обид за кражба – Kurir.mk

Какви луѓе постојат! Се обиделе да украдат бакарна цевка од боца за кислород во штипската болница

Ивана Ефремовски — Fri, 25 Mar 2022 15:29:21 +0000

Крадци се обиделе да украдат бакарна цевка од боца за кислород во гас централата што го снабдува инфективното одделение во Клиничка болница-Штип. Станицата за течен кислород се наоѓа кај модуларната болница, која е одалечена од зградата на Инфективното во кое се лекуваат ковид болните. Според надлежните од болницата, најверојатно крадецот се исплашил од шуштењето на воздухот па побегнал. Тоа го спречило да направи штета и снабдувањето со кислород за четворицата пациенти на одделението не било доведено во прашање. Случајот е пријавен во СВР-Штип, информира портпаролот на Клиничка болница-Штип, Марина Шуманска. Од СВР-Штип велат дека извршен е увид и се уште се трага по сторителот. (МИА)

Приведен 30- годишен скопјанец- се обидел да изврши тешка кражба во џамија

Катерина Бојаџиева — Mon, 02 Aug 2021 14:02:47 +0000

Полициски службеници од СВР Скопје – Единица за внатрешни работи – Одделение за криминалистички работи Центар и Бит Пазар вчера го привеле С.Н. (30) од Скопје, поради постоење основи на сомнение за сторено кривично дело „тешка кражба во обид“ од помошна просторија во Мустафа-пашината џамија. По извршениот службен разговорот С.Н. го признал делото и го појаснил начинот на извршување. По комплетно документирање на случајот против него ќе биде поднесена кривична пријава по член 236 вв член 19 од Кривичниот законик, се наведува во соопштението од МВР.

Утринава фатено лице при обид за кражба во штипска продавница

Магдалена Андонова — Mon, 19 Jul 2021 11:31:54 +0000

Четириест годишниот Џ.А од Кочани е фатен утринава, како се обидува насилно да влезе во продавница на улицата „Енгелсова“ во Штип. Портпаролот на СВР-Штип, Гордана Панајотова во полицискиот извештајот вели дека полициските службеници од слобода го лишиле утринава во 2.40 часот, а бил затекнат при вршење на кривично дело „тешка кражба“, односно додека се обидувал со употреба на сила и алат да влезе во продавницата, а по комплетирање на случајот ќе се поднесе и соодветна пријава. Панјаотова информира дека вчера полициски службеници по преземани мерки ги привеле 19 годишниот С.М и 21 годишниот М.А од Кочани, поради постоење основи на сомнение дека во два наврати на 17 и 18 јули годинава извршиле кривични дела „тешка кражба“ на електричен кабел од Радио Кочани кој бил наменет за напојување на опремата на радиото. По комплетирање на случаите против С.М.и М.А. ќе бидат поднесени соодветни кривични пријави за сторени две кривични дела „тешка кражба“.

Уапсен скопјанец, се обидел да краде

Ивона Петрова — Thu, 30 Jul 2020 09:21:48 +0000

На 29.07.2020 околу 16.00 часот полициски службеници од СВР Скопје во близина на угостителски објект на ул.„Славе Ѓорѓиевски-Шнајдерот“ во Скопје го лишиле од слобода А.А.(36) од Скопје, постапувајќи по пријава на М.Н.(64) од Скопје дека А.А. се обидел да одземе повеќе предмети. -Според пријавеното, М.Н. Б.Н. се обиделе да го спречат во намерата, по што пријавениот физички ја нападнал Б.Н. и се обидел да избега, но бил спречен, информираат од МВР. Се преземаат мерки за расчистување на случајот.

Тинејџер претепан од две лица кои се обиделе да му го украдат автомобилот

Ивона Петрова — Tue, 14 Aug 2018 08:43:31 +0000

Од Ургентниот центар при комплексот клиники „Мајка Тереза“ вчера во полиција било пријавено дека кај нив бил донесен Р.Ј. (18) од Скопје кој бил физички нападнат од две непознати лица на ул.„Јужноморавски бригади“ во Скопје. -Р.Ј. забележал дека двете лица се обидуваат да му го одземат неговото патничко возило „Опел Вектра“ со скопски регистарски ознаки, по што излегол надвор и тие физички го нападнале, но не успеале да го одземат возилото, информираат од МВР. Полицијата презема мерки за расчистување на случајот.

Железничкиот сообраќај од Велес до Скопје во прекин поради обид за кражба

Ивона Петрова — Thu, 01 Mar 2018 09:11:30 +0000

Поради обид за кражба на тегови од контактна мрежа вчера во периодот од 21:56 до 23:50 часот во прекин бил железничкиот сообраќај од станицата во Велес до Скопје, информираат од МВР. Прекинот поточно бил на делот од пругата помеѓу стојалиште Драчево и стојалиште Јане Сандански.