Сведок на СЈО: Проектот за „Космос“ содржел три подземни нивоа, но изведени биле само две

Катерина Бојаџиева — Tue, 27 Nov 2018 12:14:25 +0000

Во Кривичниот суд денеска се одржа главна јавна расправа за предметот „Космос“, на која се испрашуваа сведоци - предложени од страна на СЈО. Петте сведока на СЈО потврдија дека протоколот за изградбата на „Космос“ бил изработен врз база на основниот проект, кој содржел нивелациони линии односно висински параметри. Геодетските точки ги мереле со инструмент, ГПС, кој ги утврдува висинските точки со голема прецизност од 99%. Тие исто така посочија дека проектот содржел цртежи за катноста, според кои требало да се изградат 3 подземни нивоа, но подоцна всушност биле изградени 2 нивоа, што потврдува дека објектот се градел спротивно на одобрениот проект и спротивно на законот. Сите сведоци биле ангажирани од приватни фирми во 2011 година, за да извршат мерења. Што значи дека самиот инвеститор ангажирал фирми за геодетско мерење, бидејќи и тој самиот констатирал дека објектот целосно се гради спротивно на одобрениот проект односно и тој констатирал дека се гради едно ниво подземно помалку.

Трајковски пред Судот: Ќе докажеме дека сме постапувале законски за „Космос“, инвеститорот го прекршил законот со цел поголема финансиска добивка

Ивана Ефремовски — Fri, 16 Mar 2018 11:43:49 +0000

Во оваа судска постапка ќе докажеме дека во основниот проект кој што е доставен од инвеститорот и одобрен од општината прикажани се сите потребни висински коти, апсолутни и прикажано е дека за паркирање се предвидени и одобрени три ката подземни нивоа. Исто така прикажана е апсолутната висинска кота на плочата на приземјето +242.09м како и апсолутните коти на тротоарот, подземната вода, темелењето, проектираната улица, истакна екс-градоначалникот на Гази Баба, Тони Трајковски, на денешното рочиште во предметот „ТНТ“. Тој вели дека во судска постапка ќе биде докажано дека инвеститорот го градел објектот спротивно на одобрението за градење односно констатирани се повеќе отстапувања во однос на одобрениот основен проект кој што е доставен од самиот инвеститор. Трајковски вели дека има докази дека се направени отстапувања во следниове сегменти: Во однос на габаритот и димензиите изведени се на приземје армирано бетонски плочи и армирано бетонски парапет на местото каде што е планирана рампата за приод на возилата и на местото планирано за скалите за пристап од тротоарот. Во однос на конструктивните отстапувања на приземјето се изведени два столба повеќе кои ги нема во одобрениот проект. Исто така во однос на спратната висина на првото ниво подрум констатирано е дека на лице место е изведено повисоко од одобрената спратна висина во основниот проект. Најголемото отстапување е направено во однос на висината, за +1,43м објектот е изграден повисоко во однос на одобрениот основен проект, односно не е изградено едно подземно ниво наменето за паркирење на 198 возила. Тој потенцираше заклучок дека најверојатно инвеститорот објектот Космос го изведувал по друг проект кој само тој го знаел, а не бил одобрен од општина Гази Баба. -Ќе докажеме дека и самиот инвеститор ангажирал фирма за геодетско мерење и тој самиот констатирал дека објектот целосно се гради спротивно на одобрениот проект односно и тој констатирал дека се гради едно ниво подземно помалку наменето за паркирање. Во судската постапка ќе докажеме дека со споредба на одобрениот проект кој е доставен од инвеститорот и изведената состојба на терен лесно се констатира недостатокот на едно подземно ниво наменето за паркирање. Исто така ќе докажеме дека инвеститорот во ниту еден допис не ја оспорува оваа констатација односно и тој самиот имал план да направи рушење на дел од објектот, рече Трајковски. -Ќе докажеме дека главниот мотив на инвеститорот за градење спротивно на одобрениот проект бил прибавување на поголема финансиска добивка за себе прекшувајќи го законот за градење и при тоа согласно законот за кривична постапка член 244 –а, го сторил кривичното дело- градење спротивно на одобрениот проект, заклучи тој.

објект космос – Kurir.mk

Сведок на СЈО: Проектот за „Космос“ содржел три подземни нивоа, но изведени биле само две

Трајковски пред Судот: Ќе докажеме дека сме постапувале законски за „Космос“, инвеститорот го прекршил законот со цел поголема финансиска добивка