НУК – Kurir.mk

НУК се приклучува на протестот организиран од Стопанската комoра за енергетика, утре излегуваат пред Влада

Ивана Ефремовски — Thu, 24 Feb 2022 08:09:45 +0000

Од донесувањето на мерката со која се воведоа задолжителни сертификати за посета во угостителските објекти односно се забрани посета на гости кои немаат извршено имунизација угостителите и угостителската индустрија веќе 7-ми месец трпат енормни штети и загуби. Покрај мерките за забрана на посета на невакцинирани гости, угостителите почнаа да се соочуваат и со енормни сметки за електрична енергија кои доколку не се подмират на време оперативци од ЕВН на терен масовно без никакво известување и опомена ги исклучуваат угостителските објекти од дистрибутивната мрежа со што угостителите се доведени во безмилосна и безизлезна ситуација на работ на егзистенција, велат од Независната угостителска комора. Во продолжение следува интегрален текст од нивното соопштение: Претставници на Владата од донесувањето на протоколите со кои се забрани посета на гости во угостителските објекти за лица кои не поседуваат соодветни сертификати за имунизација, вети и превзема обврска за донесување на мерка за финансиска помош и поддршка со која во целост ќе ги надомести сите штети и загуби кои ќе ги имаат угостителите. За жал и покрај повеќето потсетувања и доставени барања од страна на НУК за итна и неопходна неповратна финансиска помош поради штети и загуби кои за некои угостителски објести се и повеќе од 50% од приходите, Владата веќе седми месец игнорантски се однесува кон македонските угостители. Од друга страна енормното покачување на електричната енергија во услови на преполовени приходи ги доведува угоститителите во милост и немилост на снабдувачите на електрична енергија. ЕВН АГ составена од фирми мајки и ќерки мртво ладно без трунка одговорност ги користат и злоупотребуваат своите права ги сечат доводите и ускратуваат правото на користење на електрична енергија без никаква известување, опомена или одлагање на обврските, со едно единствено оправдание дека не сте ја исполниле односно не сте платиле на време, не навлегувајќи во причите зошто тоа се случило, ниту сносејќи било каква обврска и одговорност за штетите и загубите што ќе ви ги нанесе користејќи го и злоупотребувајќи го исклучиво нивното стекнато монополско право да Ве исклучат од дистрибутивната мрежа на електрична енергија кое треба да е неприкосновено право на секој граѓанин и бизнис правото на непречено и континуирано користење на енергија вклучувајќи ја и електричната енергија. Со цел на Владата да и укажеме за неправдата која ја нанесе на угостителите и угостителската индустрија и да ја потсетиме за обврската за надомест на штетите кои ги трпиме од воведувањето на мерката за задолжително поседување сертификати за посета на угостителски објекти и да и укажеме за неправдите и злоупотребата на правата на МОНОПОЛОТ ЕВН АГ во услови на пандемија со Ковид-19 како угостител и Претседател на Независната угостителска комора го поддржувам и се приклучувам кон најавениот протест пред Влада закажан за 25ти Февруари 2022 год. во 15:30 часот организиран од Стопанска комора за енергетика на Македонија. Воедно ги повикувам и поканувам сите угостители, угостителски работници и граѓани кои се засегнати од воведувањето на мерката на задолжително поседување на сертификати за посета на угостителски објекти и игнорантскиот однос на Владата за нивно укинување, како и монополистичкиот однос на ЕВН АГ да се приклучат кон протестот со цел да покажеме и укажеме уште еднаш на Владата за проблемите со кои сите ние заедно се соочуваме секојдневно. За време на протестот Независната угостителска комора уште еднаш официјално ќе ги достави барања од страна на комората и угостителите за оправданоста на потребата од неповратна финансиска помош и укинување на дел од протоколите односно забраните за посета на угостителски објекти. И за напомена, во изминатиот период во ниеден момент Владата врз основ на доставени барања и предлози од страна на НУК и угостителите не одговори соодветно се додека истите не беа претворени во протести на кои веднаш реагираше со исполнување на барањата и донесување корекции и нови мерки. Да не дозволиме и понатаму игнорантски однос и тортура и да ги оствариме нашите права. Се гледаме Петок 25ти Февруари во 15:30 часот пред Влада!

