обложување – Kurir.mk

АСОМ со писмо до пратениците: Заштитете го сопствениот народ, не работете во корист на скриени владини интереси

Super Admin — Tue, 31 Oct 2023 09:54:14 +0000

Кажете СТОП на неевропскиот и неуставен предлог Закон за игри на среќа и заштитете го сопствениот народ, порача Асоцијацијата на спортски обложувалници на Македонија (АСОМ), во писмото кое го упати до пратениците од Комисијата за европски прашања.

„Предупредуваме дека овој закон ќе донесе катастрофални последици за целото општество со тоа што повеќе од 10.000 директно вработени и 54.000 индиректни работници ќе останат без приход и работа. Станува збор за ваши сограѓани чија поддршка во изборниот процес сите ја баравте ветувајќи подобри услови за живот во нашата земја. Сега овие луѓе кои плаќаат кредити, ја планираат својата иднина и иднината на своите деца, ќе бидат оставени без приходи во време на инфлација и економска криза.“- истакнува АСОМ.

Во писмото Асоцијацијата посочува дека новите предлог- измени ќе предизвикаат непоправливи економски штети за целата држава бидејќи ќе придонесат за затворање на една важна индустрија, која во буџетот годишно носи прилив од над 280 милиони евра. Се истакнува дека апсолутно се неприфатливи предлог измените кои предвидуваат дислокација на објектите, забрана за приредување игри на среќа на интернет за лиценцираните приредувачи, како и зголемување на давачките и надоместоците.

„Веруваме дека и самите вие сте свесни дека местото на овој закон не е во Комисијата за европски прашања и дека се прави сѐ овој неевропски закон насила да се избутка. Дека нашиот став е издржан и правилен укажува и фактот што вие како Комисија за европски прашања при Собранието на РСМ во заклучокот од одржаната седница по предлог текстот на законот му укажувате на Собранието посебно да го оцени аспектот за усогласеноста со ЕУ легислативата.“- потенцираат од АСОМ.

Од АСОМ посочуваат дека Собранието на РСМ нема преземено обврска за усогласување со препораките на ЕУ, па од таа причина означувањето на предлог текстот на законот со ЕУ знаменце е со целосна спротивност и со усвоените акти на Собранието за преземената обврската за усогласување со ЕУ легислативата.

„Ве повикуваме вас како Комисија за европски прашања да ги заштитите граѓаните на оваа земја и да го отфрлите овој закон кој е фатален, ја стимулира сивата економија и поттикнува криминални активности, што се покажа како пример во нашето соседство. Живееме во демократска земја во која на недемократски начин насилно се турка предлог законот кој е создаден без дебата и без консултација со претставниците на игри на среќа, далеку од очите на јавноста без да се земе во предвид мислењето на експертите и познавачите на индустријата. Немојте да бидете дел од овој заговор и немојте да поднесете одговорност за донесувањето на закон кој не е во корист на нашата земја.“- велат од АСОМ.

Во писмото Асоцијацијата предупредува дека овој закон веднаш штом ќе стапи на сила ќе донесе катастрофални последици за вработените во индустријата на игри на среќа, и ги повикува пратениците да не бидат заложници на нечии интереси, да реагираат на време и да ги заштитат граѓаните кои им ја доделиле сопствената доверба.

„Во повеќе наврати повторивме дека бараме итно повлекување на законот, формирање на заедничка работна група од експерти, претставници на индустријата и Владата за носење на нов европски и функционален закон, но наидовме на молк.“- истакнуваат од АСОМ.

АСОМ во писмото јасно посочува дека нивен интерес е самата индустрија да напредува, играчите и малолетниците да се заштитени и едуцирани, а легислативата да се европеизира.

„Апелираме до вас да имате слух за нашите барања и вашата одлука во врска со овој закон да ја донесете врз база на факти, раководејќи се од поривот да направите добро за граѓаните кои ги претставувате, а не да работите во корист на скриени владини интереси.“

Асоцијацијата во писмото потсети на нивниот предупредувачки собир пред Собранието преку кој покажува колку се сериозни во своите намери да се спречи носењето на штетниот предлог закон.

