Пашинијан ја презеде одговорноста за ситуацијата во Нагорно-Карабах

Тале Кристо — Thu, 26 Nov 2020 11:25:12 +0000

Ерменскиот премиер Никол Пашинијан изјави денеска дека е одговорен за ситуацијата во Нагорно Карабах. -Живееме во многу тешки времиња, но мора да ги преживееме и овие тешки времиња и да живееме со последиците, рече тој на состанокот на Владата, нагласувајќи дека како премиер на таа земја ја презема целосната одговорност за ситуацијата во Нагорно Карабах, но и дека е одговорен за иднината на земјата, пренесе Tасс. „Внатрешната и надворешната стабилност и безбедноста се апсолутни приоритети“, рече Пашинијан, додавајќи дека ерменската Влада мора да го анализира развојот на настаните и „да им ја претстави вистината на луѓето“. Рускиот претседател Владимир Путин, азербејџанскиот претседател Илхам Алиев и ерменскиот премиер Никола Пашинијан на 9 ноември потпишаа договор за целосен прекин на огнот на територијата на Нагорно Карабах, што почна да се применува од 10 ноември.

Професорот Нацев бара одговорност од дополнителниот заменик министер во МВР Славјанка Петровска за оддавањето класифицирани информации

Тале Кристо — Wed, 27 May 2020 12:38:50 +0000

Продолжува оддавањето државни тајни‼!, реагира универзитетскиот професор по одбрана и безбедност Александар Нацев. -Додека јавноста се уште чека одговори од министерката за одбрана за безбедносниот инцидент со оддавањето на класифицирана информација, сведоци сме на сличен таков скандал кој го направи дополнителниот заменик министер во МВР, Славјанка Петровска. Двата инциденти се многу слични, бидејќи вклучуваат објава во јавност на документи кои се со високи степени на класификација, во првиот случај преку социјален медиум (со слика направена во безбедносна зона), а во вториот со расфрлање со класифицирани материјали во емисија во живо (што укажува дека класфицираниот документ неовластено бил изнесен од безбедносна зона), вели Нацев. -Се чини дека привилегијата на неказнивост која ја ужива министерката за одбрана за објавувањето на класифицираната мапа, сега сакаше да ја почувствува и Петровска, за да покаже дека еве за остварување на нашите пропагандно-политички цели, можеме да употребуваме и класифицирани материјали и никој за тоа да не сноси одговорност. Се прашувам, дали како членка на НАТО, утре нашите функциониери со ниско ниво на безбедносна култура, нема да изнесат и НАТО класифицирани документи, со цел да покажат колку се важни и колку многу работат? Напоменувам дека за овие случаи мора да следи истрага, и лицата да се повикаат на одговорност, а уште веднаш да им бидат одземени безбедносните сертификати за пристап до класифицирани информации, со цел да се спречат нови безбедносни инциденти. За споредба, подолу неколку фотографии од слични случаи, и каков епилог имале таквите случаи во земјите кои сериозно ја сфаќаат својата безбедност, пишува професорот Нацев.

одговорнос – Kurir.mk

Пашинијан ја презеде одговорноста за ситуацијата во Нагорно-Карабах

Професорот Нацев бара одговорност од дополнителниот заменик министер во МВР Славјанка Петровска за оддавањето класифицирани информации