однесување – Kurir.mk

Важни совети за сопствениците на кучиња: МАЛКУ треба да направите за ГОЛЕМА среќа на вашето милениче

Ивана Ефремовски — Mon, 25 Sep 2023 18:03:23 +0000

Секој сопственик на куче разбира колку може да биде предизвик да се справи со непослушното однесување на својот четириножен пријател. Скокање, лаење, копање - сето тоа се активности кои можат да го исцрпат сопственикот. Дали некогаш сте се запрашале како да го поттикнете вашето куче да присвојува добри манири? Керолајн, која го основала училиштето за обука на кучиња Good Dog Training, истакнува дека важноста на наградувањето на кучињата за мирно однесување често се потценува. Според неа, кучињата често привлекуваат внимание кога се однесуваат непослушно, што ги мотивира да продолжат со однесувањето. Не го игнорирајте кучето кога е мирно „Ако лаењето привлекува повеќе внимание отколку мирното однесување, што мислите дека кучето ќе направи кога сака да го привлече вашето внимание?“, прашува Керолин. За да го поттикнете посакуваното однесување, важно е да не го игнорирате кучето кога се однесува смирено. Наградата за мирно седење или лежење е исто толку важна како и наградата за добро однесување за време на прошетка. „Нема потреба да го будите кучето ако спие, но ако е будно, тивко пофалете го, нежно галете го или подарете му наградата која треба да поттикне смиреност, а не возбуда, советува Керолајн“. Мирното однесување е наградено Следниот пат кога ќе забележите дека вашето куче се релаксира, наместо само да поминете покрај него, зошто да не му дадете мало задоволство или да му дадете нежни зборови на пофалба? Со примена на овој пристап, наскоро може да забележите значителни подобрувања во однесувањето на вашето куче. На крајот, вашето куче ќе разбере дека мирното однесување носи позитивни последици, кои ќе го мотивираат да биде помирен и попослушен.

Ваквото однесување е често и мислите дека е нормално, но не сте во право – ова се симптоми на ментални болести

Ивана Ефремовски — Mon, 21 Aug 2023 16:15:37 +0000

Повеќето луѓе имаат некои мали навики или начини на однесување за кои мислиме дека се потполно нормални, но научниците велат дека токму ова се 6-те симптоми на ментални болести. 1. Не можете да мокрите кога има некој во близина Ако не можете да уринирате кога слушате гласови пред тоалет или кога некој е со вас во тоалетот, не сте единствени, но најверојатно не знаете дека оваа состојба има свое име во медицината – пареза. Тоа значи страв од уринирање и парализа на мочниот меур во присуство на други луѓе. Седум отсто од светската популација го искусиле ова барем еднаш, а во екстремни случаи, некои луѓе воопшто не можат да уринираат никаде освен дома и тоа кога се сами. Ваквите крајности најчесто завршуваат со неопходно вградување катетер. 2. Грицкање нокти Оникофагија е едно од најчестите ментални нарушувања што се манифестира со опсесивно грицкање нокти. Околу 45 отсто од луѓето на возраст од 10 до 18 години страдаат од оникофагија, а претежно станува збор за женски лица. Ова нарушување во најголемиот број случаи не проаѓа со адолесценцијата. Дока за тоа се и Бритни Спирс, Џеки Кенеди, Ева Мендез… Во најтешките случаи, заноктиците и забите може непоправливо да се уништат, а не ги заборавајте и бактериите што се задржуваат на ноктите и на овој начин се внесуваат во телото. 3. Силни изливи на емоции Замислете ја следнава ситуација: Шефот ве критикува поради некоја сериозна грешка, а вие чувствувате дека во секој момент ќе прснете од смеење. Се смирувате себеси, се обидувате да ја сокриете насмевката, но на крајот таа сепак ви се појавува на лицето. Потоа следува гласно и хистерично смеење што не можете да го контролирате. Станува збор за синдром на силен излив на емоции, познат и како псевдобулбарско влијание. Во ваква ситуација, личноста што е изложена на стрес реагира спротивно од она што е логично, како на пример со смеење во тажни или сериозни ситуации. Ако личноста весело се смее на туѓите неуспеси, станува збор за катагеластицизам. Во медицината тој се опишува како нарушување при кое личноста чувствува уживање додека ги исмејува другите. 4. Неспособност да се препознаат или почувствуваат некои емоции Сигурно сте слушале од пријателките како нивниот партнер не е доволно искрен, како никогаш не зборува за своите искуства или е целосно недостапен и изгледа како да не се грижи за нејзините чувства. Во две третини од овие ситуации всушност станува збор за феноменот алекситимија. Станува збор за неспособност човекот да ги препознае и со зборови да ја изрази својата емоционална состојба. Секој од нас има одреден степен на алекситимија, но во тешки случаи, оваа состојба може целосно да му го уништи животот на човекот. Почеста е кај мажите, а од тежок степен на алекситимија страда 8-10 отсто од популацијата. 5. Интолеранција на звуци Секој од нас има некој звук што го нервира: звук на пишување со креда на табла, звук на турпијање нокти, млакцање со уста… Дали е тоа нормално или не, зависи од видот на звукот и од неговото влијание врз вашиот живот. Менталното нарушува мизофонија е состојба при која нормални звуци предизвикуваат иритација. На пример звуци од храна додека некој јаде, дише, кашла… За луѓето што страдаат од мизофонија, доволен е само еден таков звук за да ги извади од такт. Во екстремни случаи, луѓето толку се нервираат што се во состојба да го удрат оној што ги произведува овие звуци. 6. Опозициско нарушување на непослушност Луѓето што страдаат од ова нарушување секогаш се непријателски настроени кон некого или нешто и постојано им се спротивставуваат на гласен и непријатен начин. Другите ги гледаат како тврдоглави кавгаџии, но медицината вели дека ваквото однесување произлегува од искуство со многу непријатен авторитет. Опозициското нарушување на непослушност всушност е многу често кај возрасните, но погодува и 20 отсто од децата. Не станува збор за лошо однесување одвреме-навреме, туку за постојана состојба што трае барем шест месеци. Ако не се лекува, со текот на времето ситуацијата драстично се влошува.

