обнова на македонија – Kurir.mk

Делегација од Коалицијата „За обнова на Македонија“ положи свежо цвеќе по повод 13-ти ноември

Тале Кристо — Sun, 13 Nov 2022 13:33:32 +0000

Положување на цвеќе по повод ослободувањето на градот Скопје, 13-ти Ноември. Во име на коалицијата предводена од ВМРО-ДПМНЕ за обнова на Македонија, која ја предводев како коалициски партнер од „Српската народна партија“ во Македонија. Како што во 1944 година е ослободен градот Скопје, така и Коалицијата за обнова на Македонија, ќе ја олободи државата од модерниот фашизам, кој е под закрила на сегашната владејачка структур во Република Македонија, пишува во својата објава Петар Милетиќ.

Димовски: Собраниското мнозинство го отфрли предлогот на коалицијата за „Обнова на Македонија“ за состојбата за откупот на тутунот од реколта 2020/2021

Тале Кристо — Mon, 28 Dec 2020 13:48:38 +0000

Толку за наводната грижа за тутунопроизводителите!, пишува претеникот Лјупчо Димовски. За да не се слушне гласот на вистината, таканареченото собраниско мнозинство денес го отфрли предлогот на пратениците од опозициската Коалицијата "Обнова на Македонија"- ВМРО-ДПМНЕ, СПМ, Гром и ДПСМ Информацијата за состојбата за откупот на тутунот од реколта 2020/2021 во дневниот ред на денешната Седница да добие приоритет и итно да се расправа! Докажано и потврдено кај власта безгранични се лицемерието, лагата и измамата на тутунопроизводителите!, вели во својата објава Димовски.

Мицкоски: Пратеничката група на коалицијата „За обнова на Македонија“ во Собранието ќе гласа против одлуките за вонредна состојба

Тале Кристо — Wed, 30 Sep 2020 11:37:50 +0000

Пратеничката група на коалицијата „За обнова на Македонија“ во Собранието ќе гласа ПРОТИВ одлуките за вонредна состојба, објави на својата Фејсбук страница лидерот на ВМРО-ДПМНЕ Христијан Мицкоски. Пратеничката група на коалицијата „За обнова на Македонија“ во Собранието ќе гласа ПРОТИВ одлуките за вонредна состојба од три причини: 1. Oдлуките за вонредна состојба беа донесени за подобро справување со пандемијата, но за жал денес имаме многу полоши состојби во пандемијата. 2. Oснова за овие одлуки беше справување со економските последици од пандемијата. Денес, имаме драстично влошување на економските состојби и зголемена невработеност. 3. Владата ги манипулираше основите и носеше Уредби со законска сила коишто беа злоупотребени за изборен поткуп или за менување на Изборен законик во последен момент. Доказ за тоа е дека Уставниот суд поништи десетина уредби донесени од владата во тој момент, напиша во својата објава претседателот на ВМРО-ДПМНЕ. https://www.facebook.com/MickoskiHristijan/posts/1676945512480901

Мерка од програмата за „Обнова на Македонија“ – 0% персонален данок за млади до 29 години.

Ивона Петрова — Thu, 25 Jun 2020 10:49:33 +0000

-Кога во 2016 водеа кампања, а во 2017 дојдоа на власт едно од главните ветувања на СДСМ, кое уште го паметиме, е дека ќе ги вратат младите во Република Македонија. Денес, три години подоцна гледаме дека цели градови во источна Македонија, се градови на пензионери, цели градови во западна Македонија живеат луѓе на кои им испраќаат пари синови и ќерки распрскани низ светот, велат од УМС на ВМРО-ДПМЕ Ѓорче Петров. За овие три години, велат од младите од Ѓорче Македонија е сведок на невиден егзодус на младите. -Сведоци сме дека над 200.000 во изминатите три години ја напуштија Македонија. Ние се решивме да подготвиме пакет мерки за младите. Една од нив е 0% персонален данок за младите до 29 години. Со ова ќе се овозможи младите кои ќе се решат да заработуваат во Македонија да не плаќаат персонален данок до својата 29 година, а тие средства да ги користат за себеунапредување, истакнаа младите.

