облека – Kurir.mk

„Долче и Габана“, „Версаче“ и „Ралф Лорен“ не влегоа во Македонија: Спречен обид за криумчарење на облека и обувки вредни 1,6 милиони денари (ФОТО)

Ивана Ефремовски — Fri, 03 Nov 2023 10:38:20 +0000

Спречен обид за криумчарење на брендирана облека и обувки вредни 1,6 милиони денари денари од познати модни марки меѓу кои „Долче и Габана“, „Версаче“ „Мајкл Корс“ „Ралф Лoрен“ и „Најк“ во два посебни случаи на контроли на влез во државата на граничниот премин Табановце. Брендираната роба за која требало да се платат царински давачки во вкупен износ од 457.546 денари е одземена, а против возачите ќе биде поднесена кривична пријава. Облеката и обувките од познатите модни имиња меѓу кои и „Долче и Габана“ и „Версаче“ во вредност од околу 700 илјади денари се откриени од страна на царинските службеници и тоа во багажот на возач на автобус кој сообраќал на редовна линија Дортмунд – Тетово. Кога царинските службеници ги прашале патниците и возачот дали имаат нешто да пријават за царинска контрола, тие одговориле дека немаат ништо за пријавување. При контрола на автобусот и багажот, возачот рекол дека има две торби со стара гардероба кои ги земал како пратка, при чиј преглед се пронајдени брендираните производи со прикачени цени. Брендираните парчиња облека и обувки од марката „Најк“ во вредност од 921.341 денар се откриени од страна на мобилните тимови при Секторот за контрола и истраги при контрола на товарно моторно возило. Возилото е скенирано со мобилен скенер, при што со детална контрола во кабината на возачот на горниот и на долниот кревет, како и во просторот до возачот се пронајдени непријавените брендирани производи.

Фрлени вреќи со облека во Вардар во облик на човечко тело за момент дадоа надеж дека исчезнатиот е пронајден

Ивона Петрова — Wed, 16 Aug 2023 06:11:20 +0000

Центарот за управување со кризи инфрормира дека и во текот на вчерашниот ден се одвивала потрагата по исчезнатото лице од село Теново, Општина Брвеница пријавено пред десет дена. Во координација на раководителот на РЦУК Тетово беа вклучени 25 полициски службеници кои ги пребаруваат нивите, а и коритото покрај реката Вардар. Припадници на Армијата со едно куче од армискиот Центар за обука и дресура за кучиња (ЦОДК) го пребаруваа планинскиот дел на село Теново од 09:00 до 12:10 часот, заедно со еден вработен од ДЗС Тетово и еден вработен од Општина Брвеница. -Фрлени вреќи со облека во облик на човечко тело во водата на Вардар за момент дадоа надеж дека исчезнатиот е пронајден. Конкретно, во 10 часот се препоставуваше дека исчезнатиот е пронајден во реката Вардар во с. Радиовце, но тоа беше лажна трага, бидејќи по влегувње на нуркачите од ТППЕ Тетово беше утврдено дека не е исчезнатиот, туку дека биле вреќи со алишта коишто во водата изгледале како човечко тело во облека, информира ЦУК. Исчезнатиот се уште не е пронајден, а се планира потрагата да продолжи и во наредните денови.

Нечиста машина за перење остава миризба врз облеката

Ивона Петрова — Fri, 04 Aug 2023 18:50:42 +0000

Доколку алиштата имаат непријатен мирис по перењето в машина, време е таа да се исчисти со помош на три состојки коишто ги има во скоро секој дом - алкохолен оцет, медицински алкохол и сода бикарбона. Постапката е следна: Се вади фиоката од машината за перење. Потоа, во шише со распрскувач се истура 100 милилитри алкохол и се напрскува на местото на фиоката. Таа потоа треба да се измива со топла вода и се прска со оцет и пред да се врати во машината за перење. Во преградата каде што вообичаено се истурате омекнувач, истурете малку оцет, а во другите две прегради ставете сода-бикарбона во иста мера колку што обично се става прашок. Во барабанот на машината за перење се сипува приближно 450 милилитри оцет и се вклучува на 90 степени. Откако машината ќе заврши со работа, се отвора вратата и почекајте околу 10 минути, пренесува „Кликс“. На крајот, испрскајте алкохол во барабанот и избришете темелно со памучна крпа. Оваа постапка се повторува еднаш месечно.

