обединување – Kurir.mk

Власта повикува на обединување, опозицијата бара предвремени избори

Ивона Петрова — Fri, 30 Sep 2022 05:40:22 +0000

Парламентарното мнозинство е стабилно и засега брои 64 пратеници, а премиерот Димитар Ковачевски од Собранието ги повика сите општествени чинители да се исправат пред предизвикот на пресудните моменти за заокружување на државноста, преку полноправното зачленување во Европската Унија. Лидерот на најголемата опозициска партија Христијан Мицкоски, вчера пак, рече дека ВМРО-ДПМНЕ бара и работи на предвремени избори, порачувајќи дека нема да навлегува во тоа дали има или нема Владата мнозинство. – Парламентарното мнозинство е стабилно и засега брои 64 пратеници, изјави вчера претседателот на Собранието Талат Џафери на редовната средба со новинарите. Прашан дали некој од пратениците на ДУИ го променил статусот во независен пратеник, Џафери рече дека нема такво известување до него и оти официјалниот статус е „пратеници на ДУИ“. -Сечие право е да си го искаже својот статус како пратеник и во тоа има слобода. Нема известување. Официјалниот статус е пратеници на Демократската унија на интеграција, рече претседателот на Собранието. Џафери не сакаше да ги коментира случувањата во неговата матична партија ДУИ откако членови на партијата преку отворено писмо до јавноста обвинуваа дека во партијата речиси две години не постојат и не се формираат статутарните партиски тела и дека политичкото одлучување, станало индивидуално. Вели дека нема комуникација ниту со координаторот на пратеничката група на ВМРО-ДПМНЕ кој не доаѓа на редовните средби во понеделник, а како што рече, немаат ниту неформални средби бидејќи тие се злоупотребувале. Премиерот Димитар Ковачевски вчера ги повика сите општествени чинители да се исправат пред предизвикот на пресудните моменти за заокружување на државноста, преку полноправното зачленување во Европската Унија. -Тоа го очекуваат нашите граѓани. Тоа и треба на нашата држава и ние сме подготвени тоа да го направиме. Дојдено е време за заедништво, време за храброст и за лидерство и ние сме подготвени да подадеме рака, надминувајќи се себе си и тесно партиските интереси, рече Ковачевски од собраниската говорница. Според лидерот на опозицијата, само предвремени избори можат да ја спасат земјата од дополнителни порази. – Дали има или нема Владата стабилно мнозинство, јас нема да навлегувам во такви детали, но она што сакам да го кажам е дека ВМРО-ДПМНЕ бара и работи на предвремени парламентарни избори, бидејќи само предвремени избори можат да ги спасат Македонија и граѓаните од дополнителни порази. Се останато е само нижење дополнителни порази, рече Мицкоски вчера на прес-конференција.

„Промените се случуваат, секогаш со народот“ – ВМРО-ДПМНЕ повикува на масовно обединување против власта

Ивона Петрова — Thu, 07 Apr 2022 07:09:02 +0000

Промените се случуваат, секогаш со народот - ВМРО-ДПМНЕ повикува на масовно обединување против власта. СДСМ се плаши и бега од народот затоа што нема анкета на која не губат, и знаат дека ќе доживеат тежок пораз на избори, стои во соопштението на ВМРО-ДПМНЕ. Оттаму додаваат дека СДСМ не сака избори затоа што народот има празни џебови од сиромаштијата која ја донесоа, а е резултат на криминалот кој го прават, преку тендерите и разните матни шеми со државниот буџет. -Донесоа инфлација. Горивата поскапеа и за 70%, основните намирници исто така, а лебот и до 110%. И во сиот изминат период платите не пораснаа ниту еднаш. СДСМ вети дека ќе влеземе во ЕУ, а наместо тоа државата и народот голтаат само кнедли, а ЕУ ниту на повидок. Со СДСМ нема ниту ЕУ, ниту иднина. ВМРО-ДПМНЕ има јасен став во поглед на спорот со Бугарија. Ние сме против каков било чин или чекор кој ќе значи нарушување на идентитетот, јазикот или срамно решение кое ќе значи откажување од нашето историско наследство. Ние сме за решение кое ќе ги одразува и зачувува националните и државни интереси, се наведува во соопштението на ВМРО-ДПМНЕ. Со СДСМ Македонија само губи. Поразите се секојдневие, а сиромаштијата се поприсутна. Затоа е потребно обединување на народот против власта.

Мицкоски: Соработката на ВМРО-ДПМНЕ со Алијанса за Албанците и Алтернатива ќе ги победи криминалот и корупцијата на коалицијата СДСМ-ДУМ

Магдалена Андонова — Fri, 27 Aug 2021 20:10:43 +0000

Претседателот на ВМРО-ДПМНЕ, Христијан Мицкоски, денеска од Велес каде присуствуваше на настан за промоција на политики во врска со локалната самоуправа, одговарајќи на новинарско прашање за договорената опозициска соработка со Алијанса за Албанците и Алтернатива, истакна дека тоа е коалицијата која ќе ги неспособноста и криминалот, односно коалицијата на СДСМ и ДУИ. Тој вели дека од оваа соработка се очекува да бидат поразени политиките на корупција, безидејност, но и безнадежноста и апатијата до кои доведе актуелната власт, која нема никаква стратегија и визија. - Очекувам конечно оваа коалиција да победи ја победи неспособноста, криминалот, корупцијата, безидејноста, безнадежноста, апатијата, немањето никаква стратегија, немањето визија за развојот на Македонија, односно да ја победи коалицијата СДСМ и ДУИ, потенцираше Мицкоски.

