одговорност – Kurir.mk

Мицкоски: ДУИ и СДС не бираат средства да избегнат одговорност зошто знаат дека ќе бидат поразени, но нема да избегаат од правдата

Тале Кристо — Wed, 06 Sep 2023 17:00:22 +0000

Таму не се интервенира само во членот 353 туку и во еден друг член кој што третира едно друго кривично дело, а тоа е злосторничко здружување, истакна претседателот на ВМРО-ДПМНЕ, Христијан Мицкоски во гостување во емисијата „Вести плус“ на Канал 5 телевизија говорејќи за дополнување и изменување на Кривичниот законик. Мицкоски посочи дека на шверцерски начин власта со европското знаменце сака да ја помине оваа измена на законот. И ова е срамен чин на демократијата. Јасна е интенцијата на власта се ближи крајот и не бираат средства за да се заштитат од криминалот што го правеа досега. -Јас ја разбирам нивната интенција, дека они мислат дека сега се заштитени, но и денес кажав на еден настан не само европско знаме, златно знаме да стават од криминалот кој што го правеле овие шест години и одговорноста за тој криминал нема каде да бегаат, посочи Мицкоски меѓудругото. Мицкоски додаде дека изминативе повеќе од седум години Македонија поминува низ една голгота. Криминалот на власта е голем и не треба да се помине без одговорност. -Нити амандмани завршуваат работа, нити постои начин да се сопре оваа работа. Затоа што е злоупотребено европското знаменце. Единствен начин да се побара одговорност е само на избори. Кога ќе дојдат изборите граѓаните да излезат масовно да го поддржат ВМРО-ДПМНЕ и коалицијата која што ја предводи, а јас еве ги гледам во очи и велам дека и златно знаме да стават има и други начини и други закони според кои што ќе одговараат за криминалот кој што го правеа изминативе шест години, рече претседателот на ВМРО-ДПМНЕ, Мицкоски.

Ефтимов до Ковачевски: Дали ќе поднесете одговорност пред законот доколку наредната еврообврзница која што ќе се издаде биде макар и со 0,05 % повисока од онаа што беше веќе издадена

Тале Кристо — Fri, 17 Feb 2023 13:36:21 +0000

Почитувани граѓани техничка грешка образложување за еврообврзницата постои кривично дело несовесно работење во службата и таму има предвидено санкции, премиере дали самиот ќе се понесете на одговорност пред законот доколку наредната еврообврзница која што ќе се издаде биде макар и со 0,05 % повисока од онаа што беше веќе издадена и можеше да се реализира а со тоа и ќе се сервисираа сите буџетска средства“ , кажа Ефтимов. Ефтимов нагласи дека не видовме никаков напредок на владата од страна на администрацијата , нема реформи, нема никаква борба со корупцијата. „Ова е следствено на сето она што се случува и во администрацијата и во сите други органи. Не видовме никаков напредок на владата од страна на администрацијата каде заглавија овие реформи, немате никаква борба со корупцијата. Сте предвиделе во програмата дигитализација деновиве видовме дека од дигитализација не можете и не знаете да ги управувате и одржувате онаа база и оние податоци кои што се веќе воспоставени а не да ги дигитализирате и правосудните органи и целото административно работење“ , истакна Ефтимов. Ефтимов додаде и дека нема професионализација на институциите и има слаба реализација на буџетските средства во институциите. „Од правосудството 3 % доверба кај граѓаните, 97 % недоверба, од професионализација на институциите ве демантираат вашите институции, ДКСК кажува 12 % се реализирани обврските согласно стратегијата за борба со корупцијата. Министерот за правда вели согласно стратегијата за реформа во правосудниот систем од 2017 до 2022 година завршена имаме реализација само на 20 % од буџетските средства предвидени за тоа. сето ова е доказ дека немате капацитет да спроведете реформи“ , рече Ефтимов.