Мала грешка, голема штета: НЕ ПРАВЕТЕ ГО ОВА по перењето на вашата облека

Ивана Ефремовски — Mon, 03 Jul 2023 19:49:46 +0000

Машината завршила со перење, а во тој момент обично правиме една многу погрешна работа. Веднаш штом ја вадиме облеката, вратата од машината ја затвораме. Да, тоа е една ситница, но многу значи. Со таа мала грешка, правите голема штета. Кога машината не работи, вратата од барабанот треба да биде отворена. Еве зошто: Ако ја затворите вратата на барабанот веднаш откако ќе заврши со перење, внатре оставаме влажен воздух- влага, која може да создаде мувла во машината и да ги шири бактериите на облеката при наредното перење. Оставајќи ја вратата отворена на машината за перење и даваме шанса да „дише“ свеж воздух, и ги намалуваме шансите да се загади одвнатре.

Не очајувајте: Има решение за облеката која ви се намалила при перење, еве што да направите

Ивана Ефремовски — Thu, 20 Apr 2023 11:21:52 +0000

Барем еднаш во животот ви се случило да фрлите маица во машина за перење, а откако ќе ја извадите таа да биде еден број помала заради погрешно наместената температура. Не очајувајте, и за тоа постои решение. 1.Во еден пластичен сад ставете топла вода и во неа додајте една шолја шампон за бебе. 2.Маицата или кој било друг дел од облеката ставете да отстои во таа вода, а повремено нежно тријте ја за влакната од ткаенината да се опуштат. 3.По половина час извадете ја маицата од водата, но без да ја исцедите, туку само благо стиснете ја да излезе вишокот вода. 4.На рамна површина раширете еден пешкир и на него ставете ја маицата, па потоа свиткајте го пешкирот за да го впие вишокот влага. 5.Оставете така да отстои 20 минути, а потоа одвиткајте го пешкирот. 6.Раширете нов, сув пешкир и на него нежно истегнете ја маицата до каде што можете. 7.Оставете ја маицата да се исуши на пешкирот, а ако не сте задоволни со резултатот, повторете ја постапката.

Знаете ли што значи симболот триаголник на етикетата на облеката, се појавува во три варијанти

Ивона Петрова — Mon, 27 Mar 2023 16:37:58 +0000

Дали знаете што значат симболите на етикетите на облеката? Тие можат да бидат прилично збунувачки, па вадењето на вашата омилена облека од машината за перење може да стане непријатно искуство. Веројатно барем еднаш ви се случило маичката да излезе од машината за перење изгужвана, оштетена или растегната. Просечната етикета содржи неколку симболи, како што е оној за миење раце што доаѓа во форма на сад и рака. Има и сад со точки, кој кажува дали треба да користиме студена (една точка), млака (две точки) или топла (три точки) вода. Вкрстен сад значи дека воопшто не треба да го миете парчето облека, а најдобро би било да го однесете на хемиско чистење кога ќе се извалка. Познат е и симболот во облик на пегла што покажува дали облеката може да издржи таков третман. Меѓу добро познатите симболи, на некои алишта може да се забележи триаголник во различни форми. Овој симбол се однесува на белење на облеката, а во продолжение прочитајте што значат неговите варијанти. -Празен триаголник вели дека можете да користите секаков вид белило на таа облека -Триаголник исполнет со дијагонални линии значи дека можете да користите само белило без хлор -Пополнет и вкрстен триаголник ни кажува дека не смееме да користиме белило на тоа парче облека за да не го уништиме

Дали знаете што значи симболот со ТРИАГОЛНИК на облеката кој се појавува во три варијанти?

Ристе Здравков — Mon, 27 Mar 2023 07:46:45 +0000

Дали знаете што значат симболите на етикетите на облеката? Тие можат да бидат прилично збунувачки, па вадењето на вашата омилена облека од машината за перење може да стане непријатно искуство. Веројатно барем еднаш ви се случило маичката да излезе од машината за перење збрчкана, оштетена или растегната, понекогаш дури и со чудна боја. Кога ќе се најдеме во таква ситуација, посакуваме подобро да сме ги проучеле упатствата на облеката за да не стане уште еден пар пижами. Просечната етикета содржи неколку симболи, како што е оној за миење на рака што доаѓа во форма на сад и рака. Има и сад со точки, кој кажува дали треба да користиме ладна (една точка), млака (две точки) или топла (три точки) вода. Вкрстен сад значи дека воопшто не треба да го миете предметот, најдобро би било да го однесете на хемиско чистење кога ќе се извалка. Познат ни е и симболот во облик на пегла што покажува дали облеката може да издржи таков третман и оние кои кажуваат дали и на кој начин можеме да ја исушиме облеката. Меѓу добро познатите симболи, на некои алишта може да се забележи триаголник во различни форми. Овој симбол се однесува на белење на облеката, а во продолжение прочитајте што значат неговите варијанти. – Празен триаголник вели дека можете да користите секаков вид белило на таа облека. – Триаголник исполнет со дијагонални линии значи дека можете да користите само белило без хлор. – Пополнет и вкрстен триаголник ни кажува дека не смееме да користиме белило на тоа парче облека за да не го уништиме.

