одложено – Kurir.mk

ОБВИНЕТИТЕ НЕ ДОШЛЕ: Одложено рочиштето против тројцата лекари кои се обвинети за несовесно лекување и вадење органи на Јилдиз Веапоска

Магдалена Андонова — Mon, 06 Jun 2022 15:42:57 +0000

Одложено првото рочиште од судскиот процес против тројцата лекари, кои се товарат за несовесно лекување и вадење органи на родилката Јилдз Веапоска што денеска требаше да се одржи во Основниот суд во Струга. Рочиштето е одложено поради отсуство на обвинетите. Адвокатот на Веапоска Сашо Јанев вели дека колку и да се одлага предметот не може да се избега од фактот дека неговата клиентка е останата без три органи во Струшката болница. -Може да одлагаат колку сакаат, но факт е дека судењето мора да почне. Се работи за кривично дело, несовесно лекување на болни и максималната казна е до пет години. Судот и обвинителството си ја знаат својата работа и очекуваме позитивен исход, односно оние кои го сториле кривичното дело да одговараат пред закаонот, изјави Јанев, по одлагањето на рочиштето. Тој очекува да заврши две годишната агонија за неговата клиентка и оти е ја почитуваат одлуката на судот. Оштетената Веапоска, пак, која при царски рез останала без атка, јајници и бубрег, посочува дека две години се соочува со неправда, и оти покрај здравствено и психички не се члуствува добро. -Докторот се брани со тоа дека совеста му е чиста и не направил ништо, ми го спасил живот. Но, каков живот ми спаси кога јас сум половина човек. Јас сум без органи и каква чесност има тој доктор. Тој како ќе ме погледне мене во лице. Треба да му се одземе лиценцата за работа и да не работи веќе да не осакатува други жени, рече Веапоска. За случајот со родилката Веапоска, Лекарската комора првично утврди дека нема лекарска грешка, но, по спроведена постапка, јавен обвинител од Основното јавно обвинителство Струга поднесе Обвинителен предлог против три лица. На 7 мај годинава ОЈО информираше дека првообвинетиот како лекар – специјалист гинеколог акушер, второобвинетиот како лекар – специјализант по гинекологија и акушерство и третообвинетата како лекар – гинеколог акушер, вработени во Јавната здравствена установа – Медицински центар – Струга, при укажување лекарска помош примениле очигледно неподобно средство и начин на лекување врз пациентка – родилка од Дебар, со што предизвикале влошување на нејзината здравствена состојба. (МИА)

Поради топлото време одложено тениското јуниорско првенство

Тале Кристо — Thu, 01 Jul 2021 15:12:05 +0000

Отвореното првенство на Македонија (ОПМ) за јуниори и јуниорки, што требаше да се одржи претстојниот викенд, е одложено на неодредено време поради неповолните временски услови, соопшти денеска Тениската федерација. -Поради зголемените дневни температури, високиот индекс на УВ зрачење и препораката на здравствените власти да се избегнува изложување на сонце во периодот од 11 до 17 часот, ОПМ на барање на јуниорскиот селектор Предраг Русевски е одложено за друг термин, информираше Македонската тениска федерација. Државното првенство за тенисери и тенисерки до 14 години првично беше планирано да се одржи в сабота, на терените на Тенискиот клуб „Црна Река“ во Кавадарци.

Одложено рочиштето за случајот „Ласкарци”

Тале Кристо — Tue, 20 Apr 2021 09:06:32 +0000

Денешната главната расправа за предметот поврзан со автобуската несреќа кај село Ласкарци, се одложува за 22 април, поради отсуство на дел од одбраната. Процесот за овој случај го води судијката Диана Груевска Илиевска, а застапник на обвинението е јавниот обвинител Дарко Јакимовски. Во своја одбрана, сопственикот на „Дурмо Турс“, Дурмиш Белули на рочиштето одржано на 23 март рече, дека на никој начин не придонел за сообраќајната несреќа и дека за тоа не се чувствува виновен. За автобуската несреќа што се случи на 13 февруари 2019 година кај селото Ласкарци, во која загинаа 16 лица, а 37 беа потешко повредени обвинети се шест лица. Сопственикот на „Дурмо турс“, Дурмиш Белули, одговорниот за транспорт во фирмата Ремзи Мифтари и возачот на автобусот Маноел Трифуновски се товарат за сторени тешки дела против безбедноста на луѓето и имотот во сообраќајот, додека тројцата вработени во станицата за технички преглед Игор Ѓорѓиевски, Горан Дуковски и Јане Боварски за соучество во истото дело.

