот ракометар од Хрватска Тот, така е и сега, но тоа за жал стана пракса на СДСМ. Очекуваме решавање во најбрз можен рок и очекуваме оние кои го извршиле овој грозоморен чин да одговараат, а доколку МВР продолжи да се однесува вака со обид да го затскрие ова дело и овој случај, нормално е да се поднесе оставка од највисоко можно ниво, рече Арсовски.

Починато машко лице пронајдено кај Ново Село

Тале Кристо — Wed, 08 Jun 2022 17:00:30 +0000

На 07.06.2022 во 19.10 часот во СВР Струмица било пријавено дека на место викано „Ореш“, атар на с.Ново Село, било пронајдено починато машко лице. Лекар од Итна медицинска помош констатирал смрт, со знаци на повреди на телото. Увид на местото извршиле увидна екипа и Јавен обвинител, по чија наредба телото е предадено на обдукција. Се преземаат мерки за расчистување на случајот.

Поради сообраќајна несреќа во прекин сообраќајот Ново Село – Струмица

Ивана Ефремовски — Fri, 13 May 2022 13:32:13 +0000

Поради случена сообраќајна несреќа на излезот од село Ново Село кон Струмица сообраќајот е во прекин во двата правца. Како што информираат од Автомото сојузот несреќата се случила во 14:40 часот.

На местото на доскорешната депонија во скопско Ново Село ќе се изгради мега парк

Тале Кристо — Mon, 31 Jan 2022 20:14:22 +0000

Градоначалникот на Ѓорче Петров, Александар Стојкоски во емисијата „Топ тема“ најави дека на местото на доскорeшната депонија во скопско Ново Село ќе биде изграден мега парк. Тој посочи дека веднаш откако дошол на функцијата, започнал со реализација на капиталните проекти. Стојкоски кажа дека на терен има градежни активности, а со дел и дополнително ќе се стартува. - Се трудиме капиталните инвестиции да не трпат. Веќе кажав, ние од сам старт почнавме со реализација на капиталните проекти кои ни беа ветени во програмата. Еден од нив е депонијата во Ново село која е исчистена. Покрај предвидените седум хектари, ние успеавме да исчистиме многу повеќе, околу 11 хектари. Дополнително успеавме да го санираме течението на реката Лепенец. И еве сега сакам да најавам пред јавноста, отпочнуваме со реализација на нов мега парк во Ѓорче Петров, на локацијата на поранешната депонија во Ново село. Дополнително имаме градежни активности, ќе стартуваме со изградба на нова атмосферска канализација, рече Стојкоски. Прашан како ќе се реализираат проектите, а со оглед дека Ѓорче Петров има наследен долг, Стојкоски вели дека има повеќе модули. - Ние не можеме да се ослониме само на средствата од нашиот буџет, бараме и други извори на финансирање. Ги јакнеме капацитетите на Секторот за локален економски развој, бидејќи како општина сме поволни за меѓугранична соработка и веќе тераме проект за изградба на нова пречистителна станица во село Орман. Оваа година ќе аплицираме со нова твининг организација од соседните земји во тој дел. Имаме услови како општина да ги користиме средствата од ИПАРД-компонентата, достапни ни се средства од Светска банка, така што, инфраструктурно ќе се насочиме да бараме средства за долгорочно финансирање од овие институции, додаде Стојкоски.

ДАСКИ СО КАМЕЊА И СНЕГ НАМЕСТО СПОМЕНИЦИ- пропаѓаат куќите во штипско Ново Село каде што се родени македонски научници, војводи, комити и револуционери

