о2 иницијатива – Kurir.mk

„Го Сакам Водно“ и „О2 Иницијатива“ сакаат итна средба со Заев: Бараме решение СЕГА, со закон СЕГА!

Ивана Ефремовски — Tue, 09 Mar 2021 13:34:42 +0000

Граѓанските здруженија „Го Сакам Водно“ и „О2 Иницијатива“ доставијa барање до Претседателот на Владата, Зоран Заев, за ИТНА СРЕДБА заедно со претставници од Шумарскиот факултет, МЗШВ, УХМР, ЦУК, Агенција за за планирање на просторот. Во продолжение следува интегрален текст од нивното соопштение: Причините се што и покрај гласноста и противењето на научната и експертска јавност во тек на јавните расправи, дебати, технички координативни средби при МЖСПП, прес-конференции, издадени негативни мислења од институциите, Министерството за животна средина и просторно планирање на чело со министерот Насер Нуредини одлучија да продолжат со процесот на ре-прогласување на дел од планината Водно за заштитено подрачје, но овој пат со многу ниска заштита од V категорија - заштитен предел. Од МЖСПП се прават слепи и глуви на минатото, но и на сегашноста на Водно и се продолжува со шарадата, кога е крајно време да се прекине. Наместо изготвување на бараниот посебен Закон за Водно, со кој би се изготвила сеопфатна, ИНТЕГРИРАНА заштита на Водно, се продолжува со Одлуката базирана само на еден, многу мал аспект од Водно. Особено опасен е ставот на МЖСПП дека донесувањето на Одлуката не претставува пречка за подготовка на посебен Закон за Водно, кој откако ќе биде изработен ќе може да ја инкорпорира и донесената Одлука. Причината е што со предвиденото зонирање и предвидените активности се поништуваат огромен број на веќе изработени студии за заштита од ерозија и поплавување. Носење на Одлуката за презаштита на Водно и носењето на посебен Закон за Водно не може да одат рака под рака, зошто ќе се во меѓусебна колизија и ќе се поништуваат еден со друг. Или Одлука или Закон. Двете не може. Ако Владата ја донесе предложената Одлука за презаштита на Водно, но овој пат од V категорија, ќе ја доведе безбедноста на граѓаните на Скопје во опасност, поради не земање предвид на ерозивните процеси на Водно, појавата на свлечишта, опасноста од поројни поплави и пожари. Бидејќи зонирањето кое се наметнува со одлуката не ги зема овие нешта предвид. За разлика од построгата и постоечка заштитата која е на сила од 1976, со измени во 1989, 1990, 1991, со која најголемиот дел од Водно е заштитен како предел со посебни природни карактеристики: парк-шума. Водно во својот најголем дел е вештачки пошумено со видови кои претежно не се автохтони. Она што во најголема мера настанало вештачки, се прогласува за природно тогаш, поради постоење на правен вакуум и неопходноста за заштита поради безбедносната улога која ја има пошуменото Водно за град Скопје. Водно е повеќенаменско, каде на прво место доаѓа безбедноста од поплавување на градот и заштита од пожари, потоа неговата рекреациска улога, еколошката улога за прочистување на воздухот и на крај е заштитата на природното и културно наследство. Неспорен и апсолутен приоритет е безбедносната улога на Водно, која со прогласување на Одлуката за Водно за заштитено подрачје од V категорија ќе се поништи. За крај, дел од официјално доставеното мислење на Агенцијата за планирање на просторот до МЖСПП, „Прогласувањето на подрачјето со уважување на само еден аспект (природниот, кој за Водно воопшто не е доминантен) и игнорирајќи ги останатите, кои за граѓаните на Градот Скопје значат заштита, безбедност и живот без сериозни закани; значи дека Водно ќе го претвориме во еден простор кој за идните генерации наместо подрачје со мултифункционално значење, ќе се претвори во подрачје со бројни проблеми без решение.“ Бараме РЕШЕНИЕ СЕГА, со ЗАКОН СЕГА, а не Одлука која ќе донесе огромен број на проблеми, некои со погубен карактер и можни бројни жртви и огромни штети.