НУК: Владата вчера доби граѓански „шамар“, да се укине спорната одлука со која на било кој начин се забранува слободата на движење

Ивона Петрова — Mon, 16 Aug 2021 06:13:49 +0000

Независната угостителска комора реагира на донесените нови рестриктивни мерки и посочува дека Владата треба итно да ја укине спорната одлука. После вчерашните масовни протести ширум Македонија не само угостителите туку илјадници млади и возрасни жители го искажаа незадоволството од донесувањето на забраната преку условна и неспроведлива одлука на владата со која им наложи на угостителите да воведат т.н. редарски служби со кои ќе вршат контрола и селекција на гостите и ќе им забранува на “невакцираните” односно сите граѓаните кои не се вакцинирани и немаат соодветна потврда за имунизација да влезат - посетуваат секаков вид на објект вклучително и угостителските објекти и било каков настан (прослава, концерт, семинар, обука, работилница, конференција, културни или спортски настани) на отворено. На претседателот на владата не му останува избор доколку и понатаму сака да ја води оваа влада веднаш денес да свика седница на влада и да ја укине спорната одлука со која на било кој начин се забранува слободата на движење и влез во одредени јавни објекти на лицата што не се вакцинирани, велат од НУК. Од Комората посочуваат дека на 10-ти август доставиле барање до Владата за укинување на одлуката за задолжителна редарска служба заради контрола на приложување доказ за вакцинација при влез во секаков вид објект на отворено, вклучително и во угостителски објекти со цел да се спречи деградација и селекција на вакцинирани и невакцинирани гости и да се овозможи на сите јавни објекти - угостителски објекти да бидат достапни подеднакво на сите граѓани, домашни и странски гости. -По синоќешниот врисок на македонските граѓани искажан преку паралелни протести низ цела Македонија на Владата не и останува ништо друго туку веднаш по кратка постапка да ја укине одлуката со која сакаше да се спроведе експериментален филтер на проверка дали и како системот на селекција на граѓаните може да функционира во време на пандемија на т.н. вакцинирани и невакцинирани предвиден да се одвива со редарски служби преку угостителите и угостителските објекти од 16-ти август. Синоќа бевме сведоци како нашата Влада за прв пат доби граѓански “шамар”. После години дремење и спиење во повеќе градови преку ноќ македонскиот граѓанин со некоја причина преку ноќ се разбуди од својот долг сон, се вели во соопштението на НУК. Последната одлука со која Владата од 16ти Август забранува на граѓани кои се “невакцинирани” и не поседуваат соодветен Сертификат односно парче хартија наречено “потврда за извршена имунизација – најмалку прва доза вакцина” да посетуваат угостителски објекти и секаков вид на настан на отворено резултираше со масовни протести и изрази на незадоволство, не само на угостителите туку и на граѓаните во повеќе градови паралелно низ Македонија. -Ја потсетуваме Владата денес согласно изјавата на министерот Бектеши наместо да разгледуваат било какви други можности, разводенувања и дополнувања кон одлуката и мерката со која СЕ ЗАБРАНУВА ВЛЕЗ НА НЕВАКЦИНИРАНИ ВО УГОСТИТЕЛСКИ ОБЈЕКТИ со која одлука и понатаму би била забранета посета и влез за одредени граѓани и гости и на било кој начин би се вршела било каква селекција и деградација на гости во угостителски објекти да го разгледа нашето доставено барање од 10-ти Август за укинување на спорната одлука и мерка и веднаш да го усвои истото со што оваа одлука и мерка ќе биде укината целосно и безусловно во кратка постапка. Ги потсетуваме Претседателот на Влада и Министрите за здравство и економија да не ја забораваат и потценуваат моќта и големината на угостителите и угостителската индустрија и да не забораваат дека од спорната нвредлива и неспроведлива одлука директно се засегнати безмалку 6.500 угостителски објекти со повеќе од 35.000 угостителски работници кои заедно со своите фамилии ја надминуваат бројката од 100.000 гласачи кои на претстојните локални избори ќе треба да го дадат својот глас и доверба од чиј глас оваа Влада моментално го ужива раководењето и бенефитот на своето работење и владеење, нагласуваат од НУК.

