ново задолжување – Kurir.mk

ВМРО-ДПМНЕ: Заев најавува ново задолжување од 700 милиони евра, јавниот долг ќе надмине 7 милијарди

Тале Кристо — Wed, 03 Mar 2021 07:46:51 +0000

Владата најавува ново задолжување преку еврообврзница од 700 милиони евра. Овие пари власта ќе ги позајми пред изборите со што се спрема за нов поткуп, се вели во партиското соопштение на ВМРО-ДПМНЕ. Заев со ова задолжување ќе го задолжи секој еден граѓанин со нови 22.000 денари. Со ова вкупниот долг ќе достигне 7 милијарди евра од кои скоро 3 милијарди евра се задолжени во последните 4 години. Владата вели дека кризата поминала, а од друга страна се задолжува без усул. Доколку економијата е стабилна и кризата е помината, тогаш зошто ќе зема ново 700 милиони евра, ако не само за поткуп пред избори? Зоран Заев треба да и објасни на македонската јавност каде ги потроши 2 милијарди евра за кои се задолжи во изминатата година дена, како и каде ќе ги потроши овие 700 милиони евра. Зорам Заев мора да знае дека по промената на власта ќе има детална истрага каде, како и за што биле трошени парите на граѓаните, кои треба да се враќаат во следните 10, 15 или 20 години. Одговорност ќе има, стои во соопштението на ВМРО-ДПМНЕ.

Мицкоски: Се подготвува нова кражба, владата спрема ново задолжување од 700 милиони евра

Тале Кристо — Tue, 02 Mar 2021 11:45:47 +0000

Власта спрема ново задолжување за нова кражба. Нови фрапантни 700 милиони евра е еврообврзницата со која Владата на Заев сака да го задолжи народот, да ја покрие својата неспособност и да ги наполни личните партиски џебови. Претходно нѐ задолжија 2 милијарди евра, и што виде народот од тоа? Ништо. Но и ова нема да им помогне. Народот врие. П.С. Според Владата кризата завршува. Тогаш, зошто ново задолжување. Сега кој краде и кој лаже?, пишува на социјалната мрежа на Фејсбук лидерот на ВМРО-ДПМНЕ Христијан Мицкоски.

На задолжувањата им нема крај, владата планира да се задолжува за нови 42,7 милиони евра

Тале Кристо — Thu, 04 Feb 2021 13:25:54 +0000

Владата планира да се задолжува за нови 42,7 милиони евра. На официјалната страна на Народна банка објавена е аукција на државни хартии од вредност од 42, 7 милиони евра. Ова е едно од низата на задолжувања кои владата планира да ги прави во тековната година. Владата според календарот на емисија на хартии од вредност за 2021 година планира да се задолжува за огромни 366 милиони евра. Така според календарот владата во првиот квартал планира да се задолжи за 227 милиони евра додека во вториот за додатни 139 милиони евра. Експертите сметатат дека ваквото динамично темпо на задолжување кое го прави владата непропратено со исто темпо на вложување во капитални инвестиции е опасно и штето за економијата. Исто така она што е посебно загрижувачки е фактот што Македонија го им до сега најголемот процент на јавен долг и тоа 60.,7 % од БДП што е историски најголем процент на јавен долг од кога постои државата. Инаку владата велеше дека ќе ги намали заолжувањата но тоа не се случи. Економистите предупредуваат дека задолжувањата се повеќе ја носат државата пред банкрот.

Наместо најавените 49 милиони евра, денеска владата не задолжи за 80 милиони евра

Дарко Андоновски — Tue, 14 May 2019 16:36:00 +0000

Владата на Република Македонија денеска ја задолжи државата за нови 80 милиони евра, наместо за 49-те милиони кои беа најавени претходно. На денешната аукција на државни хартии од вредност запишани се 4,9 милијарди денари (80 милиони евра). На аукцијата беа запишани 12-месечни државни записи без девизна клаузула во износ од 2,3 милијарди денари со камата од 0,80%, 5-годишни државни обврзници без девизна клаузула во износ од 1 милијарда денари со камата од 1,70% и 15-годишни државни обврзници без девизна клаузула во износ од 1,6 милијарди денари со камата од 3,20%. Инаку владата претходно најави задолжување од 49 милиони евра, а повлече 80 милиони евра што ќе бидат на грбот на граѓаните во иднина.