нуклеарна електрана – Kurir.mk

Иран гради нова нуклеарна електрана

Тале Кристо — Sun, 04 Dec 2022 10:21:20 +0000

Иранската Агенција за атомска енергија соопшти дека во југозападниот дел на Иран почна со изградба на нова нуклеарна електрана. Директорот на иранската Агенција, Мохамед Еслами истакна дека изградбата ќе трае седум години. – Нуклеарната централа од 300 мегавати ќе чини меѓу 1,5 и 2 милијарди долари, наведе Еслами. Иран има нуклеарна централа во Бушер, на југот на земјата, со капацитет од 1.000 мегавати. – Новата централа првично требаше да ја изгради француска компанија, која подоцна се откажа, посочи Еслами, додавајќи дека поради санкциите и другите земји избегнуваат соработка со Иран.

Затворена најстарата француска нуклеарна електрана

Ивона Петрова — Thu, 02 Jul 2020 10:41:51 +0000

Најстарата нуклеарна електрана во Франција е затворена по четири децении работење и долгогодишни кампањи на антинуклеарни активисти, објави порталот ЕУобсервер. Затворењето на нуклеарката Фесенхајм е дел од планот на францускиот претседател Емануел Макрон за намалување на зависноста од нуклеарна енергија и користење на обновливи извори на енергија. Нуклеарката престана да работи на 30 јуни, а процесот на отстранување на горивото од реакторите треба да заврши до 2023 година. Нејзиното комплетно демонтирање не се очекува пред 2040 година. Француското друштво за нуклеарна енергија смета дека затворањето на најстарата француска нуклеарка ќе значи поголемо производство на енергија од фосилни горива и зголемување на емисиите на штетни гасови за околу 10 милиони тони јаглерод диоксид годишно. По нуклеарната катастрофа во Фукушима во 2011 година во Јапонија, тогашниот француски претседател Франсоа Оланд вети дека ќе ја затвори Фасенхајм, поради реакцијата на германската и швајцарската влада за безбедноста на таа нуклеарка. Во Франција по затворањето на Фасенхајм ќе останат 56 реактори со вода под притисок во 18 нуклеарни електрани.

ФОТО+ВИДЕО: Драма во Чернобил, пожарот се поблиску до нуклеарката

Ивона Петрова — Tue, 14 Apr 2020 07:44:52 +0000

Над 400 украински пожарникари се борат со големиот шумски пожар околу контаминираната зона во Чернобил. Набљудувачите на состојбата велат дека пламените јазици сериозно се доближуваат до нукеарната електрана. -Нуклеарната електрана во Чернобил, складиштата со радиоактивен отпад и другите важни инфраструктури на контаминираното подрачје не се загрозени, истакна Володимир Демчук, високо лице од украинската служба за вонредни ситуации. Тој посочил дека главна задача на пожарникарите е да го локализираат пожарот и да го ограничат неговото ширење. Во гаснењето на пожарот се користат хеликоптери и канадери. Невладината организација Гринпис тврди дека ова е досега најголем пожар во чернобилската контаминирана зона која се протега во круг од 30 километри од електраната која денес не работи. Украинските власти со денови не објавуваат детали за проценките за размерите на пожарот, тврдејќи дека истиот не ја предизвикал зголемената радиоактивност. Пожарот го предизикал момче кое запалило трева за да се забавува, според неговите изјави пред полицијата. Му се заканува затворска казна од пет години.

Силен земјотрес во Иран во близина на нуклеарна електрана

Ивона Петрова — Wed, 08 Jan 2020 07:35:20 +0000

Земјотрес со јачина од 4,5 степени по Рихтер утринава го погоди Иран. Според првичните информации земјотресот бил во близина на нуклеарна електрана. Локалните власти соопштија дека е испратен спасувачки тим и оти засега нема информации за предизвикана штета или повредени.