Магдалена Андонова — Sun, 30 Jan 2022 11:53:28 +0000

Даски покриени со камења и снег, наместо споменици на една бурна историја. Ова се остатоци од неколку куќи во штипско Ново Село, заштитени со закон што ги изеде времето и негрижата на институциите. Жителите на штипско Ново Село подолго време алармираат дека опасност по нивното здравје се старите куќи, во кои има безброј приказни. Во нив се родени околу 50 македонски познати научници, лекари, војводи, комити, револуционери, но и атентатори. Кога поминувате низ штипско Ново Село секоја куќа, сокаче има своја приказна. Токму оваа куќа стара над 300 години во секој момент може да се урне и да падне во дворот на Ленче Ѓеоргиева. Објектот иако евидентиран како културно наследство е во фаза на распаѓање и сега е само бледа слика на некогашниот сјај. По секоја најава за невреме семејството Ѓеоргиеви стравува за сопствените животи. -Секој момент од невреме може да се урниса и да падне и да ми направа огромна штета. Еве каде ни е кровот. Ќе падне врз него, а и дворот цел ќе се наполни со камења. Видете колку сме блиску! Страшно е да живееме овде, посебно во задниот дел од куќата,ама што да правеме, не можеме ние ништо, вели Ѓеоргиева. Појаснува дека пред три години дел од руинираниот објект се урнал и завршил во дворот и спалната соба. За среќа не биле дома. Неколку пати ја информирале и општината. – Имаме пријавувано повеќе пати. Една власт, друга власт. Ветуваат дека ќе дојдат ќе го решат проблемот, но само празни ветувања.Не советуваа да им кажеме на газдата, ама сега и тој почина. Каде сега да тражеме чаре? Нема каде!, рече Ѓоргиева. Со години се губи сјајот на оваа стара штипска населба. Но, пред еден месец заврши валоризацијата на куќите во Ново Село. Директорот на Заводот за заштита на споменици и Музеј на град-Штип, Митко Штерјов појаснува дека валоризацијата ќе значи заштитата на автентичната староградска архитектира и да се вклопи и во Деталниот урбанистички план(ДУП), како и во Генерален урбанистички план(ГУП). -Така да сите куќи што се заштитени, односно Ново Село е заштитен како целина и сите куќи, целата населба се става под заштита и сите куќи кои со текот на времето ќе се реконструираат, секој објект, што ќе се прави ќе ја има онаа потребна заштита и ќе биде вклопен во урбанистичкиот план, вели Штерјов. Со валоризацијата се знае секоја куќа колку може да чини, до каде може да се изгради, колку може да се реконструира, потоа да се креваат и спратови или како да се заштитуваат фасадите. Немањето пари е причина за пропаѓање на старите куќи. Повеќето од старите куќи во Штип, особено во штипско Ново Село се во приватна сопственост. За реконструкција потребно е самите сопственици да одвојат финансиски средства, но и да изготват проект, што ќе го приложат до Општината. Според нив, причина за состојбата на распаѓање на куќите е и комплицираната постапка. Според директорот на НУ Завод и Музеј, Митко Штерјов, најчесто проблем се финансиските средства. -Таа процедура е многу едноставна. Меѓутоа, пак ќе потенцирам дека тоа се приватни куќи и вообичаено луѓето сакаат да направат нешто повеќе, а не да го зачуваат ликот и процедурата, односно законските регулатива според кои има одредено што сè треба да содржи реконструкцијата на една куќа. Инаку, постапката е многу едноставна. Тие само поднесуваат барање до Управата, а таа се обраќа до НУ Завод и Музеј Штип, каде што ние ги даваме условите и само треба да направат проект за реконструкција. За таа постапка може да поминат неколку денови, најмногу до еден месец. Меѓутоа, главното е тоа што сопствениците треба да направат проект со кој ќе се обратат до Општината. Проблемот е и во средствата, бидејќи тоа се приватни куќи и секој работи врз основа на својот буџет, вели Штерјов. Надлежните од штипскиот Музеј ја следат состојбата на секоја од куќите за да не дојде до нивно рушење врз минувач или возило. Штерјов вели дека во Штип нема ваква ситуација, но во случај да дојде до истата, штетата ќе биде на товар на сопствениците, бидејќи тоа се приватни куќи и обврската за одржување на истите е нивна, според него, општината нема одговорност во такви случаи. -Ако навистина дојде до тоа, тоа е обврска на сопствениците, бидејќи тоа се