обид за силување – Kurir.mk

Дваесет и две годишно момче се обидело да силува 72-годишна баба, определена мерка куќен притвор

Магдалена Андонова — Mon, 21 Nov 2022 11:16:47 +0000

Jавен обвинител од Основното јавно обвинителство Кавадарци донесе Наредба за спроведување истражна постапка против 22-годишен жител на Дреново, осомничен дека сторил кривично дело – Силување од член 186 став 1 во врска со член 19 (обид) од Кривичниот законик. На 18 ноември, со употреба на сила, осомничениот се обидел да присили на обљуба 72-годишна жена. Тој влегол во нејзиниот дом, покривајќи го лицето со маица, по што се обидел да ја изврши обљубата. Надлежниот јавен обвинител му предложи на судијата на претходна постапка да определи мерка притвор за осомниченото лице. Но, судот, ценејќи ги сите околности, не го прифати предлогот и за осомничениот определи мерка куќен притвор за време на која тој не смее да го напушта домот и да комуницира со оштетената.

Жител на Муртино се обидел да силува тинејџерка

Ивана Ефремовски — Sat, 27 Nov 2021 15:17:07 +0000

На 26.11.2021 во 18:30 часот полициски службеници од СВР Струмица извршиле службен разговор со С.З.(32) од с.Муртино, струмичко во врска со претходна пријава на 25.11.2021 во 19,00 часот од 18 годишна жителка на Радовиш. Таа пријавила дека на 23.11.2021 околу 21:30 часот во с. Муртино заедно со С.З. заминале во куќа сопственост на С.З., каде користеле марихуана, а потоа пријавениот се обидел да ја силува. По добиена судска наредба извршен е претрес на домот и други простории во с.Муртино сопственост на С.З. при што пронајдени се предмети со остатоци од марихуана. Се преземаат мерки за расчистување на случајот.

Малолетник се обидел да силува девојка во струшко

Ивона Петрова — Sun, 17 Jan 2021 13:49:21 +0000

Малолетник од Струшко синоќа се обидел да силува 27-годишна девојка. Случајот во полиција го пријавил вујкото на девојката, а против малолетникот ќе биде поднесена соодветна пријава, соопшти СВР Охрид. – Во ОВР Струга, во 20 часот и 4 минути, 42-годишен жител на струшко село пријавил обид за обљуба од страна на малолетник врз негова 27-годишна внука. Во полициската станица Струга, во присуство на родител, со малолетникот бил извршен разговор, а по целосно документирање на случајот ќе биде поднесена соодветна пријава, стои во соопштението. Настанот се случил во домот на девојката, која успеала да се спаси од напаѓачот со викање и побарала помош од соседната куќа, каде живеел нејзиниот вујко

Гостиварец осомничен за силување

Дарко Андоновски — Fri, 25 Dec 2020 11:00:26 +0000

Основното јавно обвинителство Гостивар донесе Наредба за спроведување истражна постапка против едно лице за кое постои основано сомнение дека сторило кривично дело – Силување од член 186 став 1 од Кривичниот законик. Осомничениот 49-годишник, на 19 декември, со употреба на сила и закана присилил на обљуба една оштетена. Тој ја однел оштетената во неговата куќа во Гостивар, каде физички ја нападнал со тупаници и клоци и ја принудил на сексуален однос, иако таа цело време давала отпор и се противела. Во еден момент оштетената успела да го оттурне од себе и да избега, а дејствијата на осомничениот ги пријавила во полиција. Бидејќи ценеше дека во конкретниот случај постои опасност од бегство, можност осомничениот да ја попречува кривичната постапка или да го повтори делото, надлежниот јавен обвинител до Основниот суд во Гостивар достави предлог за определување мерка притвор. Судијата на претходна постапка го прифати предлогот и донесе Решение со кое на осомничениот му определи притвор во траење од 30 дена.

