новозаболени – Kurir.mk

ИЗЈ: Минатата недела раст на бројот на новозаболени од Ковид-19 за 0,9 отсто

Магдалена Андонова — Tue, 22 Mar 2022 08:55:00 +0000

Во периодот од 14 до 20 март тестирани се вкупно 15.577 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со зголемување од 2,1 отсто во однос на минатата недела. Регистрирани се 1.834 нови позитивни случаи од 32 градови во државата, со зголемување од 0,9 отсто во однос на минатата недела (n=1.818). Процентот на позитивност се движи од 6,6 отсто до 14,2 отсто, просечно 11,4 отсто, се наведува во неделниот извештај објавен на веб страницата на Институтот за јавно здравје. Најголем дел од регистрираните случаи се од Скопје (n=1.076; 58,7 отсто), а највисока неделна инциденца е регистрирана во Кавадарци – 198,2/100.000 и Скопје – 169,6/100.000. Регистрирани се заболени лица во сите возрасни групи. Најзастапена е возрасната група на лица на возраст над 60 години (n=451; 24,6 отсто). Најмал број е регистриран кај возрасната група до девет години (n=62; 3,4 отсто) . Во однос на претходната недела, се регистрира зголемување на бројот на заболени кај лицата на возраст до 49 години, со најзабележително зголемување од 19,5 отсто во возрасната група од 40 до 49 години и 14,5 отсто во возрасната група од 20 до 29 години. Кај возрасните групи над 50 години се забележува намалување во споредба со минатата недела, 12,3 отсто помалку кај лицата на возраст од 50 до 59 и 10,7 отсто кај лицата над 60 години. Во текот на минатата недела со статус „оздравени“ се стекнале 1.772 лица во хоспитализирани услови или на домашно лекување, 26,2 отсто помалку споредено со минатата недела (n=2.400). Во текот на минатата недела вкупно се пријавени 309 реинфекции, со зголемување од 15,7 отсто во однос на претходната недела. Пријавени се 15 смртни случаи во 9 градови со датум на смрт во текот на изминатата недела (14 до 20 март), за 55,9 отсто помалку во однос на претходната недела (n=34). Најголем дел од нив се од Скопје (4). Во однос на возраста, регистрирани се 13 починати од возрасната група над 60 години и по еден починат од возрасната група од 40 до 49 години и 50 до 59 години, се вели во извештајот на Институтот за јавно здравје.

СЗО пријави глобален пад на нови случаи на заболени од Ковид-19

Тале Кристо — Thu, 23 Sep 2021 07:42:57 +0000

Светската здравствена организација (СЗО) соопшти дека бројот на нови случаи на Ковид-19 продолжил да опаѓа минатата седмица. Во светот се пријавени 3,6 милиони нови случаи во однос на четирите милиони новозаразени од претходната седмица. Минатоседмичниот пад на заразени го означи и првиот значаен пад во повеќе од два месеци, со опадната бројка на заразени од Ковид-19 во целиот свет. Здравствената агенција УН соопштила дека во минатата седмица починале нешто помалку од 60.000 луѓе, што е пад од седум отсто. Рекле дека југоисточна Азија пријавила намалена смртност од Ковид-19 за 30%, а регионот на Западниот Пацифик за зголемување од 7%. Најмногу случаи на коронавирус се забележани во САД, Индија, Велика Британија, Турција и Филипините. СЗО соопшти дека делта сојот кој брзо се шири е пријавен во 185 земји и е присутен во секој дел од светот. Организацијата исто така ја ревидирала својата листа на “варијанта од интерес”. Таа листа содржи список на варијанти кои потенцијално би можеле да предизвикаат голема епидемија. СЗО наведува дека ги следи ламбда и му варијантите, кои настанале во Латинска Америка, но сѐ уште не предизвикале раширена епидемија. СЗО претходно соопшти дека во сите земји делта варијантата стана доминантен сој.