Шест вида штетно однесување на мајките

Ивона Петрова — Wed, 02 Nov 2022 09:52:29 +0000

Врската на детето со мајката е можеби најважната врска во животот, бидејќи ја обликува личноста уште од раѓање и влијае на сето подоцнежно однесување кон околината. Сепак, односот на родителот не е секогаш најсоодветен, па тоа често и лошо се одразува кај младата личност, но и во зрелоста. Имајќи предвид дека и мајките, и татковците, имаат свои слабости и силни страни, некои од нив можат да имаат особено лошо и штетно влијание на децата. Психологот Ана де Симон дефинираше шест типа штетно однесување на мајките во напис за порталот „Сајкоедвајзор“ (Psicoadvisor). Емоционална уцена Овој тип мајки, објаснува психологот, се откажува од речиси сѐ за своите деца, но за возврат бара континуирано внимание, користејќи тн. емоционална уцена по којашто детето се чувствува виновно. Ова може и „да го снижи“ другиот родител, предизвикувајќи дури и омраза кај детето кон него. Како што растат децата, тие го менуваат гневот со чувството на вина. Ќерките се во опасност да станат жртви на мајката со тоа што ја идеализираат, или пак, бегаат, за да „не станат како неа“. А пак, машките деца имаат тенденција да пројават слична зависност, како и тешкотии во организирањето на приватниот живот во зрелоста. Негативна мајка Ова е личност која секогаш размислува за лошите работи, има склоност постојано да се жали – и за најмалите работи, и секогаш ги критикува и осудува сопствените деца. – Овој вид мајки никогаш не дава комплименти, туку често се обидува и да ги обесхрабри децата. Ваквиот став кај нив предизвикува длабоко чувство на несоодветност и силна несигурност која останува во нив до полнолетството, додаде Де Симон. Жртва Вечната жртва постојано се жали на сопствениот живот и, иако не ги критикува строго своите деца, таа постојано бара поддршка од нив, ускратувајќи им го чувството на заштита што им е потребна. Така, децата се принудени да се однесуваат како родители, а тоа силно влијае на обликувањето на нивната личност. Во зрелоста, таквите деца може да бидат исклучително раздразливи, но и несигурни и полни со вина којашто ја носат во себе. Нарцисоид – Нарцисоидна мајка е горда на своите деца и е полна со очекувања од нив, бидејќи ги гледа како „продолжение“ на себе. Мајката склона кон вакво однесување очекува нејзините деца да бидат токму онакви какви што таа ги замислува и на тој начин им ја ускратува слободата на избор. Кај децата се развива силна „нарцисоидна рана“ бидејќи наскоро сфаќаат дека мајчинската љубов е условена. Во типична нарцисоидно семејно секојдневие, мајката ги става сите на свое место, учејќи ги децата дека мора да го заслужат нејзиното внимание, вели психологот. „Хистрионска“, мелодраматична мајка Тука се работи за жена што сака да привлекува внимание кон себе. Се труди максимално за својот „младешки изглед“ и често се впушта во претерано однесување коешто секогаш ги засрамува децата. Психолозите го опишуваат ова како однесување на несигурна личност која „не сака да порасне“, се плаши од улогата на мајка и се труди вечно да остане девојка. Постојана депресија – Депресивната мајка има слични одлики како мајката-жртва, но оваа „се стреми“ да не им обезбеди соодветна заштита на своите деца, кои следствено се чувствуваат напуштено, бескорисно и недоволно важни, појасни Де Симон. Додека растат, децата на депресивните мајки можат да станат апатични, анхедонисти, но и прерано созреани, или пак, напротив – зависни од мајката и длабоко емотивно незрели.

