Oдложен и третиот обид за лансирање на мисијата „Артемида 1“

Дарко Андоновски — Mon, 05 Sep 2022 10:57:46 +0000

По вториот неуспешен обид во саботата, лансирањето на новата ракета на НАСА и мисијата „Артемида 1“, која треба да се упати кон Месечината, сега е одложено за неколку недели, јавуваат светските новински агенции. Контролорите на летот во саботата по втор пат не можеа да го лансираат леталото наречено „Систем за вселенско лансирање“, во што биле спречени поради истекување на гориво, соопштија од НАСА, а пренесе „Би-би-си“. Инженерите што работат на лансирањето сега ќе треба да ја проверат ракетата, а сите поправки ќе треба да ги направат во работилница, наместо на лансирната рампа, поради што, целиот процес ќе биде одложен за неколку недели. Ова значи дека трет обид за лансирање веројатно нема да се случи пред средината на октомври. Системот за вселенско лансирање, развиван повеќе од една деценија, е претставен како најмоќната ракета развиена од американската вселенска агенција, дизајнирана да ги испрати астронаутите назад на Месечината, по повеќе од 50 години. Ракетата требаше да лансира капсула без екипаж, наречена „Орион“ на мисијата „Артемида 1“. Инаку, првиот обид за лансирање на ракетата се случи минатиот понеделник, кога беше одложено поради проблем со истекување на еден од моторите.

Поради мувла одложено лансирањето на ракетата на „СпејсИкс“

Дарко Андоновски — Tue, 04 Dec 2018 09:46:00 +0000

Американската Национална аеронаутичка и вселенска агенција (НАСА) за утре го одложи лансирањето на вселенската сонда „Драгон“, која треба да однесе контејнер со намирници за екипажот на Меѓународната вселенска станица. Како што соопшти НАСА, лансирањето е одложено затоа што на некои од намирниците била откриена мувла. – На тимовите им е потребен дополнителен ден за замена на намирниците, се вели во соопштението на НАСА. Лансирањето на сондата „Дагон“ со ракетата „Фалкон 9“ на компанијата „СпејсИкс“ од космодромот Кејп Канаверал на Флорида беше закажано за денеска во 19:38 часот по средноевропско време. Сондата „Драгон“, која треба да пренесе храна, резервни делови и опрема за научни истражувања, утре треба да го има својот 16-ти лет до Меѓународната вселенска станица.

одложено лансирање – Kurir.mk

Oдложен и третиот обид за лансирање на мисијата „Артемида 1“

Поради мувла одложено лансирањето на ракетата на „СпејсИкс“