Расте бројот на одложени натпревари во Премиер лигата

Катерина Бојаџиева — Fri, 17 Dec 2021 08:42:58 +0000

Дуелот од 18. коло меѓу лондонски Вест Хем и Норич е последниот во низата одложени натпревари во Премиер лигата овој викенд поради сè поголемиот број заразени со коронавирус во клубовите. Од порано се одложени и натпреварите Лестер – Тотенхем, Саутемптон – Брентфорд, Ватфорд – Кристал Палас и Манчестер јунајтед – Брајтон. Норич и на претходниот дуел против Астон Вила имаше неколку позитивни случаи на коронавирус во своите редови, но, во меѓувреме, бројот на заразени драстично се зголеми поради што дуелот против Вест Хем, закажан за во сабота, мораше да биде одложен, соопшти клубот.

По барање на властите, одложени уште две натпревари од француската Лига 1

Ивона Петрова — Thu, 13 Dec 2018 16:42:14 +0000

Уште два натпревара од француската Лига 1 беа одложени поради барање на властите. Како што е познато, во последните недели Франција е потресена од протести и доста натпревари беа одложени или презакажани од безбедносни причини. Дербито на Бретања меѓу Гинган и Рен, како и мечот меѓу Марсеј против Бордо, кои првично беа планирани за недела, ќе се играат на подоцнежен датум, кој ќе се прецизира подоцна. Француската фудбалска лига објави дека причината за одложувањето е преголемиот ангажман на полицијата и недостатокот на доволно вработени на определени места. Домашната средба на Ница против Сент Етјен, која требаше да се одигра утре, како и саботните дуели Нант- Монпелие и Каен- Тулуз се одложени поради истите причини. Мечот Каен-Тулуз ќе се одигра во вторник, изјавија од раководството на Лигата. Минатата недела, шест натпревари беа одложени поради безбедносни причини и антивладини протести. Шесте натпревари во прашање се закажани за 15-ти и 16-ти јануари.

одложени натпревари – Kurir.mk

Расте бројот на одложени натпревари во Премиер лигата

По барање на властите, одложени уште две натпревари од француската Лига 1