Сали: Министерството за здравство не е најодговорно за смртта на пациентот со цистична фиброза

Тале Кристо — Thu, 09 Feb 2023 14:02:21 +0000

Министерството за здравство не би било најодговорната институција за смртта на пациентот со цистична фиброза, кој не дочека набавка на лекот „Трикафта“, рече ресорниот министер Беким Сали. По денешната посетата на Општа болница Струга, прашан дали чуствува одговорност за смртта на младиот битолчанец, тој рече дека на време пријавиле и побарале поддршка од Владата и Министерството за финансии, за да одговорат позитивно на барањето за третман на пациентите со цистична фиброза. - Вчера изразив сочуство до сите членови на Асоцијацијата, со кои сум во постојана комуникација. И они ја знаат мојата спремност за решавање на тој порблем кој за жал беше наталожен од други фактори, а не од Министерството за здравство. Имајќи предвид дека Министерството не ги купува лековите, туку го организаира системот и правно го овозможува давањето ингеренции на установите со што можат да располагаат и како да се организираат, изјави Сали. Тој посочи дека вршат измени на три закони, кои ќе овозможат директно преговарање со производител на лекови. - Со денешна одлука на Фондот за здравствено осигурување, а во меѓувреме треба да се одржи и седницата на Управниот одбор треба да се одлучи за дополнителен буџет кој ќе се одобри на педијатрија за да може да обезбеди лекови „трикафта“ за пациенти кои се во критична состојба, рече Сали. Според него, осуммина се во критична состојба и уште 22 се во фаза на средно тешка состојба. Претходно, тој на својот фејсбук профил сподели дека денеска се обезбедени 140 милиони денари буџетски средства за набавка на лекот „трикафта“ за осум пациенти со цистична фиброза.

ВМРО-ДПМНЕ: СДСМ наместо да нарачува празни деманти од МВР, треба да одговори со кој дел од видеото од пукањето во Чаир не се согласува?

Тале Кристо — Mon, 30 May 2022 13:10:07 +0000

Наместо празни зборови само и само да останат на власт, Оливер Спасовски и СДСМ треба да побараат одговорност за вториот човек во БЈБ, кадар на ДУИ, велет во партиското соопштение од ВМРО-ДПМНЕ. СДСМ наместо да нарачува празни деманти од МВР, треба да одговори со кој дел од видеото од пукањето во Чаир не се согласува? СДСМ и Оливер Спасовски мора да одговорат дали видео снимката е автентична? Дали видео снимката е од моментот на пукањето и ослободувањето на тој што пукал? Дали видео снимката е од системот Сејф Сити? Дали човекот во сина кошула е Ариф Асани, заменик директор на БЈБ, по чија што асистенција е пуштен пукачот? Дали за лицето од лани постојат документи за приведување заради отслужување на затворска казна, а сепак е пуштен иако извадил пиштол на униформирани полицајци? СДСМ го става МВР во заложништво на криминалот заради гола власт со ДУИ. МВР на Оливер Спасовски и СДСМ се претвори во гарант за непречен криминал само и само за гола власт, се вели во соопштението на ВМРО-ДПМНЕ.

Стојановска: Џафери прв го потпиша етичкиот кодекс, најгрубо го крши истиот и бега од одговорност

Тале Кристо — Wed, 25 May 2022 08:15:27 +0000

Поминаа повеќе од десет дена, а Претседателот на Собранието Талат Џафери, не само што не се извини за неговото безобразно однесување спрема вработените во собраниската служба туку се однесува како ништо да не се случило, изјави денеска пратеничката од редовите на ВМРО-ДПМНЕ Дафина Стојановска. Човекот кој прв го потпиша етичкиот кодекс, најгрубо го крши истиот и бега од одговорност вели Стојановска. -Крајно е недозволиво токму од човекот кој што прв го потпишал етичкиот кодекс за однесување во Собранието, најгрубо да го крши и да бега од одговорност и заедно со пратениците од власта да пробуваат на секаков можен начин да го скријат под тепих овој скандал, појасни Стојановска. Џафери најмалку што можеше да направи е да се извини за ваквото однесување и да си поднесе оставка од функцијата Претседател на Собранието, рече таа. Стојановска вели дека тие секогаш ќе бидат тука за да го потсетуваат за неговото однесување и работа и дека е еден најнеспособните претседатели. -Сакаме да му порачаме на Џафери дека колку и да бега од одговорност и да пробува да се заборави овој скандал дека дамката што ја остави зад себе секогаш ќе го прати, а ние секогаш ќе бидеме тука да го потсетуваме дека со неговото однесување и работа е еден од најлошите и најнеспособните претседатели што ги имало Собранието. Исто така го повикуваме господинот Панчо Минов да не одолговлекува и да закаже седница на Комисијата за деловнички и мандатно-имунитетни прашања на која што ќе се расправа за санкции по повот прекршувањето на етичкиот кодекс од страна на Талат Џафери, додаде Стојановска. Доколку Џафери не понесе одоговрност за ваквото однесување ќе даде до знаење до сите пратеници дека етичкиот кодекс на кој што сите заедно работевме, повеќе не важи во законодавниот дом, појасни таа.