Мицкоски: Ова 2021 година нека биде година на обединување и почитување и наместо да тагуваме да се радуваме

Тале Кристо — Thu, 07 Jan 2021 12:04:20 +0000

Ја користам оваа прилика најпрвин да ги честитам Новогодишните но и Божиќните празници на православните христијани, да посакам здравје и среќа за семејствата на нашите сограѓани без разлика на нивната верска припадност. Оваа година да ни биде поуспешна, оваа година да биде година на обединување, година кога како што кажа и во честитката од македонската православна црква кога доброто ќе го победи злото, година кога ќе се радуваме наместо да тагуваме, година во која што очекувам да биде победничка како што тоа го кажа и би рекол поглаварот на македонската православна црква. Година кога ќе почнеме повторно да се почитуваме едни со други, година во која што ќе излеземе од сите оние проблеми кои што ни се случуваа изминатата 2020, тука пред се мислам на пандемијата и ефектите од пандемијата врз сите други области во државата. Така што еве уште еднаш дозволете ми од мое име да им го честитам празникот Христовото раѓање на православните христијани тие кој што го прославуваат денеска, оние кои што им е именден да им посакам да им е вечно името и се разбира на сите наши сограѓани да им посакам здравје и среќа за нив и за нивните семејства. Запрашан кај кој се падна паричето за Бадник, Мицкоски одговори: -Бидејќи ние секоја година традиционално тоа го правиме во домот на моите родители, оваа година паричето падна кај мајка ми, одговори

Силјановска: Само голема партија како ВМРО-ДПМНЕ може да не обедини

Тале Кристо — Sun, 12 Jul 2020 20:51:22 +0000

Завршен собир во Штип. Само голема партија како ВМРО-ДПМНЕ може да не обедини. Време е за обновена и исправена Македонија! #Заокружи14, пишува во својата Фејсбук објава Гордана Силјановска Давкова, носител на листата на ВМРО-ДПМНЕ во изборната единица 1.

Ковачки: Како никогаш досега, на македонскиот народ му е потребно обединување во борба против ова зло што ја има нападнато татковината

Тале Кристо — Tue, 16 Jun 2020 12:15:17 +0000

Неправдите што ги направија на сопствената држава и на сопствениот народ се немерливи. Правдата е далечна мисловна именка. Олигархијата и криминалците се олицетворени во раководството на СДСМ што ја води државата, пишува на својата Фејсбук страница кандидатот за пратеник од редовите на ВМРО-ДПМНЕ Драган Ковачки. Македонците се понижени и со згазено достоинство. Немаме друг излез освен обединување. Бесперспективноста е проблем со кој мора да се соочиме на национално ниво. Мора да покажеме заедништво, визија и одлучност за решавање на овој горлив проблем. Како никогаш досега, на македонскиот народ му е потребно обединување во борба против ова зло што ја има нападнато татковината. Правда мора да има, 15 јули е денот кога ставаме крај на систематското тонење на Македонија по сите параметри. Доста е со поделби, доста брат на брат гледа како непријател. Време е да покажеме дека ја заслужуваме Македонија, онаква каква ја замислија нашите предци. Да си ја вратиме и обновиме државата. Одиме!, повикува Ковачки.

Мун во Пјонгјанг: Да го отфрлиме непријателството и да се обединиме

Ристе Здравков — Thu, 20 Sep 2018 07:25:40 +0000

Јужнокорејскиот претседател Мун Џае-ин одржа говор во Пјонгјанг, со кој ги повика илјадниците Севернокорејци да се стави крај на 70-годишното непријателство и да се изгради иднина на мир и просперитет. - Живеевме заедно 5.000 години, а одвоено 70 години. Сега предлагам во целост да го отфрлиме непријателството од изминатите седум децении и да направиме голем чекор напред кон мир, со цел повторно да станеме едно, порача Мун. Тој и севернокорејскиот лидер Ким Џонг-ун со сопругите синоќа присуствуваа на масовните игри „Славна земја“ на стадион во Пјонгјанг, гледајќи настап на илјадници изведувачи. Јужна Кореја соопшти дека овие игри привлекле околу 150.000 гледачи. Лидерите на двете Кореи денеска ја посетија и светата вулканска планина Паекту. Тие заедно со сопругите со жичара се искачиле до кратерот на врвот на вулканот. Мун при тоа рекол дека односите меѓу двете Кореи би требало да се подобрат за да можат што повеќе Јужнокорејци да го посетат вулканот. Тој денеска попладне ќе се врати во Сеул.

Протест во Молдавија за обединување со Романија

Матеја Петровски — Sun, 02 Sep 2018 08:38:00 +0000

Неколку илјади демонстранти вчера се собрале во молдавскиот главен град Кишињев да бараат обединување на нивната земја со Романија. Демонстрантите носеле романски знамиња и транспаренти со кои повикувале Бесарабија, како што е старото име на Молдавија, да се спои со Романија. Собирот се организирал на стогодишнината од обединувањето на Романија и Молдавија по Првата светска војна. На собирот учествувале и политичари од Романија. (МИА)