одговори – Kurir.mk

ОВА БАШ ГИ ИНТЕРЕСИРА МАЖИТЕ: Прашања за интимните односи на кои мажите сакаат да го слушнат одговорот

Ристе Здравков — Mon, 07 Mar 2022 20:04:05 +0000

Поради сомневањата за сексуалните односи, мажите се чувствуваат многу понесигурни од жените Жените се оптоварени со својот изглед, целулитот, вишокот килограми, гардеробата. Мажите патат само од еден проблем – сексот и поради него се чувствуваат далеку понесигурно од жените, иако знаат многу подобро да го сокријат тоа. Неколку прашања постојано ги мачат и постојано се обидуваат да добијат одговори на нив. Дали големината навистина е важна? Мажите секогаш го поставуваат ова прашање, без разлика колку се уверени дека големината не е важна и дека добрата техника е најважна работа. Напротив, најнадарените можат да бидат многу лоши љубовници. Дополнително, ако пенисот е преголем, големи се шансите на жената да ѝ биде болно и непријатно. Дали е важно времетраењето на сексот? За да не заврши сè малку пребрзо, мажите користат разни трикови како да размислуваат за нешто сосема друго. Сепак, истите трикови понекогаш можат да го продолжат сексот и повеќе од половина час, што и онака е прилично непријатно за жената. Иако времетраењето не е важно, а за жената да биде задоволна, сексот во просек треба да трае 15-20 минути. Дали предиграта е преценета или потценета? Повеќето жени сакаат предигра. Единственото нешто што не е во ред е тоа што мажите под тој термин подразбираат само бакнување и гушкање. Други фактори пред односот се важни за жената. Таа се загрева мажот и кога зборува, а влијание имаат и претходните состаноци и времето поминато заедно. Меѓутоа, понекогаш брзиот, спонтан секс како оној на масата во кујната е страстен како и сексот со предигра. Значи, примарната разлика не е во тоа што сексот со предигра е подобар од сексот без предигра, туку е поинаку. Дали жената е незадоволна ако не доживее оргазам? Наместо тоа, може да се каже дека се чувствува изневерено затоа што мажот не ѝ овозможил да доживее оргазам. Ова е главниот показател дека мажот се грижи за својата партнерка. Оргазмот им е важен на жените исто како и на мажите. Разликата е во тоа што тие не чувствуваат болка во пределот на интимните органи доколку се возбудат и не го доживеат. Дали оралниот секс е подобар од обичниот? Мажите обожаваат кога партнерката орално ги задоволува и тие многу повеќе зборуваат за тоа еден со друг отколку за обичен секс. Затоа, тие се изненадени кога жената не сака орален секс, дури и кога ќе им се пружи тоа задоволство. На жените треба да им се даде време сами да одлучат кога е вистинското време за тоа. Во некои случаи, оралниот секс би можел да се опише како пријател кој ретко излегува, но кога излегува, одличната забава е загарантирана.

Мисајловски: Владата и Заев да одговорат дали тајната смена на членот на историската комисија не е притисок врз одлучувањето и увертира во ново попуштање на сметка на интересите на Македонија?

Тале Кристо — Wed, 20 Jan 2021 11:57:44 +0000

Зоран Заев далеку од очите на македонската јавност, смени член на историската комисија со Бугарија, истакна на денешната прес-конференција потпретседателот на ВМРО-ДПМНЕ Владо Мисајловски. Воедно, министер од владата на Бојко Борисов јавно соопшти дека во игра бил анекс на постојниот договор од 12 точки. До ден денешен, нема информации за демант на македонската влада и МНР за оваа негова изјава, што нам ни дава за право да заклучиме дека Заев преговара за анекс на договор во кој многу веројатно дека се вклучени елементи од нашиот идентитет, историја и јазик. Премиерот Зоран Заев должи одговори зошто е сменет членот на историската Комисија? И дали со тоа се прави директен притисок и врз останатите за прифаќање на историските невистини? Дали Заев сака од Комисијата наместо историски орган, да направи политички орган кој ќе одлучува по негова логика и онака како што тој ќе се испазари? Дали поради тоа што не може да ја убеди бугарската страна сега менува членови на Комисијата кои даваат отпор на историските невистини и менувањето на идентитет за кој Заев преговара? Дали ова е казна затоа што ја бранеле вистината? Владата и Заев да одговорат дали тајната смена на членот на историската комисија, не е притисок врз одлучувањето и увертира во ново попуштање на сметка на интересите на Македонија. Зошто се крие смената на членот на Комисијата. Историјата е јасна. Науката е јасна. Чепкање во македонскиот идентитет, јазик и историја не смее да има. Апелираме и до членовите на Комисијата да не се претвораат во маша на Заев. За тоа што ќе ги натера да се потпишат, тој дебело ќе се испазари. Историските комисии треба да преговараат необременети од политички притисоци, а идентитетските обележја не смеат да бидат на маса на преговори, порача Мисајловски од денешната прес-конференција.

Членовите на ДИК барале дополнителни одговори за мерките за избори од Комисијата за заразни болести

Тале Кристо — Wed, 20 May 2020 13:09:55 +0000

Скопје, 20 мај 2020 (МИА) – Членовите на Државната изборна комисија (ДИК) денеска присуствувале на еден дел од состанокот на Комисијата за заразни болести на која ги изнеле своите размислувања и поставиле дополнителни прашања во врска со протоколите за избори. Министерот за здравство Венко Филипче денеска информираше дека во следите денови Комисијата ќе одговори на прашањата на членовите на Комисијата, а исто така рече дека тие, односно државата, би можела да одговори на потребата за заштитни мтеријали за изборите имајќи предвид дека станува збор за голема бројка. – Во однос на заштитни материјали да, навистина имаме голема бројка така што на дел од потребите може да одговориме. Утрово на дел од состанокот, на Комисијата за заразни болести гости беа и членовите на Државната изборна комисија (ДИК). Врз основа на оној протокол што Комисијата го даде имаа допонителни прашања, дополнително нешто што не било превидено и во текот на следните денови Комисијата ќе им одговори, изјави Филипче.

Раб: Кина ќе мора да одговори на тешки прашања за епидемијата

Тале Кристо — Thu, 16 Apr 2020 19:24:48 +0000

Шефот на британската дипломатија Доминик Раб денеска изјави дека Кина ќе мора да одговори на тешки прашања за тоа како се случила епидемијата со новиот коронавирус и дали истата можела да биде спречена. – Светот мора да дознае што се случи во Кина во првите денови на пандемијата, посочи Раб. Тој додаде дека пандемијата ја покажала вредноста на меѓународната соработка.