Вакцинираните лица во САД ќе добијат препораки за однесување

Тале Кристо — Fri, 12 Mar 2021 08:29:56 +0000

Националниот институт за алергиски и заразни болести во САД наскоро ќе издаде нови препораки за граѓаните вакцинирани против коронавирусот. Во интервју за телевизијата МСНБЦ, главниот специјалист за инфективни болести во земјата, Ентони Фаучи рече дека наскоро ќе бидат објавени „голем број препораки“ со најоптимални медицински правила на однесување за луѓето кои примиле барем една доза од вакцината. – Овие препораки ќе се однесуваат на патувања, за однесување на работното место и во молитвените куќи, рече Фаучи. Како што истакнува весникот „Хил“, изјавата на Фаучи е дадена во врска со се почесто манифестираната независност на одделни држави, кои ги укинаа ограничувањата наметнати од пандемијата. Властите во некои држави го укинаа задолжителното носење маски на јавни места и други безбедносни мерки, вклучително и дистанцата. Администрацијата на претседателот Џо Бајден ги повика локалните власти да се воздржат од „рано укинување на ограничувањата“ за да се избегне отстапување од позитивните трендови во борбата против пандемијата на земјата.

Министрите на седница на Владата ќе потпишат Кодекс за етичко однесување

Тале Кристо — Tue, 29 Sep 2020 06:21:11 +0000

Владата денеска ќе ја одржи седмата седница, на која министрите ќе потпишат Кодекс за етичко однесување на членовите на Владата и носителите на јавни функции именувани од Владата. Како што соопшти владината прес-служба, ќе се обратат претседателот на Владата Зоран Заев и вицепремиерот за борба против корупција, одржлив развој и човечки ресурси, Љупчо Николовски. Почетокот на седницата е во 12 часот, а за заклучоците ќе биде соопштено по нејзиното завршување.

Како се однесуваат хороскопските знаци кога ќе исчезне љубовта?