O2 Иницијатива: Државниот завод за ревизија констатира потфрлање во решавањето на клучниот проблем со загаденоста на воздухот

Дарко Андоновски — Thu, 18 Feb 2021 10:40:59 +0000

О2 Иницијативата преку статус на Фејсбук пишува дека државниот завод за ревизија констатира потфрлање во решавањето на клучниот проблем на македонските граѓани, загаденоста на воздухот. -🔴 Државниот завод за ревизија констатира потфрлање во решавањето на клучниот проблем на македонските граѓани, загаденоста на воздухот. 🔴 Мерките кои се преземени во последниве три години не го промениле значително квалитетот на воздухот кој го дишеме, надзорот и контролата се на ниско ниво, а финансиите кои централните и локалните власти ги издвојуваат за решавање на овој проблем се незначителни, се вели во конечниот извештај од јануари 2021, за степенот на имплементација на препораките на ревизорите од 2017. 🔻 Според податоците од Државен завод за статистика, учеството на инвестициите и трошоците за заштита на воздухт во БДП во периодот 2017-2019 е НАМАЛЕНО во однос на претходните години и изнесува 0️⃣,0️⃣3️⃣%, а во однос вкупните инвестиции и трошоци за животната средина изнесува 2️⃣% за 2017 и 2018, односно 2,6% за 2019. 🔻 Малиот буџет кој се издвојува за борбата против загадувањето е причина, што и понатаму просечните годишни концентрации на ПМ10, во голема мера ги надминуваат утврдените гранични вредности во сите мерни станици, освен станицата во Лазарополе. 🔻 Голем проблем е недостигот на стручен и компетентен кадар. 🔻 Мониторингот над имплементацијата на мерките во планските документи се врши нередовно и нецелосно, односно ад хок и по барања од ЕУ, медиумите и граѓанскиот сектор. 🔻 И понатаму, не е обезбедена целосност на податоците за Катастарот на загадувачи од причина што повеќе од 50 % од операторите кои поседуваат А и Б интегрирани еколошки дозволи немаат доставено податоци. 🔻 Од вкупниот број надзори во 2017, 2018 и 2019 година, и понатаму незначителни 1️⃣% извршени се по Законот за квалитетот на амбиентниот воздух. 🔵 Препораката е да се зајакне административниот капацитет, да се донесат законските решенија за квалитетот на амбиентниот воздухот и инспекцискиот надзор во животната средина, да се воспостави Национален информативен систем за животна средина и целосна база на податоци за Катастарот за животна средина, систем за подготовка и следење на планските документи и обезбедување на потребните финансиски средства за нивна реализација. https://dzr.mk/.../210217-zashtitata-na-graganite-od..., стои во нивниот пост на Фејсбук.

🔴 Државниот завод за ревизија констатира потфрлање во решавањето на клучниот проблем на македонските граѓани,... Posted by O2 Иницијатива on Четврток, 18 февруари 2021

О2 Иницијатива: Додека ги продаваат становите во Ѓорче Петров со слики на зеленило околу нив, на терен единствените преостанати дрва немилосрдно се сечат

Магдалена Андонова — Fri, 18 Dec 2020 14:43:53 +0000

Додека грижата за животна средина и една од „мерките“ за справување со загадувањето ја сведуваат на толку и толку посадени дрвца, ситуацијата на терен ни ја покажува вистинската слика на нивната „грижа“, стои во Фејсбук статусот на О2 Иницијатива. - Ова е населба Александрија, општина Ѓорче Петров, додека ги продаваат становите со слики на зеленило околу нив, на терен единствените преостанати дрва немилосрдно се сечат заради проектирана улица според нов ДУП. На сликите се гледа нов засаден дрворед, кој дел веќе е испогазен при налетот на градежните машини. Важно имаме еден куп спонзорирани постови како нашите локални власти се потепаа од садење, само што во равенката никако да им текне да ги одземат сите оние стари и здрави дрвја паднати под налетот на пилата, пишуваат тие.

