Две лица обвинети за узурпација на локација прогласена за споменик на природата во Матка

Магдалена Андонова — Fri, 16 Oct 2020 08:38:32 +0000

Основното јавно обвинителство Скопје поднесе Обвинителен предлог против две лица за кривично дело – Узурпација на недвижности согласно член 225 став 1 од Кривичниот законик. Првиот обвинет, 39-годишен жител на Глумово, како трговец-поединец кој врши дејност за патнички воден транспорт, на точно неутврден датум со намера заземал во владение туѓа недвижност што е со пропис прогласена за споменик на природата. Имено, на катастарска парцела на брегот на езерото Матка поставил дрвена платформа со вкупна површина од 120 м2 со метална конструкција, над која изградил објект од цигла и дрво со површина од 49 м2. Вториот обвинет, 25-годишник од Глумово, делото го сторил така што на пет катастарски парцели исто така на брегот на езерото, поставил дрвена платформа со метална конструкција и со површина од 189,54 м2, на која изградил времен објект со површина од 187 м2.

Намален бројот на осудени и обвинети лица

Ивона Петрова — Wed, 29 Jul 2020 10:59:15 +0000

Бројот на пријавени полнолетни лица – познати сторители во 2019 година, во споредба со 2018 година, е зголемен за 5,6 проценти, додека бројот на осудените полнолетни лица е намален за 19.8 проценти, а бројот на обвинетите лица е, исто така, намален за 21.4 проценти, покажуваат податоците на Државниот завод за статистика. Бројот, пак, на пријавени деца во судир со законот – сторители на кривични дела, во 2019 година, во споредба со 2018 година, е намален за 5.2 отсто. – Во 2019 година, во споредба со 2018 година, бројот на осудените деца во судир со законот – сторители на кривични дела е намален за 7,9 проценти, покажуваат податоците од Државниот завод за статистика.

обвинети лица – Kurir.mk

Две лица обвинети за узурпација на локација прогласена за споменик на природата во Матка

Намален бројот на осудени и обвинети лица