Ристе Здравков — Mon, 27 Jul 2020 09:07:25 +0000

Љубовта не трае вечно, а астрологијата ви открива како се однесува секој хороскопски знак кога неговата љубовна врска е во криза. Овен Ако сте во врска со Овен, ќе ја препознаете кризата преку недостатокот на страст и жар во очите. Покрај тоа, недостатокот на страст е главната причина за раскинување, а на тоа му претходи флертување со личности од спротивниот пол. Исто така, кога љубовта почнува да исчезнува, Овенот почнува да се однесува грубо. Бик Кога Бикот е заљубен, постојано го допира и го гали партнерот, а кога ќе исчезна нежноста, време е да се загрижите. Исто така, на Биковите им е тешко да одлучат да ја прекинат врската, но откако ќе раскинат, тие никогаш не ѝ се враќаат на старата љубов. Близнаци Ако партнерот веќе не се смее, тешко комуницира со вас и не се обидува да биде духовит, тоа е алармантен знак. Сепак, Близнаците имаат променливо расположение, па понекогаш споменуваат раскинување дури и кога навистина не го мислат тоа, така што постои добра шанса тие да се премислат и да ја продолжат врската како ништо да не се случило. Рак Ракот речиси никогаш не ја раскинува врската затоа што секоја љубов ја доживува како „вистинската“. Меѓутоа, кога тој самиот ќе сфати дека врската завршува, веројатно ќе се потруди да ве изнервира и ќе заборави што е романтика. Лав Лавовите се диктатори по природа, а тоа е уште поизразено кога се појавува криза во врската. Тој може да биде многу тврдоглав и може да започне да поминува сè повеќе и повеќе време со пријателите и веројатно често ќе ви спомнува дека му е многу досадно во животот. Девица Припадниците на овој хороскопски знак стануваат цинични за време на љубовната криза, честопати се лутат и постојано се жалат. Меѓутоа, ако разговарате искрено, постои шанса вашата врска да преживее. Вага Ако вашата врска е во криза, бидете сигурни дека Вагата веќе нашла резерва. Вагите не знаат да бидат сами, а првиот знак дека нешто не е во ред е кога партнерот одеднаш ќе стане ладен и воопшто нема да го интересираат вашите проблеми. Шкорпија Првиот знак дека вашата врска е во криза е недостатокот на интимност, но и љубомората и постојаното префрлање. Стрелец Стрелците по природа се многу искрени. Иако сакаат флертување, тие не сакаат неверство. Кога љубовта ќе почне да исчезнува, тој ќе го помине поголемиот дел од времето надвор од куќата во потрага по својата слобода. Јарец Јарецот ќе ви наметнува чувство на вина за разни постапки и ќе стои на дистанца. Овие знаци откриваат дека Јарецот се подготвува да ви раскине. Сепак, за него е многу тешко да одлучи да ја прекине врската, дури и кога постојат многу сериозни проблеми. Дури и ако го изневерите, Јарецот ќе го надмине тоа, но никогаш нема никогаш да го заборави. Водолија Водолиите раскинуваат на многу детски начин. Тие едноставно престануваат да ви се јавуваат и ве игнорираат максимално, однесувајќи се како никогаш да не сте постоеле во нивниот живот. Дали ви треба појасен знак дека вашата врска е завршена? Риби Рибите не знаат како да се справат со проблемите, па затоа претпочитаат да се повлечат и да изгледаат апсолутно незаинтересирано. Ако забележите дека Рибите одеднаш стануваат многу тивки, запрашајте се што се случува.

Мејер: Однесувањето на играчите на и надвор од теренот ќе биде клучно за завршување на сезоната

Тале Кристо — Sun, 10 May 2020 19:25:32 +0000

Однесувањето и почитувањето на строгата дисциплина од страна на секој играч ќе биде клучно за завршување на сезоната 2019/20. Ова го изјави Тим Мејер, шеф на медицинската комисија во УЕФА и претседател на седиштето за борба против коронавирусот во германската Бундеслига. Точно германскиот шампионат ќе биде првиот од ТОП 5 лигитие во Европа, кој ќе ги продолжи своите натпревари следната недела, а надежите на сите во УЕФА се дека ова ќе доведе до крајот на сезоната 2019/20 пред августовските финалиња во Лига Европа и Лигата на шампиони. – Фудбалот мора да му го врати на општеството она што го жртвува за тоа. Ова значи дека сите играчи ќе треба да дадат се од себе и да вложат вонреден напор за одржување на дисциплината“, изјави Мејер за Ројтерс. Фудбалерите мора да бидат одговорни и да внимаваат на вирусот. Тие се јавни личности и мора да покажат соодветно однесување и на терен и во моментот кога ќе го напуштат и ќе станат обични граѓани како сите нас повторно, додаде тој. Јас сум свесен дека нема работа што може да обезбеди 100% безбедност, особено во тековната ситуација. Но, особено во Германија се обидовме да се приближиме што е можно поблизу. Точно е дека постои ризик. Не постои начин да се отстрани целосно. Но, ние направивме доволно за да, доколку се применат горенаведените препораки, ќе биде практично невозможно да се заразат играчите, нагласи Мејер.

Како се однесуваат хороскопските знаци на Фејсбук?