О2 иницијатива: Со помош на ВМРО-ДПМНЕ ќе бидат поднесени амандмани за измени во буџетот во насока на намалување на загадувањето

Дарко Андоновски — Tue, 24 Nov 2020 14:54:34 +0000

О2 иницијативата денеска преку статус на Фејсбук пишува дека со помош на ВМРО-ДПМНЕ ќе бидат поставени нивните предлози за измени во Буџетот во насока на намалување на аерозагадувањето и решавање на жешките точки. -Денеска започна претресот по Предлог-Буџетот за 2021 година во Комисијата за финансирање и буџет на Собранието. Претресот ќе трае до 10 работни дена. Ние поднесовме наши предлози за измени во Буџетот во насока на намалување на аерозагадувањето и решавање на жешките точки. Од парламентaрната група за заштита на природата и борба против загадувањето и климатските промени, пратеници од редовите на ВМРО-ДПМНЕ се изјаснија дека ќе поднесат амандмани по нашите предлог-измени. Ќе видиме колку министерот за финансии Fatmir Besimi ќе има слух за здравјето на граѓаните и обезбедување на поголеми средства за намалување на загадувањето и колку членовите на комисијата ќе усвојат од предложените амандмани. Ќе го следиме претресот и ќе известиме за исходот, а ќе го објавиме и предлог-буџетот за 2021, наменетите средства за животна средина и аерозагадување и нашите предлози за да видиме некаков ефект, а не повторно со промили да се мерат поместувањата во оваа животозагрозувачка област, стои во нивниот пост на Фејсбук.

Денеска започна претресот по Предлог-Буџетот за 2021 година во Комисијата за финансирање и буџет на Собранието.... Posted by O2 Иницијатива on Вторник, 24 ноември 2020

Иницијатива О2 со сериозни обвинувања (ФОТО)

Ивана Ефремовски — Thu, 28 May 2020 11:00:15 +0000

Од Иницијативата О2 обвинуваат дека постојат очигледни докази за незаконски дејства. Нивниот Фејсбук статус го пренесуваме во продолжение На 31 јануари, 2020 потоа и на 3 март, 2020 Општина Ѓорче Петров најави и објави снимки дека работи на санирање на дивата депонија во атарот на с.Ново Село. Според нивните зборови: „Со брзо темпо се елиминира 11 хектарската дива депонија во Ново село“. Дали темпово било толку брзо па во период од 2 месеци, за време на строги мерки заради пандемија, луѓето успеа по „санирањето“ да ја обноват или „елиминирањево“ било само за фотографирање? Фотографиите објавувени на социјалните мрежи, изминативе денови покажуваат сосема поинаква ситуација, а посебно загрижувачки е што се појави и снимка на која се гледа камион како истовара градежен шут на истава депонија, а сведоци тврдат дека камионот имал ознаки токму на општината Ѓорче Петров. На утринската програма „Ја сакам Македонија“ од 26.5.2020, во прилог снимен на истата депонија, советник во општина - Ѓорче Петров , Славчо Мисајлески го тврди истото: депонијата е оградена, но камиони сепак непречено исфрлаат шут!!. (https://www.facebook.com/SkopjeSmog/videos/566044261004848/) Постојат очигледни докази за незаконски дејства, обвинувања, и повторно НИШТО. Според Закон за управување со отпад, член 41, за одржување на јавната чистота: (1) Градоначалникот на општините и градот Скопје се должни да ја одржуваат јавната чистота и да постапуваат со напуштениот отпад на јавните и сообраќајни површини во урбаните средини и во неурбанизираниот простор на своето подрачје согласно со овој и друг закон. Согласно член 24а од Законот за управување со отпад (Неконтролирано отстранување на отпадот: Забрането е оставање, фрлање, напуштање, спалување или неконтролирано отстранување на отпадот) надлежни за контрола се овластените инспектори ( за животна средина на општината и градот Скопје), кои пак треба да преземат мерки согласно член 139, став 4 од Законот за управување со отпад. Бидејќи тие се дел од локалната самоуправа, надлежни за нив се органите на самата локалан самоуправа како што и наведува и во член 41. Член 137 Надзор на законитоста на работата на органите на општината (1) Надзор над законитоста на работата на органите на општината, односно градот Скопје се заснова на начелото на законитост, одговорност и самостојност во остварувањето на нивните надлежности. (2) Надзорот од ставот (1) на овој член го врши органот на државната управа надлежен за работите од областа на животната средина. (3) оценува дали градоначалникот на општините и на градот Скопје донеле акти за одржување на јавната чистота и постапуваат со напуштениот отпад на јавните и сообраќајните површини во урбаните средини и во неурбанизираниот простор на своето подрачје и го следи начинот на нивното спроведување (членови 22 и 41); Постојат надлежности за контрола и спроведување во законот, но никој не ги спроведува – а за тоа сепак постојат и други институции кои требат да си ја вршат својата работа, и доколку не го сторат тоа, да одговараат за злоупотреба на службена положба. - Дали овде има злоупотреба на службената позиција на градоначалник и одговорни лица во Општина Ѓорче Петров? Дали функционира надзорот на Министерство за животна средина и просторно планирање над законитоста на работата на органите на општината, односно градот Скопје, во однос на одредби од законот за управување со отпадот, потфрлил? Со пропуштањето да преземат мерки за спречување на загадување на воздухот, почвата и водата, институциите и одговорните лица предизвикале значително оштетување на квалитетот на воздухот, водата, почвата и опасност за животот и здравјето на луѓето. Дали покрај сите надлежни институции кои граѓаните ги плаќаат да се грижат за функционирање на законите и нивното спроведување е потребно сами да поднесуваат приватни тужби? Дали функционира институцијата Народен првобранител кога се загрозени основните услови за живот? Слични вакви активности на создавање диви нови депонии има и во општина Гази Баба – околу гробиштата Камник, добро позната локација Вардариште се уште функционира – чади, иако според сите релевантни закони претставува дива депонија на чија санација се чека со години. Дивата депонија во Визбегово скоро 2 години непрекинато функционира, ни испраќа димни сигнали дека нелегалниот бизнис си цвета и во услови на полициски час. Очигледно системот е нефункционален за да се спроведуваат закони и ред, ама максимално функционален за оние кои не почитуваат закони и своите функции ги вршат несовесно, единствено затоа што нема одговорност, туку само префрлување на надлежности и толкување на законите на кој како му одговара.