Анима Мунди бара одговорност за работењето на претходното раководство на ЈП „Лајка“

Тале Кристо — Tue, 05 Apr 2022 14:33:46 +0000

Ќе има ли одговорност за минатото раководство на ЈП ЛАЈКА кое освен што лажирало извештаи и хуман третман на животните, континуирано продуцирало огромни трошоци и го вовело претпријатието во финансиска бездна? Сегашните обвинувањата кон град Скопје актуелниот директор на ЈП Лајка, Воислав Димитровски се невиден цинизам затоа што проблемите произлегуваат исклучиво од затекната, наследена ситуација. Укажуваме дека иако баравме ревизија на севкупното работење на ЈП Лајка при промената на директор, при што се констатирало дека фалат цели класери со податоци за третманот и судбината на бездомните кучиња, институциите молчат. Понатаму, по двегодишното расипничко располагање со финансиите на претпријатието од негово основање довело до тоа да сега ЈП Лајка е руинирана и блокирана во милионски долгови, со блокирани сметки. За вакви намерни, или ненамерни пропусти би одговарал секој јавен службеник, но за директор кај нас одговорност нема. И покрај ова наследено безредие, податоците потврдуваат далеку поголема ефикасност и функционалност и во бројката вдомени и во бројката стерилизирани кучиња, стационарот е во целост отворен за активисти и хумани граѓани, а градот за прв пат има програма која сме ја предложиле и изработиле заеднички, усогласена со европски практики и со која се задаваат конкретни цели и показатели на успешност. https://lajka.com.mk/wp-content/uploads/2022/03/za-na-sajt-odluka-i-programa.pdf Уште еднаш ги повикуваме институциите да реагираат и ги санкционираат оние кои успеале во 2 години да исцицаат милиони од парите за кои плаќаме ние, граѓаните; кои успеале да формираат и во рекорден рок руинираат едно ново претпријатие, а со тоа го доведат во прашање преживувањето и оддржливоста на Лајка која постои со цел да третира една многу чувствителна област, од која зависат илјадници бездомни кучиња и безбедноста на жителите на градот.

Доминик Раб: Ќе има одговорност за секој учесник во воените злосторства во Украина

Тале Кристо — Tue, 01 Mar 2022 09:02:46 +0000

Секој кој ќе учествува во воени злосторства во Украина, ќе се смета за одговорен, нагласи денеска, заменик-премиерот на Велика Британија, Доминик Раб. – Ова се трансформира во многу поопасен проблем за Путин, отколку што тој самиот мисли, изјави Раб за „Скај њуз“. Тој смета дека беа „доволно јасни“ кога „кажавме дека тие, кои учествуваат во воени злосторства, за тоа и ќе одговараат“. Раб додаде дека Велика Британија нема да бара зона за забранети летови над Украина, како и дека конфликтот нема да заврши, дури и доколку Русија успее да го окупира Киев.