НУК: Во првиот викенд се организирале 100-тина свадби

Дарко Андоновски — Mon, 07 Jun 2021 08:54:31 +0000

Независната угостителска комора информира дека во првиот викенд, откако Владата по повеќе од 14 месеци дозволи да се организираат прослави со посебни протоколи, се организирани 100-тина веселби од ваков тип. Од НУК информираат дека и покрај многуте нелогичности и пропусти во новите протоколи низ државава се организираа или е во тек организација на повеќе од 100 свадби и други веселби и рпослави. Инаку НУК формираше сопствен регистар за свадби, прослави и веселби кој го става на располагање на сите угостители и угостителски објекти како и државни институции, комори, здруженија за да може да се исполнат барањата во точка 7 од протоколите за организирање на свадби, прослави и останати веселби.

ВАЖНА ИНФОРМАЦИЈА ЗА УГОСТИТЕЛСКИТЕ ОБЈЕКТИ – НУК направи посебен регистар за угостителите за организирање прослави

Магдалена Андонова — Sun, 06 Jun 2021 10:13:50 +0000

Додека Владата и другите институции не изнајдат или објават дополнителни законски решенија или промена на протоколите за прослави и свадби, Независната угостителска комора (НУК) за сите угостители изготви посебен регистер за нив, на кој тие можат бесплатно да се регистрираат и да пријават прослави, соопштуваат од НУК. Тој е објавен на 1 јуни во Службен Весник број, како Прилог бр. 78. - Со цел да излеземе во пресрет на сите телефонски повици и дописи за потребата на угостителите да ги регистрираат и пријават прославите кои ги организираат во своите објекти и да им овозможиме институционално да можат да ги исполнат сите точки од протоколите за организација, НУК формираше сопствен регистар за свадби/прослави и веселби за сите угостители и угостителски објекти, како и државни институции, комори, здруженија, соопштуваат од НУК. Дополнуваат дека е тоа без дополнителен надомест, според барањата во точка 7 од протоколите за организирање на свадби/прослави и останати веселби. Целта е да се избегнат недоразбирања кои би можеле да настанат со инспекторите во случај на контрола за време на организација на прослава, како и да се евидентираат и разликуваат присутните, кои не се гости, а се ангажирани лица и фирми за реализација на прославата. Со пријава во регистарот угостителите ги надминуваат ситуациите да бидат ригорозно казнети и затворени во случај на контрола од ДПИ, заради непочитување на точка 7 од протоколите. За секоја пријава во рок од 24 часа, угостителите ќе добијат уредна електронска потврда дека согласно точка 7 извршиле пријава и регистрација во „угостителска комора која води регистар на свадби, прослави и останати веселби”. Од НУК соопштуваат дека, само за овој викенд, од донесувањето на првите протоколи за организирање на свадби/прослави и веселби, низ Македонија се организираа или е во тек организација на повеќе од 100-тина свадби, веселби, родендени и останати прослави. 20210602_PrijavaNaProslava-NUK_Regidtar

НУК и ЗУПМ „Музика сега“ побараа од Владата укинување на дел од точките од протоколите за организирање свадби

