одмрзнување – Kurir.mk

Како безбедно да одмрзнете пилешко: Еден начин е најприкладен

Ристе Здравков — Wed, 25 Jan 2023 08:43:06 +0000

Колку пати ви се случило да сакате набрзина да подготвите пилешко јадење, а месото да е во замрзнувач? Правилното одмрзнување е многу важно за нашето здравје, бидејќи болестите кои се пренесуваат преку несоодветно третирана храна се опасни и се предизвикани од соеви на бактерии кои можат да се најдат во сировото месо од живина – стафилокок, салмонела, ешерихија и листерија. Правилната практика на одмрзнување и подготовка на пилешко на температура од 74 степени Целзиусови во голема мера ќе ги намали ризиците. Што да не се прави: 1. Никогаш не го одмрзнувајте месото на пултот во кујната. Бактериите брзо се размножуваат на собна температура. 2. Не го плакнете пилешкото под млаз вода, бидејќи бактериите влегуваат во кујната, што може да доведе до вкрстена контаминација. Експертите најчесто ги препорачуваат три начини на одмрзнување на пилешкото месо, иако пилешките јадења може да се подготват и со замрзнато месо. – Микробранова печка Ова е најбрзиот метод, но има едно нешто што не треба да заборавите: згответе или испечете го пилешкото веднаш штом ќе го одмрзнете на овој начин. Имено, микробрановите го загреваат пилешкото месо на температура од 4,4 до 60 Целзиусови степени, при што бактериите напредуваат. Затоа само готвењето или печењето на пилешкото на вистинска температура ќе може да убие потенцијално опасните бактерии. – Ладна вода Наполнете голем сад или мијалник со ладна вода и спуштете го пилешкото месо кое претходно го ставивте во херметички пластична кеса. Променете ја водата на секои 30 минути. Ќе бидат потребни два до три часа за безбедно одмрзнување на пилешкото. – Фрижидер Овој метод одзема најмногу време, но е и најзгодно за повеќето домаќинки. На пилешкото обично му треба цел ден да се одмрзне, затоа планирајте ги оброците однапред. Откако ќе се одмрзне, пилешкото може да се стави во фрижидер ден или два пред да се готви или пече. – Воопшто не го одмрзнувајте Безбедно е да се подготват јадења од пилешко дури и пред да се одмрзне месото. Но, овој начин на подготовка има негативна страна – ќе ви треба најмалку 50 отсто повеќе време.

ВИДЕО: Како да ги одмрзнете прозорците за 10 секунди?

Магдалена Андонова — Wed, 23 Nov 2022 14:11:20 +0000

Со ниските температури и зимските денови секојдневна обврска ќе биде чистењето на замрзнатите прозорци и шофершајбни. Ова и не е баш привлечна идеја, особено ако доцните на работа. За среќа, постојат ефикасни и едноставни трикови кои ќе ви помогнат брзо да го решите проблемот со замрзнувањето. Направете мешавина со која ќе ги прскате стаклата, а мразот ќе се стопи за секунда. Во пластична прскалка ставете 2/3 медицински алкохол (70% алкохол) и 1/3 вода. Мешавината може да ја нанесете навечер или пред излегување.

Важен совет: Како да одмрзнете месо без да се развијат бактерии на него?

Ивана Ефремовски — Mon, 10 Oct 2022 13:52:17 +0000

Постојат многу начини со кои можете да го одмрзнете месото, но не се сите еднакво безбедни, затоа што колку побргу се одмрзнува месото толку е поголема веројатноста да се рашират бактерии во него. Многумина месото го одмрзнуваат така што само ќе го префрлат во фрижидерот, а има и такви кои користат микробранова печка, топла вода и слично. Според норвешките научници, ова се сите погрешни начини. Тие сметаат дека најдобро е храната да ја одмрзнувате под млаз ладна вода. Месото прво треба да се затвори во пластична кеса, а потоа да се потопи во сад со ладна вода. Водата треба да се менува на секој половина час за да се одржи саканата температура. Како што објаснуваат, не треба да се користи топла вода бидејќи помага во размножувањето на штетните бактерии. Кога храната е одмрзната, треба да се подготви веднаш.

Инфлацијата од нула посто, минатиот месец се искачи на 6,7 отсто – нè очекува ли инфлаторен удар од 1 март со одмрзнување на основните намирници?

