обнова за македонија – Kurir.mk

СЛЕДЕТЕ ВО ЖИВО: Изјава на Мицкоски по средбата со коалиционите партнери

Ивана Ефремовски — Mon, 16 Nov 2020 15:33:05 +0000

Во 17 часот денес се состанува лидерот на ВМРО-ДПМНЕ Христијан Мицкоски и потпретседателите со претставниците и претседателите на политичките партии од коалицијата за Обнова на Македонија. На средбата ќе се разговара за преговорите со Бугарија и можната блокада на патот на европските интеграции. Ќе се носи заклучок кој ќе содржи јасни ставови во однос на преговорите со Бугарија и клучните прашања врзани со јазикот, историјата, идентитетот, положбата на македонското малцинство. По завршувањето на состанокот со коалицијата, приближно околу 18 часот претседателот Мицкоски, пратениците од ВМРО-ДПМНЕ и коалициските партнери ќе се упатат пред Владата каде од страна на Мицкоски ќе биде дадена изјава за медиуми. Изјавата ќе можете да ја следите во живо на следниов линк:

Нов видео спот на ВМРО-ДПМНЕ: Исправи ги неправдите, ставете му крај на криминалот на Заев и СДСМ (ВИДЕО)

Дарко Андоновски — Thu, 09 Jul 2020 19:37:07 +0000

ВМРО-ДПМНЕ објави нов видео спот преку кој ги повикува граѓаните да излезат да гласаат на 15 јули и да ги исправат неправдите во оваа земја. Тие преку видеото велат дека обновата доаѓа и зависи само од граѓаните на оваа земја, погледнете.

Исправи ги неправдите! Posted by ВМРО-ДПМНЕ, ВМРО-ДЕМОКРАТСКА ПАРТИЈА ЗА МАКЕДОНСКО НАЦИОНАЛНО ЕДИНСТВО on Thursday, July 9, 2020

Лазаров: ВМРО-ДПМНЕ со програмата „Обнова за Македонија“ ќе ја ресетира на македонската економија

Ивана Ефремовски — Fri, 26 Jun 2020 07:50:07 +0000

Дарко Лазаров, претседател на Комисија за економија при ВМРО-ДПМНЕ посочи дека по 15-ти јули следува економска обнова на Република Македонија. -Што значи да се биде исправен, едноставно значи да се надминат сите порази кои што во изминатиов период на Македонија и се случија, на сите сцени. Јас со оглед на тоа што сум дел од економскиот тим на ВМРО-ДПМНЕ, овој политички слоган го подразбирам како економска обнова на Македонија, нагласи Лазаров. Лазаров додаде дека во изминативе три години од страна на власта имаше голем број на погрешни економски политики и практично економските резултати го покажуваат тоа. -Стапка на економски раст просечно во последниве три години е помалку од 2.5% и тоа и пред кризата. На пример економските резултати на сите земји во регионот на кои што се движат повеќе од 3%, на Србија е 4.4% во овој изминат тригодишен период, Црна Гора дури 5%. Потребно е ресетирање на македонската економија, поставување на сосема нов економски модел кој што ќе продуцира и интензивира растот на македонската економија. Но претходно, ВМРО-ДПМНЕ има изработено и сериозна преодна стратегија која што ќе биде во насока на амортизирање на негативните ефекти од кризата бидејќи тие се реалност и едноставно не може да ги прескокнеме особено во третиот и четвртиот квартал од годината за да понатаму 2021 година со сериозен развоен концепт, со сериозен развој на стратегија да тргнеме напред конечно во остварување на предвидените проекти на ВМРО-ДПМНЕ, истакна Лазаров. Лазаров образложи дека ВМРО-ДПМНЕ излегува со програма која е систематизирана врз основа на успешни искуства од брзорастечки земји како тие се развивале и кои се најдобрите практики во делот на економски политики. -Нормално прилагодени на состојбите и условите и на карактерот на македонската економија. Меѓутоа е многу битно идентификување на сите добри политики во минатото и надминување на сите лоши политики не само во последните години, туку и изминативе 30 години, истакна тој.

ВМРО-ДПМНЕ ја проширува коалицијата- ова се новите коалициони партнери за „Обнова на Македонија“

