обврски – Kurir.mk

Конструктивните дискусии се знак на здрава врска: 5 работи за кои најчесто се расправаат љубовните парови

Ристе Здравков — Wed, 29 Dec 2021 09:08:45 +0000

Без оглед на конфликтот, партнерите треба да знаат како да ги решат сите нивни грижи и желби Еве за кои теми понекогаш вреди да се расправате во врската или бракот. 1. Расправии за трошење пари Дури и најсложните парови влегуваат во дискусија за тоа како ќе ги потрошат своите тешко заработени пари. Овој проблем е често подлабок од самиот факт дали можете да си дозволите нешто или не. Честопати станува збор за кавга за различен систем на вредности, објаснува Хајтлер. Следниот пат, кога вашиот партнер сака да купи нешто, а вие не се согласувате со тоа (или обратно), видете дали лицето кое се противи на купувањето треба да се откаже од нешто, за да може партнерот да го купи посакуваниот производ. Ако да, испланирајте го вашиот буџет за да видите што е изводливо. Ако сте можеле да си го дозволите тоа купување, но вие или вашиот партнер сè уште се спротивставувате на тоа, време е за подлабок разговор. Можеби некој од вас мисли дека купувањето одредени предмети е непотребно трошење пари. Зборувајќи за тоа, можете да добиете перспектива и да видите како понатаму. 2. Расправии за интимни односи Парот кој нема интимен однос е ранлив пар и кога има голема асиметрија во вашите желби, тоа е голем проблем – вели Хајтлер. Игнорирањето на проблемот нема да исчезне. Треба да седнете и да се договорите колку често ќе водите љубов. Секако, водењето љубов не е математика, така што не можете да ја одредите точната бројка, но можете да работите на негово зачестување. Игнорирањето на овој проблем може да доведе еден од партнерите да размислива на изневерување. 3. Кавга за лутина Ако едната личност израснала во семејство каде вообичаената шема на однесување била да истура бес, а потоа да заборави, а другата во семејство каде што се избегнувале високи гласови по секоја цена, тензиите ќе бидат неизбежни, објаснува Хајтлер. Треба да зборувате за тоа кога и двајцата сте смирени, обидете се да откриете зошто сте толку лути и најдете начин да ги искажете тие чувства без голема експлозија. Бесот е знак дека мора да застанете и ако го почувствувате, одморете се, вели Хајтлер. 4. Расправија за улогата на родителите во вашиот заеднички живот Дали го полудува вашиот партнер кога мајка ви се јавува за време на ручекот секоја недела? Дали ве вади од рамнотежа кога неговите родители ви јавуваат ден претходно дека ќе дојдат на гости утре – и дека планираат да останат три недели? Време е да поставите некои граници. Можеби немате исти идеи за тоа што е правилно и што не е во ред, но мора да зборувате за тоа и да ги почитувате ставовите на вашиот партнер. Клучот е никогаш да не се критикувате едни со други или семејството на вашиот партнер, истакнува Хајтлер. 5. Расправија за домашните обврски Еден од разговорите што треба да го направи секој пар е како ќе ги поделите домашните работи, како што се ставање алишта во машината, миење садови и шетање на кучето.

Овие работи кои ги прават шефовите се лоши за вработените – од нив доаѓа нервоза во канцеларија

Ивана Ефремовски — Mon, 24 May 2021 20:12:24 +0000

Односите и комуникацијата меѓу шефовите и вработените не се воопшто лесно, поради различните цели, а многу често и поради различни карактеристики на двете страни. Ова се 5 работи кои нашите шефови ги прават, а истите многу нервираат. -Даваат задача, забораваат дека го направиле тоа, а потоа истата задача ја даваат на друг колега. Тоа значи многу потрошена енергија и потрошено време, а заборавеноста на шефот испраќа порака дека тој не го зема за сериозно времето на вработениот. -Критикуваат еден вработен во присуство на друг. Тоа е една од најлошите работи кои може да ги направи еден шеф. -Не го земаат предвид придонесот, времето и енергијата кои се вложени, а се фаќаат за мала грешка, која може да нема никакво влијание на исходот. -Задржуваат информации кои им се потребни на вработените за да завршат некоја работа. Понекогаш тоа е така бидејќи сметаат дека треба да ја објаснат само „поголемата слика“ и таквата информација не е потребна. -Велат дека ги поддржуваат своите вработени, но кога треба да го направат тоа, ги снемува. Се плашат од повисоките нивоа на менаџмент или едноставно не се заинтересирани.

Макрон: Лондон без обврски, но и без правата кои ги имаше

Тале Кристо — Sat, 01 Feb 2020 08:14:58 +0000

Францускиот претседател Емануел Макрон изјави дека и покрај тоа што Париз сака да одржи цврски односи со Лондон по Брегзит, Велика Британија не може да очекува дека ќе биде третирана на ист начин како и кога беше дел од ЕУ. – Не можете да бидете и внатре и надвор. Британскиот народ избра да ја напушти Европската унија. Нема да имате исти обврски, но нема да имате ниту исти права, истакна синоќа Макрон во телевизиското обраќање до нацијата по повод излезот на Велика Британија од Унијата. Тој нагласи дека во идните преговори околу односите на Британија и ЕУ ќе ги штити интересите на француските работници, рибари и земјоделци. – И во тие преговори ќе бидеме сложни, ние сите 27 членки, нагласи францускиот претседател. Макрон го нарече Брегзит „шок“ и „историски алармен сигнал“, кој треба да ја принуди ЕУ да се поправи. Тој повика на воспоставување „појасен европски проект“, кој ќе биде поедноставен за граѓаните на ЕУ. – Ова е тажен ден, тоа не можеме да го скриеме, но исто така и ден кој треба да не наведе да работиме поинаку, порача Макрон.