Магдалена Андонова — Sat, 19 Feb 2022 11:08:42 +0000

Инфлацијата во Македонија подолг период е повисока од очекуваното, пред неколку дена соопшти Мисијата на Меѓународниот монетарн фонд (ММФ), а Народната банка во своето соопштение напиша дека од ММФ ѝ е препорачано будно да ги следи состојбите и ако е потребно навремено да интервенира со мерки. Пред две години инфлацијата беше нула отсто, минатиот месец се искачи на 6,7 отсто, значително е повисока од инфлацијата во Еврозоната. Од 1 март цените на дел од основните намирници кои беа замрзнати поради општата и енергетската криза, ќе бидат одмрзнати, што може да доведе до посилен ифлаторен удар. Поради пандемијата и енергетската криза инфлација повисока од проектираната има и во еврозоната, но во Македонија е со уште повисока стапка. Во земјава денарот со децении е стабилен во однос на еврото, курсот и сега се чини е стабилен, но податоците за инфлацијата внесуваат неизвесност. Затоа и ММФ ќе препорача Народната банка на Македонија да подготвува мерки доколку ваквите трендови продолжат. Инфлацијата во земјите од Европската Унија чија национална валута е еврото имаат инфлација која се објаснува со порастот на цените на струјата, гасот, мазутот, бензинот и нафтата, како и на цврстите горива, кои пак ги качуваат и цените на другите производи. Но во Македонија расте инфлацијата во последниот период и во јануари изнесува 6,7 проценти, а како што може да се забележи од илустрацијата, на графиконот се гледа дека и натаму е во раст, додека инфлацијата во Еврозоната е во пад. Во јануари таму изнесувала 5,1 отсто, што е значително пониско од македонската инфлација. Стравувањата се дека одмрзнувањето на цените на повеќе производи кои се поврзуваат со основната прехранбена кошничка на едно семејство, ќе предизвика нов инфлаторен удар. На сето тоа треба да се додаде и цената на горивата, која кај бензинот надмина 80 денари по литар, додека кај нафтата доближува до 80 денари, што не било случај никогаш. Последниот шок врз инфлацијата во јануари е и растот на цената на електричната енергија на сметките за домаќинствата од 9,4% и растот на цената на топлинската енергија за 14%, повторно како последица на енергетската криза. Дали отсуствуваа конкретни мерки во втората половина од минатата година? Според повеќемина економисти, Владата потфрли на тој план бидејќи сметаат дека требала да ги предвиди светските енергетски текови и да ја обезбеди државата навремено со енергенси, воедно и да ги оспособи македонските електро капацитети кои се соочија со недоволно вода во акумулациите и недостаток на јаглен за ТЕЦ Битола. Според државната статистика, цените на маслата и мастите уште во 2020 година растеа за 11%, продолжија и во 2021 година за 23,7%, и дополнително се зголемија во јануари за 1,2% (и покрај замрзнувањето). Цените на храната, лебот и житата во 2020 година се зголемија за 3,2%, во 2021 година за 2,6%, а во јануари и покрај замрзнатите цени, дополнително се зголемија за 1,2%. Генерално, од почетокот на пандемијата со ковид-19 (од март 2020 година до јануари 2022 година), кумулативниот раст на цените во домашната економија изнесува 8,6%, при значаен раст на цените на храната за 11% , висок раст на цените на услугите за домување од 11,6%, на цените на транспортот од 11,8% и на цените на услугите во рестораните и хотелите од 12%. Податоците на Статистика од почетокот на кризата со пандемијата до најновите податоци во јануари 2022 година покажуават дека населението осиромашува и дека ја носочува потрошувачката кон најпотребните прехранбени производи и кон некои услуги, како и за заштита на сопственото здравје. Инфлацијата во Македонија всушност започна порано од инфлацијата во Еврозоната, што може да се забележи на погоре објавениот графикон, што укажува дека генерално е производ од домашни фактори, од кои дел беа и под надврошни влијанија. Во прилог на тој податок е и фактот што Еврозоната во еден период имаше и дефлација. Предвидувањата на ММФ се дека можеби во втората половина од годинава инфлацијата ќе започне да се намалува, но предупредува дека тоа ќе зависи од домашните мерки. - Во согласност со глобалните трендови, повисоката инфлација веројатно ќе се задржи подолго во однос на претходните очекувања, намалувајќи се во текот на втората половина на 2022 година. Во наредниот период, Народната банка треба будно да ги следи движењата и потенцијалните ризици, нагласувајќи ја подготвеноста за реакција доколку е потребно, вели мисијата на Меѓународниот монетарен фонд (ММФ) во Извештајот за земјава.

Ова ни готвачите не го знаат! Еве како да го одмрзнете месото за само неколку минути – ви треба само 1 состојка!

Магдалена Андонова — Sat, 29 May 2021 10:14:25 +0000

За да се одмрзне дури и мало парче месо, потребни се најмалку два или три часа. Можете да го забрзате процесот со помош на микробранова печка, но има и лоша страна. Често се случува месото да се готви на површината некое време, а внатрешноста да остане замрзната. Сепак, постои еден практично заборавен трик што го користат нашите баби, што значително го забрзува одмрзнувањето на месото. За само 10 минути, храната ќе биде подготвена да се подготви. Потребно е да се раствори лажица обичен шеќер во топла вода, малку над собната температура (околу 40-45 степени Ц.) и да се стави парчето месо што сакате да го одмрзнете во него. Многу е важно да го отстраните месото од вреќата, фолијата или во она што веќе сте го чувале. Затоа, натопете го „голото“ месо и само гледајте што ќе се случи .... За само 10 минути ќе можете лесно да го исечете на парчиња од посакуваната големина - ќе се одмрзне! Бонус е што шеќерот малку ќе го подобри неговиот вкус и ќе го направи побогат и поинтересен. Всушност, благодарение на шеќерот, тој станува мек, нежен, додека ја задржува својата текстура и вкус во целост.