Над 9.000 активни случаи: Починаа 24 лица, Тетово бележи најлоши 24 часа во пандемијата

Ивона Петрова — Sat, 21 Aug 2021 08:04:20 +0000

Вчера се регистрирани 1.074 нови случаи со Ковид-19 од 7.571 тестирање, 24 пациенти починале. Регистрирани се и 291 оздравен. Ковид центарот во Тетово евидентира најлоши 24 часа во текот на пандемијата со најмногу – девет починати и 18 хоспитализирани, а поради сериозни компликации од повеќе хронични болести пациенти со коронавирус биле однесени и во Скопје. Вкупната бројка на ковиддијагностицирани лица во нашата земја од почетокот на епидемијата изнесува 166.741, на оздравени пациенти е 151.692, на починати е 5.632, а бројот на активни случаи изнесува 9.417. Според податоците на Министерството за здравство вакцинирани се вкупно 638 428 граѓани, а ревакцинирани 495 803, односно аплицирани се вкупно 1 134 231 дози вакцини. Прва доза завчера примиле 13 275, а вкупно се вакцинирале 17 623 граѓани. Со последните бројки, барем една доза вакцина примиле 70 отсто од населението над 70 години, 67 проценти од луѓето над 65 години, 63 отсто од тие што се повозрасни од 60 години и 53 отсто од населението над 50 години. Министерството за здравство апелира на масовно вакцинирање за да се спречи тешка форма на болеста и да се намали ризикот од заболување, како и смртен исход. Потсетува дека за вакцинирање не е потребно закажување кое важи само за малолетници од 12 до 17 години кои треба да бидат пријавени за термин на веб-страницата vakcinacija.mk. Министерот за здравство Венко Филипче вчера во интервју рече дека имунитетот од вакцината штити многу повеќе од прележана болест. -Препораките кои ги коминицирам во јавноста преку алатките на Министерството за здравство се должат на препораките на сознанијата на стручни лица, а тоа се имунолози кои што работат со вакцина, фармаколози, професори на фармацевскиот факултет и од тука се препораките. Има една студија која што вели дека оние кои се вакцинирани можат да заболат со ризик од 0,07 проценти, а 1,2 отсто од прележаните можат да заболат. Што значи дека кај нив е поголем ризикот и од тука таа препорака за што кратко време од прележувањето, а тоа е после месец дена и дополнителни две недели да се организира севкупниот процес е нешто што на граѓаните допонително им го штити здравјето, појасни Филипче. Сите сериозни студии на големи испитаници, појасни министерот, одат во насока на тоа и дека што порано вакцина, дополнително го штити здравјето. Според двонеделната анализа на Министерството за здравство на територијата на државата, од позитивните на КОВИД, 1507 биле целосно вакцинирани (со две дози) или само 15 проценти. -Голем е бројот на невакцинирани граѓани кои се заразиле со КОВИД. Според двонеделната статистика, 8374 граѓани од позитивните не биле вакцинирани. Процентот на хоспитализирани лица кои се невакцинирани изнесува 91, додека само девет отсто од сите 724 моментно хоспитализирани пациенти се целосно вакцинирани. Смртноста кај невакцинираните е драстично поголема, покажува анализата. Во период од две седмици на територија на државата починало 101 лице, 92 пациента од починатите не биле вакцинирани, а само девет лица, односно осум проценти, примиле вакцина. Според анализите, починатите имале повеќе хронични заболувања, наведува Министерството. Заразените и починатите се вакцинирани со вакцини што ги има на располагање кај нас, како и вакцини Модерна и Џонсон и Џонсон, кои некои од пациентите ги примиле во странство. -Секоја вакцина што ја имаме на располагање е безбедна, ја намалува шансата од заболување, спречува тешка форма на болеста и штити од смртен исход. Апелираме граѓаните да се вакцинираат, само така ќе дојдеме до колективен имунитет и ќе спречиме ширење на мутации на СарсКов2, истакнува МЗ. Во анализата за вакцинирани се сметаат лицата вакцинирани со две дози, кои поминале најмалку 14 дена од примање на втора доза.

БОЛНИЦИТЕ ПОЛНИ: Се зголемува бројот на новозаболени и починати лица, активни близу 7.000 случаи

