нуркачи – Kurir.mk

ФОТО: Нуркачи трагаат по исчезнатото лице од Теново

Ивона Петрова — Thu, 17 Aug 2023 11:40:56 +0000

Регионалниот ЦУК Тетово известува дека и денеска трае потрагата по исчезнатото лице од с.Теново, кое за исчезнато беше пријавено на 06.08.2023 година. -Се пребарува теренот покрај реката Вардар во атарот на селата Стенче, Теново и Радиовце. На терен се 23 полициски службеници заедно со командирот на ПС Жеровјане, 5 вработени во ДЗС, 5 вработени во ТППЕ Тетово од кои две специјализирани лица за нуркање, информира ЦУК. На терен, заедно до тимовите од институциите, е и раководителот на РЦУК Тетово, заедно со уште еден вработен од Регионалниот ЦУК. Раководителката Арлинда Мухареми информираше дека потрегата се координира согласно плановите и можностите на вклучените во потрагата.

Три нуркачки тима трагаат по изчезнатиот во езерото Глажња (ФОТО+ВИДЕО)

Ристе Здравков — Mon, 31 Jul 2023 09:00:40 +0000

Три нуркачки тима на Специјалната антитерористичка единица „Тигар“ од утринава продолжуваат со потрагата по исчезнатиот маж во езерото Глажња. Потрагата била прекината ноќеска, а започнала вчера во попладневните часови. Исчезнувањето на Ф.Р. (30) од селото Никуштак било пријавено во ПС Матејче вчера околу 15.30 часот, бидејќи не се вратил подолг период откако влегол да се капе во вештачкото езеро на браната Глажња на оддалеченост од 1.5 километри. Преку СВР Куманово е повикана нуркачка екипа на МВР со цел да се пронајде исчезнатиот.

Три нуркачки тима трагаат по изчезнатиот во езерото Глажња pic.twitter.com/3XOx7lpHtb
— Курир (@KurirMK) July 31, 2023

Нуркачи продолжуваат да трагаат по момчето кое исчезна во водите на браната кај село Дрвош

Ивона Петрова — Tue, 18 Jul 2023 09:29:34 +0000

Продолжува потрагата по М.П. (29) од струмичкото село Дабиле, кој завчера исчезна во водите на браната кај селото Дрвош. Според портпаролката на СВР Струмица Александра Трајанова, по момчето трагаат нуркачи од МВР, на кои лошиот терен и заматената вода во браната им ја отежнуваат потрагата. Инаку, завчера во 13:30 часот во полицијата од Итна медицинска помош било пријавено дека околу 13.00 часот М.П.(29) од село Дабиле, струмичко, влегол во водите од браната во близина на село Дрвош, струмичко и не излегол.

Нуркачите од „Амфора“ го следат мрестот на охридската пастрмка

Ивона Петрова — Wed, 18 Jan 2023 11:24:24 +0000

Нуркачите од нуркачкиот центар „Амфора“ од Охрид секоја вечер го следат мрестот на Охридската пастрмка од почетокот на декември до крајот на февруари. Ваквиот чин, како што посочуваат од Нуркачниот центар, го прават веќе десеттина години, а пред почетокот на мрестот нуркачите го чистат езерското дно од цврст отпад. – Овој исконски ритуал, кој се поврзува со самото настанување на езерото е привилегија за нуркачите од „Амфора“, кои пред мрестот ги чистат местата од цврст отпад и нечистотии на длабочина од два до 40 метри за да можат пастрмките на чист терен да ја положат икрата, соопшти претседателот на Центарот Јован Секулоски. Нуркачите, посочи тој, ги следат навиките на пастрмките и ги документираат со подводни фотографии и видео материјал, со единствена цел заштита на популацијата на Охридската пастрмка.

И денеска се трага по возачот на Голфот: На терен 50 припадници на АРМ, повикани нуркачи од Охрид и „Тигрите“

Ивона Петрова — Fri, 30 Sep 2022 09:23:34 +0000

Четврт ден трае потргата по по возачот од возило кое излета во реката Вардар. Од Центарот за управување со кризи информираат дека од 9 часот на терен се 50 припадници од АРМ Тетово кои и денеска ќе вршат копнено пребарување. -Од полициска станица Желино на терен се 8 лица, од Полициска станица Јегуновце исто така на терен се 8 лица, Полициска станица Тетово се со 4 лица. Се очекува да пристигнат и нуркачи од Охрид, но дополнително и Специјалната единица CAE-Тигри ќе пристигнат со нуркачи. Осум лица од ДЗС Тетово и 8 лица од ДЗС Куманово ќе вршат копнено пребарување, исто така 4 лица од ДЗС ќе вршат копнено пребарување во Езерото Зелениково и 2 нуркачи од ДЗС ќе вршат пребарување во вода, информира ЦУК. Истакнуваат дека екипа од шест пожарникари ќе вршат копнено пребарување покрај реката. Екипа од ЕЛС Желино ќе помагаат во потрагата со 20 припадници.

