Одложена комеморацијата за убиените ученици во „Рибникар“, родителите испратија седум барања до државата

Тале Кристо — Wed, 10 May 2023 11:13:28 +0000

За денеска најавената комеморација за трагично настраданите ученици од ОУ Владислав Рибникар која требаше да се одржи во Собранието на град Белград е одложена, а родителите на децата од ова училиште до државата испратија седум барања, јави дописникот на МИА од Белград. Рокот за одговор на државата и надлежните органи е една недела. Целиот Совет на родители на ова училиште застана зад нивните барања. 1. Бараме реконструкција на настанот, објаснување како се случил, како тече истрагата и во која фаза е. 2. Професионално да им се објасни на родителите што ќе биде со детето убиец и каков е статусот на неговите родители, бидејќи кај децата постои голем страв дека ќе биде пуштен на слобода. 3. Тим од надворешни психолози и психијатри кои редовно ќе работат со учениците од VII/2 одделение без учество на училишниот педагог и психолог, заради обезбедување непристрасност. Родителите мора писмено да бидат информирани за програмата, како ќе работат со децата и да им бидат доставени биографиите на сите професионалци вклучени во програмата. 4. Доколку се одлучи учебната година да се продолжи за VII/2 час, мора да се најде начин да не влегуваат во училиштето преку главниот влез и да имаат настава во една од училниците на малиот излез. 5. Бараме целосно реновирање на училиштето од 1 септември. 6. Даваме целосна поддршка на целиот наставен кадар. 7. Бараме да се утврди целосната одговорност на лицата кои го објавија списокот со имињата од VII/2 одделение кој го обиколи светот, како и сликите на децата и родителите и за тоа да бидат санкционирани. -Овој допис е испратен до МВР, до обвинителството и до сите други надлежни органи. Бараме само да не молчат и да бидеме информирани што се случува по овие прашања, се наведува во барањето на родителите.

Стартот на 88-та собраниска седница одложен поради дефект на електрониката

Магдалена Андонова — Mon, 17 Oct 2022 12:36:05 +0000

Собранието не може да ја започне 88. седница поради проблеми со електрониката. Екипите веќе работат на остранување на дефектот, соопштија од кацеларијата на Генералниот секретар на Собранието. Од Кабинетот на претседателот на Собранието, посочуваат дека за почетокот ќе информираат во текот на денешниот ден, откако ќе бидат отстранети техничките проблеми. Седницата првично беше закажана за 11 часот, па одложена за 13 часот, а засега не се знае кога ќе почне. Во текот на денот дневниот ред на 88. седница постојано се дополнуваше со нови точки. На дневен ред на оваа седница, меѓу останати, се и измени и дополнувања на закони, како дел од меркита за справување со енергетската криза, потоа на законот за здруженија и за политичките партии, како и избор на нов министер за локална самоуправа и на двајца судии во Уставниот суд. (МИА)

одложена – Kurir.mk

Одложена комеморацијата за убиените ученици во „Рибникар“, родителите испратија седум барања до државата

Стартот на 88-та собраниска седница одложен поради дефект на електрониката