Димитриеска Кочоска до Бектеши: Ако Владата е одговорна зошто не побаравте одговорност од ЕЛЕМ и МЕПСО

Тале Кристо — Mon, 10 Jan 2022 20:50:59 +0000

„130 милиони евра се обезбедени рековме за помош за оваа криза, меѓутоа спомнуваме на неколку пати субвенционирање, па ги спомнуваме општините, ги спомнуваме институциите итн. Вие со ова што го кажувате де факто ги плаќате обврските кои што ги имаат институциите кон БЕГ. Значи не субвенционирате ништо, вашите обврски, односно на сите нас, државата е на сите нас, институциите се на сите нас, ги плаќаме обврските и тоа дали биле доспеани, дали ќе биде предвреме однапред авансно, независно тука немаме никакво субвенционирање. Да расчистиме, плаќаме обврски. Тоа е првата работа. Второ, како стигнавме до оваа ситуација, јас се согласуваме со она што Елена го искоментира од аспект на тоа дека многу доцниме со сите работи, влечкаме“, истакна Гордана Димитриеска Кочоска, член на ИК на ВМРО-ДПМНЕ во гостување во емисијата „24 анализа“. Димитриеска Кочоска додаде државата делува како да не знае што се случува на пазарот во Европа со електричната енергија и гасот. „И точно како дека ќе дојде пред колапс целата состојба било да е за електрична енергија, сега и за гасот, ние тогаш се будиме. Значи прво за мене неприфатливо, неопростливо и чекам одговорност од некој за кој што парите ги префрлија на ЕЛЕМ и МЕПСО. И тука чекам еден ден одговорност од некој како дојде до таа состојба. Владата рековте е одговорна. Ако е одговорна нека побара одговорност од овие компании и истите тие кои што неколку месеци пред избори вработуваа и сега дојдоа до ситуација да немаат пари и да чекаат пари од државата“, нагласи Димитриеска Кочоска. Димитриеска Кочоска посочи дека е недоговорено и прашањето со банкарската гаранција. И се поставува прашањето што ако БЕГ не е во состојба да обезбеди банкарска гаранција. Дали тогаш Владата има друга алтернатива.

Ѓурчевски: До сега некој требаше да понесе одговорност, но ние како држава како да заборавивме што е тоа морална одговорност

Магдалена Андонова — Thu, 25 Nov 2021 19:43:53 +0000

Поранешниот началник во Министерството за внатрешни работи, Љубомир Ѓурчевски во „10 Минути“ на ТВ21 посочи дека досега некој требаше да понесе одговорност заради тоа што поради системски слабости се дозволило да дојде до ситуација да ни се случи толкава трагедија. - За морална одговорност мислам дека ние како држава сме заборавиле што е тоа морална одговорност години наназад. Инаку, во најмала рака, во еден ваков случај требаше да си поднесат оставка од морални причини министерот за внатрешни работи, помошникот директор за сообраќајни работи, директорот во Бирото за јавна безбедност, министерот за транспорт и врски, директорот на Царина, помошник министерот во министерството за транспорт и врски надлежен за лиценцирање на патничкиот превоз, додаде Љубомир Ѓурчески додавајќи дека после два дена ние гледаме дека нема ни најава за морална одговорност. Тој посочи дека истрагата треба да одговори што било пресудно за да се случи автобуската несреќа, особено за причините што предизвикало да има и толку голем број жртви. Додаде дека истражителите треба да посветат внимание околу тоа за кое се наведува дека во автобусот имало туби со бензин и петарди. - Истражителите треба да посветат најголемо внимание околу точноста на оние индиции кои што укажуваат на присуство на запаливи течности кои што по ниту еден основ не смееле, тоа е горивото во туби, не смееле да се најдат во автобусот и не смееле да се најдат опасни експлозивни материи како што се петардите. Знаете што значи 35 илјади парчиња петарди, тоа е повеќе од 2 – 3 рачни бомби. И можеби затоа имаме таква експлозија. Тоа треба да го потврдат истражителите, ние сеуште само поставуваме верзии кои што треба да бидат елиминирани, затоа што ако ова се докажи како точно, ќе има огромен револт кај семејствата на починатите спрема превозниците, а особено према фирмата која што го организирала превозот, истакна Љубомир Ѓурчески. Според негово мислење, најголемите недоследните се прават заради ситни профити на поединци кои што се присутни во општеството, додека корупцијата ни ги разгради правните системи. - Контролните механизми кај нас и коруптивните елементи во вкупниот систем имаат и те како битен допринос во ваквите трагедии кои ни се случуваат како оваа последнава. Корупцијата ни ги разгради правните системи, затоа што ние се доведовме во ситиуација, да превозниците кои што се дрзнуваат да прават вакво кривично дело и да ги доведуваат во опасност патниците, тие се сигурни дека безбедно ќе ја поминат границата за 20, 30, 50 или 100 евра дека ќе ја поминат границата и дека безбедно ќе пренесат 35 илјади петарди, илјада литри гориво доведувајќи ги во опасност и загрозувајќи ги живототе на луѓето. Тоа е најтешкото кривично дело и затоа викаме дека за овие кривични дела истрагата мора да даде одговори, рече Ѓурчевски.

