обезбедување – Kurir.mk

ВИДЕО: Обожавател му ја тргна маската на Девито, обезбедувањето веднаш реагираше

Ивона Петрова — Sun, 27 Aug 2023 13:00:29 +0000

Раперот Давид Љубеновиќ - Девито, е познат по тоа што на своите настапи носи маска преку лицето. Еден обожавателисе обидел да му ја симне маската, по што реагирало обезбедувањето. Имено, на настапот на Девито настанал општ хаос кога обожавател кој бил во првиот ред ја симнал маската на раперот. Раперот по оваа ситуација ја напуштил бината. Откако обезбедувањето ги смирило фановите, тој се вратил на сцената и продолжил со настапот.

pic.twitter.com/Xzx5Of5KiN
— Pluton (@Pluton45873221) August 26, 2023

ВИДЕО: Селена Гомез во жестока расправија со обезбедувач

Ивона Петрова — Mon, 29 May 2023 16:14:35 +0000

Селена Гомез во петокот присуствуваше на концертот на Бијонсе, а обожавателите го снимија моментот на нејзината расправија со чуварот. Имено, при пристигнувањето на концерт во Париз, Селена била видена како жестоко се расправа со обезбедувачот кој ја придружувал. Сè уште не е јасно која е причината за нејзината бурна реакција, но сепак се издвојуваат две причини. Корисниците на социјалните мрежи шпекулираа дека мажот бил дел од нејзиното лично обезбедување, бидејќи неколку пати бил забележан како ја следи за време на концертот и дека доцнење на концертот е причината поради која таа го нападнала. Според други таа наводно ги бранела своите обожаватели од обезбедувањето кое ги турнало за време на случајната средба.

Selena Gomez defended a fan from being pushed by her own security guard.❤️ Selena defended her fans so strongly!!!#SelenaGomez #PriyAnkit pic.twitter.com/H2nsK3VGTO
— Forgella (@Forgella26) May 28, 2023

Голем пропуст на обезбедувањето, непознат маж му пријде и го зграби Шолц

Ивона Петрова — Fri, 26 May 2023 06:43:49 +0000

Непознат 48-годишен маж, за кој само се наведува дека има грчко презиме, се приклучил на конвојот возила во кој бил германскиот канцелар Олаф Шолц во приватен автомобил, а кога конвојот пристигнал на пистата на аеродромот во Франкфурт, успеал да стигне до канцеларот, да го зграпчи и да го прегрне. Како што јавува „Билд“, инцидентот се случил во средата околу 23:00 часот, само неколку моменти пред Шолц да се качи во владиниот авион. Канцеларот штотуку го прославил 25-тиот роденден на Европската централна банка (ЕЦБ) и ја напуштил зградата на ЕЦБ заедно со министерот за финансии Кристијан Линднер, упатувајќи се кон аеродромот. Тие патувале во блиндирани лимузини, а полицајците на државната полиција на Хесен со патролни автомобили и мотоцикли го обезбедуваа владиниот конвој. Телохранителите на канцеларот седеа во два службени автомобили на Шолц. Попатно, зад последното патролно возило одеднаш се појавил приватен автомобил. Зад воланот бил човек кој подоцна ќе тврди дека мислел дека се работи за голема семејна венчавка. Полицајците очигледно не го забележале автомобилот кој не бил дел од владиниот конвој. Обезбедувањето на аеродромот во Франкфурт го пуштило да ја мине бариерата на патот до пистата, иако регистарската табличка не била однапред објавена како сите други. Колоната продолжила кон владиниот авион Ербас А319, пренесува „Телеграф“. Сите членови на делегацијата - вклучително и Линднер - почнале да се качуваат во авионот, само не Шолц. Тој имал службен телефонски разговор во неговиот автомобил, кој траел неколку минути. Канцеларот сè уште го чувале телохранители на БКА и хесенската полиција.Потоа Шолц излегол од лимузината сакајќи да и се заблагодари на полицијата и, како што често се случува, да се фотографира за спомен. Во тој момент мажот го напуштил своето возило, ненадејно се упатил кон Шолац, се ракувал со него и го притиснал на градите. Дури кога човекот го ослободил Шолц, телохранителите ја препознале опасната ситуација. Во тој момент сите сфатиле дека не знаат кој е овој човек, па брзо бил уапсен. Кабинетот на канцеларот објави дека „за Олаф Шолц тоа не бил голем инцидент во конкретната ситуација, само изненадувачки топла прегратка. Во ретроспектива, станува јасно што можело да се случи“. Германските медиуми наведуваат дека обезбедувањето на Шолц покајнички ја признало грешката и навеле дека „Ова никогаш повеќе не смее да се повтори“.

Велешанец нападнат од вработен во обезбедување

Ивана Ефремовски — Sun, 30 Oct 2022 21:50:24 +0000

На 30.10.2022 во 02:30 часот А.Д.(34) од Велес пријавил дека во Велес во угостителски објект по претходно недоразбирање бил физички нападнат од едно лице од обезбедувањето. Се работи на расчистување на случајот.