Ивона Петрова — Fri, 04 Jun 2021 07:36:35 +0000

Музичарите и музичките работници преку Здружението за унапредување на правата на музичарите (ЗУПМ) „Музика сега“ побараа од Владата укинување на точките од протоколите со кои во угостителските објекти за исхрана и кафетерии е забрането организирање на музички настани со настап на музички уметници во отворен и затворен дел од објектот (пејачи, музички групи, диџеи) и се ограничува максималното ниво на бучава во објектите на 55 децибели, соопшти Независната угостителска комора (НУК). – Нивните барање кои се воедно и дел од укажувањата со барањата на НУК се во целост поддржани, како и нивното право доколку истите не бидат ислушани својот глас да го искажат и преку протест, нагласуваат од НУК. Дополнителен проблем со новите протоколи за организирање на свадби, прослави и веселби, додаваат, е и точката 7 со која угостителскиот објект во кој има прослава е должен да ја регистрира и пријави прославата во угостителска комора која води регистар на свадби, прослави и останати веселби. – Наместо Владата побрзо да излезе во пресрет на укажувањата за недоследноста на промената на постојните протоколи за работа на угостителските објекти и новите протоколи за организирање на свадби, прослави и веселби ги доведува угостителите и организаторите на своите прославиво ситуација на постоење протоколи и понатаму да не можат да организираат свадби, прослави и веселби, се вели во соопштението од НУК. Само во текот на вчерашниот ден, посочуваат, повеќе од десетина телефонски јавувања се однесувале за пријава на угостителски објект согласно член 7 односно за регистрација и пријава на прослава во т.н. Регистар кој го води Угостителската комора. – Со оглед дека ниедна комора во моментов не го води овој регистар на свадби, прослави и останати веселби ниту има овластување и обврска да го води, угостителите немаат можност и начин да организираат прослава во својот угостителски објект согласно новите протоколи без истите да бидат прекршени со што се доведуваат во стартот да бидат ригорозно казнети и затворени во случај на контрола од државниот пазарен инспекторат за непочитување на овие протоколи, наведуваат од НУК. На овој начин, посочуваат, угостителите и организатори на прослави се доведени во заблуда да и покрај постоење на посебни протоколи за организација на свадби, прослави и веселби истите и понатаму не можат да се реализираат и одржат. – Затоа Владата има за обврска и одговорност итно да ги промени проблематичните точки од протоколите на кои укажавме веднаш по нивното донесување со цел да се овозможи на угостителските објекти да работат законски согласно препораките и протоколите за заштита и спречување на ширењето на вирусот Ковид-19, велат од НУК.

НУК: Новите препораки за организирање прослави ќе предизвикаат хаос

Ивона Петрова — Tue, 01 Jun 2021 08:07:10 +0000

Независната угостителска комора (НУК) смета дека новите протоколи од Комисијата за заразни болести поврзани со организирањето на прослави, веселби и свадби наместо позитивно да влијаат, ќе предизвикаат хаос во работењето на угостителските објекти. Оттаму реагираат што не се консултирани претставници од оваа фела при носењето на овие протоколи. – Доколку се точни медиумските најави за нови препораки, и се восхитуваме на умешноста на Комисијата за заразни болести кои од една страна со предлог-мерките дозволи организирање на свадби, прослави, веселби на отворен простор додека од друга страна постави нови правила и ограничувања за музичарите чие присуство со истата мерка е ограничено само при организирање на свадби, се вели во денешното соопштение. Бараат од Владата при усвојување на протоколите да го врати членот 13 со кој ќе со дозволи организирање на музички настани со настап на музички уметници во отворен и затворен дел од објектот во сите угостителски објекти согласно протоколите за работа, а постојната препорака за јачина на музиката со која се ограничува максималното ниво на бучава во угостителските објекти за исхрана на 55 децибели, да ја укине во целост. Се бара да се дозволи и на иста маса да седат повеќе од шест лица доколку се од иста фамилија.

НУК: Жално и срамота е ако треба преку изјавата на Филипче и медиумите да дознаваме дека е постигнат договор за вакцинирање на бизнис секторот

