обдукција – Kurir.mk

ЗАВРШИ ОБДУКЦИЈАТА НА СЛАВНИОТ АКТЕР: Од овие детали ќе ве полазат морници уште рано по сабајле – еве што е пронајдено до џакузито каде што се удавил

Дарко Андоновски — Mon, 30 Oct 2023 08:35:15 +0000

Познатиот актер Метју Пери, кој се прослави со улогата на Чендлер Бинг во серијата „Пријатели“, почина на 54-годишна возраст. Како што пренесуваат американските медиуми, актерот се удавил во џакузито на својот дом во Лос Анџелес, а кога пристигнала брзата помош можеле само да констатираат смрт. Обдукцијата е завршена, сега се чекаат резултатите од токсиколошките тестови кои може да потраат неколку недели. Причината за смртта беше наведена како „одложена“ во очекување на понатамошна истрага и токсиколошки резултати. Да потсетиме, кога полицијата извршила истрага, во домот на Пери не нашла дрога, туку биле пронајдени разни антидепресиви. Истрагата за прераната смрт на легендарниот Чендлер се уште трае, а Дејли Мејл пишува дека телото на актерот е предадено на семејството за да се подготви за погребот.

Обдукцијата покажа: 24- годишното момче починало од тежок инфект и внатрешно крварење

Катерина Бојаџиева — Thu, 28 Sep 2023 11:40:49 +0000

Обдукцијата покажа дека за смртта кај 24-годишното момче Симеон Т. од битолското село Цапари, кое вчера почина во Битолската болница нема лекарска грешка и дека причината е десеминирана интраваскуларна коагулација (ДИК). Од Битолската клиничка болница за „Независен“ потврдуваат дека обдукцијата завршила, ден по смртта и дека наодот покажала дека смртта кај момчето настапила заради тежок инфект и внатрешно крварење на органите. - Наодот од обдукцијата покажа дека причината за смртта кај младиот пациент е ДИК или десеминирана интраваскуларна коагулација. Тоа е брзо трошење на факторите на згрутчување на крвта и доведува до неконтролирано крварење на многу органи и системи во организмот, а резултира со прогресивно создавање тромбози и микротромбози кај сите органи. Сето ова е предизвикано од тежок инфект кај детето. Обдукцијата покажа дека нема лекарска грешка, изјави д-р Елизабета Ивановска, директорка на Битолската болница. Смртта на момчето настапила вчера доцна попладнето по 18 часот, откако од утрото било примено на болница со многу висока температура и трески. На почеток било згрижено на одделот за Интензивна нега, и биле консултирани конзилијарно и лекари од други одделенија, но од час во час состојбата се влошувала, па по речиси десет часа од хоспитализацијата и борба на лекарите момчето починало. Официјално од болницата потврдија дека момчето претходниот ден, во вторникот било лекарски третирано и му била дадена терапија и било пуштено дома, но ноќта меѓу вторникот и средата повторно имало висока температура и влошување на состојбата, што било причина да се врати на болница и да го хоспитализираат. За жал имало лошо наоди на направените лабораториските анализи.

Официјално: Пригожин е мртов, потврди анализата и идентификацијата на телата

Ивона Петрова — Sun, 27 Aug 2023 11:28:27 +0000

Шефот на Вагнер, Евгениј Пригожин е мртов, е потврдено по генетската анализа на телата пронајдени во авионската несреќа во средата, соопштија денеска руските власти. Истражниот комитет соопшти дека идентитетот на сите 10 жртви е утврден и тие се совпаѓаат со оние на списокот на патници на летот, пишува Би-Би-Си. Приватниот авион на Пригожин се урна северозападно од Москва на 25 август, при што загинаа сите патници во него. Кремљ ги демантираше шпекулациите дека тој е виновен за несреќата. РИА Новости ги наведе и имињата на сите патници: Пригожин Евгениј; Перпустин Сергеј; Макаријан Евгениј; Тотмин Александар; Валери Чекалов; Уткин Дмитриј; Матусеев Николај; командант Левшин Алексеј; копилот Каримов Рустам; стјуардеса Распопова Кристина.

ОЈО Битола го доби наодот од извршената обдукција за причината за смртта на новороденче

Ивона Петрова — Tue, 04 Jul 2023 14:02:17 +0000

До Основното јавно обвинителство Битола пристигна наодот од извршената обдукција за причината за смртта на новороденчето кое во април, почина во ЈЗУ Клиничка болница-Битола. Надлежен јавен обвинител го разгледа наодот, а во текот на утрешниот ден ќе издаде наредба до Институтот за судска медицина во Скопје за вешт наод со кој ќе се утврди евентуална причинско-последична поврзаност меѓу причината за смрт и породувањето. -Надлежниот јавен обвинител ги презема сите неопходни дејствија за испитување на настанот и евентуална кривична одговорност. Нагласуваме дека во оваа фаза од постапката, секое јавно изнесување на доказите од засегнатите страни, нанесува штета и ја компромитира постапката. Сите страни се обврзани да ги почитуваат законските одредби за тајност на предистражната постапка, информираа од ОЈО-Битола.