Тонали суспендиран на 10 месеци, ќе го пропушти ЕП 2024

Ивона Петрова — Thu, 26 Oct 2023 13:44:49 +0000

Фудбалерот од средниот ред на Њукасл и Италија, Сандро Тонали е суспендиран на 10 месеци поради обложување во фудбал, пренесува агенцијата „Франс прес“. Претходно беше објавено дека фудбалерот признал дека се обложувал на натпреварите на Милан кога настапувал за италијанскиот клуб. Поради суспензијата, 23-годишниот играч за врска ќе го пропушти Европското фудбалско првенство кое следното лето ќе се одржи во Германија. На 12 октомври се дозна дека Тонали и неговиот италијански репрезентативен партнер Николо Заниоло може да бидат обвинети за нелегално обложување на фудбал. Тонали во летниот преоден рок дојде во Њукасл од Милан. Вчера се појави информација дека англискиот клуб му се заканува на поранешниот клуб на Тонали со правна постапка.

Тонали призна дека се обложувал

Ивона Петрова — Wed, 18 Oct 2023 11:37:01 +0000

Фудбалерот од средниот ред на Њукасл, Сандро Тонали, кој претходно настапуваше за Милан, призна дека се обложувал на фудбалски натпревари, пренесува „La Gazzetta dello Sport“. Според зборовите на 23-годишниот Италијанец, тој ставал облози на натпреварите на Милан, но само на победата на неговиот тим во тие средби кога не бил на теренот. Доколку се потврдат зборовите на Тонали, тој се соочува со едногодишна суспензија од Премиер лигата. На 12 октомври се дозна дека Тонали и неговиот италијански репрезентативен партнер Николо Заниоло може да бидат обвинети за нелегално обложување на фудбалски натпревари. Италијанските медиуми објавија дека Тонали планира да се лекува од зависност од коцкање. Италијанскиот репрезентативен играч за врска играше за Милан од 2020 до 2023 година. Во летниот преоден рок тој се пресели во Њукасл.

АСОМ: Подготвени сме за масовни протести и борба за нашите права и егзистенција

Super Admin — Thu, 05 Oct 2023 12:33:15 +0000

Доколку Владата остане глува на нашите апели подготвени сме да излеземе на масовни протести со цел да се бориме за нашите права и егзистенција, порачаа од Асоцијацијата на спортски обложувалници (АСОМ) на денешната прес-конференција пред Владата на РСМ. Асоцијацијата пред Владата уште еднаш јавно го повтори својот став дека владината одлука за отпочнување на постапка за основање на три нови друштва за приредување интернет игри на среќа е незаконска и дискриминирачка за домашните лиценцирани компании и ги истакна своите барања.

„Без исклучок бараме: да се донесат подзаконските акти кои цела деценија се држат во фиока за домашните компании согласно актуелниот закон да може да приредуваат игри на среќа и реално да се либерализира пазарот, да се поништи незаконската владина одлука која претставува сериозна закана за домашните лиценцирани приредувачи на игри на среќа и итно да се вклучат сите засегнати страни во креирање на сите следни одлуки поврзани со индустријата.“- порача претседателот на АСОМ Васко Илијевски.

АСОМ информираше дека поседува информација дека на Комисијата за европски прашања во Собранието насила ќе се обиде да се истурка новиот предлог Закон за игри на среќа, кој значи крај на легалната индустрија на игри на среќа, што во никој случај нема да го дозволи.

„Нема да стоиме мирно и да гледаме како Владата врши упад во бизнисот со игрите на среќа свесно ставајќи клуч на врата на една легална индустрија, која во буџетот годишно носи прилив од 280 милиони евра и вработува над 10.000 лица.“- истакна Илијевски.

Стоејќи пред Владата од Асоцијацијата јавно потврдија дека ниту една членка на АСОМ, Асоцијација во која членуваат над 95 проценти од претставниците на обложувалниците во земјава нема да учествува на незаконскиот однапред договорен тендер кој го објави Државна лотарија за избор на правни лица заради доделување договор за заедничко вложување во интернет игрите на среќа во коишто доминантно учество со 51 % ќе има Државна лотарија.