Дарко Андоновски — Sat, 15 May 2021 16:07:36 +0000

Просто сме вчудоневидени на некоректниот однос на Министерот Венко Филипче и Министерството на здравство што имале т.н. состанок со стопанските комори на почетокот на неделата од кои во моментов ги очекуваат списоците за вакцинација заклучно со 17ти Мај 2021 година од привилегираните и омилени комори на Владата“, соопштија од Независната угостителска комора (НУК). „Зарем се доведовме на тие на кои навистина им е најпотребна вакцината за да можат да ги вршат своите работни задачи професионално во интерес на јавното здравје да не бидат јавно запознаени со можностите кои ги понудило Министерството за здравство за сите комори, здруженија и асоцијации, а не само за членките на наведените комори. Зарем не им е срам на овие четири комори и понатаму во име на сите да договараат повторно позади затворена врата лични интереси со Владата за своите членки и прават приоритетни листи на вработени во нивни фирми за вакцинација додека угостителите повторно ќе извисат. Според информациите дадени на денешната пладневна изјава на Министерот Венко Филипче повторно со привилегираните комори дефинирана е постапка, за најдоцна до понеделник, 17.5.2021 година, да се достават списоци за вакцинација за членките на Стопанската комора на Северна Македонија, Стопанска комора за информатички и комуникациски технологии (МАСИТ), Стопанската комора на Северозападна Македонија и Сојузот на стопански комори. Истите треба да подготват листи на заинтересирани за вакцинирање со лични податоци и пунктови за имунизација во Скопје, Куманово, Штип, Кавадарци, Битола, Тетово и Охрид. Ги прашуваме јавно и транспаретно и Министерот Венко Филипче и Претседателите на овие комори зошто угостителите и Независната угостителска комора која најмногу допринесе во остварување на правата на угостителите во изминатиот период повторно се игнорираат и деградираат. Зарем не беше доволно што Стопанската комора на Северна Македонија донацијата за вакцинација дадена од соседна Србија која имаше обврска да ја сподели со сите комори ја искористи себична за лични интереси и само за своите членки. Министерот да се извини јавно на сите угостители и Министерството за здравство најбрзо што може јавно да ги објави информациите и начините планирани за вакцинација кои ги договориле со коморите и овозможи рамноправно вакцинирање на сите угостители и угостителски работници, а не само вакцинација на привилегирани членки на овие комори“, посочуваат од НУК.

Јосифовски за Курир: Мерките не го дадоа бараниот и очекуван ефект на помош за угостителската индустрија

Ивона Петрова — Fri, 09 Apr 2021 08:40:55 +0000

Досегашните мерки за помош и поддршка на економијата во справувањето со последиците од пандемијата Ковид-19 како што самите укажуваат помогнаа за одржување на домашната економија, но реално не го дадоа бараниот и очекуван ефект на помош за угостителската индустрија како индустрија која е најпогодена и најмногу настрада во оваа глобална здравствена криза, вели за Курир претседателот на Независната угостителска комора, НУК, Здравко Јосифовски. Посочува дека нивните континуирани настојувања за изготвување на посебни неселективни сет мерки наменети исклучиво за угостителската индустрија со кои реално ќе се помогне