Голем инцидент на Мечкин Камен: Новинар нападнат од партиското обезбедување на СДСМ – за малку избегната тепачка (ВИДЕО)

Ивана Ефремовски — Tue, 02 Aug 2022 11:53:27 +0000

Она што не можевте да го видите на камерите на Македонската радио телевизија е народот кој му се спротивстави на премиерот, Димитар Ковачевски. Во еден момент поголема група на граѓани започнаа со скандирање на „Никогаш Северна, само Македонија“ што ескалираше со обид за судир помеѓу поддржувачите и противниците на Ковачевски, објави порталот Инфомакс. Проблемите настанаа кога партиското обезбедување на СДСМ, наместо полицијата се обиде да го раздели народот. За време на случувањата беше нападнат репортерот на Инфомакс, Борислав Стоилковиќ од страна на партиското обезбедување на СДСМ кое потоа вербално ја нападна и полицијата на Мечкин Камен. -Кога пристигна Таче поголема група на граѓани почна да скандираат Никогаш Северна, Само Македонија и го исвиркуваа Ковачевски, во тој момент група на СДСМ со партиското обезбедување започна да ги бутка луѓето по што ме нападнаа и мене бидејќи сум бил „партиски снимател“. Им велам јас сум обележан од глава до пети, тргни рацете од мене, јас сум на работа. Викнав полиција која дојде да ме спасува по што вербално ја нападнаа и полицијата, вели репортерот на Инфомакс, Борислав Стоилковиќ.

Нападнато лице кое работело како обезбедување во дискотека во Неготино

Магдалена Андонова — Sun, 22 May 2022 20:53:46 +0000

На 22.05.2022 во 03,15 часот во СВР Велес Д.Р.(26) од Неготино пријавил дека во дискотеката во Неготино бил физички нападнат од Л.Ѓ. од Неготино, вработен како обезбедување во дискотеката. Се преземаат мерки за расчистување на случајот.

Жена нападната во трговски центар во Скопје од лице вработено како обезбедување во објектот

Тале Кристо — Wed, 18 May 2022 16:18:51 +0000

На 17.05.2022 во 11.10 часот во Полициската станица Карпош, А.Т.Г.(48) од Скопје пријавила дека во маркет во трговски центар на подрачјето на Карпош, по претходна вербална расправија, била физички нападната од лице кое го обезбедувало објектот. Се преземаат мерки за расчистување на случајот.

Со навреди и понижување не се разговара ни со животни: Однесувањето на Џафери ја отслукува реалноста на властодршците во Македонија

Ристе Здравков — Fri, 13 May 2022 16:16:13 +0000

Срамно и крајно понижувачко однесување на собранискиот спикер Талат Џафери кон собраниското обезбедување. Имено во текот на вчерашниот ден на социјалните мрежи се појави снимка на која се слуша гласто на спикерот Талат Џафери како со навредливи и крајно понижувчки зборови на висок тон се обраќа некому. Според пишувањата на медиумите, тој ваквите зборови ги упатува кон собраниското обезбедување. Деновиве во собранието владее крајно напната ситуација, опозицијата со активен бојкот пробува да дојде до предвремени парламентарни избори, а тоа како да ги вознемирува властите. По се излгеда ваквото однесување на Џафери дава слика дека ДУИ е крајно вознемирен од ваквата ситуација, а денес тоа го покажа и актуелниот премиер Ковечевски. Тој вчерашната снимка во која се слуша гласот на Џафери ја искоментира многу кратко: -Таму не се гледа кој со кого зборува, рече Ковачевски. Вчерашната аудио снимка и денешната изјава на Ковачевски најдобро го отслукува стравот на власта од предвремени избори, но и ја отслукува реалната слика за држава денес. ПС: Со навреди и понижување не се разговара ни со животните, а не со луѓе кои се задолжени за твоја безбедност

ФОТО: Возило од придружбата на премиерот на Австралија излета од пат

Ивона Петрова — Thu, 14 Apr 2022 10:43:21 +0000

Автомобил на обезбедувањето кое патувало со австралијанскиот премиер Скот Морисон на предизборен собир, излетал денеска од пат откако се судрил во друг автомобил. Како што соопштиле локалните власти при нереќата повредени се четворица полицајци. Необележано возило од обезбедувањето на Морисон излетало од патот откако било удрено во задниот дел од автомобил кој се престројувал. Полицајците повредени во несреќата имале повреди кои не се опасни по живот и биле пренесени во болница.

Обезбедувањето на Филипче од МВР може да чини над стотина илјади евра

Ивона Петрова — Sun, 20 Feb 2022 15:03:34 +0000

Личното обезбедување што МВР по препорака на Агенцијата за национална безбедност го доби екс министерот за здравство Венко Филипче според експерти за лично обезбедување може да чини и над стотина илјади евра за период од 180 дена. Овие суми според експертите кои инсистираат на анонимност поради страв од одмазда, се аплицираат ако за него нема специјални дополнителни мерки кои чинат уште повеќе. Според основните протоколи за лично обезбедување во заштитата на Филипче треба да учествуваат најмалку 4 а може да бидат и до 20 луѓе. Бруто плата на еден вработен во МВР од службата за лично обезбедување на функционери со се дополнителните трошоци е околу 1000 евра бруто месечно без трошоци за техничките средства и возила, пишува Експрес.мк. Ако во текот на 24 часа тројца агенти на МВР се менуваат на смена за чување на Филипче а еден одмара тоа значи дека само за неговото обезбедување ќе бидат потрошени ресурси кои чинат над 20 илјади евра само за агентите. Целиот текст прочитајте го на Експрес.