очув – Kurir.mk

Драма во Скопје: Очув претепа малолетничка

Катерина Бојаџиева — Mon, 27 Jun 2022 16:24:55 +0000

На 26.06.2022 во 22.30 часот во Полициската станица Аеродром, 42- годишна жена од Скопје пријавила дека во семејниот дом на подрачјето на Аеродром нејзината малолетна внука, по претходна расправија, била физички нападната од нејзиниот очув М.Г.(38) од Скопје, на кого му била доверена на чување од мајката на малолетничката. Се преземаат мерки за расчистување на случајот.

Очув ја нападнал малолетната ќерка во нивниот дом

Дарко Андоновски — Sat, 19 Mar 2022 14:49:06 +0000

На 18.03.2022 во 19.15 часот во СВР Битола, од страна на претставници од ЈУМЦСР заедно со оштетеното лице, 17 годишна малолетничка било пријавено дека истиот ден околу 11.30 часот додека била во семејниот дом во Битола, настанала расправија помеѓу малолетничката и нејзиниот очув С.М., по што физички ја нападнал. Известен бил Јавен обвинител. Се работи на расчистување на случајот.

Уапсен скопскиот монструм: Повеќе пати ја силувал малолетничката на која ѝ бил очув

Ивана Ефремовски — Fri, 06 Mar 2020 15:35:14 +0000

На 06.03.2020 околу 05:00 во шума помеѓу скопските села Паничари и Буковиќ, полициски службеници од СВР Скопје го лишиле од слобода Ф.Т.(48) од Сарај, скопско, кој се барал по распис од СВР Куманово поради сомнение за сторено кривично дело „полов напад врз дете кое не наполнило 14 години“. На 26.09.2019 во СВР Куманово било пријавено дека Ф.Т. извршил обљуба врз 14 –годишно девојче од село од општина Липково, на кое и бил очув. Подоцна, во разговор со полициски службеници девојчето изјавило дека нејзиниот очув и претходно (уште кога имала 12 години), во повеќе наврати извршил обљуба врз неа. Ф.Т. бил приведен во полициска станица и по целосно документирање на случајот против него ќе биде поднесена соодветна пријава.

Детали за случајот со претепаното бебе од Скопје: Очувот обвинет за малтретирање

Катерина Бојаџиева — Thu, 23 Jan 2020 12:57:02 +0000

По спроведена истражна постапка, Основното јавно обвинителство Скопје до Основниот кривичен суд Скопје поднесе обвинителен акт против 34-годишен скопјанец за кривично дело запуштање и малтретирање дете од член 201 став 1 од Кривичниот законик. Јавното обвинителство денеска соопшти дека обвинетиот се товари оти го сторил делото на 23.12.2019 година, околу 12 часот, кога неговата вонбрачна партнерка му го оставила нејзиното едногодишно дете за да го однесе кај претходно ангажирана дадилка. -Обвинетиот очув, додека бил сам со детето во домот и додека го превезувал во возило, го малтретирал удирајќи го со тупаници во пределот на главата и лицето, при што му нанел телесни повреди изразени во вид на крвни подливи, се појаснува во соопштението. Надлежниот јавен обвинител до Основниот кривичен суд Скопје поднесе и посебен предлог за продолжување на мерката притвор за обвинетото лице, проценувајќи дека неговото присуство во текот на кривичната постапка и непреченото водење на постапката не би можеле да се обезбедат со друга мерка. Инаку, од Комплексот клиники „Мајка Тереза“ на 25 декември во 12:50 часот во СВР Скопје било пријавено дека кај нив било донесено 16- месечно женско бебе од Скопје со повреди. Во разговор со полициските службеници, мајката на бебето, 21-годишната А.М.С. од Скопје изјавила дека дека на 23.12.2019 околу 12:00 часот нејзиниот партнер, 34-годишниот С.И. од Скопје, со кого живеела вонбрачно, го ставил бебето во детско седиште и со своето возило го однел кај дадилката, 55-годишната Л.Д. од Скопје. Според нејзината изјава, истиот ден дадилката ѝ пријавила дека кога го земала бебето од И.С. забележала дека има повреди.