Милионска добивка со Фибоначи бонусот на „Sport Life“

Super Admin — Fri, 22 Sep 2023 12:46:40 +0000

Нов милионски тикет во „Sport Life” - Струмица, со помош на големиот Фибоначи бонус на добивката од 610% . Ова шесткратно зголемување на добивката, редовниот играч на „Sport Life“ го остварил со уплатени 50 денари, а освоил неверојатни 1.795.145 денари. Дури 1,5 милион денари се од бонусот на добивката, која инаку би изнесувала 300.000 денари. За милионскиот тикет, нареден со 23 натпревари од изминатиот петок и викендот, најдраматичен бил натпреварот со Фенербахче во неделата. Победничкиот гол на истанбулскиот клуб бил постигнат дури во 80-тата минута по претходен пресврт на резултатот и со тоа била осигурена и милионската добивка на играчот од Струмица. Фибоначи бонусот е во игра уште една недела, односно до 28 септември, па така сите оние кои редат долга низа на натпревари на тикет, можат да очекуваат нови изненадувања и зголемување на добивката. Возбудата за лојалните играчи на „Sport Life“ продолжува со новата сезона на Типстер куп натпреварот, при што секој месец ќе се доделуваат 100.000 денари за најмногу погодени тикети во месецот, а тука е и новата „Спортска по твое“ или „Среќна 13-ка“, со која за погодени 13 натпревари на тикет по избор на играчот, ќе бидат доделувани премии од 120.000 денари секој месец, сè до јуни следната година. Со членството во СЛ клубот, играчите на Sport Life стекнуваат право да учествуваат во новите акции и игри, и да ја зголемат добивката со бонуси и премии.

АСОМ до Владата: На мала врата сакате да протнете штетен закон со кој се враќа дивото обложување