ВМРО-ДПМНЕ во својата програма и објави војна на криминалот и корупцијата

Ристе Здравков — Tue, 23 Jun 2020 10:40:10 +0000

ВМРО-ДПМНЕ во Проектот обнова на Македонија објавува војна против корупцијата и криминалот и еднаквост пред законите. Во програмата која ќе ја презентира денес претседателот на партијата се објавува војна против корупцијата и криминалот преку сет на мерки и проекти. Македонија е заробена држава со хибриден правен и политички режим. Државата е правно несигурна, внатрешно разјадена од системски вкоренетата корупција и криминал. Политичките институции и државните органи се во заложништво на власта, стои во програмата. Во продолжение дел од проектите и целите: Стоп за корупцијата и непотизмот во правосудството Нов начин на избор и напредување во кариерата на судиите Ќе формира експертска група со задача да ги посочи сите евидентирани слабости, проблематични, неконзистентни и неприменливи одредби во Уставот на Македонија и да подготви нови, модерни предлог-уставни решенија во согласност со европските вредности и стандарди. Експертската група својата работа ќе ја темели на две константи: зачувување на унитарниот карактер на Македонија и уредување на меѓуетничките односи според принципот на единствена македонска нација (по примерот на Франција, Шпанија, САД, Грција и слично). Владата на ВМРО-ДПМНЕ ќе изработи нова стратегија и акциски план за засилување на сите капацитети во правосудството, со посебен фокус на заштитата од корупцијата Ќе воведеме нови критериуми за избор на судиите, нови критериуми за избор на претседателите на судовите, ќе ги подигнеме критериумите за унапредување на судиите, за евалуација на нивната работа, како и критериумите за утврдување одговорност на судиите и на претседателите на судовите врз построги законски основи. Ќе биде предвидена и зголемена улога на судиите при кандидирањето и изборот на судиите за конкретни судиски функции. Нова прекршочна политика – превенција па казна Прекршочната политика ќе се води по системот превенција па казна. Ќе се утврди нов модел на работење на трудовата и на пазарната инспекција врз основа на системот усно укажување на евидентираните неправилности во работењето на правното лице, период за нивно отстранување, па дури потоа казна. Казната ќе следи само во случај кога неправилноста не е исправена во конкретен рок и ако истата и натаму се повторува од страна на правното лице. Закон за потекло на имотот ВМРО ДПМНЕ смета дека со донесување на закон за потекло на имотот, со кој ќе се прецизираат формите на легално стекнување на имотот, негово пријавување кај надлежните органи од страна на правните и физичките лица, како и назначување на контролни институции кои ќе го регулираат спроведувањето на овој Закон ќе допринесе во јакнеењето на антикорупциските мерки за отчетност. Објавување на извештаи и акциски планови за коригирање на наодите Ослободување на фирмите од стегите на разните инспекции преку намалување на бројните регулативи и коректен однос на инспекциските тела Нулта толеранција на корупција Системско поврзување на Државниот завод за ревизија со Јавното обвинителство

ВМРО-ДПМНЕ во Битола ќе ја промовира програмата Проект обнова, партијата се обврзува на економски бум

Ивона Петрова — Tue, 23 Jun 2020 08:59:34 +0000

ВМРО-ДПМНЕ денеска околу 13 часот ќе ја промовира програмата насловена Проект “Обнова”- се обврзуваме! Промоцијата ќе биде во Битола, а на истата ќе бидат презентирани најважните делови и поенти од планот за обнова. Програмата содржи над 1000 проекти, а главниот фокус ќе биде економијата и подигнување на животниот стандард. Економски бум за повеќе пари и подобар живот, влевање на надеж дека може поинаку и подобро. Над 340 страници материјал со прецизни рокови кон кои се обврзува ВМРО-ДПМНЕ за обнова која ќе ја исправи Македонија. Програмата е плод на многу работа на експертските тимови на партијата кои ги користеше при составување на истата, а во најголем дел се земени во предвид барањата на граѓаните кои беа прибирани во пред кампањата “разговори за обнова на Македонија”. Повисоки плати за 25%, повисоки пензии, поддршка за стопанството, повеќе пари за народот, огромен инфраструктурен инвестициски потфат, поддршка на земјоделието, револуција во културата, војна против корупцијата и криминалот се дел од зацртаните проекти на кои работеа еминентни стручњаци од областите. Користена е помош и од странски експерти, а е направена и ре-проценка на фискалните импликации согласно најновите кризни текови. ВМРО-ДПМНЕ ќе излезе и со документ, преодна стратегија за реализација и делување во првите сто дена од превземањето на владата. Тоа ќе биде план кој ќе опфати прецизни детали на тоа што се планира да се реализира во првите неколку месеци. Утре на промоцијата ќе говорат експерти од различни сфери а акцентот ќе биде даден на економијата и здравството.

