обиен – Kurir.mk

Заплашување и притисок или обична кражба: Обиен автомобилот на градоначалникот на Кисела Вода – никој нема да ме „заплаши“, вели Ѓорѓиевски

Тале Кристо — Fri, 25 Nov 2022 21:23:35 +0000

Вечерва "непознати сторители" го обија мојот автомобил нанесувајќи материјалнa штета, објави на социјалната мрежа на Фејсбук градоначалникот на општина Кисела Вода Орце Ѓорѓиевски. -Случајот е пријавен во полиција (искрено не очекувам да бидат најдени). Иако навидум сторителите се непознати, причините се јасни. Намерата им е да ме “поздрават” затоа што се справувам со урбаната мафија која дивееше и беше главна во време на претходниците. Епа веќе не смее да припари урбаната мафија накај општина, општината ја водат граѓаните. Нема по ниту една цена да се сопре развојот на Кисела Вода, решавањето на проблемите на народот и да дозволам матните бизнис интереси на поединци да бидат посилни од тие на народот. Стаклата и возилото може да ги кршат колку сакаат, ама не можат да ја скршат никогаш мојата одлучност да ја решам урбаната мафија еднаш, засекогаш. Моите сограѓани го заслужуваат тоа! На сите треба да им е јасно, никој нема да ме “заплаши” или премисли во намерите да го исполнам она што сум го ветил, пишува Ѓорѓиевски во својата објава.

Обиен штаб на политичка партија во Кисела Вода

Тале Кристо — Sun, 10 Oct 2021 15:44:00 +0000

На 09.10.2021 во 17.33 часот било пријавено дека на ул.„Првомајска“ бил насилно отворен прозорец од објект во кој бил сместен штаб на политичка партија, но не било влезено внатре, а од надворешната страна на објектот биле искинати плакати од кандидат за градоначалник и со спреј биле испишани графити. Се преземаат мерки за расчистување на настанот.

Обиен станот на новинарот Саше Димовски, украдени компјутери, документи, веројатно знаеле што бараат

Тале Кристо — Fri, 25 Jun 2021 16:00:59 +0000

Новинарот Саше Димовски, кој важи за добар познавач на судството, синоќа во емисијата “Заспиј ако можеш“, кажа дека во неговиот дом на 2 јуни бил направен упад и од него се изнесени компјутери, документи и пари. Се што можеле однеле и другите работи се превртени за да изгледа како кражба. Се е пријавено. Дојде полиција и нивната теза е дека веројатно некои наркомани Таму се земени податоци и многу работи кои се работени во „Сведок“ од 2016-та година, тоа се цели 5 години скоро, почнувајќи од фотографии, документи, податоци за уплати, исплати, даночни биланси, се што има како хартии, одземени се до печати до пликоа со разни документи. Веројатно знаеле што барале- рече новинарот Димовски. Новинарот Димовски прв ја отвори темата за тоа дека Цветанка Иванова се подготвува да стане Уставен судија, чие име до последен момент се криеше од јавноста.