одобрение за градба – Kurir.mk

Во мај годинава 323 одобренија за градење, од кои 45 проценти во високоградбата

Катерина Бојаџиева — Fri, 08 Jul 2022 10:47:32 +0000

Во мај годинава се издадени 323 одобренија за градење, што е за 7,7 проценти повеќе во однос на истиот месец од претходната година, објави денеска Државниот завод за статистика. Полошкиот е регионот каде во мај годинава се издадени најмногу одобренија за градење – 87, по што следат Југоисточниот со 61 и Скопскиот со 51. Во останатите региони се евидентирани по над 20 одобренија. Според издадените одобренија, предвидената вредност на објектите изнесува 4.305.833.000 денари, што е за 23,3 проценти повеќе во однос на истиот месец од претходната година. Од вкупниот број издадени одобренија за градење, 146 (45,2 проценти) се наменети за објекти од високоградба, 54 (16,7 отсто) од нискоградба и 123 (38,1 процент) за објекти за реконструкција. Од вкупно 323 објекти, на 147 (45,5 проценти) како инвеститори се јавуваат физички лица, а на 176 (54.5 проценти) инвеститори се деловни субјекти. Во извештајниот период е предвидена изградба на 510 станови, со вкупна корисна површина од 49 178 метри квадратни. Најмногу од планираните станови се во Полошкиот регион, 223, од кои 193 се во Гостивар. Во Скопскиот регион, пак, со одбренијата од мај годинава се предвидени 193 стана, а гледано по општини најмногу се во Ѓорче Петров 67, во Чаир се планирани 40, а Гази Баба 10.

Предвидена изградба на 353 станови, во јануари издадени 259 одобренија за градење

Ивона Петрова — Mon, 14 Mar 2022 12:26:36 +0000

Во јануари годинава се издадени 259 одобренија за градење, што е за 30,2 проценти повеќе во однос на истиот месец од претходната година, објави денеска Државниот завод за статистика. Најмногу одобренија има во Полошкиот регион, каде се издадени 83 одобренија, по што следат Скопскиот, 51, Вардарскиот, 38, Југоисточниот, 29, Источниот, 20, Пелагонискиот, 18, Југозападниот, 16, како и Североисточниот каде се издадени само четири. Според издадените одобренија за градење, предвидената вредност на објектите изнесува 5 767 024 000 денари, што е за 186 проценти повеќе во однос на истиот месец од претходната година. Од вкупниот број издадени одобренија за градење, 154 (59,4 проценти) се наменети за објекти од високоградба, 24 (9,3 проценти) од нискоградба и 81 (31,1 процент) за објекти за реконструкција. Од вкупно 259 објекти, на 171 (66 проценти) како инвеститори се јавуваат физички лица, а на 88 (34 проценти) инвеститори се деловни субјекти. Во извештајниот период е предвидена изградба на 353 станови, со вкупна корисна површина од 33 312 метри квадратни. Притоа, повеќе од половина се во Скопје, 194, од кои 98 во Кисела Вода,44 во Чаир, 30во петровец. Стои и осум станови се планирани во Полошкиот регион, односно 41 во Гостивар, по 26 во Тетово и во Теарце, девет во Желино…

Си градел викендица без никакво одобрение, охриѓанец кривично ќе одговара

Ивана Ефремовски — Thu, 10 Mar 2022 15:06:17 +0000

Надворешната канцеларија за криминалистичка полиција Струга поднесе кривична пријава против С.Н.(48) од Охрид, поради постоење основано сомнение за сторенo кривично дело „бесправно градење“. По извршен инспекциски надзор пријавената, во својство на инвеститор, на место викано „Блато“ во атарот на с.Калишта во текот на 2021 година започнала со изградба на викенд куќа, без одобрение за градба, поради што е донесено решение со кое на инвеститорот му се наложува да ги отстрани неправилностите на изградениот објект.

Во јули издадени 276 одобренија за градење

Матеја Петровски — Wed, 12 Sep 2018 07:18:15 +0000

Во јули годинава во Македонија се издадени 276 одобренија за градење или за 34,6 отсто повеќе во однос на истиот месец од претходната година, со кои е предвидена изградба на 648 станови со вкупна корисна површина од 53.243 метри квадратни во вредност од 4,671 милијарди денари, што е за 200,4 отсто повеќе во однос на ланскиот јули. Според податоците на Државниот завод за статистика, од вкупниот број издадени одобренија за градење, 146 (52,9 отсто) се наменети за објекти од високоградба, 39 (14,1 отсто) за објекти од нискоградба и 91 (33 отсто) за објекти за реконструкција. Од вкупно 276 објекти, на 161 или 58,3 отсто како инвеститори се јавуваат физички лица, а на 115, односно 41,7 отсто инвеститори се деловни субјекти. (Миа)