нутела – Kurir.mk

Нутела торта готова за половина час: Потребни ви се само две состојки

Ристе Здравков — Sat, 23 Sep 2023 14:12:31 +0000

Генијален готвач измислил торта Нутела која може да се направи за 30 минути и бара само две состојки. Андреа Соранидис сподели магичен и богат рецепт на нејзиниот блог The Petite Cook. Таа напиша: „Оваа торта е готова за 30 минути, лесно се прави и без глутен“. Сè што ви треба се пет јајца и 250 грама Нутела, но можете, како Андреа, да направите своја Нутела. За да направи Нутела, Андреа меша лешници, темно чоколадо, органски кафеав шеќер, маслиново масло и свежо млеко. За почеток треба да ја загреете рерната на 175°C за да можете да ја испечете тортата веднаш штом ќе ги измешате состојките. Потоа изматете ги јајцата со миксер додека не се добие воздушна и лесна смеса. Откако ќе ги изматите јајцата, стопете ја Нутелата во микробранова печка 30 секунди. Кога нутелата ќе се растопи, полека додајте ја смесата со јајцата и измешајте ја со лажица, а не со миксер. Откако убаво ќе ја измешате смесата, истурете ја во калап за колачи и печете во рерна 20 до 25 минути. Ако сакате вашата торта да биде помека и полна со крем во центарот, печете ја 22 минути. На крајот можете да ја посипете со шеќер во прав и спремни е за послужување.

КАКО СЕ ПРАВИ ДОМАШНА НУТЕЛА: Двојно е поевтина од онаа купечката, а добивате повеќе намаз (ВИДЕО)

Ристе Здравков — Fri, 31 Mar 2023 07:56:55 +0000

Нутела е најпознатиот намаз во светот кој многумина го сакаат. Можете да направите филови за колачи и торти, да го намачкате на леб, палачинки… и одличен е во комбинација со банана за домашен сладолед. Во продавница е прилично скапо, но дома можете да направите двојно поевтина верзија на омилениот намаз и тоа поголема количина. А доколку сакате да има побогат и кремаст вкус, наш предлог е да додадете растопено чоколадо. Состојки: 1 чаша печени лешници, 140 гр млечна чоколада, 2 лажици масло, 3 лажици шеќер, 1 лажица незасладено какао, 1/2 лажичка екстракт од ванила, 1/2 лажичка сол. Подготовка: Лешниците исчистете ги и смелете ги во блендер. Кога ќе бидат ситно мелени, додадете масло и ванила, па кратко блендирајте. Потоа додадете ги шеќерот, какаото и солта, па повторно изблендирајте. Нутелата е готова, но доколку сакате малку покремаст и посилен вкус, додадете го растопеното чоколадо и убаво измешајте.

Штрудла со нутела и лешници

Ивона Петрова — Sat, 26 Nov 2022 21:14:26 +0000

Подгответе штрудла со нутела и лешници за вистинско уживање со секој залак. Состојки: 1 квасец 250 мл. вода 250 мл. млеко 2 лажички сол 250 гр. путер или маргарин 3 жолчки 900 гр. брашно 300 гр. нутела 150 гр. лешници Подготовка: Квасецот ставете го да стаса. Во сад истурете го квасецот, додадете ги жолчките, растопениот путер, солта и млаката вода, па постепено додавајте го брашното и замесете меко тесто. Оставете го тестото да стаса, поделете го на два дела. Со сукало развлечете го тестото за штрудла, премачкајте го со половина од нутелата и посипете со половина од сечканите лешници, па свиткајте во ролна. Постапката повторете ја со другата половина од тестото и филот. Штрудлите премачкајте ги со изматено јајце, благо избоцкајте ги со вилушка и оставете ги да одморат околу половина час. Печете ги на 200 степени околу 45 минути. Добар апетит.

Малку поинаков рецепт за Бајрам: Дали би пробале баклава со Nutella?

Ристе Здравков — Thu, 07 Jul 2022 13:21:18 +0000

Доколку сакате да пробате малку поинаков деликатес за време на претстојниот Бајрам, зошто да не подготвите баклава со Nutella? За да го подготвите овој рецепт ќе ви требаат: 500 гр кори за баклава 400 гр Nutella 200 гр печени лешници 200 гр стопен путер малку масло За шербет: 1,5 чаши шеќер две чаши вода една лажичка сок од лимон Подготовка: Испечете ги лешниците и исечкајте ги ситно. Стопете го путерот и измешајте го со маслото. Тавата во која ќе ја печете баклавата намачкајте ја со путер. Ставете ја кората и премачкајте ја со путер. Оваа постапка повторете ја пет пати, па на петтата кора намачкајте со Nutella и посипете со сечкани лешници. Одозгора се става кора, се премачкува со путер. Повторете ја постапката пет пати. Повторно намачкајте Nutella и додадете лешници. Повторно наредете кори. Исечете ја баклавата и печете ја на 200 степени Целзиусови додека не порумени. Потоа намалете на 100 степени и печете уште 15 минути. Веќе испечената баклава прелијте ја со претходно подготвениот шербет и оставете да се впие.