Дарко Андоновски — Wed, 11 Mar 2020 13:13:24 +0000

ВМРО-ДПМНЕ денеска потпиша Договор за „Обнова на Македонија“ со Граѓанската опција за Македонија (ГРОМ), Движење за национално движење на Турците, Демократската партија на Србите во Македонија, Демократската партија на Ромите, Демократски сили на Ромите, Македонска акција (МААК), Нова либерална партија, Партија на Власите од Македонија, Партија на обедините демократи на Македонија, Роми обединети во Македонија, Работничко земјоделска партија од Македонија, Социјалистичката партија на Македонија, Српска напредна странка, Странка на демократска акција на Македонија, Титови леви сили, Аднан Ќахил, Бајрам Берат и Салко Куч. Денес имаме чест да ја претставиме најбројната победничка коалиција за „Обнова на Македонија“ која ќе настапи на претстојните парламентарни избори и ќе ја формира идната влада, ова денеска од потпишувањето на Договорот за „Обнова на Македонија“ го истакна Христијан Мицкоски. -Ние се обединуваме околу заедничка платформа, вредности и принципи во кои веруваме, затоа што самото име на коалицијата кажува дека она што е неопходно во овој момент на нашата татковина е токму обновата. Како коалиција имаме одговорност пред нас самите за одговорно работење за постигнување на резултатите кои ќе донесат подобра иднина во државата, рече Мицкоски. Тој додава дека идната победничка коалиција подразбира обединување околу идејата, целта и каузата каде врвниот интерес и иднината на Македонија. -Ова е најбројната коалиција околу која се обединуваат Македонците, Турците, Бошнаците, Ромите, Србите, Власите, коалиција на работниците, средната класа, земјоделците, невработените, сиромашните и на оние кои што сакаат промена. Во име на ова обнова ги повикувам и Албанците, Еѓипјаните и сите останати да поддржат обнова која ќе значи повеќе економија, пари и инвестиции, рече Мицкоски.

Трипуновски од Неготино: Земјоделството е крупна гранка за сериозни луѓе, а не за елитисти како Заев, Николовски и Димковски

Тале Кристо — Sat, 23 Nov 2019 20:23:42 +0000

Немојте да заборавите што значи СДСМ на власт. Само за момент присетете се за какви погубни политики изминатите три години додека СДСМ е на власт ги креираше и ги спроведе во делот на земјоделството, истакна пред Неготинчани членот на ИК на ВМРО-ДПМНЕ Цветан Трипуновски во рамки на проектот Разговори за Обнова на Македонија. -Земјоделството е крупна гранка и сериозен чекор, но сериозен чекор за сериозни луѓе. Не за Зоран Заев, не за Љупчо Николовски, не за Трајан Димковски. Тие елитисти кои што изминатите три години седат во удобните канцеларии, се возат во службените удобни возила, патуваат надвор од државата на наш трошок, на државен трошок, се луксузираат, а земјоделецот е на дното на листата.Сакам да ве уверам дека овие разговори што ги правиме како политичка партија сме постојано помеѓу граѓаните, разговараме и ги сумираме сите предлози, сите проблеми кои што во идната програма која што е во завршна фаза ќе ги преточиме во проекти. Проекти кои што ќе бидат реални и спроведливи, порача Трипуновски. Ние нема да ветуваме како Зоран Заев што ветуваше во 2016. Ниту сигурен пласман, ниту сигурни откупни цени и ред други проекти што ги ветуваше, гарантни фондови, откупни центи итн, рече тој. -Единствено што го ја спроведоа е нивната таканаречена мерка зелена нафта. Зелена нафта која што картичките и ден денеска стојат неподигнати во подрачните единици затоа што тоа име популистичка мерка и нема да го реши проблемот на македонскиот земјоделец. Стојам овде пред вас и покрај сите притисоци кои што ги имав изминатиот период и понатаму ќе бидам рамо до рамо затоа што земјоделците заслужуваат политичка партија, заслужуваат луѓе кои што имаат искрени и чесни намери и нема да ме заплашат ниту мене ниту ВМРО-ДПМНЕ, порача членот на ИК на ВМРО-ДПМНЕ. -Доаѓа 12 април и ова што го прави СДСМ и со партиските вработувања и со популистичкиот буџет кои што сакаат да го донесат за да ги замолчат и да ги поткупат гласачите, нема да им успее, затоа што луѓето се сеќаваат дека Зоран Заев кој што се колнеше во најмилото, дека одел по жицата и го барал семето, го промени името на државата, го продаде идентитетот, затоа што со таква цел дојдоа на власт. Дојдоа за да шетаат Луј Витон торби по скопските улици и никој денес за тоа денес не зборува. Затоа сакам да ви порачам од тука храбро и достоинствено се ближи крајот на заевизмот во Република Македонија. Сите до еден на 12 април да кажеме дека е доста и дека во Македонија мора да се врати на правиот колосек и земјоделците и просветните работни и здравствените работници, сите граѓани не зависно на политичка, верска или партиска припадност заслужуваат достоинствен живот во Република Македонија, заклучи Трипуновски. -Јас ви благодарам од срце и наредниот период ќе се гледаме многу често затоа што не чека период во кој што треба да го поразиме СДСМ и Зоран Заев, порача тој.

ВМРО-ДПМНЕ под мотото „Обнова за Македонија“ ги запозна кавадарчани со идните планови на партијата (ФОТО)

Дарко Андоновски — Wed, 16 Oct 2019 17:17:40 +0000

Владимир Нелоски од ВМРО-ДПМНЕ денеска беше во посета на општинскиот комитет на ВМРО-ДПМНЕ во Кавадарци. Тој таму се сретна со членовите на општинскиот комитет, како и многу симпатизери и граѓани кои дојдоа да ги слушнат идните цели на партијата. Оваа посета низ сите градови во Македонија ВМРО-ДПМНЕ ја започна неодамна во рамки на своите планирани граѓански средби под мотото „Обнова за Македонија“.