Исечени повеќегодишни дрвја во склоп на Клиничкиот центар- не се жртви на ковид-19, туку жртви на негрижата и односот кон зеленилото на оваа власт

Дарко Андоновски — Tue, 14 Apr 2020 14:38:25 +0000

О2 иницијативата преку статус на Фејсбук објавува дека пандемијата се искористува за сечење на здрави дрвја на Клиничкиот центар „Мајка Тереза“. -Дрвја здрави, повеќегодишни во склопот на Клиничкиот центар - Мајка Тереза се исекоа. Не се жртви на COVID-19, туку жртви на негрижата и односот кон зеленилото и на оваа власт во градот. Претходно се сечеа дрвјата во близина на Инфективната клиника, не реагиравме со оглед на тоа што имавме разбирање дека се брза да се постави што поскоро полската болница. Но најновото сечење во близина на Детската клиника и околу паркингот покажува дека ситуацијата со пандемијата се искористува додека фокусот е на друг проблем, па покрај поправање и ставање нов асфалт, се проширува улицата и се исцртуваат нови паркинг места и сето тоа на сметка на малите преостанати зелени површини и дрвјата. Ако толку ви сметаат дрвја на одредени места и по толку годишно нивно опстојување, а многу се, зар нема ниедно попаметно решение, туку да се искорне, па ЌЕ посадиме 100 нови - решение. Е па господа ви тргнало со пилата, додека никој не гледа дајте овие заробениве да ги искорнеме, ем повеќе паркинг т.е. пари, ем помалку проблеми со заробени дрвја, стои во постот на Иницијативата на Фејсбук. https://www.facebook.com/o2inicijativa/posts/2825035204280455

Отворено писмо до Пендаровски и Заев: Припадници на Армијата и Полицијата да се вклучат во активности за заштита на правата на граѓаните загарантирани со Устав