Ристе Здравков — Wed, 25 Jul 2018 10:07:55 +0000

Фејсбук е една од најпопуларните социјални мрежи, која е погодна за откривање на некои карактеристики на луѓето кои се членови. Затоа нека не ве чуди што на основа на Фејсбук може да се одредат некои карактеристики на хороскопските знаци, но и обратно. Погледнете како се однесуваат хороскопските знаци на Фејсбук. Овен Припадниците на овој знак се препознатливи на Фејсбук по тоа што се насочени кон себе и токму тие се оние кои ги обработуваат нивните фотографии во Фотошоп за да изгледаат совршено. Тие мора да бидат во тек со сите случувања, па често ги проверуваат настаните. Исто така, не одобруваат што било да им се објави на нивниот профил додека тие не го проверат тоа, па затоа не е чудно кога ќе се налутат, да го избришат својот профил, а потоа да направат нов. Бик Кога на Фејсбук ќе видите фотографии од луксузни работи, храна и места, тогаш бидете сигурни дека е во прашање личност која е Бик во хороскоп. Ним им се досадни пријателите кои објавуваат досадни стихови и песни, но затоа ги следат трендовите и голем број групи. Не објавуваат често свои фотографии, но затоа ќе ги избришат туѓите објави, фотографии и коментари доколку не им се допаѓаат. Најчесто се означуваат на патувања и на разни необични места. Близнаци Близнаците се оние кои се во состојба да нè бомбардираат со своите фотографии, но и со фотографии од нивните деца или партнерот. Тие редовно нè известуваат за сите нивни емоционални состојби, па често ги нервираат останатите, бидејќи овие не сфаќаат дека Фејсбук за Близнаците е само чиста разонода. Освен тоа, сакаат што преку него може да комуницираат со други луѓе, па затоа поштенското сандаче им е секогаш полно. Рак На Раковите во суштина Фејсбук им е досаден, но кога се активни на оваa социјална мрежа, тогаш нивните објави најчесто се противречни – од весели и оптимистични па сè до „ќе ве убијам сите“ објави. Оваа мрежа им служи за да ги следат луѓето со кои изгубиле контакт, но и во тоа не се премногу активни. Сепак, ќе се пофалат со работи кои им значат, како што се роденденот на нивното дете, новата врска или пак брак. Лав Лавовите сакаат да привлекуваат внимание, па често ги бомбардираат своите пријатели со објави и фотографии на кои многупати се во секси пози. Редовно ги следат туѓите профили, ги „лајкуваат“ фотографиите и објавите на сите, а со некои луѓе ги одржуваат односите исклучиво преку социјалните мрежи, кои како да се создадени за нив. Најчесто имаат и многу пријатели. Девица Девицата ги следи трендовите и сака да биде во тек со сите настани, но на Фејсбук не ја открива нејзината приватност. Нив ќе ги забележите како коментираат на актуелните социјални и политички теми, а ќе бидете среќни ако воопшто најдете нивни лични фотографии. Тие се толку мистериозни, што нема да се означуваат каде се, бидејќи не сакаат другите да им навлезат во нивната трага. Вага Фејсбук профилот на личноста која е Вага во хороскоп е убав и шаренолик, секогаш со уметнички и апстрактни слики, додека тие сами на своите фотографии користат разни филтри, бидејќи сакаат да изгледаат поразлично. Имаат многу пријатели, но сепак не ги користат толку многу социјалните мрежи како што изгледа. Омилена активност им е блокирање луѓе, додека често после прегледувањето на туѓите објави сфаќаат дека Фејсбук е навистина досаден. Шкорпија Шкорпиите се делат на два вида – оние кои претерано ги користат социјалните мрежи и ониe кои имаат профили чисто онака. Првите ќе објават сè за да ги воодушеват големиот број пријатели со духовити или паметни забелешки за социјалните трендови или настани. Другите пак, имаат строго ограничени поставки на приватноста, па никој не може да види што имаат на нивниот профил. Стрелец Припадниците на овој знак се најчесто оние што објавуваат духови постови, решаваат разни комични тестови на личноста и пишуваат забавни коментари на туѓите статуси и фотографии. На нив социјалните мрежи им се вистинска забава, иако понекогаш сакаат да стават свои заводнички слики за да го зголемат своето его. Имаат многу пријатели, но во глобала, Фејсбук за нив нема големо значење. Јарец Јарците секогаш водат сметка за тоа каков впечаток им оставаат на своите пријатели, па ќе им се налутат на оние кои на нивниот профил ќе постават некоја дискриминирачка фотографија или коментар. Не објавуваат често постови и фотографии, бидејќи не сакат да излезат како оние што постојано „висат“ на Фејсбук, но се редовни во проучувањето на она што го прават другите. Профилите ги користат најчесто за промовирање на работните активности, туѓи или свои и ги одбиваат понудите за пријателство од личностите што не ги познаваат. Исто така, го кријат својот љубовен статус. Водолија Припадниците на вој знак, исто како Стрелците, најчесто објавуваат смешни видео записи, фотографии и вицови. Сакаат да праќаат пораки, па со нив може да заведуваат или само да го „загреваат“ пријателството. Постојат периоди кога се активни секојдневно, а потоа со месеци не го отвораат својот профил. Своите фотографии ги ставaат од забава и скоро да не им е важно како изгледаат, туку најбитно им е да се поразлични. Риби Како еден од најкреативните знаци, на Рибите им е најважно нивниот профил да изгледа оригинално. Ставаат фотографии на кои се со своите пријатели и со семејство, но не такви каде што се сами, бидејќи не сакаат да привлекуваат внимание. Но, доколку сакате да дознаете нешто повеќе за нив од социјалните мрежи, обидот ќе ви биде залуден.

