нсдп – Kurir.mk

Ова е директорот од НСДП од Битола под чија надлежност е Градскиот стадион (ФОТО)

Ивона Петрова — Sun, 10 Sep 2023 11:17:45 +0000

Деновиве главна тема меѓу фудбалските фанови е Градскиот стадион или по ново Арената „Тоше Проески“. Овој стадион од гордост на Македонија стана ругло и главна вест во Италија откако тамошните медиуми ја снимија тревата на стадионот која личи на нива. -Се прашувате кој е надежен за стадионот. Тоа АД за иградба и стопанискување со станбен и деловен простор од значење на републиката-Скопје. Ова претпијатије е под директна надлежност на Владата. На прв јули 2022 година за Генерален директор беше избран Зоран Георгиев од Битола од НСДСП, откако претходно Владата го именуваше за извршен член на Бордот на директори на акционерското друштво, пишува порталот Пресинг.

НСДП на својата интернет странца си се пофалила дека Георгиев е избран за директор кој сега е цел на критики поради неодржувањето на стадионот.

НСДП: Да не дозволиме државата да стагнира

Ристе Здравков — Thu, 08 Jun 2023 10:28:44 +0000

НСДП го поздравува одржувањето на лидерската средба во насока на политичкото обединување на кое повикавме пред две недели и кое е неопходно за да се загарантира европската иднина на државата, се вели во партиското соопштение на НСДП. -Го поздравуваме прогресот во ставот на опозициската ВМРО-ДПМНЕ за прифаќање на уставните измени, кој процес треба веднаш да се започне во Собранието. НСДП е спремна со своите пратеници да поддржи влез на ВМРО-ДПМНЕ во Владата со цел остварување на највисокиот стратешки државен интерес-членство во Европската Унија, откако во Собранието заеднички ќе изгласаме прифаќање на Иницијативата за уставните измени. За НСДП македонскиот јазик и македонскиот идентитет се загарантирани и заштитени со усвојувањето на преговарачката рамка и нема простор за загриженост, тие се гарантирани од нашите стратешки партнери Европската Унија и САД, истакнуваат од НСДП. Повикуваме на државнички пристап од сите политички актери, на разум и да не дозволиме државата да стагнира, туку да бидеме одговорни и да го препознаеме политичкиот моментум за да исчекориме кон прогрес, реформи и општествен напредок кој го очекуваат граѓаните, додаваат од НСДП.

НСДП дава поддршка: Владата храбро да истапи и да го прифати предлогот

Ристе Здравков — Tue, 05 Jul 2022 09:29:48 +0000

Извршниот одбор на НСДП сооопшти дека одлучи да го прифати компромисниот предлог на француското претседателство за решавање на спорот со Република Бугарија и отпочнување на преговорите со Европската Унија ставајќи го во преден план, како што е наведено, државниот интерес во преден план и имајќи ги предвид „политичкиот моментум во кој се наоѓа земјата исправена пред стратегиски предизвици од кои зависи иднината и правецот во кој ќе се движи државата“. -Со овој предлог македонскиот јазик како најбитен идентитетски белег станува рамноправен јазик во Европската Унија и целокупната правна документација на Европската Унија ќе биде преведена на кодифицираниот македонски јазик и македонскиот јазик ќе биде еден од службените јазици на Европската Унија. НСДП при градењето на ставот особено го почитуваше ставот на научната и стручна јавност, како на Советот за македонски јазик (СМЈ), кој го донел следниот заклучок: “Точките поврзани со статусот на македонскиот јазик покажуваат дека самостојноста и оригиналноста на македонскиот јазик се испочитувани и дека македонскиот јазик станува еден од официјалните јазици во Европската Унија.“. Утврдувањето на конечниот став по финалниот „Француски предлог“ за решавање на спорот со Република Бугарија, НСДП студиозно и аналитично го разгледа и донесе одлука во интерес на иднината, во интерес на демократскиот и економски развој на државата, во интерес на меѓународното етаблирање и геостратешко позиционирање на државата. Затоа повторно ги повикуваме на државничко однсување сите политички и општествени чинители кои треба да се изјаснат по овој предлог. НСДП бара Владата на Република Северна Македонија храбро да истапи и да го прифати „Предлогот на Француското претседателство со Европската Унија“ и истиот да го достави на разгледување во Собранието на Република Северна Македонија заради негово потврдување и донесување на обврзувачки заклучоци за неговата имплементација која мора да биде во рамките на Резолуцијата донесена во јули 2021 година., соопштија од партијата на Мисовски.