Вратете ја црната боја на избледената облека: Ви треба само една лажичка од овој зачин

Ивана Ефремовски — Mon, 20 Mar 2023 21:49:36 +0000

Колку и да е квалитетна, црната гардероба со текот на времето има тенденција да избледува, поради што треба посебно да внимавате на нејзиното одржување. Меѓутоа, доколку забележите дека ја изгубила првобитната боја, односно избледела, можете да искористите еден трик кој ги воодушевил домаќинките. Се што ви треба е црн пипер. Кога ќе ги ставите алиштата во барабанот, додадете една кафена лажичка црн пипер во прав (околу 5 грама). Машината пуштете ја да пере на 40 или максимум 60 степени, а кога ќе ги извадите парчињата облека, ќе бидете воодушевени.

Облеката излегува од машина како да е испеглана: Еден едноставен трик ќе им помогне на сите домаќинки

Ивана Ефремовски — Tue, 14 Mar 2023 19:26:20 +0000

Еден генијален трик за кој се зборува на интернет ќе ви помогне целосно да заборавите на пеглата, а најдобро од сè е што не бара никаков напор или време. Имено, се што треба да направите се две или три топчиња со големина на тениско топче од алуминиумска фолија и да ги ставите во машина за перење или сушење. Трикот со топката од фолија во машината функционира затоа што тие топчиња ќе ви помогнат подобро да се вртат и перат алиштата, а го спречуваат и таложењето статички електрицитет во машината за сушење. Велат дека нема да ви треба ни омекнувач. Овој трик дефинитивно вреди да се проба бидејќи заштедува и време и пари.

Активистите за собирање хуманитарна помош за Турција и Сирија апелираат да не се донираат стари и оштетени работи

Дарко Андоновски — Mon, 13 Feb 2023 14:14:53 +0000

Студентите и активистите кои доброволно собираат помош на градскиот Плоштад во Скопје, во вид на облека, обувки, ќебиња и други потребни работи за луѓето од регионите погодени од земјотресот во Турција и Сирија, апелираат да не се донираат стари и оштетени работи. Тие најавија дека од денеска ќе примаат донации само нови продукти во пакувана форма. – Се донираат вечерни фустани, облека и обувки што се за фрлање, папучи за на плажа и слични нешта коишто и нас како студенти не воведуваат во непријатна состојба. Ние мораме после да ги делиме работите што се за фрлање и тие што треба да ги испратиме за луѓето од регионите што беа погодени од земјотресот. И тие се луѓе, колку и да се во тешка состојба не е човечки да донираме работи од коишто сакаме само да се ослободиме и да ги фрлиме, вели Егемен Ејуп Јуксел, еден од активистите. Тој истакна дека засега имаат потреба на големи количина кутии и широк селотејп за пакување на целата донација којашто стигнува, како што вели, од страна на добронамерните луѓе, но и за ослободување од предметите што луѓето ги дале, како што рече, едноставно за да се ослободат од тие предмети. Активистите информираат дека е собрана голема количина помош, но според нив, таа помош не би стигнала до луѓето коишто имаат потреба од истата без помошта на одредени компании. – Се соочивме со ситуација каде што немавме како да ја испратиме таа помош до луѓето таму, но благодарение на компаниите „Лимак“ и „Берович“ и нивниот персонал коишто дојдоа со камиони и многу ни помогнаа за собирање и пакување на сите донации, и тие ги носат пакетите во регионите зафатени од земјотресот. Денеска исто така се јави и еден бизнисмен кој сакаше да биде анонимен и рече дека ќе прати и цел контејнер за превоз на донациите, рече Егемен. Тој исто така информираше дека до сега шест шлепери се тргнати кон регионите погодени од земјотресот, а вечерва се очекуваат да стигнат уште четири шлепери за да ги соберат и останатите делови од донациите.