ХАОС ВО СКОПЈЕ: 28-годишна девојка се обидела да киднапира новороденче – се оддалечила од родителите и со такси тргнала кон нејзиниот дом

Магдалена Андонова — Wed, 17 Aug 2022 13:23:48 +0000

Јавен обвинител од Основното јавно обвинителство Скопје донесе Наредба за спроведување истражна постапка против 28-годишна скопјанка осомничена за кривично дело – Грабнување според член 141 став 2 во врска со став 1 од Кривичниот законик. На 16 август, во сутеренскиот дел на Градскиот трговски центар – Скопје, осомничената извршила грабнување на малолетно лице – новороденче старо само седум дена. На родителите на бебето осомничената им се понудила да им помогне да стигнат до Поликлиниката Бит Пазар. Во Градскиот трговски центар тие ја замолиле осомничената да го причува бебето додека да купат за јадење, по што таа се оддалечила со него. Со такси тргнала кон Ѓорче Петров, а потоа и кон нејзиниот дом, каде полициски службеници успеале да ја пронајдат и лишат од слобода. Со ваквите дејствија осомничената ги спречила родителите да бидат со своето новороденче повеќе од четири часа, а предизвикала и опасност за загрозување на здравјето на бебето. Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор на осомничената, бидејќи постојат околности кои укажуваат на опасност од бегство, како и страв дека ќе се обиде да ги прикрие трагите на кривичното дело и да ја попречува истрагата.

Драма во БиХ: Се обиделе да киднапираат девојка, таа нокаутирала еден од нив – не знаеле со кого си имаат работа

Ивана Ефремовски — Mon, 01 Nov 2021 19:33:33 +0000

Младата таеквондистка од БиХ, Надина Мехмедовиќ, вчера вечерта беше цел на киднапери, но успеала да им избега така што нокаутирала еден од нив. Нападот на 17-годишната таекводистка која успеала да им избега на киднаперите откако нокаутирала еден од нив, го потврди нејзиниот татко, Елвин Мехмедовиќ. -Сакаме да ја известиме јавноста дека во неделата во вечерните часови во Шијам се случи неверојатна ситуација, непознати лица се обиделе да ја киднапираат Надина Мехмедовиќ, која е репрезентативка во таеквондо. Тие се обиделе на сила да ја внесат во автомобил и притоа и нанеле лесни повреди. Со Божја помош и нејзиното искуство во борби на натпреварувањата во таеквондо, Надина успеала еден од киднаперите да го нокаутира и да избега со што го избегнала и најлошото сценарио. Ова го објавувам од причина да не му се случи на некого истото и да се внимаваат, изјави Елвин Мехмедовиќ. Таткото на таеквондистката потоа за босански Аваз изјави дека не може да даде повеќе детали бидејќи полицијата врши истрага за случајот, но побара помош во вид на информации. -Сите сме во шок поради овој случај, и доколку некој видел нешто или знае нешто, секоја информација е добредојдена за полицијата, напомена Мехмедовиќ.

обид за киднапирање – Kurir.mk

ХАОС ВО СКОПЈЕ: 28-годишна девојка се обидела да киднапира новороденче – се оддалечила од родителите и со такси тргнала кон нејзиниот дом

Драма во БиХ: Се обиделе да киднапираат девојка, таа нокаутирала еден од нив – не знаеле со кого си имаат работа