Обединети Арапски Емирати – Kurir.mk

Повеќе од 50 политички затвореници во ОАЕ се во затвор и по завршувањето на нивните казни

Тале Кристо — Tue, 09 May 2023 19:58:34 +0000

Повеќе од 50 лица осудени за заговор против владата на Обединетите Арапски Емирати остануваат во затвор со месеци и години и по истекот на нивните казни, изјавија денеска членови на семејствата и активисти за човекови права. Неистомислениците се дел од таканаречените „ОАЕ94“, група од 94 адвокати, застапници за човекови права и професори на кои им се судеше во 2013 година и чии затворски казни почнаа да истекуваат во 2019 година. Ахмед Ал-Нуаими, чиј брат бил осуден на десет години за наводен заговор за соборување на владата, изјави дека требало да биде ослободен во март 2023 година. Наместо тоа, тој останал во заробеништво поради „советување“. Мал број земји го покренаа прашањето за затворениците на вчерашниот состанок на ОН, вклучително и американската амбасадорка која ја повика владата на ОАЕ да ги ослободи „сите поединци затворени поради користење на нивната слобода на изразување“. Шама Сохаил Фарис Ганем Ал Мазруи, министерка за развој на ОАЕ, пред СБ на ОН рече дека е постигнат голем напредок, како што е формирањето на Националната комисија за човекови права. Обединетите Арапски Емирати се трговски и туристички центар на Блискиот Исток, а во ноември земјата ќе биде домаќин на климатската конференција КОП28. Ал Нуаими рече дека е разочаран што западните демократии не вршат поголем притисок врз ОАЕ. „Тие се однесуваат прагматично, не се грижат премногу за овој проблем“, нагласи тој.

Средба на Пендаровски со претседателот на Обединетите Арапски Емирати

Ивана Ефремовски — Wed, 15 Mar 2023 11:23:16 +0000

Претседателот Стево Пендаровски, денеска во Абу Даби, оствари средба со Шеик Мохамед бин Зајед Ал Нахјан, претседател на Обединетите Арапски Емирати и Владетел на Абу Даби.

На средбата беа разменети мислења околу можностите за продлабочување на билатералните односи, интензивирање на економската соработка, актуелните меѓународни и регионални прашања, како и за надворешните приоритети и политичките состојби во двете земји.

Претседателот Пендаровски упати честитки за неговото именување за нов претседател на Обединетите Арапски Емирати и изрази уверување дека Обединетите Арапски Емирати ќе останат посветени на одржување на регионалниот и глобалниот мир и безбедност, како наши заеднички заложби.

На средбата беше констатиран позитивен развој на билатералните односи меѓу двете земји и изразено очекување дека добриот политички дијалог, мултилатералната соработка и меѓусебното почитување ќе продолжат со иста динамика и во иднина, што ќе резултира со конкретна соработка во повеќе области од заеднички интерес.

Претседателот го истакна интересот на Македонија за унапредување на економската соработка и трговската размена со Обединетите Арапски Емирати. Со цел поттикнување и унапредување на соработката меѓу бизнис заедниците, претседателот ја истакна потребата од подобрување на правната рамка меѓу двете земји и ги охрабри иницијативите за склучување на билатерални договори и спогодби за соработка во повеќе области. На средбата беше разговарано за воспоставување на директна авионска линија Скопје-Абу Даби, а беа поздравени иницијативите за поддршка на инвестициски и инфраструктурни проекти од страна на ОАЕ, кои се од стратешки интерес за Македонија и регионот на Западен Балкан.

Во рамки на официјалната посета на Обединетите Арапски Емирати, претседателот Пендаровски ја посети Вахат Ал Карама - Оазата на достоинството, каде положи цвеќе и оддаде почит на мачениците и хероите на Обединетите Арапски Емирати.

Претседателот Пендаровски ја посети и Големата џамија на Шеик Зајед како едно од импозантните архитектонски дела во Обединетите Арапски Емирати, во чија градба се користени и материјали од Прилеп.

Воедно, претседателот Пендаровски ја посети и Аврамската семејна куќа, која со дизајнот и мисијата ги доловува заедничките вредности на јудаизмот, христијанството и исламот и служи како платформа и образовен центар за меѓусебно разбирање, прифаќање и толеранција.

Посетата на претседателот Пендаровски на Обединетите Арапски Емирати е прва посета на претседателско ниво. Во рамки на посетата, како дел од соработката меѓу Министерствата за надворешни работи беше потпишан и Меморандум за укинување на визите за носители на дипломатски и службени пасоши меѓу Република Македонија и Обединетите Арапски Емирати.

Официјалниот викенд во Обединетите Арапски Емирати не е повеќе петок и сабота: За да се олесни бизнисот со западните земји сега е сабота и недела

Магдалена Андонова — Tue, 07 Dec 2021 14:16:13 +0000

Официјалниот викенд во Обединетите Арапски Емирати (ОАЕ) се менува во сабота и недела за да се олесни бизнисот со западните земји, соопшти раководството на таа држава од Персискиот Залив. Од 2006 година, официјалниот викенд е петок и сабота, како и во другите земји со мнозинско муслиманско население на Блискиот Исток. Новата работна недела од понеделник до петок стапува на сила во јануари. Владините органи ќе донесат и нов распоред од четири и пол работни дена во неделата. Во петок ќе работат со скратено работно време, т.е. четири часа. ОАЕ е првата земја во светот која ја скрати работната недела. Одлуката има за цел не само да ја зајакне економската конкурентност на земјата, туку и да го балансира бизнисот со личниот живот. „ОАЕ ќе бидат подобро усогласени со глобалните пазари, ќе ги олеснат финансиските, трговските и економските трансакции со западните земји и ќе овозможат посилни деловни врски со мултинационалните компании со седиште во ОАЕ“, јавија локалните медиуми. (МИА)