Побаран притвор заради обид за силување на 76-годишна кумановка

Ивона Петрова — Mon, 31 Aug 2020 07:57:17 +0000

Кумановското обвинителство донесе Наредба за спроведување истражна постапка против кумановец, на возраст од 38 години, поради постоење на основано сомнение дека го сторил кривичното дело– Силување од член 186 став 1 во врска со член 19 од Кривичниот Законик. -Кривично правниот настан се случил на 27.08.2020 година, околу 12,00 часот во Куманово, кога осомничениот со употреба на сила се обидел да ја присили на обљуба оштетената 76-годишна кумановка. Откако осомничениот забележал дека оштетената живее сама, влегол во нејзината куќа, по што се обидел да го изврши делото. Откако не успеала физички да го оттурне од себе, оштетената го спречила во обидот велејќи дека доаѓа нејзината ќерка, па осомничениот се оддалечил кон излезот, информираат од Обвинителството. Јавен обвинител од Основното јавно обвинителство Куманово по донесување на наредбата за спроведување истражна постапка, за осомничениот до надлежниот суд поднесе Предлог за определување на мерката притвор поради опасност од бегство и довршување на кривичното дело. Судијата на претходна постапка изврши распит на осомничениот и донесе Решение со кое на осомничениот му определи мерка притвор во траење од 30 дена.

Дебранец се обидел да силува сограѓанка

Ивона Петрова — Mon, 24 Feb 2020 10:39:46 +0000

Одделението за внатрешни работи од Дебар приведе и лиши од слобода дебранец кој се обидел да силува своја сограѓанка. -Во саботата околу 22 часот, го приведе и од слобода го лиши Б.Д.(33) од Дебар поради постоење основи на сомневање дека го сторил казненото дело „обид за силување“. Тој, делото го сторил во домот на 42-годишна жена, жителка на Дебар, изјави Стефан Димоски портпарол на Секторот за внатрешни работи од Охрид. Тој додава дека по целосно документирање на настанот, против Б.Д. ќе биде поднесена соодветна пријава.

Убиецот од Кичево се обидел да силува стружанка

Ивона Петрова — Fri, 04 Jan 2019 14:05:49 +0000

Поради постоење основи на сомнение за сторени казнени дела ,,силување во обид“ и „разбојништво во обид“, криминалистичката полиција при полициската станица од Струга, до надлежното Јавно обвинителство поднесе кривична пријава против Ј.Х. (47) од гостиварското село Ќафа и М.Р.(25) од Пеќин, Република Албанија. -Тие, казненото дело го извршиле на 31 декември минатата година околу 18 часот, во спортска обложувалница лоцирана на улицата „Пролетерски бригади“ во Струга. Откако заминале сите присутни во обложувалницата, двајцата пријавени физички ја нападнале вработената К.М.(38) од Струга а потоа и го барале клучот од касата, соопштуваат од СВР Охрид. На пријавениот Х.Ј. од гостиварското село Ќафа, на втори јануари оваа година, изречена му е мерка притвор во траење од 30 дена поради сторено казнено дело “убиство“ извршено на 29 декември минатата година во угостителски објект во Кичево.

Хорор во Скопје: Таксист се обидел да силува девојка

Ивона Петрова — Thu, 22 Nov 2018 14:26:07 +0000

-На 20.11.2018 година во 12,00 часот во Полициската станица Центар, Л.К.М.(22), пријавила обид за силување од такси возач на 18.11.2018 година околу 00,30 часот во Скопје, но тој не успеал во намерата, информираат од МВР. Се преземаат мерки за целосно расчистување на случајот.

Обид за силување утрово во Куманово- еве ги деталите

Катерина Бојаџиева — Sun, 07 Oct 2018 11:10:32 +0000

Непознат маж ноќеска се обидел да силува 35-годишна жена во Куманово, соопштија денеска од СВР Куманово. Инцидентот се случил во 03:50 часот на улицата „11 Ноември“. Напаѓачот не успеал во намерата и побегнал. Полицијата презема мерки за расчистување на случајот.

Драма во гостиварско: Се обидел да ја силува поранешната девојка, тинејџерката го пријавила во полиција

Ивона Петрова — Mon, 13 Aug 2018 11:36:29 +0000

Осумнаесет годишна девојка од гостиварско село, во присуство на нејзиниот татко, вчера во 18:30 часот пријавила дека истиот ден околу 17.00 часот, нејзиното поранешно момче Р.А. (18) од с.Скудриње се обидело да ја силува. -Додека била со другарките дошол Р.А. и започнал расправија, по што и физички ја нападнал и со употреба на сила ја однел до блиската шума каде се обидел да изврши полово дејствие, информираат од МВР. Во намерата го спречил М.М., кој го повикал нејзиниот татко. Р.А. бил приведен во Полициска станица Гостивар за целосно расчистување на случајот.