новогодишна ноќ – Kurir.mk

Студентски дом во Скопје ДЕМОЛИРАН за време на новогодишната ноќ, еве каква штета е направена (ВИДЕО)

Ивана Ефремовски — Mon, 02 Jan 2023 09:26:26 +0000

Расфрлано стакло, искршени хидранти и керамичка санитарија, е сликата по завчерашното славење во студентскиот дом „Стив Наумов“ во Скопје. На социјалните мрежи беше објавено видео на кое може да се забележи хаосот кој го направиле студентите кои славеле. „Утрото после новогодишната вечер во Стив. Не ги фатив во актот чинителите, но имаше звуци од лупање на хидрантот, кршење на керамичка санитарија, која всушност е новопоставена. И да нагласам, ова сѐ е дело на академски луѓе, кои подоцна треба да се двигатели на нашето општество. Наместо мек снег на првото утро од 2023 да ми крцка под нозе, јас добив крцкање од срчи“, стои во описот на објавеното видео.

Утрото после новогодишната вечер во Стив. Не ги фатив во актот чинителите, но имаше звуци од лупање на хидрантот, кршење на керамичка санитарија, која всушност е новопоставена. И да нагласам, ова сѐ е дело на академски луѓе, кои подоцна треба да се двигатели на нашето општество. pic.twitter.com/ABKmRO1DV5
— Маша (@dzebno_izdanie) January 1, 2023

На новогодишната ноќ: 16 сообраќајни несреќи, 10 кривични дела, 4 тешки кражби…

Ивана Ефремовски — Sun, 01 Jan 2023 11:50:06 +0000

Новогодишната ноќ помина мирно, без поголеми нарушувања на јавниот ред и мир. Им благодарам на сите граѓани кои прославуваа одговорно и придонесоа новогодишната ноќ да мине онака како што апелиравме и посакувавме, изјави министерот за внатрешни работи Оливер Спасовски, на првиот ден од 2023 година, при посетата на Мобилната единица за безбедност на сообраќај на патиштата во Петровец. Тој посочи дека во споредба со минатата новогодишна ноќ, во ноќта што измина имало помалку 30 проценти пријавени настани. -Во текот на ноќта, имаме вкупно 10 кривични дела, од кои четири се тешки кражби, една во обид. Имаме две насилства и две неовластени производство и пуштање во промет наркотични дроги, психотропни супстанции и прекурсори. Две кражби, од кои една, исто така, е во обид. Имаме регистрирани прекршоци од Законот за јавен ред и мир, вкупно 15. Имаме прекршоци од Закон за безбедност на сообраќајот на патиштата, вкупно осум и има 16 сообраќајни несреќи и дополнителни пет други настани кои се пријавени. Ако споредиме со минатата година, тоа е намалување 30 проценти на вкупно пријавени настани, истакна Спасовски. Тој посочи дека најголем број настани биле пријавени во Скопје, потоа следи Охрид. Во другите градови има многу малку пријавени случаи, а во Велес нема ниту една пријава. (МИА)

Си-ен-ен побара од водителите да не пијат алкохол при преносите на новогодишната ноќ

Тале Кристо — Fri, 18 Nov 2022 08:14:21 +0000

Американската телевизиска мрежа Си-ен-ен побара од водителите „да го намалат консумирањето алкохол“ за време на преносот во живо на новогодишната ноќ, објави американскотo списание „Варајети“. Последниве години, Американците се навикнаа да го гледаат водителот Андерсон Купер, на пр., и неговите колеги како пијат алкохолни пијалаци на „Тајмс сквер“ во Њујорк, додека новогодишната прослава е во полн ек. Вакви снимки го поплавија интернет-просторот, во коишто Купер е „пресреќен“, а неговиот колега Енди Коен „се налева“ со текила. А пак, еден од водителите, Дон Лемон, пред неколку години во живо си направи дупче на едното уво изјавувајќи дека може „да му го бакнат з**никот и не му е гајле“. Потоа појасни дека има право да си го каже своето мислење. Новиот претседател на мрежата, Крис Лихт, на неодамнешниот состанок на редакцијата нагласи дека претерувањето со алкохол во преносите во живо му штети на угледот на Си-ен-ен.

Во Ургентниот центар за 24 часа имало 105 пациенти, еве со какви повреди побарале помош

Ивана Ефремовски — Wed, 01 Jan 2020 10:19:40 +0000

Директорот на Ургентниот клинички центар д-р Алберт Леши изјави дека во текот на изминатите 24 часа на Ургентен биле прегледани 105 пациенти. Од нив, 13 се примени на Хируршките клиники, шест биле со повреди во сообраќајни незгоди, тројца пациенти со повреди од пиротехнички направи и еден пациент бил донесен од Градската општа болница „8 Септември“ со повреди од остар предмет. Одговарајќи на новинарско прашање, д-р Леши рече дека меѓу повредените пациенти има од сите возрасти. Тој додаде дека во споредба со претходната година бројот на примените пациенти е многу помнал. За пациентот кој бил донесен од ГОБ „8 Септември“ во Ургентниот центар околу 18 часот во алкохолизирана состојба, д-р Леши рече дека бил повреден од остар предмет во семејна расправија. (МИА)

Близнаците Тео и Тони новата година ја дочекаа во темница, со скромни желби (ВИДЕО)