Катерина Бојаџиева — Wed, 30 Oct 2019 09:43:18 +0000

Има ли пилот во авионот?, прашуваат од О2 иницијативата за заштита и одбрана на природата и обезбедување на чиста и здрава животна средина, кои денес заедно со други граѓански организации и иницијативи, испратија писмо до претседателот Стево Пендаровски и премиерот Зоран Заев. -Секојдневно пожари, од сметилиша, депонии, шуми, дишеме отров. Ни гори драгоцена шума, национални паркови во пламен. Имаме ли ние институции што треба да се грижат за нашата безбедност и здравје? Според она што се случува на терен изгледа немаме или мислат дека ситуацијата не е доволно алармантна? Колку и да се трудат Инспекторатите да излезат на терен, отсуството од координирани акции со МВР, допринесува да нема никаков ефект, граѓаните се уморни од постојано пријавување без ефект, пожарникарите и самите знаат како успеават да постигнат, инспекторите оние малку што се на терен ја ризикуваат својата безбедност, стои во објавата на Фејсбук и се додава: „Денес испраќаме отворено писмо до Претседател на Република Северна Македонија, г-дин Стево Пендаровски, до Претседател на Влада на Република Северна Македонија, г-дин Зоран Заев. Бараме припадници на Армијата и Полицијата - во координација со сите капацитети на Дирекцијата за заштита и спасување, Регионалните центри за управување со кризи, Општинските штабови за заштита и спасување, Државниот инспекторат за животна средина, Државниот комунален инспекторат, Инспекторат на Град Скопје и инспекторатите на општините - активно да се вклучат во активности за заштита на нашите права загарантирани со Устав“.

О2 иницијатива: Државава е ужасно валкана, просто гнасна, ѓубришта на сите страни, ултра загаден воздух, уништена почва и иструени реки

Дарко Андоновски — Tue, 08 Oct 2019 14:38:07 +0000

Не постои нормален човек кој живее, престојува или само поминува низ државава, а кој нема да се согласи со огромното мнозинство: државава е ужасно валкана, просто гнасна, ѓубришта на сите страни, ултра загаден воздух, уништена почва, иструени реки, ова преку статус на Фејсбук денеска го објавува О2 иницијативата. Состојбата е катастрофална, и заради сево ова, сите инволвирани во процесите едноставно не изгледаат добро, а и тоа малку што се прави е далеку од доволно. Крајно разочарувачки се зборовите на Никола Бертолини, министер советник во Делегацијата на Европската Унија.

Неговите зборови не само што треба да ги разбудат и локалните и централните функционери, туку треба да бидат и црвениот аларм од ЕУ, еден од најголемите донатори за нашата држава, дека пари и проекти без јасна цел, без извештаи, без солидна реализација, повеќе НЕМА ДА ИМА. Дека партизираноста и тромавоста на инститциите е до толку кулминирачка што Бертолини споредувајќи не се Латинска Америка, Африка и Азија каде што работел, заклучува дека дури ни таму никогаш не видел вакво нешто. До толку, што експертите нам не можат ниту да ни дадат риба, ниту да не научат да ловиме. Нас не ни помага, ниту ако ни ја отворат устата и да ни го бутнат изџваканото. Читајте ги метафорите на Бертолини. И ако сериозно се подготвувате за избори, аман сфатете ја пораката: со вакво (не)управување со отпадот, можеме да завршиме само во ѓубриштето на Европа. Па може ни таму.

„О2 Иницијатива“: Автобусите на ЈСП не само што загадуваат, туку се ризик и по животот на тие што се возат во нив