Ивона Петрова — Wed, 18 Aug 2021 06:32:45 +0000

Во земјата деновиве постојано се зголемува бројот на заболени и починати од Ковид-19. Така, вчера се регистрирани нови 999 случаи, починати се 14, а оздравеле 184 пациенти. Според последната статистика, од направени 7.245 тестирањa регистрирани се 999 нови случаи на Ковид-19, 14 починати и 184 оздравени пациенти. Од 999 нови случаи во Скопје има 325 регистрирани, во Тетово – 184, Гостивар – 132, Куманово – 79, Кичево – 50, Струмица – 42, Струга – 33, Охрид – 20, Битола, Кочани и Берово – по 15, Прилеп – 14, Кавадарци и Ресен – по 10, Штип и Радовиш – по 8, Велес – 7, Делчево и Валандово – по 6, Кратово и Македонски Брод – по 5, Дебар – 4, Крива Паланка и Демир Хисар – по 2, Гевгелија и Свети Николе – по 1. Пријавени се 14 починати лица и тоа по пет починати лица од Скопје (59г,74г,77г,79г и 84г) и Тетово (61г,64г,75г,76г и 78г), две лица од Гостивар (57г и 58г) и по едно лице од Куманово (80г) и Кичево (57г). Еден од пријавените е починат во домашни услови, а другите се починати во болнички услови. Регистрирани сe 184 оздравени пациенти од: Скопје – 72, Гостивар – 24, Тетово – 20, Куманово – 19, Кичево – 13,Битола – 7, Струмица – 6, Дебар – 5, Кочани и Кавадарци – по 4, Прилеп и Валандово – по 3, Радовиш – 2, Велелс и Свети Николе – по 1. Досега во земјата се направени вкупно 1.073.017 тестирања на Ковид-19. Вкупната бројка на дијагностицирани лица во нашата земја од почетокот на епидемијата изнесува 163.452 бројката на оздравени пациенти е 151.144, на починати е 5.574, а бројот на активни случаи изнесува 6.734. Според епидемиолошки анализи моментно најмногу активни случаи има во Скопје 2246, во Тетово 1330, во Гостивар 927, во Куманово 422, во Кичево 366, во Струга 164 и во Дебар 122. Министерството за здравство повторно потенцира дека вакцинацијата е единствен начин да постигнеме колективен имунитет, мерките кои се практикуваат не се никаква дискриминација, туку се неопходни за да се заштити јавното здравје. На вакцинираните граѓани на располагање им се ставени повеќе опции со кои може лесно да стигнат до документ дека се вакцинирани. Потврдата за прележан Ковид 19, може да ја извадат единствено граѓани кои се заведени во Институтот за јавно здравје дека биле заразени со вирусот, а потврди освен на vakcinacija.mk, може да извадат и кај својот матичен лекар. Националниот сертификат за вакцинација, исто така може да го извадат од сопствениот профил на веб страницата vakcinacija.mk, а сличен е принципот и за вадење на CommonPass, за кој има и мобилна апликација, а со која исто така може да влезат во објектите опфатени со мерките, информираат од Министерството и ги повикуваат граѓаните да се вакцинираат. Болниците и ковид-центрите во неколку градови во земјата, каде се регистрирани најмногу заболени од Ковид-19, се полнат со заболени пациенти. Истовремено во целата земја се зголемува интересот за вакцинација против Ковид-19.