и финансиски поддржат угостителите не вродија реултати и разбирање кај Владата. -Факт е и дека Владата мора да размислува ваквиот модел на мерки да биде променет доколку сака и има желба реално и вистински да им помогне на угостителите и угостителската индустрија. Можеби прифаќањето на моделот на директна неповратна финансиска помош за рестарт на угостителската индустрија кои некои земји од соседството веќе го применија е повеќе сериозен и прифатлив за целокупната угостителска индустрија со кој на некој начин може реално и директно да се интервенира кај угостителите во покривање на трошоците, загубите и штетите што ги имаа за време на време на пандемијата со Ковид-19, смета Јосифовски. Според него новата владина мерка со која се забранува работата на угостителските објекти е во ред, но истата не само што е задоцнета, туку е и прекратка и повторно селективна.Вели, Ако Владата смета дека како резултат на забраната во моментов ќе се надмине проблемот со зголемениот број заболени тогаш и препорачуваат да донесе одлука со која мерката ќе трае месец - два наместо 2 недели за кој период Комисијата за заразни болести ќе има време и можности да изготви нови унифицирани препораки и протоколи на работа за целокупната угостителска индустрија со што по завршувањето на истата летниот период ќе можат да работат сите угостители од постојните угостителски сектори. -Факт е дека со секоја забрана, ограничување на работно време за работа на угостителски објекти, несоодветни протоколи за работа се нанесува од ден во ден непоправлива штета и огромна финансиска загуба на угостителите и угостителската индустрија. Дел од нашите колеги не ги издржаа овие услови на “не”работење и беа приморани пермаментно - трајно да ги затворат своите локали. Останатите се веќе толку задолжени со обврски кон добавувачи, по основ на кредити или по основ на плати што не ја гледаат светлата иднина во скоро време. За разлика од минатите мерки кога не само што препорачувавме угостителите да вложат напори да на секој начин ги задржат во што поголем број своите вработени, овој пат се донесени до работ на опстанокот многумина наместо рационализација ќе се одлучат договорно со вработените да ги раскинат работните односи. Причината не е само што ветените мерки за субвенции од претходните пакети доцнат со месеци, многу поголем проблем претставува што угостителите веќе немаат можности и начини да се задолжуваат за да на некој начин ги премостат или одложат финансиските проблеми во кои се наоѓаат, со што можат да се доведат до многу полоша работа од договорно отпуштање е задржување на вработените ,а неможноста на неисплаќање на плати и создавање на непотребни проблеми, посочува претседателот на НУК. По однос на најавите од министерот за економија за грантови за угостителите, чиј модел е направен, а ќе следи дополнителна консултација со секторот, Јосифовски истакнува дека се затекнати и не се консултирани. -Ние како комора на ваква средба или средби ниту сме учествувале ниту сме биле консултирани на било кој начин за реални предлози и потреби на угостителите и угостителската индустрија.Вистината е и таа дека до овој момент не сме контактирани ниту за најавените дополнителни средби за консултации со нашиот сектор, посочува Јосифовски за Курир.