Нема морална одговорност кај ниту еден министер, одговорноста заврши кај вработени во Царинската управа

Ивона Петрова — Thu, 25 Nov 2021 08:27:22 +0000

Суспензија од работното место за двајца царински службеници е досега единстената одговорност за автобуската несреќа која се случи во Бугарија со автобус на „Беса Транс“, а во која животот го загубија 45 македонски граѓани, а седум лица се повредени. Додека надлежните институции во Бугарија во соработка со македонските тргаат по одговори за тоа како се случила несреќата, јавноста и медиумите бараат одговори за одговорноста и нефункционалноста на институциите. Имено од Царинската управа доцна синоќа соопштија за мерките кои биле превземени во текот на вчерашниот ден. -Првичните наоди од внатрешната контрола покажуваат дека на 18.11.2021 година, од страна на царинските службеници електронски не е евидентиран излезот на возилото со регистарски таблички СК0284БА на превозникот БЕСА Транс од Скопје, извршена е само заверка на евидентентиот лист за превоз на патници. За досега утврдените неправилности во постапувањето, за двајца царински службеници кои биле на смена кога возилото излегло од државата, ќе бидат преземени мерки суспендирање од работното место, а за нивниот непосреден раководител ќе следи мерка за санкционирање, се вели во соопштението од Царинската управа. Од Царина посочија и дека за возилото со регистарски таблички СК 0284 БА на превозникот БЕСА Транс од Скопје, во периодот од 15.10.2020 година до 11.11.2021 година, Царинската управа има евидентирано повеќе преминувања преку граничните премини: ГЦИ Деве Баир, ГЦИ Блаце, ГЦИ Ќафасан и ГЦИ Делчево, за различни видови на превоз, вклучувајќи и евиденција на бројот на Изводот од Лиценцата за вршење на јавен превоз во меѓународниот патен сообраќај – слободен превоз на патници. Најавуваат дека веродостојноста на овие приложени документи од превозникот дополнително ќе се проверува. Како автобус без извод од лиценца и неевидентиран во електронската евиденција на издадени лиценци можел најмалку една година да поминува гранични премини и зошто во електронската база не биле проверувани и заведувани податоците, засега нема одговори. Нема ниту одговорност од министрите. Министерот за транспорт и врски, Благоја Бочварски вели дека не бега од одговорност, но инсистира на разграничување на надлежностите. Прстот го впери кон Царинската управа. -Ја информирав јавноста за целата состојба што ние ја знаеме. Сега останува да се преземат чекори и мерки од страна на институциите кои треба да ги преземат тие чекори. Јас апсолутно не бегам од одговорност зашто вчера ги кажав сите законски можности и кажав кои се надлежностите на Министерството, која е нашата работа во однос на овој случај. Државниот инспекторат за транспорт треба да биде контрола на терен и на она што го работат министерствата. Ние ја вршиме админситративната работа, ги издаваме лиценцигте, а дали компаниите работат според закон – контролираат инспекциите. Царинската управа, пак, е надлежна за границите. Таму треба да се бараат одговорите. Сите очекуваме, но тоа треба да биде темелно истражено и да се постапува, без притоа некој да биде изземен од одговорност, истакна Бочварски. Министрите досега изземени од морална одговорност.