Расте бројот на новозаразени со Ковид-19

Ивона Петрова — Thu, 05 Aug 2021 05:12:13 +0000

Во земјава расте бројот на заразени со Ковид-19. Во текот на вчерашниот ден се регистрирани 164 нови случаи со Ковид-19, од направени 5.276 тестирања. Последен пат трицифрена бројка на нови случаи на инфицирани со коронавирусот беше регистрирана кон средината на мај. Најголем дел од новите случаи се во Тетово и тоа 60, Скопје 34, Гостивар 21, Куманово и Битола по осум… Регистрирани сe 18 оздравени пациенти и три починати лица во болнички услови. Бројот на активни случаи изнесува 770, од кои нјамногу се во Тетово 229, по што следи Скопје со 221, Куманово 72, Гостивар 68, Битола 34, Струмица 21… Според последниот извештај на Министерството за здравство, неколку општини се без активни случаи на Ковид-19. Тоа се: Дојран, Македонска Каменица, Македонски Брод, Кратово, Демир Капија, Демир Хисар, Крушево, Богданци, Пробиштип, Виница, Крива Паланка, Ресен и Неготино. За граѓаните од вчера е достапна апликацијата за CommonPass сертификат за патување во странство. CommonPass е унифициран дигитален сертификат кој се презема од апликација од Google Play Store/App Store, со кој се потврдува вакциналниот статус на секој граѓанин. Со овој сертификат во моментот може да се патува најчесто во САД и Канада, каде се користи најмногу. Покрај патувањето и доказ за вакцинација, со CommoPass граѓаните во овие земји можат непречено да се движат и функционираат во услови кога има одредени рестрикции и забрани за невакцинираните. Од ресорното Министерство посочуваат дека за преземање на овој сертификат граѓаните треба да се најават на веб-страницата vakcinacija.mk , во својот личен профил можат да го најдете нациналниот сертификат издаден од Министерството за здравство со QR код за примена вакцина. Системот потоа дава опција за внесување на број на валидна патна исправа. Откако ќе се внесе бројот на пасошот, се креира автоматски CommonPass, а за да се креира дигитален CommonPass, достапен секогаш на паметен телефон, треба да се преземете мобилната апликација „CommonPass“ oд Google Play Store/App Store. По симнување на апликацијата таа ќе побара да се внесе следниот активациски код: CPNMKD, а потоа апликацијата ќе побара да се скенира QR кодот од CommonPass сертификатот, кој веќе граѓаните го имаат симнато на компјутер. Министерството за здравство им нуди повеќе опции на вакцинираните граѓани за патување во странство, освен националниот сертификат со QR код, сега имаат можност да патуваат во САД и Канада и со CommonPass, а веќе од следната недела ќе биде достапен и Зелениот пасош за патување во ЕУ. Како што укажуваат независно од сите сертификати кои ќе бидат обезбедени за нашите граѓаните, секоја земја согласно епидемиолошката состојба има право да воведе дополнителни рестрикции за влез или движење. Здравствените власти и понатаму апелираат да се почитуваат мерките за заштита од Ковид-19 и граѓаните да се вакцинираат. Досега во земјава се вакцинирани вкупно 519 106 лица. Според податоците од Министерството за здравство, во земјава вкупно се аплицирани 920 442 дози вакцини, а ревакцинирани се 401 336 граѓани. Со последните бројки, барем една доза вакцина имаат примено 64 проценти од населението над 70 години, 62 отсто од лицата над 65 години, 57 проценти од оние над 60 години, како и 45 отсто од жителите над 50 години, информираат од ресорното Министерство. Граѓаните без закажан термин се вакцинираат во постоечките вакцинални пунктовите низ државата, а непречено се одвива и процесот на теренска вакцинација со ротации на медицинските екипи во руралните населени места. За закажување за вакцинирање на деца отворен е сајтот vakcinacija.mk. Од почетокот на епидемијата досега во земјата се направени вкупно 994 490 тестирања на Ковид-19. Вкупниот број Ковид-дијагностицирани лица во земјава од почетокот на епидемијата изнесува 156 707, бројот на оздравени пациенти е 150 440, а на починати е 5497. Повеќе од четири милиони луѓе се заразени со Ковид-19 ширум светот во изминатата недела, а повеќе од 64.000 починаа, соопшти вчера Светската здравствена организација (СЗО). – Бројот на нови случаи на инфекција се зголемува повеќе од еден месец. Минатата недела се потврдени повеќе од четири милиони, се вели во неделниот билтен на СЗО. СЗО бара 11,5 милијарди американски долари итни средства за борба против позаразната делта варијанта на коронавирусот. Голем дел од парите што се бараат од партнерите на СЗО се потребни за купување тестови, кислород и маски за лице за посиромашните земји. Директорот на Светска здравствена организација (СЗО) Тедрос Аданом Гебрејесус вчера побара воведување мораториум за дополнителни дози вакцина против Ковид-19, барем до крајот на септември. Според него, ова е неопходно за да може да се вакцинираат најмалку десет проценти од населението со две дози на која било земја во светот, што е и целта на СЗО. – Мораториумот ќе овозможи да се испратат повеќе вакцини во земјите со ниски приходи каде има недостиг од нив. Треба да се фокусираме на луѓето кои се најранливи и најмногу изложени на ризик од сериозни болести или смрт, тие треба да ја добијат првата и втората доза, истакна Гебрејесус. Францускиот претседател Емануел Макрон најави дополнителни 100 милиони евра итна помош за Либан и 500.000 дози вакцини против Ковид-19 за таа земја. Австрискиот министер за образование Хајнц Фасман вчера, пак, го претстави планот за безбеден почеток на новата учебна година и покрај пандемијата со Ковид-19. Стратегијата вклучува „систем за рано предупредување“, проширена стратегија за тестирање, вакцинирање и купување прочистувачи на воздух. Поради сложената епидемилошка ситуација и високите стапки на морбидитет на 100.000 луѓе пријавени во последните 14 дена во земји блиски до Бугарија, бугарското Министерство за здравство им препорачува на своите граѓани да се воздржат од непотребни патувања во Грција, Кипар и Турција. И во Косово има зголемен е бројот на заразени со Ковид-19. Од извршени 3.160 тестирања со методот РТ-ПЦР, како заразени се потврдени 221 лице, што е највисока бројка на новозаболени од Ковид-19 уште од крајот на април годинава.