Очув монструм: Претепал едногодишно дете, ОЈО бара притвор

Ивана Ефремовски — Fri, 27 Dec 2019 15:15:29 +0000

Основното јавно обвинителство Скопје донесе Наредба за спроведување истражна постапка против 34-годишен скопјанец поради основано сомнение дека сторил кривично дело – Запуштање и малтретирање на дете од член 201 став 1 од Кривичниот законик. Осомничениот го сторил делото на 23-ти декември, околу 12 часот, кога неговата вонбрачна партнерка му го оставила нејзиното едногодишно дете за да го однесе кај претходно ангажирана дадилка. Осомничениот – очув на детето, додека бил сам со детето во домот и додека го превезувал во возило, го малтретирал удирајќи му тупаници во пределот на главата и лицето, при што му нанел телесни повреди. Поради постоење на околности кои го оправдуваат стравот дека осомничениот ќе се даде во бегство, ќе влијае на сведоци и дека ќе го повтори делото, надлежен јавен обвинител од Основното јавно обвинителство Скопје до Судијата на претходна постапка при Основниот кривичен суд Скопје поднесе Предлог за определување на мерка притвор за осомниченото лице.

Од нивната љубов светот е згрозен, семејствата се откажале од нив: Млада девојка се венчала за очувот (ФОТО)

Ивана Ефремовски — Tue, 12 Nov 2019 14:54:52 +0000

Бизарниот документарец, на британскиот „Канал 5“ открил една од најчудните романси кои некогаш сте имале прилика да ги видите. Сара (28) својот сопруг Давид (69) го запознала само еден ден пред тој да се венча со нејзината мајка, кога имала само 14 години. -Откако засекогаш ме напушти мојата прва сопруга, со која бев во брак повеќе од 30 години, некое време бев сам и станав очаен и осамен, објаснил Давид за емисијата. „Тогаш ме запознаа со идната сопруга, за која се испостави дека е твоја мајка“, ѝ се обратил Давид. Сара открила дека имала искрено пријателство со својот очув и сегашниот партнер, па набрзо откако пропаднал бракот со мајката на Сара, објавил дека има романса. После четири години се венчале, но со оглед на чудните околности околу нивната врска, членовите од нивните семејства не се појавиле на венчавката и ги прекинале сите контакти со нив. Тука спаѓа и мајката на Сара, односно поранешната сопруга на Давид. -Ова не беше венчавката за која отсекогаш сонував, но имав совршена причина да се венчам и беше навистина прекрасно, рекла Сара и додала дека би било убаво ако присуствувале повеќе луѓе. Парот сега е веќе 10 години во брак и има близнаци. Заедно работат во јужен Велс. За својата трета сопруга, Давид рекол дека одлично се согласуваат, но нивната врска повеќе не е во фаза на меден месец. -Повеќе не ми се допаѓаш, всушност. Стар си и сед, а и имаш многу вишок килограми, му рекла Сара. Некои гледачи биле шокирани поради нивната разлика во години, но и фактот дека девојката се венчала за поранешниот сопругот на нејзината мајка.

Одземено детето од родителот кој го тепаше

Ивона Петрова — Thu, 31 Oct 2019 09:57:14 +0000

Институциите реагираа по вчерашната објавена снимка на која маж тепа дете. – Во врска со случајот со видеото што се ширеше на социјалните мрежи ве информираме дека Центарот за социјални работи во Свети Николе веднаш постапи по случајот. Врз основа на сознанија за груба злоупотреба и занемарување на децата од страна на родителите, а во најдобар интерес на децата, Центарот за социјални работи Свети Николе донесе решение со кое привремено им ги одзеде двете деца на семејството – потврдија од Минитерството за труд и социјална политика, објавува Досие.мк Сведоштвата на социјалните мрежи се стравични и одат дотаму дека сопружниците ги искористуваат децата за пари па дури и барале донации за да им купат пелени. Кога некој немало да им угоди настанувала кавга и навреди. Некои од големите хуманитарни здруженија се огласија дека ова семејство навистина има проблем оти и нивна помош злоупотребиле, пишува Досие.мк На видеото мажот кој го тепа детето не е татко, туку очув. Со жената која седи до него и не реагира имаат уште едно дете. Таа има и претходен маж со кој неофицијално има уште едно дете. Сега за децата ќе се грижи старател и тие ќе бидат соодветно згрижени. На несовесните родители ќе им се одземе родителското право , а а очувот има предлог за изрекување приверемени мерки за заштита од семејно насилство.