НСДП против фанцускиот предлог

Ристе Здравков — Tue, 28 Jun 2022 08:48:31 +0000

НСДП на првиот одржан состанок на Извршниот одбор дискутираше за актуелната политичка состојба во државата, со посебно внимание за билатералниот спор со соседна Република Бугарија и јасно ги утврди ставовите на партијата во врска со билатералниот спор, се вели во соопштението испратено до медиумите. -За НСДП спорот со Република Бугарија може да се реши ако се почитуваат Договорот за пријателство, добрососедство, и соработка помеѓу Република Македонија и Република Бугарија потпишан на 1 август 2017 година и Резолуцијата за утврдување на македонските државни позиции во контекст на бликадите на европските интеграции донесена на 29 јули 2021 година од Собранието на Република Северна Македонија. Република Северна Македонија неправедно чека почеток на преговорите со Европската Унија и покрај одлуката на Европскиот совет во март 2020 година за безусловен старт на преговорите со нашата држава. НСДП ги почитува напорите на француското претседателство за изнаоѓање решение за решавање на спорот, но францускиот предлог за решавање на спорот за НСДП е неприфатлив. За НСДП единствено е прифатлива преговарачка рамка со јасна и чиста формулација за македонскиот јазик и јасна заштита на македонскиот идентитет, во слгласност со Декларацијата која ја донесе македонското собрание. Не прифаќаме историските прашања да влезат во преговарачката рамка. За историјата сметаме дека треба да разговараат историчарите без политички притисоци. Бараме дополнителни гаранции од Република Бугарија и Европската Унија дека нема да се испорачаат нови барања, надвор од преговарачката рамка. Исто така сметаме дека последниот Самит на Европската Унија за Западен Балкан претставува сериозен удар врз кредибилитетот на Европската Унија, истакнуваат од НСДП. Неодржувањето на меѓувладината конференција Европска унија со Република Северна Македонија предизвикува дополнително намалување на подршката за процесот на интеграција во унијата кај граѓаните на Северна Македонија, додават од таму.

НСДП го избра новото раководство

Ивана Ефремовски — Sun, 26 Jun 2022 12:24:34 +0000

Вчера во Струга, се одржа Првата конститутивна сецница на Централниот одбор на НСДП на која беше избрано новото раководство на НСДП и го усвои Деловникот за работа. М-р Мики Милковски од Ранковце беше избран генерален секретар на партијата. Исто така беа избрани четири потпретседатели Соња Мираковска од Скопје, Зоран Маневски од Куманово, Јулијана Цековска од Прилеп и Драги Крстев од Битола. На Централниот одбор беа избрани и организационен секретар др. Венцо Буинов од Виница и секретар за меѓународна соработка, Марјан Дамјановски од Скопје. Беше избран и Извршен одбор на НСДП со 23 члена од кои 8 по функција и 15 члена од сите изборни региони и други организациони форми на НСДП.

Горан Мисовски избран за претседател на НСДП

Ристе Здравков — Sat, 04 Jun 2022 16:35:14 +0000

Актуелниот пратеник и потпретседател на Собранието, Горан Мисовски е избран за претседател на Нова социјалдемократска партија на денешниот Петти конгрес на партијата. „Горан Мисовски е избран за претседател на НСДП на Петтиот конгрес кој се оддржа во Скопје. Од присутни 426 делегати правото на глас го остварија 314 делегати од нив: 308 за, 3 против, 3 неважечки ливчиња. Честитки! Со среќа и многу успеси да ја води НСДП“, објавија од партијата. фото: НСДП Фејсбук

