Нуно Еспирито Санто – Kurir.mk

Санто проговори за отказот од Тотенхем

Ивона Петрова — Tue, 09 Nov 2021 07:32:18 +0000

Поранешниот тренер на Тотенхем, Нуно Еспирито Санто проговори за отказот од лондонскиот клуб. – Фудбалот е безмилосен. Пред неколку недели бев прогласен за тренер на месецот, а сега сум отпуштен од Тотенхем. Таков е животот, сега одам напред во потрага по мојот следен предизвик. И сакам да им се заблагодарам на навивачите на Спарс. Кога дојдов во овој голем клуб, сонував да освојувам трофеи со него, но не одеше сè според планот. Ова е животот, секогаш учиш нешто, напиша Санто на Инстаграм. На 1 ноември, Тотенхем го објави отказот на Нуно Еспирито Санто како главен тренер на тимот. Заедно со тренерот, лондонскиот клуб го напушти целиот негов стручен штаб.

Тотенхем му врачи отказ на тренерот Санто

Дарко Андоновски — Mon, 01 Nov 2021 10:58:57 +0000

Лондонскиот премиерлигаш Тотенхем објави претпладнево дека ја прекинува соработката со португалскиот тренер Нуно Еспирито Санто. Отказот за португалскиот стратег доаѓа два дена по поразот на домашен терен од Манчестер јунајтед (0-3) со што кулминираше слабиот почеток на Тотенхем во новата сезона. Санто, кој својата афирмација во англиското првенство ја имаше на клупата на Вулверхемптон, остана само четири месеци на чело на Тотенхем, оставајќи го лондонскиот клуб на осмото место со 15 бодови од 10 натпревари. Санто го наследи Мурињо по четиригодишна соработка со премиерлигашот Вулверхемптон, со кој избори пласман во Премиер лигата во сезоната 2018/19, а следната сезона настапи во четвртфиналето во Лига Европа. Тотенхем објави дека наскоро ќе го назначи наследник на Санто, а како најсериозен кандидат се споменува Италијанецот Антонио Конте.

Санто прогласен за најдобар тренер во Премиер лигата за август

Ивана Ефремовски — Fri, 10 Sep 2021 14:33:05 +0000

Тренерот на Тотенхем, Нуно Еспирито Санто е прогласен за најдобар тренер во Англија во август. Минатиот месец, Спарс, предводени од 47-годишен португалски специјалист, забележа три победи во Премиер лигата. Тимот ги победи Манчестер сити, Вулверхемптон и Ватфорд со ист резултат – 1:0. Тотенхем е лидер во Премиер лигата со максимални девет бода на три натпревари, и е единствениот тим што победи на сите три натпревари на почетокот на сезоната 2021/22. Покрај Нуно Еспирито Санта, за наградата Тренер на месецот беа номинирани Рафаел Бенитез (Евертон), Дејвид Мојс (Вест Хем) и Томас Тухел (Челзи). (МИА)

Ова е наследникот на Мурињо во Тотенхем

Тале Кристо — Wed, 30 Jun 2021 19:59:18 +0000

Англискиот прволигаш Тотенхем стави крај на сагата околу наследникот на Португалецот Жозе Мурињо, назначувајќи го вечерва неговиот сонародник Нуно Еспирито Санто за нов тренер. Премиерлигашот од Лондон објави дека Санто ќе остане на клупата на Тотенхем до крајот на 2023 година. Санто го наследува Мурињо по четиригодишна соработка со премиерлигашот Вулверхемптон, со кој избори пласман во Премиер лигата во сезоната 2018/19, а следната сезона настапи во четвртфиналето во Лига Европа. – Пред сè, сакам да му посакам добредојде на Нуно во клубот. Исто така, сакам да им се заблагодарам на нашите навивачи за трпението што го покажаа во целиот овој процес, изјави за клупскиот сајт претседателот на Тотенхем, Даниел Леви.

Еспирито Санто потврди: Jота оди во Ливерпул

Ивона Петрова — Sat, 19 Sep 2020 13:14:44 +0000

Менаџерот на Вулверхемптон, Нуно Еспирито Санто го потврди трансферот на Диого Јота во Ливерпул. 23-годишниот Португалец ќе премине во шампионот за околу 45 милиони фунти. – Ливерпул ќе има одличен играч и човек. Оваа зделка е добра за секого. Диого беше навистина среќен тука, но нормално е играчите да прифаќаат нови предизвици, изјави денес Санто. Како дел од зделката, тимот од Мерсисајд го продаваат 18-годишниот холандски дефанзивец Ки-Јана Хувер на „волците“, чија цена може да порасне на 13,5 милиони фунти. „На Ки му претстои светла иднина“, рече менаџерот на „волците“. Двата клуба сè уште официјално не ги објавија предметните трансфери.