Одложено рочиштето за ,,Тврдина-Таргет”

Тале Кристо — Wed, 13 Jan 2021 10:30:01 +0000

Влошената здравствена состојба на обвинетата Надица Николиќ, го одложи денешното рочиште за судскиот предметот ,,Тврдина-Таргет”. Адвокатот Љупчо Шврговски изјави дека матичниот лекар ја известил обвинетата дека лекувањето ќе трае 10 до 15 дена. Одбраната воедно, истакна дека диагнозата на обвинетата е акутен бронхид и истата прима антибиотици. Кривичниот совет предводен од судијката Џенета Бегтовиќ, во овој случај изјави дека за денеска ќе го оправдат отсуството на обвинетата, но тоа не значи дека ќе го направат и на 15 јануари, на следното рочиште. Во меѓувреме од судот најавија дека ќе стапат во контакт со матичниот лекар за дополнителни информаци. Иако денеска на предлог на одбраната беше предвидено да сведочат Ѕвонко Костовски и Ѓорѓи Лазаревски, двајцата укажувачи кои го обеледенија скандалот со масовното незаконско прислушување. Но, пред да се одложи денешното рочиште одбраната изјави дека го повлекува предлогот за лицето Ѓорѓи Лазаревски да биде сослушан како сведок. Обвинети во овој предмет се поранешниот директор на УБК, Сашо Мијалков, поранешната министерка за внатрешни работи, Гордана Јанкулоска и неколку вработени во поранешното УБК кои се товарат за нелегално прислушување на над четири илјади телефонски броеви во периодот меѓу 2008 и 2015 година.

Одложено судењето за „Меѓународен сојуз“

Магдалена Андонова — Thu, 24 Sep 2020 07:36:40 +0000

Главната расправа по предметот познат како „Меѓународен сојуз“ што требаше да се одржи денеска во Кривичниот суд во Скопје е одложена поради тоа што еден од обвинетите е се уште во болница откако врз него бил извршен оперативен зафат. -Заради интерес на медиумите и невладините организации кои ја следата главната расправа по предметот со КОК бр. 49/20 во јавноста познат како „Меѓународен сојуз“, ја информираме јавноста дека главната расправа насрочена за денеска (24.09.2020 година) се одлага со оглед да еден од обвинетите сеуште е хоспитализиран по извршен оперативен зафат, соопштуваат од Кривичниот суд Скопје. Советот за оценка на обвинителен акт на Основниот кривичен суд Скопје на 12 мај го одобри во целост обвинението против правното лице Меѓународен сојуз и пет други физички лица за кривичните дела „Измама“ и „Перење пари и други приноси од казниво дело“, по што беше гормиран и предмет за случајот. (МИА)

Одложено гласањето за најдобар фудбалер во Англија

Тале Кристо — Thu, 16 Apr 2020 19:52:20 +0000

Гласањето за утврдување на најдобриот фудбалер на годината во Англија е одложено поради пандемијата од коронавирус, објави „Тајмс“. Според публикацијата, постои можност за прв пат од 1973 година да нема победник во рангирањето. Минатата сезона дефанзивецот на Ливерпул, Вирџил ван Дајк беше избран за најдобар играч во земјата. Првенството во Англија беше суспендирано во март и не се очекува да биде обновено барем до крајот на април.

Одложено судењето за случајот „Рекет“

Тале Кристо — Fri, 10 Apr 2020 10:42:17 +0000

Судењето за случајот „Рекет“ продолжува на 24 април, откако денешното рочиште беше одложено поради состојбата со корона вирусот во Затворот Шутка. Случајот се наоѓа во фаза на дополнение на доказна посапка, а на денешното рочиште требало да се презентираат вештачења на ЈО. – Денешното рочиште се одложи поради состојбата со коронавирусот во Затворот Шутка и треба да продолжи на 24 април. Во фаза сме на изведување на докази од ЈО – вештачења за кои треба да се потврди дали тие вешти лица имаат лиценци и да се пристапи кон изведување на тие вештачења, информираше за МИА, адвокатот на Катица Јанева, Дељо Кадиев. На претходните неколку рочишта се презентираа докази од Катица Јанева – искази на обвинители од СЈО, поради што тие беа затворени за јавност.

Доделувањето на „Тони“ наградите одложено на неопределено

Тале Кристо — Thu, 26 Mar 2020 15:27:38 +0000

Годинешното свечено доделување на „Тони“ театарските награди вчера е одложено на неодредено време. Ова е последниот во низата културни настани – жртви на корона-пандемијата. Доделувањето требаше да се одржи во Њујорк на 7 јуни, со пренос во живо на Си Би Ес. Театрите на Бродвеј беа затворени пред две седмици поради пандемијата. Њујорк потоа беше прогласен за жариште на епидемијата во САД. „Здравјето и безбедноста на броадвејската заедница, уметниците и обожавателите нам ни се најважни”, се истакнува во известувањето на организаторите. Така, свеченоста е „одложена за подоцнежен датум“, како што стои во соопштението. Наградите „Тони“ за драма, мјузикл, режисери и глумци се сметаат за највисоко признание во американската театарска сцена. Меѓу откажаните културни настани поради коронавирусот, се и Филмскиот фестивал во Кан, како и музичките фестивали во Гластонборо и во Велика Британији и Коачела во Калифорнија.