Првиот човек на Светска банка: Обновата на украинската економија ќе чини 411 милијарди долари

Тале Кристо — Wed, 12 Apr 2023 06:38:27 +0000

Светска банка е подготвена да го направи својот дел во обновата на Украина, по уништувањето во руската инвазија, но меѓународните финансиски институции не можат сами да ја обезбедат целата сума, затоа треба да се вклучат и западноевропските земји, изјави синоќа претседателот на Светската банка, Дејвид Малпас. Говорејќи на пролетниот состанок на Меѓународниот монетарен фонд (ММФ) и Светската банка, Малпас истакна дека Светската банка одигра голема улога во обновата на европската челична индустрија по Втората светска војна и дека може да игра слична улога и во Украина . -Уништувањето е застрашувачко, рече тој, цитирајќи ја неодамнешната проценка дека обновата на украинската економија ќе чини 411 милијарди долари, или 2,6 пати повеќе од очекуваниот бруто домашен производ (БДП) на Украина во 2022 година. Оваа сума, која ја пресметаа Светската банка, Обединетите нации, Европската комисија и Украина, е значително повисока од проценката од 349 милијарди долари, објавена во септември минатата година. Вкупните обврски на Светска банка во 2022 година изнесуваат 75 милијарди долари, што е за 50 отсто повеќе од просекот. -Европската унија има големи ресурси што би можеле да бидат вклучени, рече Малпас и додаде дека „банката е подготвена да ја одигра својата улога во реконструкцијата, но сумата за реконструкција на електроенергетскиот, патниот и железничкиот сектор е многу поголема во споредба со билансите на меѓународните финансиски институции“. Американската министерка за финансии Џенет Јелен вчера повтори дека Вашингтон ќе ја поддржува Украина се додека е потребно. Таа рече дека поддршката од САД и Европската унија ќе биде доволна за Украина до крајот на годината, но ако војната продолжи, Вашингтон ќе мора да работи со партнерите за да обезбеди дополнителна поддршка.

Алтмаер: Договорот на ЕУ ги зголеми шансите за обновување на европската економија

Магдалена Андонова — Wed, 22 Jul 2020 10:51:13 +0000

Договорот на членките на Европска унија за планот за стимулирање економии погодени од корона-кризата ја зголеми можноста за постепено закрепнување на економијата во втората половина од оваа година, изјави германскиот министер за економија Петер Алтмаер. Алтмаер истакна дека постигнатиот договор е добра вест за милион луѓе во Германија и Европа. – Шансата да забележиме внимателено, бавно закрепнување во втората половина од оваа година, некаде до крајот на октомври, енормно се зголеми, додаде Алтмајер. Тој предвидува одржливо закрепнување во 2021 година и 2022 година, а очекува сите европски земји да се вратат на раст во 2021 година. Лидерите на земјите членки на ЕУ се надеваат дека фондот за обновување на економијата во вредност од 750 милијарди евра и седумгодишен буџет од 1.100 милијарди евра, ќе и помогнат на Европа да ја надмине најдлабоката рецесија од Втората светска војна, откако епидемијата на Ковид-19 целосно ја запре економијата. (MИА)

обновување – Kurir.mk

Првиот човек на Светска банка: Обновата на украинската економија ќе чини 411 милијарди долари

Алтмаер: Договорот на ЕУ ги зголеми шансите за обновување на европската економија