Катерина Бојаџиева — Fri, 10 Feb 2023 08:48:29 +0000

Асоцијацијата на спортски обложувалници на Македонија (АСОМ) денеска прати отворено писмо до Владата во кое пишува дека најмалку очекувале во „ек“ на економска криза таа да им го сврти грбот на 10.000 вработени во индустријата на игрите на среќа и од нив да направи социјални случаи. „Запрепастувачки за нас како Асоцијација е дека после толку долго време од нашите обиди и повици да се организира „јавна расправа“ за измените на Законот за игри на среќа, вие како Влада се оглушивте. Сега, на мала врата и по скратена постапка, сакате штетното законско решение да помине во Собрание, преку злоупотреба на европското знаменце“, пишува АСОМ во писмото до Владата. Во писмото АСОМ исто така прашува зошто измените и дополнувањата во Законот за игри на среќа и забавни игри треба да се донесат по скратена постапка со ЕУ знаменце и без да поминат јавна расправа и без да се слушнат засегнатите страни, пошироката и стручна јавност, која може и треба да даде свој коментар или нов пакет предлози. Со одлуката на Влада АСОМ се игнорира како официјална организација во која членуваат над 90% од приредувачите на игри на среќа. Што за Асоцијацијата на спортски обложувалници на Македонија отвора ново прашање: Дали и кој стои зад овие измени и чив интерес се штити? По однос на грижите на граѓаните од негативните последици АСОМ во отвореното писмо потсетува дека Владата ниту еднаш не ги зела во предвид низата решенија и законски измени кои биле доставувани до ЕНЕР системот, но и до Владата. „ Треба да биде јасно, дека нашата индустрија „НЕМА ИНТЕРЕС“ од играње ниту на малолетници, ниту има интерес од креирање зависности. Напротив, индустријата на игри на среќа има интерес игрите да се играат за забава и тоа силно го промовира. Годишно трошиме десетици илјади евра како компании за спроведување кампањи за заштита од негативни последици и едукација на играчите. Ние сме општествено одговорни компании, кои 100% ги почитуваат актуелните законски норми и правила поврзани со нашата дејност, плаќаме даноци и со тоа постојано ги зголемуваме буџетските приливи. Ние сме индустрија која е одлично регулирана во моментов, а нашите членки се компании кои работат согласно законите без никакви отстапки. Ако вие како Влада сакате на било кој начин да помогнете или придонесете, треба да бидете партнер во овие напори“, порача АСОМ во писмото до Влада. Според АСОМ затворањето на индустријата во државата значи враќање во деведесеттите и играње по подруми и нелегални објекти. Единствениот начин да се влијае позитивно е преку едукација и добра регулација. „АСОМ е против и до крај ќе се бори против нелогични и погрешни законски измени. Вашиот предлог како Влада не постои во ниедна европска земја, гарантирано ќе отвори пат до диво обложување и нема да го намали играњето или пак негативните последици од него“, пишува АСОМ. Во писмото до Владата АСОМ потсетува дека измените на Законот се направени без анализи, а одлуката за утврдување на измените и дополнувањата на овој закон и владините државнички одлуки се контрадикторни. „Нелогично е Владата со новиот Закон да дозволи затворање на 98% од објектите, и во исто време да очекува поголем број вработувања или поголеми приходи од зголемените давачки. Дислокација на објектите, значи нивно затворање, односно околу 250 милиони евра годишно помалку пари во буџетот. Одговорно тврдиме, а вие како Влада проверете со Министерството за финансии и другите институции, дека овој закон ќе значи директно губење на 10.000 работни места, а индиректно со намалени или целосно изгубени приходи ќе бидат 54.000 работници“, пишува АСОМ во писмото до Влада. Актуелниот закон според АСОМ ги опфаќа сите сегменти на контрола на игрите на среќа од сите надлежни институции. Согласно тоа, покрај законските регулативи и забрани за влез на малолетни лица во објектите, членките на Асоцијацијата спроведуваат и дополнителни контроли во објектите со цел да не дојде до било какво нарушување на законите. Тоа дополнително потврдува дека АСОМ како индустрија застапува светски реномирани брендови и висока професионалност во областа која ја работи. АСОМ исто така одбива да верува дека поради политичко популистички цели, дејноста свесно сака да се претстави како незаконска или нелегална. Според АСОМ, Владата со измените во Законот на широка врата дава „пас“ за нелегални диви обложувалници. „Ако вие како Влада навистина сакате добар закон, сè уште има можност да го сторите тоа, во Собрание преку поднесување амандмани. Нашата држава, како земја аспирант за членство во Европската Унија, треба ги искористи позитивните практики на европското законодавство. Повторно ќе ја потсетиме Владата дека во веќе постоечкиот Закон за игри на среќа, направен на база на европските закони. За крај, веруваме во добрите намери и даваме уште една шанса да седнеме на маса и заеднички да донесеме подобар закон. Ве повикуваме да отворите дебата, да повикате експерти и да направиме анализа за тоа какви измени би ги постигнале целите, кои верувајте дека се заеднички. Но, овој закон, во оваа форма, тоа не го постигнува и ние ќе ги преземеме сите правни механизми и законски можности да го спречиме неговото носење“, завршува АСОМ во писмото до Влада.

Англиски репрезентативец обвинет за обложување, му се заканува доживотна суспензија

Ивона Петрова — Thu, 17 Nov 2022 08:44:57 +0000

Фудбалската асоцијација на Англија (ФА) денеска покрена дисциплинска постапка против фудбалерот на Брентфорд, Иван Тони, бидејќи во последните четири години 232 пати ги прекршил правилата за обложување. Талентираниот напаѓач го прекршил правилото од 2017 до 2021 година, според кое фудбалер кој настапува за англиски клубови не може да се обложува или да бара од други да го сторат тоа во негово име. Исто така, играчите не смеат да споделуваат информации кои би можеле да бидат корисни за луѓето кои се обложуваат. Фудбалската асоцијација на Англија има строги правила за обложување и доколку некој фудбалер биде прогласен за виновен, може да биде казнет, суспендиран, а во некои случаи може да добие и доживотна суспензија. Тони, кој оваа сезона постигна десет гола во Премиер лигата, има седум дена да одговори на обвинувањата. Тој беше меѓу кандидатите за селекцијата која ќе настапи на претстојното Светско првенство, но селекторот Герет Саутгејт не го стави на списокот од 26 фудбалери кои ќе играат во Катар.

Нов MOZZART милионер: Мајсториште погоди четири точни резултати!

