Обединетите Арапски Емирати – Kurir.mk

Нора е првата жена кандидат за астронаут од Обединетите Арапски Емирати: Оди на обука во НАСА

Магдалена Андонова — Sun, 11 Apr 2021 11:29:36 +0000

Како дел од забрзаните подготовки за освојување на вселената и диверзификација на нејзината економија преку вселенската програма, ОАЕ ја избра првата жена, која ќе биде испратена како кандидат за астронаут за обука во американската НАСА. Државјанката на ОАЕ, Нора ал-Матруши, 27-годишна дипломирана машинска инженерка, моментално вработена во Националната градежна компанија за нафта, ќе се приклучи на годинашната класа на учесници во програмата на НАСА и кандидати за астронаути. Со развојот на вселенската програма, ОАЕ се обидуваат да развијат нови технолошки и научни можности и да ја намалат зависноста на нејзината економија од експлоатација на нафта, пренесува Ројтерс.

Еве како кучињата откриваат коронавирус во Обиденетите Арапски Емирати

Тале Кристо — Thu, 09 Jul 2020 16:47:43 +0000

Министерството за внатрешни работи на Обединетите Арапски Емирати користи обучени кучиња за да открие присуство на инфекција со коронавирус, објави денеска телевизијата Ал Арабија. Министерството успешно спровело неколку теренски тестирања, во кои полициските кучиња идентификувале случаи со висока прецизност на зараза со новиот коронавирус. Според експертите, точноста изнесувала 92 процента. Тестирањата се спроведени на територијата на неколку болници во траење од две недели. Забележано е дека обучените кучиња можат да детектираат заболени за време на патролирање низ улица, како и на фреквентни места како што се станици и аеродроми. (МИА)

Блан одби да ги води Фенербахче и Обединетите Арапски Емирати

Тале Кристо — Tue, 09 Jun 2020 08:07:34 +0000

Францускиот фудбалски стручњак, Лоран Блан наскоро ќе предводи нов тим. Според „Ле 10 Спорт“, Французинот ги одбил понудите на Фенербахче и репрезентацијата на Обединетите Арапски Емирати. Освојувачот на трофејот на Светското првенство во 1998 година, веќе 4 години не тренира екипа. За потсетување, Блан работеше со францускиот национален тим, Бордо и ПСЖ.