Ивана Ефремовски — Sun, 22 Sep 2019 18:05:23 +0000

Автобусите на ЈСП низ скопските улици, чадат, се запалуваат, не само што загадуваат, туку се ризик и по животот на тие што се возат во нив. Апелот е постојано да се користи јавниот превоз, наместо автомобилите, за почист воздух, но КАКО да ги натерате луѓето да ги напуштат возилата со ВАКОВ јавен транспорт?!? Ова го порачуваат од О2 Иницијативата. Нивното обраќање до јавноста, го пренесуваме во продолжение: Од вкупно 417 автобуси, исправни се само 262, а во оптек се само 209, половина од она што се води како возен парк на ЈСП (податоци за 2019, јан-јун)! 155 од автобусите се НЕИСПРАВНИ. 4 автобуси се стари помеѓу 36-40 години, 16 помеѓу 31-35 год, 33 помеѓу 26-30 год, 14 помеѓу 21-25 год, 37 помеѓу 16-20 год (податоци за 2017, сега се за уште 2 години постари истиве автобуси). Дневно во резерва има 16, рекордно најмал број. Минатата година, испаѓа дека неисправни автобуси биле ставени во оптек, зошто технички исправни биле 65%, а се искористиле 78% од вкупниот возен парк?!? Телма во декември 2018 пишуваше дека 30 црвени од кинеските се претворени во отпад, и 13 од вкупно 80 украински, набавени само пред 7 години. Некои биле расипани уште од 2015, со дефекти на мотори и менувачи, а сервисирањето било скапо, комплицирано и економски неисплативо, зошто во меѓувреме овие автобуси служеле како депо на резервни делови и се ваделе други делови. Така од 15 панорамски двокатни останале само два лани. Се ваделе мотори, менувачи, прозорци, шофершајбни, кочници, столчиња, и др. за да ги стават во затворените двокатни. Во дефицит на автобуси, зошто „новите“ од пред 7-8 години расипани, демонтирани, на нивно место ги пуштиле старите од пред 30 години. Најновите на гас кои Шилегов две години ги збори, ќе ги видиме дури во првата половина на 2020. Колку точно од најавените 30-40, иднава недела ќе се дознае кога ќе го потпишат договорот со хрватската компанија Ауто Хрватска која го доби тендерот. Пак ќе сведочиме на постојаните дефекти на кинеските и украинските за кои се дадени 54 милиони евра и ќе стравуваме од нивно самозапалување возејќи се. Зошто овие на гас само ќе ги заменат размонтираните што сега им служат за резервни делови. Као вели Грета во последното видео, „Ова не е дрил“. Е не е. Ова е нашата хард кор реалност, каде ај што ќе се надишеш црнила, туку можеш и да загинеш возејќи се во име на почистата иднина и Зелено Скопје. Лудо сè до даска. Пријавете го Скопје за следниот Survivor. Ова треба да се преживее.

Глобален протест: Неделата на иднината почнува со протест пред Влада

Ивана Ефремовски — Thu, 19 Sep 2019 06:24:12 +0000

Недела за Иднината започнува на 20-ти со протест пред Влада, завршува на 27-ми со марш кој ќе почне од МЖСПП. -Ќе има блокади, акции, работилници, дискусии.... Излези, не седи дома. ФБ и твитер не се доволни, порачуваат од О2 Иницијативата. Во продолжение, деталната програма за Недела за Иднината: 20-ти септември (петок) - отварање на неделата за иднината со протест на платото во близина на Владата кај споменикот на ослободителите на Скопје. Протестот ќе започне во 13 часот и ќе ја има поддршката на повеќе организации за животна средина: Движење за чист воздух, Skopje Smog Alarm, Go Sakam Vodno / Го Сакам Водно, O2 Иницијатива и други. Барањата на Петоци за Иднината ќе бидат изложени на објектот. 21-ви септември (САБОТА) - учество во велосипедско возење низ Скопје во организација на Eko-svest (https://www.facebook.com/events/946308445716351/) Критичната маса #наточак ќе започне во 19 часот во паркот Жена Борец кај споменикот на Питу Гули, и ќе заврши во 19 и 30 пред Школка во градски парк, каде ќе се одржи филмска проекција под отворено небо на тема климатски промени. 22-ри септември (НЕДЕЛА) - акција за ослободување на заробени дрвја во Скопје. Повеќе информации наскоро. 25-ти септември (СРЕДА) - панел дискусија во кафе Котур со проф. Наташа Марковска, претставник на Македонија во Меѓународниот панел за климатски промени, проф. Ристо Цицонков, автор на првиот национален извештај за климатски промени, и Симона Гетова, магистер по менаџмент и политики за животна средина од ЦЕУ во Будимпешта. Почетокот на трибината ќе биде во 18 и 30. 26-ти септември (ЧЕТВРТОК) - работилница “Градење моќ и глокално дејствување” во организација на Young Friends of the Earth Macedonia (https://www.facebook.com/events/529872234485458/), со дискусии на темите политичка екологија и климатски промени. Почеток во 17, крај во 21 часот. Пријавување до 18ти септември на следниот линк https://docs.google.com/forms/d/1opfAz_Vm3wufS1RVxCK42BeIZqvsLUnlhdJomTYWJGg/edit 27-ми септември (ПЕТОК) - марш за климата со почетна точка Министерство за Животна Средина (https://goo.gl/maps/3obEQth5NdhatHTk9), преку Собрание, крајна точка Влада на РМ. Почетокот на собирот пред МЖС ќе биде во 13 часот. Демонстрантите ќе се движат строго по тротоар да се избегнат блокади на сообраќајот. Затварањето пред Влада ќе биде пропратено со музичка содржина.