Рецепт кој сите го сакаат: Нутела торта готова за 20 минути

Магдалена Андонова — Sat, 06 Feb 2021 19:15:06 +0000

Фините кремасти десерти секако се слаба точка за многумина од нас, а оваа торта Нутела без печење е само една од тие слатки закуски. Подлога: 240 гр мелени бисквити 150 мл млеко 160 гр путер или маргарин 95 гр шеќер 160 гр чоколадо за готвење Крем: 380 гр крем сирење (на пр. АБЦ сирење) 60 гр шеќер во прав 760 мл слатка павлака 240 гр Нутела Глазура: 200 мл слатка павлака 200 гр млечно чоколадо Подготовка: Прво, внатрешноста на калапот со димензии 25 × 25 сантиметри (или слични димензии) треба да биде покриена со проѕирна фолија. Ставете хартија за печење на дното на калапот. Потоа треба да направите подлога. Истурете млеко во голема чинија, додадете исечен путер или маргарин и додадете шеќер. Мешајте да зоврие за да се стопат шеќерот и путерот. Потоа додадете го изренданото чоколадо за готвење во тавата и промешајте на оган за да се стопи чоколадото. Тргнете го од оган. На крај, додадете мелени бисквити и измешајте сè добро за да добиете смеса. Пренесете ја смесата во калап и добро притиснете и израмнете (можете да користите чаша, плех за торта или друг предмет). Ставете го калапот во фрижидер за да се зацврсти основата додека се прави кремот. За кремот со миксер добро изматете го крем сирењето со шеќерот во прав. Во друг поголем сад изматете ја слатката павлака во цврст шлаг. Додадете го матеното сирење во шлаг и сè мешајте повторно со најмала брзина на миксер. Поделете го добиениот крем на два еднакви делови. Ставете ја омекнатата Нутела (собна температура) во една половина и сè мешајте добро со миксер. Извадете ја основата од фрижидерот и намачкајте ја белата павлака на неа. Повлечете го на рабовите и порамнете го. Нанесете темна крема над белиот крем. И внимателно повлечете го на рабовите и исправете се. Тогаш треба да се направи глазура. Во сад, истурете ја слатката павлака и оставете да зоврие. Потоа тргнете ја тавата од оган, додадете го изренданото млечно чоколадо и промешајте за да се стопи чоколадото. Внимателно истурете ја тортата со глазура и ставете ја во фрижидер да се излади пред да ја послужите, и по можност преку ноќ.

Рецепт на денот: Новогодишна елка со Нутела (ВИДЕО)

Магдалена Андонова — Thu, 24 Dec 2020 13:19:04 +0000

Печењето на совршени празнични печива знае да биде предизвик и авантура, посебно ако го имате вистинскиот рецепт. Замислете си го мирисот кој ќе се прошири низ дома и аромата која ќе ги привлече сите, од најмлади до најстари, околу кујната. Оваа новогодишна елка со Нутела е токму таква - вксуна, мека, топла и слатка. Потребни состојки: 450g брашно 70g шеќер 2 лажички сув квасец Малку сол 30g стопен путер 180ml стоплено млеко 2 жолчки од јајца (белките сочувајте ги за премачкување) 1 шолја Нутела Подготовка: Измешајте го квасецот во ¼ шолја топла вода и оставете да отстои 10 минути. Во друг сад измешајте го брашното со солта и шеќерот. Додадете го квасецот и мешајте 5-7 минути додека не добиете убаво тесто. Покријте со пластична фолија и оставете да нарасне на топло место околу 1 час. Откако ќе го подготвите тестото, постапката за правење новогодишна Нутела елка, погледнете ја во видеото:

Салвини ќе ја бојкотира „Нутела“, не била доволно италијанска

Ивона Петрова — Fri, 06 Dec 2019 12:02:53 +0000

Италијанскот опозициски лидер Матео Салвини изјави дека ќе ги бојкотира чоколадните продукти Нутела бидејќи не се 100 отсто италијански. – Открив дека Нутела користи турски лешници, а јас претпочитам да помагам компании што користат италијански продукти, изјави Салвини. – Сакам да јадам италијанско, ако можам на тој начин да им помогнам на италијанските фармери, нагласи тој синоќа на митинг на националистичката партија Лига. Салвини (46) често јавно укажува за сопствените навики за конзумирање храна како дел од стратегијата на социјални мрежи. Нутела најчесто му е на неговиоте страници на Фејсбук и Твитер. Неговата партија го користи мотото „Италијанците на прво место“ и водат во анкети со поддршка од околу 32 отсто. Производителот на Нутела, Фереро е најголем купувач на лечници во светот – според ФАО, Турција доставува 70 отсто од светската потреба за лешници, следи Италија со околу 20 отсто.

Чоколадни колачиња од Нутела, кои се прават во тегла (ВИДЕО)

Катерина Бојаџиева — Thu, 15 Nov 2018 15:24:11 +0000

Се прават во теглата од крем и се печат на хартија за печење. Потребни состојки: 90g бело брашно 1 големо јајце 275g Нутела (во голема тегла од 400g) 60g кршени лешници 60g кршено бело чоколадо Подготовка: Сите состојки истурете ги во теглата и добро промешајте со голема лажица. Треба да добиете чоколадно тесто од кое ќе вадите топчиња со лажица за сладолед. Наредете ги на хартија за печење. Печете 10 минути на 180 степени. Изгледајте го видеото за да се уверите колку се лесни и вкусни:

Имате договор со Нутела за лешници, тогаш треба да ја прочитате оваа вест

Ивона Петрова — Thu, 05 Apr 2018 16:52:25 +0000

Компанијата Фереро го претстави својот стратешки план според кој за производство на кремот „нутела“ ќе користи само лешници произведени во Италија. Досега Фереро, освен од матичната земја, со лешници се снабдуваше од Турција, Чиле и Јужна Африка. Производителот на познатиот крем објави план до 2025 година на 20.000 хектари да подигне нови насади со лешници, што претставува 30 отсто од сегашната површина со лешници во Италија. Италија има голем потенцијал за производство на лешници. Повеќе од 70.000 хектари земја се користи за лешници, со просечно производство од околу 110.000 тони годишно. МИА