Оваа држава е прва во светот што вакцинирала 100 отсто од своето население со најмалку една доза

Магдалена Андонова — Tue, 30 Nov 2021 15:04:37 +0000

Обединетите Арапски Емирати (ОАЕ) соопштија дека тие се првата земја во светот што вакцинирала 100 отсто од своето население против коронавирус со најмалку една доза, јави ДПА. Околу 90 отсто од населението досега примиле вкупно две дози вакцини против вирусот, според Управата за управување со кризи и катастрофи (НЦЕМА). Според податоците од Универзитетот Џонс Хопкинс во САД, ова исто така ја прави заливската држава светски лидер во целосната вакцинација. Севкупно, земјата администрирала речиси 22 милиони дози вакцини кај нејзините речиси 10 милиони жители, објави NCEMA преку Твитер. Земјата веќе дава и трета, засилувачка доза.. Обединетите Арапски Емирати сега имаат двоцифрени новозаразени на дневно ниво. Минатата недела, две лица починаа од последици од Ковид-19. Земјата од самиот почеток постави брзо темпо во својата кампања за вакцинација. Сингапур, со речиси 88 отсто, и Португалија, со речиси 87 отсто, исто така имаат добра стапка на целосна вакцинација. (МИА)

Почина вториот човек на Дубаи, шеикот Хамдан беше министер 50 години

Ивона Петрова — Wed, 24 Mar 2021 07:10:31 +0000

Министерот за финансии на Обединетите Арапски Емирати и втор човек во Дубаи, шеикот Хамдан почина на 75 годишна возраст, јавуваат светските медиуми, Хамдан на министерската функција ја извршувал од 1971 година, а втор човек на Дубаи станал во 2006 година. Тој е брат на актуелниот потпретседател и премиер на Емиратите, Мохамед бин Рашид. -Ние му припаѓаме на Бог и Него ќе му се вратиме. Драг Боже, имај милост за мојот брат, мојата поддршка и мојот сопатник, напиша на Твитер шеикот Мохамед бин Рашид. Засега не се познати причините за смртта на шеикот Хамдан.

إنا لله وإنا إليه راجعون ... رحمك الله يا أخي وسندي ورفيق دربي.. وأحسن مثواك .. وضعت رحالك عند رب كريم رحيم عظيم .. pic.twitter.com/xAw3rXIwoj
— HH Sheikh Mohammed (@HHShkMohd) March 24, 2021

Силва има понуди од Шпанија, САД и Обединетите Арапски Емирати

Магдалена Андонова — Thu, 30 Jul 2020 11:51:24 +0000

Фудбалерот од средниот ред на Манчестер сити, Давид Силва, доби понуди од клубови во САД и Обединетите Арапски Емирати, а има опција кариерата да ја продолжи во својата татковина, објави „Скај Спортс“. Според изворот, за услугите на 34-годишниот Шпанец се заинтересирани неговиот матичен клуб Валенсија, Интер Мајами и неименуван клуб од Дубаи (ОАЕ). Силва играше за Манчестер сити од 2010 година и ќе го напушти англискиот клуб на крајот на неговиот договор ова лето како слободен агент. Тој има шест голови и 11 асистенции на 38 натпревари за „граѓаните“ во сезоната 2019/20. (МИА)

Се олеснуваат рестриктивните мерки во ОАЕ

Дарко Андоновски — Wed, 13 May 2020 14:04:30 +0000

Во рамките на олеснувањето на рестриктивните мерки воведени во Обединетите Арапски Емирати поради пандемијата на коронавирусот, во Дубаи е дозволено повторно отворање на јавните паркови, а гостите на хотелите можат да посетуваат приватни плажи. Целодневниот полициски час во Дубаи на 24 април беше скратен на осум часа во текот на ноќта, а на рестораните и трговските центри им беше дозволено да отворат со ограничен капацитет. Во јавните паркови сега можат да престојуваат групи до пет лица, а на приватните плажи задолжително е физичко растојание. Исто така повторно возат и трамваите и фериботите, а дозволени се и рекреативни активности на отворено, во групи до пет лица, додека џамиите, кината, јавните плажи и ноќните клубови сè уште се затворени. Олеснување на мерките почна и во другите емирати во Обединетите Арапски Емирати, така што се отворија некои трговски центри во Абу Даби, и трговски центри и ресторани во Шарџа. Вкупниот број заразени со коронавирусот во ОАЕ досега е 19.661, а починале 203 лица.

Еве што ќе добиете бесплатно ако одите во Емиратите

Катерина Бојаџиева — Mon, 22 Jul 2019 12:46:50 +0000

Сите туристи кои ќе пристигнат на кој било граничен премин во Обединетите Арапски Емирати ќе добијат бесплатни припејд СИМ картици, наполнети со три минути разговор, пет СМС и 20МВ интернет, соопшти Сојузната управа за идентитет и државјанство. Слична иницијатива минатиот месец е започната и во Дубаи. СИМ картиците на почеток ќе важат 30 дена и автоматски ќе се обновуваат доколку туристот ја продолжи својата виза. Туристичкиот мобилен пакет ќе им биде обезбеден на сите посетители постари од 18 години. СИМ картицата ќе биде регистрирана на име на туристот и веднаш ќе биде активирана.