ОЕЦД: Ковид пандемијата изгасна 22 милиони работни места во развиените земји

Ивона Петрова — Thu, 08 Jul 2021 07:47:49 +0000

Во развоените економии поради ковид пандемијата изгасени се дури 22 милиони работни места, извести Организацијата за економска соработка и развој. Во објавениот годишен извештај на ОЕЦД се наведува дека со државните програми за зачувување на вработеноста зачувани се околу 21 милион работни места. Сепак богатите нации се соочуваат со закана од долготраен раст на стапката на невработеност, бидејќи многу неквалификувани работници тешко наоѓаат ново вработување. -Многу работни места загубени поради пандемијата нема да се опорават, изјавил Стефан Карсиљо, шеф на ОЕЦД службата за работни места. Во мај 2021 година, стапката на невработеност во земјите од ОЕЦД е намалена на 6,6 проценти, но и натаму е најмалку еден процент над нивото пред пандемијата. Од 22 милиони лица кои останале без работа, 8 милиони се невработени, а 14 милиони се сметаат за неактивни. Експертите не очекуваат вкупната вработеност во земјите членки на оваа организација да се нормализира до третиот квартал на 2023 година.

ОН: Уште 130 милиони лица можат да бидат погодени од глад поради пандемијата

Ивона Петрова — Tue, 14 Jul 2020 07:29:20 +0000

Обединетите нации денеска предупредија дека уште 130 милиони луѓе во светот можат да бидат погодени од хронична глад поради пандемијата на коронавирус. Во извештајот на ОН се наведува дека само минатата година бројот на гладни луѓе во светот се зголемил за 10 милиони и укажува дека пандемијата ги зголемува слабостите и несоодветноста на глобалниот систем за храна, јавија американските медиуми. Според прелиминарните проекти, темелени врз увид во светските економски трендови, во извештајот се проценува дека во 2020 година може неухранети да останат меѓу 83 до 132 милиони лица. Агенциите на ОН проценуваат дека речиси 690 милиони лица, или речиси девет проценти од светската популација, минатата година биле гладни, што претставува зголемување од 10 милиони од 2018 година и речиси 60 милиони од 2014 година. Во однос на бројките, во Азија живеат најголем број неухранети луѓе, околу 381 милиони, се вели во извештајот. Африка има најголем процент од популацијата што е неухранета, речиси 20 проценти од населението, откриле истражувачите на ОН. Авторите на извештајот соопштуваат дека Ковид-19 ја зголемува ранливоста и несоодветноста на глобалните системи за храна, дефинирани како активности и процеси што влијаат на производството, дистрибуцијата и потрошувачката на храна.

оандемија – Kurir.mk

ОЕЦД: Ковид пандемијата изгасна 22 милиони работни места во развиените земји

ОН: Уште 130 милиони лица можат да бидат погодени од глад поради пандемијата