новогодишно украсување – Kurir.mk

Започна украсувањето на Скопје без потрошен денар од скопјани

Предраг Кукиќ — Wed, 15 Dec 2021 22:49:32 +0000

Од вечерва започнува украсувањето на главниот град кое ќе продолжи и во наредните денови. Новата градоначалничка Данела Арсовска докажа дека може поинаку и дека и без недомаќинско трошење на парите на граѓаните, Скопје може да заличи на метропола каква што заслужуваат скопјани. Очигледно не биле потребни ниту милионски суми, ниту тендери туку само малку добра волја. Да се потсетиме дека претходниот градоначалник Петре Шилегов пред своето заминување одобри тендер вреден 250 илјади евра за украсување на главниот град кој новата градоначалничка го поништи. Скопје сега се украсува за беспари преку донација, што значи дека за новогодишниот изглед на градот нема да биде потрошен ниту денар.

На овој луксуз ќе му позавиди и Цеца: Домот на семејството Родиќ накитено со најскапите новогодишни украси, елката буквално е до таванот (ФОТО)

Дарко Андоновски — Fri, 03 Dec 2021 08:34:18 +0000

Семејството Родиќ е подготвено за претстојните новогодишни и божиќни празници, а најстарата сестра Наташа Родиќ преку социјалните мрежи покажа како го декорирала нивниот дом како од бајките. Судејќи по фотографиите на нејзиниот Инстаграм профил секое ќоше во домот во Тител буквално е украсено во новогодишен амбиент. Елката е дополнително украсена со цветови и плишани мечиња, а српските медиуми пишуваат дека таа не се штедела воопшто издвојувајќи пари за оваа пригода. Таа покажа и како свети целиот дом кога ќе се изгасне светлото, а топлиот амбиент буквално секој го посакува во својот дом, погледнете:

НЕМА НОВОГОДИШНО УКРАСУВАЊЕ: Поради енергетската криза Град Скопје бара раскинување на договорот

Ивона Петрова — Wed, 10 Nov 2021 12:47:22 +0000

Соочени со енергетската криза која е во тек, а имајќи во предвид дека државата набавува електрична енергија со драстично повисока цена, како и во согласност со владината одлука за прогласена кризна состојба во енергетскиот сектор, сакаме да ја информираме јавноста дека Град Скопје побара раскинување на договорот со Линк медиа плус дооел за новогодишно украсување на градот во вредност од 14.986.000 денари односно 243.000 евра, информираат денеска од Град Скопје. Оттаму додаваат дека следната година наместо досегашната практика на ненаменско трошење на парите на граѓаните и ангажирање на компанија за украсување, Град Скопје ќе набави украси кои ќе бидат сопственост на Градот со што ќе се заштедат значителни средства од градскиот буџет кои досега секоја година се трошеле за еднократен годишен закуп на овие украси. Ова, велат од Град Скопје, е само прв пример за воспоставување нова пракса на одговорно и транспарентно работење на Градот, со што, потенцираат, ќе се стави крај на неодговорното работење и трошење на градските буџетски средства.

Град Скопје склучи договор за новогодишно украсување – еве колку ќе чини

Дарко Андоновски — Tue, 09 Nov 2021 12:11:18 +0000

Град Скопје склучи договор за новогодишно украсување на градот. Договорот бил потпишан од поранешниот градоначалник Петре Шилегов со компанијата „Линк медиа плус“, која била единствената компанија која доставила понуда на јавниот повик кој беше објавен во септември. Украсувањето ќе чини околу 243.000 евра. „Украсување предвидува поставување централна новогодишна елка на Плоштадот Македонија и украсување на неколку други локации и улици. Украсувањето треба да е во духот на модерното време и живеење, со високи естетски, уметнички и ликовни ефекти, запазувајќи при тоа унифициран концепт на целиот простор. Новогодишното украсувањето треба да биде завршено до 20 ноември“, стои во договорот објавен на Бирото за јавни набавки.