Угостителите од денеска ќе работат до 21 часот, бараат мерки за директна помош

Ивона Петрова — Thu, 21 Jan 2021 06:27:24 +0000

Рестораните и угостителските објекти од денеска ќе работат до 21 часот, со што престанува да важи одлуката што беше во сила во изминатиот месец за работа до 18 часот, по препорака на Комисијата за заразни болести за да се спречи групирање во празничкиот период и ширење на вирусот Ковид-19. Следната недела ќе се разгледа можноста за продолжување на работното време на угостителските објекти по 21 часот, но, како што рече вицепремиерот за економски прашања Фатмир Битриќи, секоја мерка што се носи мора да оди парарелно со примарната цел, а тоа е здравјето на граѓаните. Независната угостителска комора, пак, чека покана за средба со Владата на која и дава рок до 25 јануари да ги усвои нивните барања за креирање посебни мерки за директна помош и поддршка на угостителската индустрија. Откако Владата вчера објави дека ја донела со првата мерка од петтиот антикризен пакет од НУК соопштија дека им подарила на „локомотивите“ – членки на Стопанската комора на Македонија 162,4 милиони евра, а на угостителите и натаму неосновано и неоправдано со времена одлука им го цепка и ограничува работното време и правото на работа. Сите индустрии добија поддршка и помош од постојните сет економски мерки, само за угостителската континуирано се носат препораки и протоколи со ограничувања за работно време, смета НУК и нагласува дека неискористени средства од четвртиотиот сет мерки за субвеција на плати има повеќе од 15-тина милиони евра кои може веднаш да се наменат за јануарска и февруарска субвенција за плати во угостителската индустрија. Според претседателот на НУК, Здравко Јосифовски, Владата е во целост одговорна за опстанокот на угостителската индустрија до завршувањето на корона кризата. Угостителите немаат време за чекање и за да ги сочуваат сите работни места на Владата и даваат рок до 25 јануари да донесе итна одлука за продолжување на мерката субвенција на бруто плати од почетокот на месецов со траење додека се во важност ограничувањата со рестриктивните мерки, односно протоколите за работа на угостителски објекти или до завршување на пандемијата, како и да ги реализира нивните останати барања. Во однос на барањето на угостителите за средба до 25 јануари, Битиќи рече дека тоа би требало да се реализира доколку дозволат условите со Ковид ситуацијата, но оти има и други механизми како што е онлајн комуникацијата. Битиќи не се согласува со констатацијата на НУК дека угостителите не се поддржани наспроти сите останати сектори. Уште во првиот и вториот актикризен пакет, како што вели, имало мерки насочени само кон угостителскиот сектор и оти само во делот на мерката за финансиска поддршка процентуално гледано искористеноста во овој сектор е солидна. Тој изјави дека е отворен за комуникација со секого, но оти во овие тешки времиња сите треба да бидат разумни во очекувањата и можностите. Со првата мерка од петтиот антикризен пакет компаниите од метало-преработувачката индустрија, металургијата, текстилната и кожарската индустрија се ослободени од царинските давачки во висина од 7,1 милиони евра за суровини и репроматеријали. Таа одлука на Владата ќе стапи во сила на 1 февруари. Предлог листите на производи опфатени со оваа одлука, која е првата усвоена одлука од новиот Пакет 5 економски мерки за справување со последиците од КОВИД-19, се изготвени по извршена консултација со компаниите членки на Стопанската комора од секторите на метало-преработувачката индустрија, металургијата, текстилната и кожарската индустрија, кои за увоз на суровини и репроматеријали во 2019 година платиле вкупно 162,4 милиони евра. Прецизни протоколи за работа во сите дејности вчера повторно побара Сојузот на стопанските комори на Македонија од каде до Владата испорачаа 15 предлог-мерки. -Државната поддршка да се спроведува континуирано, да се дефинираат протоколи за работа на сите дејности и да се обезбеди директна, неповратна помош за превозот, туризмот, угостителството, сметководството, едукацијата и установите за згрижување деца како најзагрозени сектори кои во изминатиот период беа целозно затворени, а сега се во многу критична состојба и бројат намалени доходи од 70 до 100 проценти, бара ССК. Првите две мерки што ги предлага ССК се да продолжат поддршката од 14.500 денари за плати и бескаматните кредити преку Македонската банка за развој. Се бара и можност за репрограмирање на обврските од активни кредитни побарувања. – За претпријатијата во угостителството, неопходно е да се направи изедначување на данокот на додадена вредност на сите услуги и производи на даночната стапка од 10 отсто, а претпријатијата од секторот туризам бараат намалување на данокот на додадена вредност од 18 на 10 проценти, посочи претседателката на ССК Данела Арсовска. Според одлуката на Владата, од денеска после 21 часот ќе бидат затворени за посетители сите угостителски објекти и ресторани, како и угостителските објекти или делови за исхрана во угостителските објекти за сместување во хотелите, мотелите, хостелите, пансионите и други објект за сместување, како и објектите со угостителска дејност на бензинските станици, соопшти вечерва владината прес-служба. Исклучок од оваа одлука се угостителските објекти на Меѓународниот Аеродром Скопје и Аеродромот „Св. Апостол Павле“ во Охрид, како и рестораните или деловите за исхрана во угостителските објекти за сместување во хотелите, мотелите, хостелите, пансионите и други објекти за сместување за лицата сместени во овие објекти. Угостителските објекти кои вршат подготовка и продажба на храна можат да остваруваат продажба на алтернативен начин со онлајн или телефонски нарачки и да вршат достава или да овозможат самостојно подигнување на нарачката надвор од угостителскиот објект преку штанд или пулт со почитување на основните мерки за дезинфекција, носење маски и одржување дистанца.