ГОЛЕМ РАСТ: 164 новозаболени од коронавирус, починаа три лица

Ивона Петрова — Wed, 04 Aug 2021 12:42:16 +0000

Министерството за здравство информира, согласно податоците од Институтот за јавно здравје во последните 24 часа се направени 5.276 тестирања, а регистрирани се 164 нови случаи на КОВИД-19. Тетово – 60, Скопје – 34, Гостивар – 21, Куманово и Битола – по 8, Струмица, Кичево и Дебар – по 5, Штип и Кочани – по 4, Прилеп и Струга – по 3, Берово – 2, Охрид и Пехчево – по 1. Регистрирани сe 18 оздравени пациенти од: Скопје – 7, Тетово – 6, Куманово – 4, Кичево – 1. Пријавени се три починати лица : две лица од Гостивар (68г и 86г) и едно лице од Скопје (82г), починати во болнички услови. Направени се 5.276 тестови преку: ИЈЗ-163, ЦЈЗ Скопје-37, ЦЈЗ Битола-72, ЦЈЗ Прилеп-32, ЦЈЗ Тетово–43, ЦЈЗ Куманово–58, Клиника за инфективни болести и фебрилни состојби-0, Судска медицина-1, лабораторија болница Козле-0, УК Пулмологија со алергологија 0, ГОБ 8-ми Септември-6, Институт за микробиологија–21, Жан Митрев (Филип Втори)-94, Авицена-304, Биотек-203, Систина-108, лабораторија Лаор-677, Синлаб-69, Ремедика-16, Плодност–51, Генеа–2, Никоб лаб-799, ВФВ Медикал-40, Ели Медика-14, ЈЗУ и ПЗУ (рапид тест) – вкупно 2.466. Досега во земјата се направени вкупно 994.490 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 156.707 бројката на оздравени пациенти е 150.440, на починати е 5.497, а бројот на активни случаи изнесува 770.

Бројот на заразени со Ковид-19 се зголемува, најмногу активни случаи во Скопје и Тетово

Ивона Петрова — Fri, 30 Jul 2021 05:10:44 +0000

Во пораст е бројот на заболени од Ковид-19 во државава. Податоците што ги објави вчера Институтот за јавно здравје за претходното деноноќие покажуваат дека при направени 3.764 тестирања се регистрирани 54 нови случаи со Ковид-19, 12 оздравени и нема починати пациенти. Вкупниот број Ковид-дијагностицирани лица во нашата земја од почетокот на епидемијата изнесува 156.225 бројот на оздравени пациенти е 150.333, на починати е 5.491, а на активни случаи изнесува 401 од кои најголем број – 139 се во Скопје и 106 во Тетово… Вакцинацијата се одвива непречено на сите пунктови низ државата, а во тек е и теренска вакцинација, која денеска ќе се одвива во 19 населени места. На вакциналните пунктови во државата и на терен, заклучно со завчера вакцинирани се вкупно 506.033 граѓани. Прва доза вакцина завчера примиле 3.770 граѓани, а завчера вкупно се вакцинирале 14.230 граѓани. Во државата вкупно се аплицирани 878.290 дози вакцини, а ревакцинирани се 372.257 граѓани, соопшти Министерството за здравство. Со последните бројки, како што посочуваат од Министерството, 63 отсто од населението над 70 години имаат примено барем една доза вакцина, 61 отсто од населението над 65 години е вакцинирано со барем една доза вакцина, 56 отсто од населението над 60 години е вакцинирано со барем една доза вакцина и 46 отсто од населението над 50 години е вакцинирано со барем една доза вакцина. Граѓаните без закажан термин се вакцинираат во постоечките вакцинални пунктовите низ државата. Процесот на теренска вакцинација се одвива на територија на цела држава, со ротации на медицински екипи во секое село, рурално населено место, населба. Сајтот vakcinacija.mk е отворен за закажување на термини за вакцинација на децата, информираат од Министерството за здравство и апелираат граѓаните да се вклучат во масовното вакцинирање бидејќи само на овој начин ќе успееме да го победиме вирусот.