Super Admin — Mon, 07 Nov 2022 12:26:19 +0000

Обложувалницата MOZZART често пати знае да исплати луди тикети и обложувачите да ги „награди“ со вртоглави добивки. Од овој викенд во Македонија има нов MOZZART милионер, откако играч од Гостивар доби милионска добивка. Играчот реши да одигра доста храбар тикет и со само 500 денари се приклучи на друштвото на MOZZART милионери – заработи 1.733.292 денари. На тикетот имаше пет натпревари, а овој подвиг добива на тежина затоа што на четири од нив, тој погоди точни резултати. Тикетот на играчот започна со тип за победа од 2:0 на АПОЕЛ против Енозис во петок, а потоа во саботата тој одигра победа на ПАОК од 2:0 над ПАС Јанина и победа од 2:1 на Галатасарај над Бешикташ. Третиот саботен меч беше обичен триумф на Наполи над Аталанта. Последен меч кој го чекаше му беше Динамо Загреб – Шибеник, одигра победа од 3:0 на „модрите“, што на крајот и се оствари за големо славје. Добитниот тикет можете да го погледнете на следниот линк. Во Скопје во неверојатниот викенд се славеше висока добивка, а можеби Вие сте следниот MOZZART милионер? Не ја пропуштајте можноста да се обложите во една од обложувалниците на MOZZART!

Дали сакаш да возиш BMW X3 за 20 денари? Играј во MOZZART и биди победник!

Super Admin — Fri, 15 Apr 2022 09:44:06 +0000

Во тек е голема МОZZART наградна игра во која награда може да освојат добитните и недобитните тикети! Побрзај, бидејќи играта трае до 25 април! Еден обид и еден тикет можеби те делат од BMW X3. Доколку си подготвен за предизвик, погоди го најдолгиот тикет во Mozzart, задржи ја првата позиција до 25 април и уживај во твојот нов автомобил. И тоа замисли, за само 20 денари! Моментално, прв на ранг листата е добитен тикет со 26 погодени натпревари, од уплатно место Скопје - Волково. Тикетот може да го погледнете на овој линк. Како да учествуваш? Во наградната игра „Погоди го најдолгиот тикет“ учествуваат добитните тикети, а натпреварите е потребно да имаат квота 1,35 или поголема од 1,35. Сите настани на тикетот мора да бидат спортски настани, условот не го исполнуваат “системски” тикети, како и тикетите за обложување во живо. Услов не исполнуваат тикети со еден промашен пар. Дали можеш подобро од 26 погодени натпревари? Влези во игра, биди победник! Доколку тикетот е промашен, повторно учествуваш во наградната игра! Секоја недела, недобитниот тикет со најголем број на погодени натпревари добива 1.000 евра. Тоа значи дека твојот недобитен тикет, иако не учествува во борбата за автомобилот, секоја недела е во игра за освојување на парична награда. Mozzart веќе додели 8 неделни награди, односно вкупно 8.000 евра, а преостануваат уште 2 етапи, што значи имаш уште две шанси за 1.000 евра. По завршување на секоја недела (етапа), системот се рестартира при што тикетите од секоја завршена етапа не се префрлуваат и не учествуваат во било која следна етапа, ниту пак при извлекувањето на главната награда. Резултатите може да ги следите директно од нашите MOZZART уплатни места, онлајн на сајтот www.mozzartbet.mk, како и на нашите социјални мрежи. Целосните правила на наградната игра може да ги прочитате на овој линк.

Сите кои ќе одиграат дека Ѕвезда ќе постигне гол против Лудогорец ќе добијат пиво

Super Admin — Thu, 30 Sep 2021 11:38:46 +0000

Mozzart ги наградува сите кои веруваат во црвено-белите, односно дека Ѕвезда ќе постигне гол на натпреварот од второто коло на групната фаза од Лига Европа против бугарскиот Лудогорец. Правилата се јасни – секој играч кој на тикетот ќе одигра дека Црвена Ѕвезда ќе постигне гол против Лудогорец, од Mozzart добива гол на уплатно место. Единствени услови се Ѕвезда да постигне гол и уплатата да биде минимум 50 денари. Тикетот не мора да биде добитен. ЗА ГОЛ MOZZART ДАВА ПИВО!