Хаосот во НСДП продолжува: Трајковски жестоко го нападна Мисовски

Ристе Здравков — Sat, 04 Jun 2022 15:49:08 +0000

На денешниот, петти Конгрес на НСДП, видовме дека Горан Мисовски продолжи со своите намери да им го одземе правото на слободен избор на делегатите на НСДП спротивно на Статутот на НСДП, Правилникот за кандидирање и избор на Претседател на НСДП спречи демократски натпревар на идеи за иднината на нашата партија, вели во соопштението испратено до медиумите Кристијан Трајковски од НСДП. -Видовме како, спротивно на сите акти на НСДП, тие извршија насилнички и измамнички инженеринг на составот на делегатите, фалсификувајќи ги списоците и менувајќи ги имињата утврдени од Извршните Одбори на Општинските организации. На место на легитимно избраните делегати се ставени цели фамилии, брачни другари и слични групи лојални на Горан Мисовски. Видовме и како овие структури се служеа со сите можни притисоци, закани и празни ветувања за да ги добијат делегатите кои не можеа да ги наместат. На крај видовме како, извршителите на Горан Мисовски го киднапираа работното претседателство и органите на овој Конгрес и како по секоја цена се подготвени да му помогнат на човек кој нема поддршка од мнозинството, преку прекршување и злоупотреба на Статутот и процедурите, да ја киднапира нашата партија и да го уништи сето тоа што сите ние го градиме седумаесет години. За жал, легитимитетот а изборот на следниот Претседател на НСДП е целосно урнисан и Мисовски и неговите приврзаници ги уништија сите услови за слободно, фер и демократско изјаснување на делегатите во постапка согласно Статутот и актите на НСДП. Поради тоа, не сакајќи да учествувам во понатамошната работа на овој нелегитимен конгрес и носењето на одлуки на истиот, одлучив да ја повлечам мојата најавена кандидатура за Претседател на НСДП, истакнува Трајковски. Овој Конгрес е фалсификуван и секоја одлука која ќе биде донесена од овој состав на делегати е нелегитимна, додава тој.

Трајковски се повлече од трката за лидер на НСДП: Не сакам да учествувам во работата на ваков Конгрес

Ристе Здравков — Sat, 04 Jun 2022 15:41:35 +0000

Организацискиот секретар на НСДП, Кристијан Трајковски на денешниот Конгрес на кој партијата треба да избере наследник на Тито Петковски сепак не се самокандидираше, иако тоа го најавуваше. Тој во изјава за „Фокус“ вели дека не ја поднел кандидатурата, бидејќи не сакал да учествува во работата на Конгресот во ситуација кога предлозите за делегати не биле доставени во предвидениот рок. Во услови кога голем дел на општинските организации на НСДП не доставија предлог делегати во предвидениот рок туку истите ги доставија ден пред одржувањето на Конгресот, како и промена на уредно доставени делегати во последен миг, моето право за самокандидирање не го исполнив не сакајќи да учествувам во понатамошната работа на Конгресот и носењето на одлуки на истиот, вели Трајковски за „Фокус“. Тој и вчера искажа сомнеж за легитимноста на Конгресот поради ситуацијата со делегатите. Сега единствен кандидат за претседател на НСДП останува Горан Мисовски.

Тензично на конгресот на НСДП – ќе има ли Мисовски противкандидат?

Ристе Здравков — Sat, 04 Jun 2022 15:02:52 +0000

Петтиот конгрес на НСДП на кој треба да се избере нов претседател на партијата се одржува денеска. Атмосферата е тензична и има видливи несогласувања меѓу двата табори: оној на Горан Мисовски во кој е и Соња Мираковска и оној на Кристијан Трајковски, кој ја има поддршката на Тито Петковски. Петковски е против тоа да има само еден единствен кандидат за претседател на партијата. Вели дека видливо е дека состојбата во партијата е доста конфликтна поради аспект на, како што рече, асипрации на некои луѓе кои подолго време се во партијата. Мисовски пак се држи до одлуката на Централниот одбор тој да биде единствен кандидат и му порача на Петковски дека и Црвенковски, Бучковски и Заев си заминале од СДСМ, па партијата продолжила да постои.

Горан Мисковски единствен кандидат за претседатело на НСДП

Ристе Здравков — Sat, 14 May 2022 16:29:01 +0000

Централниот одбор на НСДП за единствен кандидат за претседател на НСДП на Петтиот конгрес на партијата го утврди Горан Мисовски, се вели во партиското соопштение испратено од партијата НСДП. -Предлогот беше утврден со мнозинство гласови од присутните членови на Централниот одбор, по завршување на дебатата. Исто така на седницата на Централниот одбор беа утврдени Предлог листите за членови на Централниот одбор и Надзорниот одбор. Покрај кадровските прашања беа утврдени и конгресните документи и тоа: Предлог-статут за изменување и дополнување на Статутот на НСДП, Извештај за работата на НСДП помеѓу Четвртиот и Петтиот Конгрес и Предлог-програмска платформа за делување на НСДП во наредните четири години и други конгресни одлуки, истакнуваат од НСДП.