објави – Kurir.mk

Фејсбук-корисници пријавуваат проблеми со објавите

Ристе Здравков — Wed, 24 Aug 2022 15:13:01 +0000

Неколку илјади корисници на Фејсбук известуваат дека нивниот профил изгледа чудно утрово, а некои пријавуваат дека е можно да е хакиран или не можат да пристапат до него. Корисниците на оваа и на другите социјални мрежи пишуваат дека почетната страница со новостите утрово била преплавена со објави од непознати луѓе, на пр. што објавуваат на Фејсбук-страниците на познатите лица, како Тејлор Свифт, Еминем или Гордон Ремзи… Или вести од Африка или Индија… Проблеми се пријавени и на страницата „Даун детектор“ (Down Detector). Фејсбук не излезе со објаснување на проблемот, но интернетот е преполн со објави од луѓе кои се обидуваат да одгатнат што се случува на Фејсбук.

Фејсбук и Инстаграм ги забранија објавите за апчиња за абортус

Ивона Петрова — Wed, 29 Jun 2022 10:41:47 +0000

Фејсбук и Инстаграм во иднина ќе ги отстрануваат објавите на корисниците кои нудат пристап до апчиња за абортус. Официјално, причината е кршењето на правилата за фармацевтски производи. Откако американскиот Врховен суд го укина правото на абортус, корисниците на социјалните мрежи почнаа да споделуваат објави во кои се нудат пилули за абортус и испраќање по пошта на луѓе кои веќе немаат пристап до нив или наскоро ќе бидат оневозможени. Но, објавите набрзо беа отстранети, а тоа го покажала и тест-објавата на некои западни медиуми, која била отстранета за една минута. Продажбата, подарувањето и преносот на оружје и марихуана се исто така забранети, со истите правила на „Мета“. Сепак, во тестот на „Верџ“, на пр., со намерна објава поврзана со испраќање марихуана по пошта, таа не била отстренета.

Фејсбук отстрани седум милиони објави со лажни информации за коронавирусот

Ристе Здравков — Wed, 12 Aug 2020 08:33:09 +0000

Фејсбук отстрани седум милиони објави во второто тримесечје од оваа година, како резултат на споделување на лажни информации за новиот коронавирус, вклучително и содржина што промовирала лажни превентивни мерки и лекови, пренесува Ројтерс. Објавените податоци се дел од шестиот извештај за усогласеност со стандардите на однесување на социјалната мрежа, воведен во 2018 година, заедно со построги правила за пристојност, по критиките дека компанијата е блага во контролата на содржината на своите платформи. Фејсбук соопшти дека ќе покани независни експерти да ги проверат извештаите, почнувајќи од 2021 година. Фејсбук отстрани и околу 22,5 милиони објави поврзани со говор на омраза во вториот квартал од оваа година и 9,6 милиони во првиот. Избришани се и 8,7 милиони објавувања поврзани со екстремистички организации, споредено со 6,3 милиони во претходниот период.