одложен – Kurir.mk

Одложен изборот на порота во случајот на поранешниот полицаец во Минеаполис

Тале Кристо — Tue, 09 Mar 2021 06:28:33 +0000

Американски судија го одложи изборот на порота во случајот на поранешниот полицаец во Минеаполис, обвинет за убиството на Џорџ Флојд, во мај минатата година. До одложувањето дојде затоа што судијата чекаше одлука од Апелацискиот суд за тоа дали може да се додаде ново обвинение за убиство. Додека стотици демонстранти се собраа пред судницата да побараат пресуда за Дерек Шовин, судијата Питер Кејхил рече дека нема надлежност да одлучува дали треба да се повлече обвинението за убиство од трет степен. Тој исто така рече дека аргументите на обвинителите дека тоа ќе влијае на целиот случај се „послаби“. Кејхил планираше да го продолжи судењето и првично донесе одлука изборот на поротата да започне според предвиденото. Но, откако обвинителите поднесоа предлог до Апелацискиот суд да го запре случајот, судијата ги испрати дома потенцијалните поротници на еден ден. Дерек Шовин се соочува со обвиненија за убиство затоа што повеќе од седум минути клечеше на вратот на Флојд, објави Би-Би-Си. Шовин е обвинет за ненамерно убиство и убиство од втор степен Максималната казна со која се соочува е 40 години затвор.

Поради корона вирусот одложен натпреварот Вардар – ПСЖ

Тале Кристо — Thu, 03 Dec 2020 19:24:09 +0000

Натпреварот од ракометната Лига на шампиони меѓу Вардар 1961 и ПСЖ што беше закажан за 10 декември во Скопје ќе се одигра во друг термин. Пресметката меѓу македонскиот и францускиот првак е одложена, откако Вардар 1961 ја извести Европската ракометна федерација (ЕХФ) дека има позитивни ракометари на коронавирус во своите редови. – Во нашата екипа се појавија новозаразени членови за што веднаш ја известивме ЕХФ и клубот со кого требаше да играме. Одлучено е средбата да се одложи и да се закаже во друг термин, соопшти македонскиот и актуелен европски првак Вардар 1961.

Маратонот во Париз повторно одложен

Тале Кристо — Fri, 10 Jul 2020 06:35:31 +0000

Организаторите на парискиот маратон, еден од низата најпрестижни светски маратони, најавија дека годинешната трка ќе се одржи на 15 ноември. Парискиот маратон обично се одржува во првата половина на април, но оваа година, поради пандемијата на коронавирусот, првично беше одложена за 18 октомври, а организацијата АСО, која е организатор, повторно го одложи одржувањето за еден месец. Оваа година нема да се одржат маратоните во Бостон, Њујорк и Берлин.

Официјално, одложен за една година приемот на Коби во „Куќата на славните“

Тале Кристо — Thu, 28 May 2020 08:17:37 +0000

Лос Анџелес, 28 мај 2020 (МИА) – Церемонијата на која легендата на Лос Анџелес лејкерс, Коби Брајант требаше да влезе во „Куќата на славните“ во НБА, е презакажана за 2021 година. Ова е официјално потврдено на веб-страницата на лигата. Церемонијата првично беше предвидена за 29-31 август во Спрингфилд. Брајант во јануари оваа година почина во хеликоптерска несреќа заедно со неговата 13-годишна ќерка и седум други патници. Кошаркарот играше за Лос Анџелес Лејкерс 20 години и важи за еден од најдобрите играчи во историјата на НБА. На 4 април беше објавено дека Брајант ќе биде вклучен во „Куќата на славните“ постхумно и една година пред предвиденото. Според правилата, кошаркарите ја добиваат оваа чест не порано од пет години по завршувањето на кариерата. Играчот ги заврши настапите во 2016 година.

Летово нема бесплатни одмори за децата од социјално загрозени семејства

Тале Кристо — Fri, 08 May 2020 19:22:08 +0000

Владата на денешната седница донесе одлука годинава да не се реализира проектот за користење бесплатна услуга одмор и рекреација за децата од социјален ризик и корисници на посебен додаток. -На денешната седница Владата ја прифати информацијата на Министерството за труд и социјална политика со предлог реализацијата и спроведувањето на Проектот за користење бесплатна услуга одмор и рекреација на деца од семејства во социјален ризик и деца корисници на посебен додаток да се одложи, односно проектот да не се реализира за лето 2020 година, се наведува во соопштението на Владата.

Одложен погребот на Сулејмани поради големиот број жртви во метежот на поворката

Тале Кристо — Tue, 07 Jan 2020 13:03:57 +0000

Погребот на иранскиот генерал Касим Сулејмани, убиен во американски воздушен напад во Ирак, е одложен откако во метеж на погребната поворка во неговиот роден град Керман загинаа најмалку 40 луѓе, пренесе иранската агенција Исна. Во извештајот не е наведено за кога е одложен погребот. Претходно беше соопштено дека во метежот настрадале 35 лица, а 48 се повредени, но во најновиот извештај бројот на загинати е зголемен на 40, повредени се 190 луѓе.

Натпреварот одложен: Пеколен пречек- хулигани го нападнаа автобусот на противничките фудбалери (ВИДЕО)

Матеја Петровски — Fri, 18 May 2018 20:39:19 +0000

Одложен натпреварот од плеј-офот за влез во француската лига помеѓу Ајачио и Ле Авр, поради напад на автобусот кој го превезувал тимот на Ле Авр. Навивачите на спротивниот тим со пиротехнички средстава го оштетија автобусот, па фудбалерите на Ле Авр не успеале да стигнат до стадионот. -Очекувавме жесток пречек, но на вакво нешто не можевме ниту да замислиме, порачаа од клубот.

A partida entre Ajaccio - Le Havre pelo Play-off de acesso a Ligue 1 foi adiada. Torcedores do Ajaccio impediram que o ônibus do Le Havre chegasse ao Stade François Coty. pic.twitter.com/Wic4VCXvfv
— Flavio Kavalo (@FlavinhoKavalo) May 18, 2018