Мисајловски: Граѓаните недвосмислено сакаат промени и просперитет, Ѓорче Петров ќе одбере Обнова на Македонија

Ивона Петрова — Sat, 20 Jun 2020 13:52:33 +0000

Потпретседателот на ВМРО-ДПМНЕ и носител на избирачката листа во втората изборна единица, Владо Мисајловски денеска оствари средба со граѓаните на Ѓорче Петров. -Зборувавме за актуелните теми периодов, за пандемијата предизвикана од Ковид-19 вирусот, како и за соодветната заштита од истиот. Дискутиравме и околу политичката ситуација, предвремените парламентарни избори и очекувањата за иднината на Република Македонија. Граѓаните на Ѓорче Петров недвосмислено сакаат промени, просперитет и подобри денови за сите заедно. Затоа Ѓорче Петров ќе го одбере ВМРО-ДПМНЕ, ќе одбере Обнова на Македонија, напиша Мисајловски на Фејсбук.

ВМРО-ДПМНЕ ја најави обновата на Македонија по 15 јули, заедно со народот ја започнува финалната борба за економски развој и достоинствен живот

Ивона Петрова — Sat, 20 Jun 2020 13:44:45 +0000

ВМРО-ДПМНЕ денеска постави штандови во повеќе градови низ Македонија. На промоцијата на програмата за „Обнова на Македонија“ присутни беа и дел од кандидатите за пратеници, но и носителите на изборните листи за парламентарните избори закажани на 15 јули. Впечатоците кои ги пренесуваат присутните, преку социјалните мрежи, говорат дека голем дел од граѓаните се разочарани од политиките и владеењето на СДСМ и Зоран Заев и се подготвени за промени. Веруваат дека по 15 јули во Македонија ќе се случат вистински промени кои ќе влијаат кон подобрување на животот на граѓаните на секое поле.

Стоилковиќ за Курир: Наредната Влада во Македонија ќе ја прави ,,Коалицијата за обнова на Македонија”

Тале Кристо — Fri, 19 Jun 2020 21:22:50 +0000

Генералната политика на владејачката партија се состоеше од неколку, условно кажано, претпоставки. Првата претпоставка беше дека Зоран Заев ја има, условно кажано, најголемата поддршка на меѓународната заедница, па дури и ако ги изгуби изборите дека меѓународната заедница ќе му помогне да состави влада и тоа им е еден дел од предизборниот настап кај бирачите и кај нивното членство за да го мотивираат за партиски активности. Ова во интервју за КУРИР го истакнува Иван Стоилковиќ, претседател на Демократската партија на Србите во Македонија. -Оваа проблематика со датумот на изборите покажа дека таа меѓународна позиција на Зоран Заев веќе не е таква каква што беше во минатото, дека ситуацијата е многу променета, рече тој. Стоилковиќ оценува дека меѓународна заедница го “повлекла за уши“ лидерот на СДСМ и му порачала да не си игра игранки за изборите бидејќи работите не одат така. Во продолжение погледнете го целото интервју:

ВО ЖИВО: ВМРО-ДПМНЕ ќе потпише Договор за коалиција за „Обнова на Македонија“

Дарко Андоновски — Wed, 11 Mar 2020 11:49:41 +0000

ВМРО-ДПМНЕ денеска во 13 часот ќе потпише Договор за коалиција за „Обнова на Македонија“. Истата свеченост ќе се одржи во 13 часот во хотелот „Континентал“ во Скопје. КУРИР целиот настан ќе го пренесува во живо, а преносот ќе започне во 13:00 часот.