Како хороскопските знаци се однесуваат на плажа?

Ристе Здравков — Sat, 21 Jul 2018 17:06:06 +0000

Летото е пред нас, а секој од хороскопските знаци на различен начин ужива во летните денови. Овен Овните немаат многу нерви за мирно лежење на плажа и печење на сонце. До 10 наутро тие веќе пливале долго и се одмориле, а потоа се пријавиле за турнир на одбојка на песок и си ја испланирале вечерта. Ако ги видите нервозни, тоа е поради некое семејство чии деца им врескаат над глава, додека се обидуваат мирно и боемски да уживаат во својот ручек. Бик Биковите на плажа ќе ги препознаете поради многуте работи кои ги носат со себе. Ако не најдат место под сенка, со себе ќе носат огромен чадор, фрижидерче со пијалоци и масла за сончање. Ако сакате да ги развеселите, почестете ги со добар сладолед или коктел. Близнаци Близнаците се душата на секоја забава. Едвај чекаат да отидат на плажа и да започнат разговор со луѓето, без оглед на тоа дали станува збор за времето, медузите, новиот летен хит или пак цените во летувалиштето. Тие не се мирни ниту 5 минути, а ако не зборуваат со вас, најверојатно се на својот мобилен, следејќи ги сите новости. Рак Раковите избираат плажа со најчиста вода и многу луѓе. Но, се трудат да се однесуваат како да се невидливи. Ставаат огромен шешир и наочари за сонце и читаат некоја романтична книга. Долго можат да останат на плажа, заборавајќи дека треба да се тргнат од сонцето. Лав Кралот на хороскопскиот знак сака своја публика, па на плажа ќе отиде со својот нов костим за капење, торба за плажа, телефон за под вода или најновиот наслов на книга. Тие сакаат да бидат на плажи каде можат да привлечат внимание. Лавовите се личности кои уживаат да бидат на нудистички плажи. Девица Неподготвеноста за плажа не е главната карактеристика за Девиците. Тие се толку подготвени така што можат дури и да ве извадат од такт поради претераното планирање. Знаат точно каде ќе се сончаат, колку време ќе се сончаат, со кој фактор и на која плажа. Не оставаат ништо на спонтаноста и не трошете го своето време за да ги убедите да бидат спонтани или да отидат на некоја авантура. Вага Вагите се средени дури и на плажа. Тие имаат беспрекорен костим за капење, убав пешкир, модерни наочари за сонце, па дури и фризура за жените. Вагите сакаат внимание и за нив најголемата катастрофа е да бидат на плажа на која ќе нема луѓе што им се восхитуваат. Шкорпија Шкорпиите сакаат да минуваат време во вода и да нуркаат, но плажата за нив е место за заведување. Ако се со својот партнер, тие ќе се потрудат да ги убедат да имаат секс на отворено, а ако се сингл, веднаш ќе се фрлат на заведување. Стрелец Стрелците се личности кои никогаш нема да прифатат обични плажи. Тие сакаат да скокаат со падобран, да скијаат на вода, да кајакарат и немаат многу време и волја да лежат на плажа. Често им одат на нерви на своето друштво бидејќи постојано предлагаат нова авантура. Јарец Јарците не можат да одат на плажа без својот лаптоп, но наместо да одговараат на меиловите за работа, скришно наоѓаат нови места за забава во близина. Сакаат да лежат во сенка, да читаат добра книга, но и со едното уво да слушаат што другите зборуваат во околината. Водолија Кога се со својата сакана личност на плажа, тие се опседнати со нив. Не сакаат да се одвојат и сакаат сите нешта да ги прават заедно. Кога одат со пријателите, се однесуваат како во ноќен клуб. Може да се случи да испијат толку коктели така што ќе заспијат на плажа и ќе изгорат на сонце. Риби Ако некој сака море и плажа, тоа се Рибите. Подготвени се да се пробудат во зори и да одат на плажа уживајќи во утринското пливање. Нивната претерана заинтересираност за плажа понекогаш им оди на нерви на другите, бидејќи се како будилник.