НУК: Нов хаос – Угостителите наместо една, добија три стапки на ДДВ

Ивона Петрова — Sat, 02 Jan 2021 09:29:17 +0000

Новата година само што започна, а угоститетлите се соочуваат и со нови проблеми. Независната угостителска комора денеска соопштува дека наместо од 1 јануари угостителите да добијат една единствена даночна стапка, тие добиле три стапки на ДДВ. Во соопштението објаснуваат и каков хаос настанува со ваквата одлука, како и дека истата нема рамномерно да ја почувствуваат сите угостители. -Владата со 4тиот сет мерки делумно го спроведе ветувањето за смалување и воведување на линеарен данок на додадена вредност во угостителската индустрија и наместо угостителите од 1-ви Јануари 2021 година да бидат сите рамноправни и имаат една нова повластена даночна стапка на сите свои услуги во висина од 10% истата се применува и важи исклучиво за услуги на предавање на храна и на пијалаци за консумација на лице место и кетеринг услуги, со исклучок на алкохолни пијалаци. Со предизборните кампања на угостителите им беше ветено унифицирање на данокот на додадена вредност со една единствена даночна стапка од 10% ДДВ за сите ресторантски услуги. За жал Владата истата ја спроведе со парцијално решение на воведување на данок на додадена вредност во висина од 10% исклучиво за услуги на предавање на храна и на пијалаци за консумација на лице место и кетеринг услуги, со исклучок на алкохолни пијалаци. Со воведување на новата повластена стапка останаа во важност претходно важечките стапки во висина од 5% и 18% со што од 1ви Јануари во угостителската индустрија постојат 3 стапки на ДДВ и тоа 5%, 10% и 18% што на некој начин со почетокот на новата 2021 година создаде хаос во работењето. Воведувањето на новата даночна стапка во угостителството нема сите угостители рамноправно да ја осетат. Рестораните, гостилниците, националните ресторани и сите оние кој работат со храна кои ќе имаат поголем бенефит од кафетериите, баровите, пивниците, ноќните клубови и дискотеките кои работат само со пијалоци. Краткорочни и брзи позитивни ефекти со воведувањето на новата стапка нема да има ниту пак битно влијание во работењето или брзото заздравување на угостителската индустрија од пандемијата Ковид-19. Долгорочно гледано бенефитите и покрај тоа што не е во целост применета новата стапка од 10% на сите угостителски услуги ќе има позитивен ефект во законското работење на угостителите. Дополнителен проблем во моментов е што голем број на угостители нема да можат веднаш да го користат бенефитот од новата повластена даночна постапка затоа што со исклучок на ДАВИД Компјутери кои на својата страна објави упатство како да се подесат фискалните принтери за користење на новата повластена ставка останатите продавачи и сервисери на фискални апарати сеуште немаат објавено соодветни упатства. За хаосот да биде поголем на сето ова создава и ПРАВИЛНИКОТ направен од Министерството за финансии за начинот на воведување на новата стапка на ДДВ во висина од 10% кој е објавен во Службен весник бр. 315 еден ден пред почетокот на неговата примена на 30ти Декември 2020 година што остава многу краток рок на прилагодување на ПОС системите кај угостителите и користење на новата повластена даночна стапка. Со новата даночна стапка се појавува и понатаму проблемот и можноста за различно толкување и правото на користење на двете повластени стапки од 5% и 10% во еден ист објект кои се употребуваат за достава на храна со 5% ДДВ и предавање на храна и на пијалаци за консумација на лице место и кетеринг услуги со 10% ДДВ. Поради пандемијата Ковид-19 голем број угостителските објекти воведоа во своето работење достава на храна. Угостителите кои покрај предавањето на храна на лице место и кетеринг услуги ќе сакаат да продолжат да работат со достава на храна и примена на повластената даночна стапка од 5% ќе треба да регистрираат посебни подружници во своите објекти со посебни фискални апарати преку кои ќе го остварат правото на користење на оваа повластена даночна стапка како би се избегнеле можноста за манипулација и повторна злоупотреба на правото на користење и толкување на даночната политика и од страна на угостителите и од страна на даночните инспектори. Независната угостителска комора ќе се заложи во наредниот период што побрзо Владата да го доисполни своето изборно ветување за една даночна стапка за сите угостителски услуги односно да ја исправи грешката што ја направи со парцијалното воведување на новата повластена стапка од 10% за услуги на предавање на храна и на пијалаци за консумација на лице место и кетеринг услуги, со исклучок на алкохолни пијалаци. Покрај проблемите на усогласување на новата повластена даночна стапка угостителите во наредниот период треба да извршат и усогласување на класификација на своите услуги од Македонско потекло за потребите на МојДДВ за што Независната угостителска комора ја превзема иницијативата за формирање на единствен регистар на производители и добавувачи во угостителската индустрија со целосен попис на сите производи и услуги кои се употребуваат во угостителството, стои во соопштението на НУК.