Битола и Охрид добија сериозна конкуренција: Елката во Струга е на кружен тек,а на врвот наместо ѕвезда, бандера и Неготино е во игра! (ФОТО)

Дарко Андоновски — Sat, 12 Dec 2020 14:01:50 +0000

Реакциите во јавноста речиси никако да престанат поради тоа што власта без срам и перде им го нуди на граѓаните. Речиси два дена Охрид и Битола се на мета на јавна критика за тоа како милионските тендери ги потрошија за срамното украсување на градовите, наместо парите да се искористат за помош во борбата со КОВИД-19. Граѓаните постојано споделуваат фотографии од нивните градови, а сега Битола и Охрид добија сериозна конкуренција од Струга и Неготино. По ова коментарите на социјалните мрежи се едногласни: „гледам како се украсени градовите и стварно ми е мило што одлучија парите наместо во болници или нешто да ги вложат во украсување. Вреди.“

БИТОЛА НЕ ГО ДАВА ТРОНОТ: Откако им посака ЗДРАВјЕ на сите, сега општината се посрамоти со уште еден новогодишен декор (ХИТ ФОТО)

Дарко Андоновски — Sat, 12 Dec 2020 12:47:49 +0000

Општина Битола веќе два дена е на мета на критика и мајтапење од целата земја, по направениот срамен гаф со новогодишното украсување на градот. Откако тие експресно го изгаснаа новогодишниот декор „ЗДРАВјЕ“ вчера се појави нова фотографија од декорот кој го краси центарот на градот. Станува збор за имитација на новогодишна елка, која е срамна за гледање, коментираат граѓаните на социјалните мрежи. Тие додаваат дека ова е доказ за што биле дадени милионските тендери на градоначалничката и општината, наместо парите да се пренасочат за болните од КОВИД-19.

Отец Оливер со молба до Шилегов: Ако се сака може со дел од средствата за новогодишно украсување да се спаси животот на Елизабета

Ивона Петрова — Tue, 01 Dec 2020 09:24:44 +0000

Скопскиот градоначалник Петре Шилегов не отстапува од новогодишното украсување на главниот град, иако голем број граѓани бараа истото да се откаже или барем поголем дел од планираните 200.000 евра да се пренаменат на помош и донација на граѓаните. Еден од многубројните апели пристигна и од отецот Оливер Петровски. -Почитуван Петре Шилегoв, татко на нашиот главен град. Внимателно ја прочитав Вашата изјава за новогодишното украсување на Скопје и делумно се согласувам со Вас. Но... Зар не може БАРЕМ да се намалат средствата за украсување и дел од тие средства да се употребат за да се нахранат гладните, да се платат сметки на социјално загрозените категории, да се плати лекување и спаси живот? Сведоци сме на илјадниците апели кои кружат низ социјалните мрежи. Една од нив е и мајка на две МАЛИ дечиња која моли за лекување и спас на нејзиниот живот за само 37.000 евра... Зар не може да се намали украсувањето за таа сума и на нејзините деца да не им се ускрати детството и радоста? Може, ако се сака.. Ве замолувам како родител, како хуманист и како човек: помогнете да го спасиме животот на Елизабета. Бог да ве благослови!!!, пишува Отец Оливер.

Советничка група на ВМРО ДПМНЕ град Скопје: За диносаурси и лампиони Шилегов троши над пола милион евра, а ниту денар за борбата против корона

Магдалена Андонова — Sun, 15 Nov 2020 08:37:29 +0000

Фрапантни се податоците дека за пластични диносаурси и украсување со лампиони Шилегов ќе потроши вкупно 525 илјади евра, во исто време кога не дава ниту денар за борбата против корона. Новите пластични диносаурси кој ги набави Шилегов за Золошката градина градот Скопје го чинат 325 илјади евра, дополнително Шилегов ќе потроши 200 илјади евра за лампиони, светилки и новогодишно улрасување на градот, стои во соопштението на Советничката група на ВМРО-ДПМНЕ во град Скопје. - Со вкупно 525 илјади евра можеше Шилегов да купи најмалку 15 возила за итна медицинска помош, да се изградат неколку монтажни ковид центри, да се купат 1000 лап топ компјутери за дечиња кои не може да ја следат он лајн наставата која се организира поради заштита од короната, велат тие. - Шилегов даде предност на лампиони и диносаурси наместо на набавка на болнички возила, монтажни болници, лап топ компјутери за учениците кои ги немаат. Лудило е да се трошат пари за лампиони, а да нема за средства за спас на животи и помош на граѓаните. На Скопје му треба градоначалник работник, а не лампион градоначалник, посочуваат од советничката група.