Очувот пријавил дека 14-годишно девојче заминало од неговиот дом

Дарко Андоновски — Sun, 19 May 2019 13:49:02 +0000

На 18.05.2019 година во 21.00 часот во Полициската станица Чаир, Н.С.(48) од Скопје пријавил дека на 16.05.2019 година околу 19.00 часот, 14-годишно девојче, на кое тој и е очув, заминало од домот во непознат правец. Се преземаат мерки за пронаоѓање на лицето, информираат од МВР.

Светот згрозен од нивната љубов, семејствата се откажале од нив: Сара (28) се венчала за 40 години повозрасниот очув (ФОТО)

Ивана Ефремовски — Thu, 29 Nov 2018 14:45:39 +0000

Бизарниот документарец, на британскиот „Канал 5“ открил една од најчудните романси кои некогаш сте имале прилика да ги видите. Сара (28) својот сопруг Давид (69) го запознала само еден ден пред тој да се венча со нејзината мајка, кога имала само 14 години. „Откако почина мојата прва сопруга, со која бев во брак повеќе од 30 години, некое време бев сам и станав очаен и осамен“, објаснил Давид за емисијата. „Тогаш ме запознаа со идната сопруга, за која се испостави дека е твоја мајка“, ѝ се обратил Давид. Сара открила дека имала искрено пријателство со својот очув и сегашниот пар набрзо откако пропаднал бракот со мајката на Сара, објавил дека има романса. После четири години се венчале, но со оглед на чудните околности околу нивната врска, членовите од нивните семејства не се појавиле на венчавката и ги прекинале сите контакти со нив. Тука спаѓа и мајката на Сара, односно поранешната сопруга на Давид. „Ова не беше венчавката за која отсекогаш сонував, но имав совршена причина да се венчам и беше навистина прекрасно“, рекла Сара и додала дека би било убаво ако присуствувале повеќе луѓе. Парот сега е веќе 10 години во брак и има близнаци. Заедно работат во јужен Велс. За својата трета сопруга, Давид рекол дека одлично се согласуваат, но нивната врска повеќе не е во фаза на меден месец. „Повеќе не ми се допаѓаш, всушност. Стар си и сед, а и имаш многу вишок килограми“, му рекла Сара. Некои гледачи биле шокирани поради нивната разлика во години, но и фактот дека девојката се венчала за поранешниот сопругот на нејзината мајка.

Се појави снимка од девојчето кое беше убиено од очувот: Пеела дека тој е херој, а брутално настрада од неговата рака (ВИДЕО)

Матеја Петровски — Sat, 18 Aug 2018 14:14:25 +0000

Девојчето кое беше убиено од очувот пред два месеци е снимена како токму него го нарекува „херој“. Вознемиурвачка снимка се појави на интернет после откривањето дека 33 годишниот Кристофер Вот ја убил својата 43 годишна сопруга и нејзините ќерки, кои имаа само 3 и 4 години, па ги фрлил нивните тела како би ја прикрил смрдеата. На видеото се гледа девојчето Бела како седи на задното седиште од автомобилот и пее песна со која што го фали својот очув. -Мојот татко е херој, тој ми помага да пораснам. Тој ми чита книги, ми ги чисти кондурите, тој е херој. Тато, те сакам, пее малата Бела. Снимката се појави во моментите кога некои пријатели тврдат дека парот се соочил со финансиски проблеми во текот на врската. Некои пак тврдат дека Вот ја изневерувал својата сопруга, додека трети инсистираат на тоа дека нивната врска делувала силно.