одбиена – Kurir.mk

Ван Де Бек ја одбил првата понуда која стигнала на негова адреса

Ристе Здравков — Mon, 17 Jan 2022 09:14:38 +0000

Фудбалерот на Манчестер Јунајтед, Дони Ван Де Бек ја одбил првата понуда која стигнала на негова адреса. Холанѓанецот не е задоволен со минутажата на „Олд Трафорд“, па постои можност во јануари да ја промени средината со цел да добие поголем простор за докажување на теренот. Ралф Рангник во неколку наврати посочи дека сака да го задржи фудбалерот од средниот ред во своите редови, но барем досега не му дал доволно шанса за да ги покаже своите квалитети. Медиумите во Англија пренесуваат дека Ван Де Бек добил понуда следните шест месеци да ги помине во Њукасл како позајмен фудбалер. Сепак, самиот фудбалер ја одбил оваа понуда затоа што сметал дека Њукасл не е идеалното место за негово понатамошно развивање. Засега тој ќе остане во Манчестер Јунајтед, но не се исклучува можноста да си оди од клубот во следниот период.

ПОВТОРНО ПРОБЛЕМИ: Одбиената визата на Новак на аеродромот во Мелбурн, што се случува во Австралија?

Магдалена Андонова — Wed, 05 Jan 2022 14:17:04 +0000

Неверојатно! Владата на Викторија одби да му ја одобри визата на Новак Ѓоковиќ за влез во овој дел на Австралија. Според „The Age“, тимот на Ѓоковиќ побарал погрешен тип на виза, а Новак не може да остане во Мелбурн. Граничната полиција ја контактирала Владата кога увидела дека Ѓоковиќ побарал погрешен вид виза. Новак, наводно, поднел барање за виза која не содржи медицинско ослободување за невакцинираните лица, наместо типот на виза што дозволува влез за оние кои добиле ваков вид на бенефиции.

BREAKING The Victorian government rejected a late-night request from Border Force to support the world No. 1’s visa hours before he landed in Melbourne after it was discovered that Djokovic’s team had submitted the wrong type of visa.#AusOpen #auspol ... https://t.co/YzVKeJBfJO
— The Age (@theage) January 5, 2022

Се разгоре орото пред Австралија опен, ќе видиме што ќе биде со најдобриот тенисер во светот кој не заслужи ваков третман во земјата каде што освои девет Грен слем трофеи и каде ја брани титулата.

Одбиена тужбата на Трамп во Пенсилванија

Дарко Андоновски — Sun, 22 Nov 2020 11:21:11 +0000

Федералниот суд во американската сојузна држава Пенсилванија ја отфрли тужбата со која тимот на претседателската кампања на Доналд Трамп побара поништување на неколку милиони гласови добиени по пошта на претседателските избори на 3 ноември. Американските медиуми оценуваат дека пресудата донесена од судијата Метју Бран е последна во низата удари за Трамп во неговите неуспешни напори да ги оспори резултатите од изборите во ноември, кои ги загуби од демократскиот кандидат Џозеф Бајден. Брен ја опиша тужбата на тимот на Трамп како климав случај, исполнет со шпекулативни аргументи без основа. Би Би Си објави дека Бајден освоил 80.000 гласови повеќе од Трамп во Пенсилванија. Според сегашните проекции, Бајден освои 306, а Трамп 232 електорски гласови, што го одредува победникот. Потребни се 270 електорски гласови за влез во Белата куќа.