СЗО: Зголемување на бројот на новозаболени во светот од 12 проценти за една недела

Ивона Петрова — Wed, 21 Jul 2021 07:01:22 +0000

Над 3,4 милиони случаи на коронавирус и 56.000 починати се регистрирани во светот минатата недела, соопшти Светската здравствена организација во неделниот билтен објавен утринава. Овие бројки значат зголемување од 12 проценти во однос на минатата недела. -Вкупниот број на нови случаи за периодот меѓу 12 и 18 јули е 3,4 милиони што е зголемување од 12 проценти во однос на минатата недела, велат од СЗО. Починати се 56.000 лица, што претставува зголемување од еден процент во однос на претходната недела. Директорот на СЗО вели дека со вакцинирање на 70 проценти од популацијата во секоја земја од светот ќе се овозможи не само да се запре пандемијата, туку и да се покрене глобалната економија. -Во соработка со шефовите на Меѓународниот монетарен фонд, Светската банка и Светската организација за трговија, повикав на голема глобална акција за до септември да се вакцинираат најмалку 10 проценти од популацијата во секоја земја, најмалку 40% до крајот на оваа година и 70 отсто до средината на 2022 година, изјавил Тедрос Аданом Гебрејесус.

Раст кај бројот на новозаболени: Потврдени 21 случај, почина едно лице

Ивона Петрова — Tue, 20 Jul 2021 11:45:27 +0000

Министерството за здравство информира дека согласно податоците од Институтот за јавно здравје во последните 24 часа се направени 3.219 тестирања, а регистрирани се 21 нови случаи на КОВИД-19 Скопје – 8, Тетово – 4, Куманово и Гостивар – по 3, Кавадарци, Кочани и Кичево – по 1. Регистрирани сe 14 оздравени пациенти од: Тетово – 8, Скопје – 5 и Гостивар – 1. Пријавено е 1 починато лице од Скопје (56г) во болнички услови. Направени се 3.219 тестови преку: ИЈЗ-128, ЦЈЗ Скопје-45, ЦЈЗ Битола-45, ЦЈЗ Прилеп-35, ЦЈЗ Тетово–17, ЦЈЗ Куманово–25, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија 7, ГОБ 8-ми Септември-14, Институт за микробиологија–0, Жан Митрев (Филип Втори)-73, Авицена-215, Биотек-114, Систина-88, лабораторија Лаор-209, Синлаб-19, Ремедика-7, Плодност–41, Генеа–10, Никоб лаб-532, ВФВ Медикал-10, Ели Медика-12, ЈЗУ и ПЗУ (рапид тест) – вкупно 1.573. Досега во земјата се направени вкупно 935.732 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 155.951, бројката на оздравени пациенти е 150.237, на починати е 5.488, а бројот на активни случаи изнесува 226.

Нови 18 случаи на коронавирус, Тетово со двојно повеќе позитивни од Скопје

Ивона Петрова — Fri, 16 Jul 2021 12:34:28 +0000

Министерството за здравство информира, согласно податоците од Институтот за јавно здравје во последните 24 часа се направени 3.470 тестирања, а регистрирани се 18 нови случаи на КОВИД-19. Тетово – 8, Скопје – 4, Гостивар и Охрид – по 2, Радовиш и Дебар – по 1. Регистрирани сe 5 оздравени пациенти од: Тетово – 3, Скопје – 2. Не се регистрирани починати пациенти. Направени се 3.470 тестови преку: ИЈЗ-99, ЦЈЗ Скопје-37, ЦЈЗ Битола-31, ЦЈЗ Прилеп-37, ЦЈЗ Тетово–20, ЦЈЗ Куманово–17, Клиника за инфективни болести и фебрилни состојби-0, Судска медицина-2, лабораторија болница Козле-0, УК Пулмологија со алергологија 0, ГОБ 8-ми Септември-6, Институт за микробиологија–16, Жан Митрев (Филип Втори)-75, Авицена-247, Биотек-193, Систина-60, лабораторија Лаор-148, Синлаб-19, Ремедика-7, Плодност–39, Генеа–4, Никоб лаб-747, ВФВ Медикал-30,Ели Медика-3, ЈЗУ и ПЗУ (рапид тест) – вкупно 1.633. Досега во земјата се направени вкупно 923.515 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 155.882, бројката на оздравени пациенти е 150.159, на починати е 5.487, а бројот на активни случаи изнесува 236.