Попова: Жално е што Шилегов одби да се пренаменат 200 илјади евра наместо за украсување во борба против КОВИД, така ќе се спасеа животи

Магдалена Андонова — Tue, 10 Nov 2020 13:09:32 +0000

Дрско и неодговорно е расипништвото на скопскиот градоначалник Петре Шилегов кој во период на најголема светска здравствена и економска криза троши 200 илјади евра за сијалички, лампиони и останати реквизити за новогодишно украсување. Шилегов има пари за лампиони, но болниците немаат возила за итна медицинска помош. Шилегов троши 200 илјади евра за сијалички и украси, а учениците немаат компјутери за да следат он-лајн настава, изјави Ирена Попова, советничка во Советот на Град Скопје на денешната прес конференција. - Градот се расфрла со пари, додека луѓе секојдневно умираат молејќи за донаторска помош, бидејќи државното здравство е во распаѓање. Советничката група на ВМРО-ДПМНЕ и коалицијата во градот Скопје поднесе иницијатива за пренамена на средствата за украсување на градот. Еве го тој предлог, кој Шилегов и мнозинството на СДСМ го отфрлија, вели таа. Попова тврди дека СДСМ отфрлиле да помогнат во корона кризата, за Шилегов да тера забави и украсување за Нова година, што е врв на недомаќинско и раскалашено однесување, со овие пари ќе се спасеа животи. - Затоа Советничката група на ВМРО-ДПМНЕ во градот апелира градоначалникот Шилегов да изнајде правен механизам и овие средства наместо за украсување да се искористат за помош во борбата против корона кризата. Tоа што за само три години од страна на Петре Шилегов се потрошени 740 илјади евра за украсување и фактот што градоначалникот останува нем на нашите повици за пренамена на овогодинешните средства, укажува на тоа дека постои оправдан сомнеж за заштита на одредени бизнис интереси. Очигледно и украсувањето за Шилегов е бизнис. На Скопје му треба градоначалник, а не шминкер, истакнаа таа.

ЗЗРП: Парите за новогодишно украсување да се пренеманет за инвестиции во здравството

Ивана Ефремовски — Sun, 08 Nov 2020 10:04:48 +0000

Во ситуација кога голем дел од јавните здравствени институции работат без основните средства неопходни за нормално пружење на здравствена заштита, а друга страна коронавирусот секојдневно зема загрижувачки број животи, бараме и инститираме градот Скопје и сите други поголеми градови и општини, средствата кои во буџетот ги намениле за новогодишно украсување да ги пренаменат и да ги инвестираат во опрема за јавните здравствени установи, велат од Здружението за заштита на работничките права (ЗЗРП). -Трошење на средства за новогодишни декорации во услови на пандемија и здравствена криза е непотребно. Анализите покажуваат дека секојдневно губиме млади животи како резултат на несоодветна здравствена грижа и недоволно опрема во јавните здравствени установи. Бараме итно локалната самоуправа да ги стопира сите постапки за јавна набавка и средствата веднаш да бидат пренаменети за здравството, се наведува во соопштението. Во него се додава дека според пресметките, со средства кои градот Скопје планира да ги потроши на новогодишни декорации, може да се набават околу 20 болнички возила кои решаваат сериозен и значаен проблем во здравството. -Потребна е итна акција и делување веднаш. Ги повикуваме членовите на локалните општински совети на првата наредна седница да го постават ова прашање како тема за одлучување и уште веднаш да донесат одлука за пренамена на овие средства, порачуваат од ЗЗРП, а Владата и ресорните министерства ги повикуваат да ги преземат сите законски можности со цел спречување на, како што велат, непотребно трошење на средства.