Ивана Ефремовски — Mon, 01 Jan 2018 13:14:53 +0000

Дочекот на новата година и испраќање на старата за многумина беше повторно најлудата ноќ во годината. Но за семејството Зафировски оваа вечер беше уште една во низата поминати без струја и во тишина. Сторијата за нив денес ја пренесува порталот А1Он Близнаците Тео и Тони заедно со своите баба и дедо новата година ја пречекаа на скромна трпеза со желба и надеж дека во годината која следува работите за нив ќе се променат и тешката состојба во која се наоѓаат ќе биде надмината. – Изминатата година беше добра, оваа новата нека биде подобра, посака бабата на Тео и Тони. Благодарение на хуманите граѓани Тео и Тони за новогодишната ноќ добија месо на скара, а нивната баба подготви руска салата, сарма и погача на стариот шпорет на дрва. За останатите граѓани оваа трпеза на семејството Зафировски е скромна, но за нив, како што вели бабата Станка, тоа е најобилната вечера која некогаш ја имале при што по којзнае по кој пат се заблагодари на сите хумани граѓани кои им испратија храна, топла облека и дрва за огрев. – Баба и дедо да бидат здрави, беше желбата на близнаците за Новата година. Целата сторија прочитајте ја на А1ОН

Новогодишната ноќ во скопските болници: Малолетници на Токсикологија, 65 лица на Хирургија, 4 од нив на итна операција

Ивана Ефремовски — Mon, 01 Jan 2018 11:22:30 +0000

Релативно мирна новогодишна ноќ имале дежурните екипи во болниците во Скопје. Најмладиот којшто побарал помош на Клиниката за токсикологија има 16 години, а за разлика од изминатите години немало пациенти предозирани со психотропни супстанци. На Клиниката за токсикологија при Клиничкиот центар „Мајка Тереза“ во текот на новогодишната ноќ примени се 27 пациенти од кои најмладиот има 16 години, а најстариот 48 години. - Главно се работеше за група на пациенти меѓу 20 и 25 години и посебно сме задоволни и среќни што после многу години немавме предозирани со психоактивни супстанци, изјави утринава директорот на Клиниката за токсикологија Нико Беќаровски. Според првичните резултати од новата токсиколошка лабораторија на Клиниката, пациентите немале над два промили алкохол во крвта. Во Универзитетската клиника по хируршки болести „Св. Наум Охридски“ во текот на изминатите 24 часа лекарска помош побарале 65 пациенти од кои петмина се хоспитализирани, а четири се оперирани. - Ниеден од лицата кои се хоспитализирани и оперирани не е примен и лекуван како последица од повреди поврзани со пречекот на Новата Година. Амбулантски се примени четири пациенти со помали повреди од пиротехнички средства и пуштени се на домашно лекување. Во текот на ноќта примени се и двајца пациенти со огнострелни повреди но, за среќа се работи за лесни површни повреди во пределот на вратот од залутани куршуми. Тие се амбулантски згрижени и немало потреба да се хоспитализираат, изјави директорот на Клиниката Иван Спировски. Во Градската општа болница „8 септември“ прегледани се 96 пациенти што, според доктор Јасмин Циривири, е вообичаен број за овој период од годината. - Четворица се пациенти со поблага форма на алкохолна интоксикација и неколку пациенти се повредени во меѓусебни тепачки. Пациенти со повреди од експлозивни направи и петарди немаше, информира доктор Циривири.

Снегот доаѓа во 2018: Еве какво време не очекува за Новогодишната ноќ

Дарко Андоновски — Sun, 31 Dec 2017 08:08:17 +0000

Минималната температура ќе се спушти до минус шест степени, а максималната ќе достигне до 12 степени. Во Скопје слично време. Минималната температура ќе се спушти до минус три, а максималната ќе достигне осум степени. За време на Новогодишната ноќ времето ќе биде стабилно и суво. До понеделник утрата ќе бидат студени, а дневните температури во благ пораст, а во одделни котлини ќе има услови за појава на утринска магла. Од понеделник попладне облачноста ќе се зголемува, а во вторник ќе има повремени врнежи од дожд проследени со засилен јужен ветер. На повисоките планини врнежите ќе бидат од снег.

Како да организирате одлична новогодишна домашна забава?

Ивона Петрова — Mon, 25 Dec 2017 13:35:28 +0000

Новогодишната прослава треба да биде без никакви оптеретувања и секако забавно собирање. Доколку прославата за оваа Нова година ќе биде во вашиот дом, голем дел од подготовките се оставени на вас, но во продолжение може да прочитате 7 совети како да подготвите одлична забава без многу губење на време. 1.БАЛОНИ Неизоставен дел од секоја забава се балоните. Па така и новогодишната прослава без балони полни со хелуим не би била полн погодок. 2.СИЈАЛИЧКИ Нив ги сакаме секоја година, секој месец, секој ден. Едноставно тие создаваат посебна атмосфера. За забавата употребете ги на поинаков начин. Купете сијалички на батерии, ставете ги во шише или вазна и ќе добиете прекрасна декорација. 3.ДРУШТВЕНИ ИГРИ Обезбедете за гостите друштвени игри со кои ќе се забавуваат цела вечер. Изработете своја, напишете на картички предизвици кои гостите мора да ги исполнат. На пример некој да носи црвена облека. 4.ДИСКО ТОПКА Ако просторијата е премала за цела диско топка, наместо неа купете пластични топки и со пиштол за лепак залепете парчиња стакло по нив. закачете ги сите на едно јаже и декорирајте го просторот. 5.АНАНАС КАКО УКРАС Ананасот е симбол за гостопримство. Ако не успеете да ја купите популарната „rose gold“ фигура од ананас, купете вистински и испрскајте го со златен спреј. 6.ПЕРСОНАЛИЗИРАНИ ЧАШИ Се уште имате време да направите персонализирана чаша за секој гостин. Не само што секој ќе знае која е неговата чаша, туку гостите ќе имаат прекрасен спомен од Новата година кој ќе може да го однесат дома. 7.СВЕЌИ Освен со сијалички, украсете го станот со свеќи. Може да ги ставете со метални кантички или чинии кои ќе ги декорирате со светки.