Министерството за здравство уште чека извештај од обдукцијата на малата Јана која почина во Битола

Ивана Ефремовски — Thu, 06 Apr 2023 11:42:24 +0000

Министерството за здравство се уште го чека извештајот од обдукцијата од Судска медицина за шестгодишното девојче Јана кое почина во Клиничката болница „Др Трифун Пановски“ во Битола. Министерот за здравство Фатмир Меџити денеска изјави дека очекуваат за кратко време Обвинителството да го побара извештајот, по што тие во истиот момент ќе го достават. -Се што е од стручната комисија и од инспекторите од Државниот санитарен и здравствен инспекторат, се е во извештајот. Чекаме од Обвинителството да ни го побараат и да ја доставиме документацијата, рече Меџити и додаде дека во најскоро време ќе ја посети битолската Болница. Шестгодишната Јана почина на 22 март во битолската Клиничка болница само неколку часа откако била примена со оток на очите, болки во грлото и нозете и повраќање. Нејзините родители се сомневаат дека девојчето не било соодветно третирано. (МИА)

Пронајден мртов маж кај Богомила, телото предадено на обдукција

Катерина Бојаџиева — Mon, 23 Jan 2023 11:30:50 +0000

Дежурен јавен обвинител од Основното јавно обвинителство Велес изврши увид на спореден пат во селото Богомила, каде што беше пронајдено тело на починато машко лице, соопшти денеска Јавното обвинителство на Република Северна Македонија. Јавниот обвинител издаде наредба за обдукција на телото на починатиот 60-годишен маж со цел да се утврдат причините за смртта. По насоки на јавниот обвинител, подигнати се траги кои ќе бидат предмет на вештачење, а се преземаат и други дејствија за целосно испитување на настанот, по што ќе биде донесена одлука за натамошниот тек на постапката.

Готови резултатите од обдукцијата на масовниот убиец во Цетиње, еве колку куршуми завршиле во неговото тело

Ивона Петрова — Mon, 22 Aug 2022 09:42:46 +0000

Обдукциските наоди од телото на масовниот убиец од Цетиње, Вук Бориловиќ (34) ги потврдија неофицијалните информации. Тој, како што објавуваат медиумите, се здобил со повреди во телото од пет испукани куршуми. Од кој куршум настрадал, дали од полицискиот или од соседот Ненад, ќе утврди истрагата која е во тек. Ова се е наведено во одговорот на Вишото јавно обвинителство во Подгорица за „Вјести“. Оттаму објаснуваат и дека се уште не им се доставени резултатите од обдукциите на десетте жртви на Бориловиќ. Резултатите од неговата обдукција во обвинителството биле предадени во петокот, на 19 август, една недела по трагедијата во Цетиње. -Вишото јавно обвинителство во Подгорица, по повод случувањата во Цетиње во континуитет презема бројни мерки и работи се со цел целосно расветлување на настанот. По наредба на обвинителството направена е обдукција и денеска е доставен наодот од телото на В.Б. од кој се заклучува дека е наведено дека лицето се здобило со повреди во пределот на телото од пет испукани проектики. Обдукциските наоди на другите лица се уште не се доставени, како ни наодите од другите вештачења. Дури по доставувањето на сите наоди, вештачења и дсобирање на сите докази ќе може да се донесе одлука за предметот, одговориле од обвинителството. Во предметот во својство на граѓани биле сослушани повеќе лица, меѓу кои и Ненад. Во незапаметената трагедија животот го загубија: Данијела Радуновиќ (51), Александра Радуновиќ (52), Милан Митровиќ (37), Рајко Дрецун (56), Димитрије Дрецун (81), Даница Дрецун (74), Горан Ѓуришиќ (54), Наташа Пејовиќ Мартиновиќ (35), М.М. (11) и М.М (8).

Тело на млад маж извадено од Дунав, гардеробата одговара на Матеј Периш

Ивона Петрова — Wed, 18 May 2022 09:19:50 +0000

Тело на млад маж е пронајдено во Дунав кај Ада Хуја. Српските медиуми пишуваат дека гардеробата на мажот првично одговара на описот на гардеробата која ноќта на исчезнувањето на себе ја носел Матеј Периш од Сплит. Телото на младиот маж било пронајдено утринава околу 09:30 часот. На себе имал фармерки, маица со апликација и една бела патика. Ваквиот опис првично одговара со описот на Матеј Периш. Полицијата го извлекла телото, а на терен се форензичари.

Се огласи и судска медицина – еве што велат за обдукцијата на младиот ракометар

Дарко Андоновски — Sat, 09 Apr 2022 11:34:06 +0000

Во тек е обдукцијата на телото на младиот ракометар на РК Бутел, Денис Тот, дознава Сител. Директорот на Судска медицина, д-р Александар Станков вели дека наодите ќе бидат предадени на Јавното обвинителство. -Можам да ви кажам дека обдукцијата е во тек. Сите информации од обдукцијата ќе му бидат пренесени на надлежниот Обвинител, вели Станков за Сител. Братот на Денис, Борис Тот преку социјалните мрежи вчера вечер напиша дека причината за смртта на 27-годишниот ракометар е срцев удар. -Денис почина од срцев удар, а не од какви било телесни повреди, тепачка или останати глупости кои беа пишувани во текот на целиот ден, вели Борис.

Поради можните тензии, обдукцијата на починатата родилка од Црнилиште откако ја откопале наместо во институт вршена во селото

Дарко Андоновски — Mon, 17 Jan 2022 17:52:27 +0000

Прилепското обвинителство, по наредба, денеска изврши ексхумација на телото на почината родилка со цел да се изврши обдукција и да се утврди која била причината за смртта на родилката од село Црнилиште. Според обвинителката Маријана Илиеска обдукцијата, со мерки за заштита, е извршена на лице место за да се избегнат можни тензии, бидејќи имало отпор меѓу населението на селото Црнилиште. Екипата од судска медицина од Скопје, две лекарки и обдуцентот, направиле обдукција на лице место, а Обвинителството ја побарало по допрен глас. Триесет и тригодишната родилка од Црнилиште на 10 јануари го родила своето трето дете на гинеколошкото одделение во болницата во Прилеп, но веднаш по породувањето имала обилно крвавење, при што починала околу 4 часот изутрината на 10 јануари. Прилепското основно јавно обвинителство ќе го очекува извештајот за натамошно постапување.