ножеви – Kurir.mk

„ЗАИГРАЛЕ“ И ОСТРИ НОЖЕВИ: Тепачка во автобус на ЈСП

Катерина Бојаџиева — Fri, 22 Sep 2023 18:20:22 +0000

На 21.09.2023 во 19.35 часот во СВР Скопје било пријавено дека во автобус на ЈСП во с.Арнакија, скопско, настанала физички пресметка помеѓу Н.М.(20) од с.Чајлане и малолетник од с.Копаница, при што и двајцата употребиле остри предмети и си нанеле повреди. По целосно документирање на случајот ќе бидат поднесени соодветни пријави.

Нема повеќе тапи ножеви и мачење: Наострете ги ножиците и ножевите со едноставен трик!

Ристе Здравков — Wed, 29 Mar 2023 08:26:37 +0000

Алуминиумската фолија се користи за завиткување храна, за одржување на топлината на јадењата и генерално е одлично решение за милион домашни ситуации. Алуминиумската фолија е всушност одличен изум кој луѓето не го користат доволно. Имено, освен за пакување храна, може да се користи и во разни други ситуации, односно како замена за други предмети. Оваа фолија навистина има милион употреби! Исто така, таа е спас за една специфична ситуација, имено кога ќе сфатите дека вашите ножици се целосно тапи. За да ги изострите ножиците, доволно е да го свиткате листот фолија неколку пати, но внимавајте да биде уште рамен, па едноставно исечете ја фолијата со ножиците. Откако ќе завршите со овој мал трик, ќе се изненадите колку подобро ќе сечат вашите ножици.

Претреси во КПД Прилеп: Кај осудените лица пронајдени ножеви и други забранети предмети

Магдалена Андонова — Thu, 21 Jul 2022 10:31:21 +0000

Денеска (21.07.2022) полициски службеници од Одделот за сузбивање на организиран и сериозен криминал, Одделот за криминалистичка полиција, Одделот за специјални полициски операции - Единица за брзо распоредување, во координација со Управата за извршување на санкции, спроведоа координирана полициска акција во Казнено-поправниот дом Прилеп. Притоа, извршени се претреси во Казнено-поправниот дом Прилеп, со цел пронаоѓање недозволиви или забранети предмети кај лица осуденици кои се на издржување казна затвор, во насока на превентивно делување и спречување на вршење на кривични дела во казнено-поправните установи. При претресите се пронајдени и одземени: ножеви, мобилни телефони и полначи за мобилен телефон, парични средства во износ поголем од законски дозволениот кои осудените лица можат да ги поседуваат и др. Одземените предмети ќе бидат предадени на затворска служба за понатамошна постапка. Овие претреси се во насока на превенција и спречување на вршење на кривични дела во казнено-поправните установи, со цел пронаоѓање на предмети кои се забранети за поседување согласно Законот за извршување на санкциите или се предмет на кривично дело извршено од страна на осудени лица од установата, а како резултат на продлабочената меѓуинституционална соработка.

Уапсени шест малолетници од Тетово, полицијата им пронашла ладно оружје и марихуана

Тале Кристо — Wed, 11 May 2022 10:14:47 +0000

На 11.05.2022 во 01.10 часот на ул.107 во Тетово, полициски службеници од СВР Тетово лишиле од слобода двајца малолетници од Тетово и еден од тетовско Ѓермо, затоа што кај нив била пронајдена марихуана. Со нив, во присуство на нивните родители, во Полициска станица во Тетово бил извршен разговор, а по целосно документирање на случајот ќе следи соодветен поднесок. На 10.05.20222 во 12.05 часот на улица „Видое Смилевски Бато“, полициски службеници од СВР Тетово привеле двајца малолетници од Тетово и еден од тетовско Озормиште, затоа што кај нив биле пронајдени два ножа и метален предмет. Со нив, во присуство на нивните родители, во Полициска станица во Тетово бил извршен разговор, а по целосно документирање на случајот ќе следи соодветен поднесок по член 80 од Законот за оружје.

Како да се отстрани ‘рѓа од старите ножеви? Сè што ви треба е лимон (ВИДЕО)

Магдалена Андонова — Fri, 02 Apr 2021 11:06:38 +0000

Тврдењето дека лимонот е наменет само за лимонада или како додаток на јадења, го негираше креативна жена која покажа дека може да биде ефикасна во отстранување на 'рѓа од кујнски прибор, односно ножеви. Доколку и сами поседувате нож во својата кујна кој 'рѓосал со тек на времето, обидете се да го вратите со помош на лимон. Лиз Амаја, жената што го објави ова видео на Инстаграм, едноставно зеде нож кој имаше траги од 'рѓа и го мачкаше со половина лимон. За време на видеото таа спореди лимонска киселина и оцет и рече дека и двете се одлични за чистење. - Киселината од лимон има антибактериско и антисептично дејство и делува како природно белило - објасни таа и додаде дека маслата од лимон помагаат на исчистените површини да сјаат.

View this post on Instagram

A post shared by L I Z A M A Y A (@liz.amaya.style)

Нејзините следбеници се воодушевени од овој трик. - Ова е феноменално. Имам неколку 'рѓосани ножеви поради стоење во машина за миење садови, ќе мора да го пробам ова - напиша една жена.

Со три ножеви сакал да ограби автомобил, приведено лице од Тетово

Ивана Ефремовски — Fri, 09 Oct 2020 14:15:17 +0000

На 08.10.2020 околу 22:55 часот на ул.„29 Ноември“ во Тетово, полициски службеници на СВР Тетово го лишиле од слобода Џ.И.(26) од Тетово, кој се обидел да изврши тешка кражба во возило „фолксваген голф“, со тетовски регистарски ознаки. По лишувањето од Џ.И. биле одземени и три ножеви. Тој бил приведен во полициска станица и по целосно документирање на случајот против него ќе биде поднесена соодветна пријава.