приватни куќи, а не се под надлежност на државата или на НУ Завод и Музеј Штип. Оној кој ја поседува има и обврска. Ако е споменик на културата, тој како сопственик има обврска врз основа на препораките од Општината. Одговорноста секогаш ќе биде на оној кој е сопственик. Ние како институција може само да даваме насоки, а некогаш сме и преблаги во тој дел, додава Штерјов. НУ Завод и Музеј Штип како надлежна институција со вработени стручни лица може да помогне во изготвувањето на проектот, но иницијативата треба да дојде од сопствениците. Во штипско Ново Село има барем десетина куќи кои веднаш бараат реконструкција, но за нов лик на оваа славна населба ќе треба соработка помеѓу Општината и сопствениците, а и финансиски средства, бидејќи станува збор за поголема инвестиција. Приказната за штипско Ново Село треба да ја продаваат сите институции. Старата штипска населба Ново Село е позната како револционерен центар и по учителствувањето на Ѓорче Петров, Петар Поп-Арсов, Дамјан Груев и Гоце Делчев. Овде на мостото на реката Брегалница е снимен и филмот „Господ постои, името и е Петрунија“ на сестрите Лабина и Теона Митевски. Филмото е инспирирана од 31-годишната Борислава Васкова која го фати крстот на Водици, по што имаше инцидент. Пред овој филм, овде се снимени и сцени од Среќна нова ’49. Македонски филм од 1986 година режиран од Столе Попов. Овој филм се смета за едно од најуспешните македонски филмски остварувања и е единствениот македонски фил покрај „Црно семе“ на Кирил Ценевски, што е избран да биде Југословенски кандидат за Оскар. Но според Штерјов, за да се продаде оваа приказна за Ново Село потребно е да соработуваат повеќе институции. Една институција не може да го направи тоа, но преку заедничка соработка може да се искористи потенцијалот на Штип. -Сакаме да соработуваме со сите институции, бидејќи тоа со такви историски содржини и личности од штипско Ново Село треба да го искористиме. Тоа е бенефит на нашиот град за да можеме да ги пренасочиме и приватните финансиери, државните финансии и меѓународните проекти, да одиме на тоа дека во еден град има толку многу содржини и многу личности коишто придонеле и за развојот на државата. Историски гледано, го имаме првиот епископ, првите премиери. Навистина, Ново Село покрај историскиот аспект, го има и материјалниот амбиент. Се трудиме ние колку можеме во тој дел, но треба една соработка помеѓу сите институции, државните, приватните компании, невладините организации, како и ИПР. Сите заедно треба да се пренасочиме во тој дел, бидејќи не само Ново Село, ние го имаме и Исарот, вели Штерјов. Автентичната македонска куќа има свои особености кои ја карактеризираат. Староградскиот стил од 19 век ги прави посебни и уникатни и како такви зрачат не само во Штип и штипско Ново Село, туку и во другите градови низ државата. Сепак, токму поради специфичните прописи за тоа како треба да изгледа една стара куќа, тешко оди процесот на реконструкција. -Тоа е староградски стил од крајот на 19 век и почетокот на 20 век. Во Ново Село, па и во повеќе градови во државата карактеристиката е таа што во долниот дел се изградени со камен, а горниот дел е со дрво. Има карактеристични сводови, карактеристични прозори, капаци на прозорите. Меѓутоа, тешка е одржливоста на старите куќи, бидејќи токму таа градба ја прави тешка реконструкцијата, појаснува Штерјов. НУ Завод и Музеј Штип има изготвено проект и за целосна реконструкција на тврдината Исар, како и проекти за Саат кулата, Хусамедин Пашина Џамија, локалитетот Баргала и Уметничката галерија Безистен, кои се културни споменици на градот. Сепак, за реализација на истите потребни се финансиски средства. Викторија Димитрова-Јованова за МИА

НЕВРЕМЕ СО ГРАД ГО ЗАФАТИ СТРУМИЧКО НОВО СЕЛО: Невообичаен за овој период од годината, најмногу штета има на автомобилите

Магдалена Андонова — Mon, 06 Dec 2021 18:29:03 +0000

Невреме проследено со град, силен ветер и грмотевици го зафати струмичко Ново Село вечерва околу 18:00 часот. Како што велат очевидци, градот паѓал околу 15 минути. Тие велат дека ваквото невреме е невообичаено за овој период од годината, и тоа сув град. Зрната од градот не биле многу големи, односно најмногу штета нанеле на автомобилите.