ФОТО: Нуркачите извадија цела покуќнина од Охридското Езеро

Ивона Петрова — Sat, 30 Apr 2022 16:17:58 +0000

Во меѓународната еколошка акција за чистење на езерото,македонските и странските нуркачисе искилавија од вадење на столици, маси, делови од удобни лежалки кои послани на дното на Охридското езеро, беа доволни да се направи подводен ресторан. Нуркачите кои го познаваат Охридско како дланката на својата рака, чистејќи го езерото од цврст отпад кои нашите несовесни сограѓани го фрлаат, од вода извадија и делови од покуќнина, апарати за домаќинство, се што е потребно за опремување на простории за дневен престој или бања. Се извадија 3 потонати кајчиња, велосипед и гуми, а нуркачите го собраа и инвентарот кој од кафетериите вдолж крајбрежјето завршил во вода. Природата ни го дала најголемото богатство, езеро со чиста вода каква што нема никаде во светот, велат нуркачите кои упатија апел пред се’ до охриѓани, со своето совесно однесување да ја покажат љубовта и грижа за Охридското езеро.

Нуркачи од земјава и региониот денеска го чистат дното на Охридското Езеро

Магдалена Андонова — Sat, 30 Apr 2022 09:49:37 +0000

Нуркачи од земјава и од регионот денеска го чистат дното на Охридското Езеро од цврст отпад во рамките на проектот „Охрид еко 2022" во организација на нуркачкиот центар „Амфора". Акцијата е финансирана од Општина Охрид, со поддршка на лоланиот бизнис сектор. Претседателот на „Амфора" Јован Секулоски пред почетокот на акцијата информираше дека ќе се чисти езерското дно кај авто кампот „Градиште", Музејот на вода и Градското пристаниште. – Најмногу отпад на езерското дно има онаму каде што гравитираат најголем број туристи. Цврст отпад, сите видови градежен шут, лименки, метални предмети, пластика …Најмногу загадено е градското пристаниште, но и сите места каде што се рекреираат туристите, изјави Секулоски. Забележа дека низ годините состојбата се подобрува, односно дека е подигната свеста и влијанието кон пошироката јавност има ефект. Охридскиот градоначалник Кирил Пецаков смета дека е недозволиво, како што рече, во овој прекрасен езерски басен за кој научниците тврдат дека е стар околу три милиони години и во кој живеат ендемични видови растителен и животински свет да се исфрла најразличен отпад. – Затоа е потребно да се организираат повеќе вакви акции, кои може да придонесат за подигање на еколошката свест кај населението за поголема грижа за Охридското Езеро и околината која го опкружува. Охридското Езеро е нашиот најголем бисер, нашата најголема гордост. Ние имаме привилегија да поседуваме една ваква уникатна убавина, која е препознаена и запишана како светско природно наследство и затоа треба да вложиме максимални напори за да ја сочуваме за идните генерации, нагласи Пецаков. За Мирко Бевења, нуркач од соседна Србија фрлањето отпад во езерото е голема штета. – Треба да се покрене свеста кај луѓето да ја чуваат природата и она што имаат, а ние ќе помогнеме да го извадиме она што несовесните луѓе го оставиле, истакна Бевења. Хрватскиот нуркач Роберт Калањ не е изненаден од она што се наоѓа на дното од Охридското Езеро, бидејќи со слична состојба се соочувале и со Јадранското море, каде жителите фрлале многу отпад. Иван Јариќ, пак нуркач од Дубровник смеат дека секој треба да тргне од својот дом и да чисти зад себе. /МИА

Без китење елка во Охридското Езеро, нуркачите од под вода посакаа среќна Нова 2021 година

Тале Кристо — Tue, 29 Dec 2020 12:22:16 +0000

Коронавирусот ја прекина и веќе воспоставената традиција на новогодишно китење елка во водите на Охридското Езеро. Оваа година поради ситуацијата наметната со коронавирусот нуркачите од Клубот за подводни активности – Охрид и Нуркачкиот клуб „Амфора“ со малку видоизменета агенда посакаа среќна Нова 2021 година. Поделени во групи од по тројца-четворица нуркачи, слично на протоколите за дистанца, тие нуркаа на три различни локации кај Заливот на Коските, кај Трпејца и кај изворите на Црн Дрим кај Свети Наум и на тој начин на сите граѓани им ја честитаа Новата година. Честитката ја упатија посебно и на децата со ретки болести со желба за подобро здравје и лесно надминување на потешкотиите.

Специјалците на МВР ја прекинаа потрагата по удавеното момче

Ристе Здравков — Mon, 03 Aug 2020 15:48:00 +0000

Специјалната единица „Тигар“ која денес пристигна во Претор со цел да го пронајде удавеното момче, ја прекина потрагата, соопшти ТВ Алфа. Имено боците на нуркачите останале без кислород, па поради тоа е прекината потрагата. По момчето кое се удави во водите на Преспанското езеро се трага повеќе од 24 часа.

ФОТО: Подготовки за Водици, охридските нуркачи го исчистија делот каде ќе се фрла светиот крст

Ивона Петрова — Sun, 13 Jan 2019 09:31:00 +0000

Во пресрет на христијанскиот празник Богојавление – Водици членови од нуркачкиот центар Амфора и клубот за подводни дејности Охрид, извршија чистење на дното на езерото каде ќе се фрла чесниот крст, пишува Охрид1. -Основната цел е безбедноста на капачите и намалување на ризикот од повреди, велат од Амфора и клубот за подводни дејности Охрид.