нуркање – Kurir.mk

Нуркање на коњ бил вистински спорт (ВИДЕО)

Ристе Здравков — Mon, 26 Dec 2022 11:10:30 +0000

Иако денеска делува неверојатно, некогаш јавачите и коњите скокале од скокалници и нуркале, а често доаѓало и до повреди. Нуркањето на коњ прв пат се појавило во 1880-тите години како идеја на Вилијам „Доктор“ Карвер, човек повеќе познат како стрелец отколку како олимписки нуркач. Карвер наводно дошол до идејата кога минувал мост преку реката Плат во Небраска. Додека Карвер сè уште бил на мостот, коњот скокнал од мостот во водата, инспирирајќи го на идејата за коњи за нуркање. Повреди се случувале често, а почесто бил загрозен јавачот отколку коњот. До 1970-тите, нуркачките коњи почнале да ја губат својата популарност меѓу активистите за права на животни, кои барале да се прекине оваа пракса. Постоел мал напор нуркачките коњи да се вратат во Атлантик Сити во 2012-та година, но активистите за правата на животите веднаш го задушиле. Како изгледало сето тоа, можете да видите на приложеното видео.

View this post on Instagram

A post shared by History In Pictures (@historyphotographed)

Се фрли од скапата јахта и започна да нурка- кога ќе видите што правеше под вода Георгина со Роналдо нема да ви биде добро (ВИДЕО)

Дарко Андоновски — Tue, 25 Aug 2020 16:38:19 +0000

Девојката на Кристијано Роналдо и идна сопруга е повторно во центарот на вниманието. Гергина Родригез и Роналдо со денови поминуваат заедно крстајќи ја скапа јахта по Азурниот брег.

View this post on Instagram

?

A post shared by Georgina Rodríguez (@georginagio) on Aug 19, 2020 at 9:21am PDT

Шпанската убавица сега објави видео на Инстаграм за да ги покаже своите вештини за нуркање.

View this post on Instagram

Que afortunada me siento ❤️

A post shared by Georgina Rodríguez (@georginagio) on Aug 18, 2020 at 11:50am PDT

Таа го истражуваше подводниот морски свет, но фановите природно уживаа во нејзиното привлечно тело. За само четири часа, видеото го гледаа над четири милиони луѓе.

View this post on Instagram

??‍♀️

A post shared by Georgina Rodríguez (@georginagio) on Aug 25, 2020 at 4:51am PDT

Спасувачот Караџиќ проговоре за децата од пештерата: Ниедно дете во историјата никогаш не нуркало вака (ВИДЕО)

Катерина Бојаџиева — Tue, 10 Jul 2018 17:30:34 +0000

Иван Караџиќ, еден од спасувачите од меѓународниот тим нуркачи кои им помагаа на тајландските власти во акцијата за спасување на момчињата од пештерата, за Би-Би-Си објасни зошто им се восхитува на момчињата кои заглавија во пештерата. -Тие деца беа присилени да направат нешто што никогаш во историјата ниедно дете не требало да го направи. Никако не е нормално деца од 11 години да нуркаат во пештера, изјави Караџиќ и објасни: -Нуркаат во нешто што се смета за екстремно опасни услови, нема апсолутно никаква видливост, единствената светлина е таа од нашите лампи. Поради тоа бевме многу уплашени поради паниката која може да избие. Покрај тоа, постои повеќекратна опасност од дефект на опремата што ја носиме. Поради тоа имавме резервен план: што ако престане да работи овој дел од опремата? Тогаш ќе го направиме ова. Што ако ни откаже друг дел од опремата? Ќе го замениме со резервен. И така понатаму. Сѐ уште не можам целосно да сфатам колку се тие деца всушност кул, раскажа Караџиќ. -Кога размислувам за тоа дека веќе две недели се во мал простор во пештерата и дека не ги виделе своите мајки и татковци… Тоа се многу силни деца. Да не ти се верува, кажа тој. На новинарското прашање како реагирал кога го видел првото дете во пештерата, Караџиќ одговори: Бев многу исплашен кога ги видов нуркачот и детето пред себе, а не можеме да гледаме далеку во тие услови, можеби 50 метри, сѐ уште не знаев дали е жртва или живо дете. Бев многу, многу исплашен. Не беше тоа убаво чувство. Но, кога видов дека детето е живо, се почувствував одлично, изјави Караџиќ.

Заглавените деца во пештерата во Тајланд се уште не се подготвени за нуркање, оценуваат спасувачите

Ивона Петрова — Sat, 07 Jul 2018 07:47:31 +0000

Тајландските спасувачи кои се обидуваат да ги спасат 12-те деца и нивниот тренер заглавени во една пештера во Тајланд, денеска соопштија дека момчињата се уште не се подготвени за нуркање, па затоа не може да почне операцијата за нивно извлекување. Сепак, гувернерот на провинцијата Луанг Рај, Наронгсак Осатанаком, која раководи со спасувачката операција, на прес-конференција изјави дека доколку очекуваните обилни врнежи од дожд предизвикаат покачување на нивото на водата во пештерата, нуркачите ќе се обидат да ги извлечат децата. Децата, на возраст од 11 до 16 години, кои беа сместени во еден фудбалски камп, и нивниот тренер заминале на разгледување на пештерата на 23 јуни, меѓутоа обилните монсунски дождови предизвикаа поплавување на пештерата и тие останаа заглавени во неа. Во меѓу време, како што јави ДПА, тренерот на малдите фудбалери преку нуркачите достави писмо во кое ги моли родителите на момчињата за прошка. - Во моментов сите деца се добро. Спасувачите се грижат добро за нив. Ви благодарам за целата морална поддршка и ги молам сите родители за прошка, стои во писмото на 25-годишниот тренер Екапол Чантавон. Од пронаоѓањето на заглавените деца во понеделникот вечерта, досега се објавни два видео записи на кои тие беа прикажми на местото на кое се заглавени, додека обидот за инсталирање на телефонски кабел до нив беше неуспешен. Покрај јавно објавеното писмо на тренерот, нуркачите доставија и пораки од децата до нивните родители. - Не се вознемирувајте тато и мамо. Поминаа две недели окако заминав, но ќе се вратам за да Ви помагам во дуќанот, вели малиот Екарат во пораката до неговите родители, кои поседуваат продавница. - Добро сум, но тука е малку студено. Не грижете се за мене. Не заборавете да ми подготвите прослава за родендентот, се наведува во пираката на момчето Дуангфет до неговите родители. - Ако излезам ќе Ве молам да ме одведете да јадам муу крата, им порачува Пифат на своите родители. Муу крата е традиционално тајландско јадење со свинско месо и зеленчук. На еден искусен нуркач за пристап до местото на кое се наоѓаат децата и ваќање назад, му се потребни 11 часа. Рутата е долга неколку километри и минува низ матна застоена вода, тесни канали, скали и други препреки. На некои места видливоста во водата е речиси нула. Спасувачите предложија план за пробивање дупка длабока 600 до местото на кое се наоѓаат децата и нивниот тренер, но оваа опција засега е само во фаза на разгледување. Сопственикот на „Тесла Моторс“, Илон Маск вчера најави дека на местото на инцидентот ќе испрати инженери од неговите фирми во Тајланд, со цел да пружат помош при пробивањето на приод до децата. МИА