Одложен натпревар – Kurir.mk

ФОТО: Снегот го одложи натпреварот Сент Етјен – Марсеј, погледнете како изгледа стадионот

Ивона Петрова — Sat, 02 Apr 2022 14:20:28 +0000

Натпреварот од 30. коло во француското првенство меѓу Сент Етјен и Марсеј, што требаше да се одигра вечерва од 21 часот, е одложен за утре поради обилни снежни врнежи, кои го попречија домаќинот навреме да го подготви теренот. Од Сент Етјен уверуваат дека одложениот натпревар најверојатно ќе се игра утре, иако за точниот термин дополнително ќе информираат од Лига 1.

Премиер лигата, сепак, го одложи дуелот Барнли – Евертон

Магдалена Андонова — Fri, 24 Dec 2021 13:44:15 +0000

Позитивните случаи на коронавирус и повредите во редовите на Евертон ја натераа денеска Премиер лигата да го прифати барањето на клубот од Ливерпул за одложување на нивниот натпревар на „Боксинг деј“ против Барнли на гостински терен. Ова е 13. натпревар во Премиер лигата, кој е откажан поради коронавирусот, и трет од неделната програма на „Боксинг деј“ што нема да се одигра. Тренерот на Евертон, Рафаел Бенитез, изјави вчера дека неговиот клуб поднел барање за одложување на дуелот против Барнли, кое Премиер лигата првично го одби, напоменувајќи дека во своите редови има шест повредени фудбалери и петмина заразени со коронавирус. Премиер лигата одбрува одложување на натпревари само доколку клубот има на располагање помалку од 14 фудбалери – 13 играчи и еден голман, а одборот ги разгледува барањата од случај до случај. (МИА)

Одложен натпреварот Еурофарм – Татабања во Лига Европа

Тале Кристо — Wed, 14 Oct 2020 19:09:27 +0000

Македонскиот претставник во Лига Европа, Еурофарм Пелистер ќе дебитира против данскиот ГОГ Гудме на гостински терен, а не како што беше предвидено во Битола против Татабања, соопштија од клубот. Имено, Европската ракометна федерација го одложи натпреварот од првото коло на групата Ц на Лига Европа помеѓу Еурофарм Пелистер од Македонија и Татабања од Унгарија. Причината е големиот број на заразени членови на ракометната екипа и стручниот штаб на Татабања на коронавирус. Натпреварот беше планирано да се одигра на 20 октомври во 18:45 часот во Битола, а ЕХФ дополнително ќе ги извести двата клуба за новиот термин за одржување на натпреварот. Натпреварот ГОГ Гудме – Еурофарм Пелистер предвидено е да се игра на 27 октомври во 18:45 часот.