одобренија за градба – Kurir.mk

Од 422 градежни дозволи во јули 250 во високоградбата, планирани 907 станови

Дарко Андоновски — Wed, 14 Sep 2022 08:46:51 +0000

Во јули годинава се издадени 422 одобренија за градење, што е за 5,4 проценти помалку во однос на истиот месец од претходната година. Податоците на Државниот завод за статистика покажуваат дека најмногу одобренија има во Југозападниот и во Скопскиот регион, 98 односно 97, по што следат Полошкиот со 71, Источниот, 47, Пелагонискиот, 40, Југоситочниот, 35, Вардарскиот со 29. Според издадените одобренија за градење, предвидената вредност на објектите изнесува 6 206 757 000 денари, за 37,6 проценти помалку во однос на истиот месец од претходната година. Од вкупниот број издадени одобренија за градење, 250 (59,2 проценти) се наменети за објекти од високоградба, 46 (10,9 проценти) од нискоградба и 126 (29,9 проценти) за објекти за реконструкција. Во извештајниот период е предвидена изградба на 907 станови, со вкупна корисна површина од 81 059 метри квадратни. Во Скопје ќе се градат вкупно 301 стан, од кои 132 во Чаир, 60 во Центар, 40 во Карпош, 36 во Гази Баба, 16 во Аеродром, осум во Бутел, четири во Илинден… Во Охрид е планирана изградба на 132 стана, во Прилеп 113, во Струга 90, во Гостивар 62…. Од вкупно 422 објекти, на 267 (63,3 проценти) како инвеститори се јавуваат физички лица, а на 155 (36,7 проценти) инвеститори се деловни субјекти.

Во септември 318 одобренија за градење, нови 618 станови

Ивона Петрова — Thu, 11 Nov 2021 11:52:16 +0000

Во септември годинава се издадени 318 одобренија за градење, што е за 28,2 проценти повеќе во однос на септември лани, објави денеска Државниот завод за статистика. Најголем број од одобренијата се во Полошкиот регион, 66, по што следат Скопскиот регион, 62, Југоисточниот, 53, Вардардскиот 46,… Најмалку дозволи за градба, 17, се издадени во Пелагонискиот регион. Во извештајниот период е предвидена изградба на 618 станови, со вкупна корисна површина од 56 849 метри квадратни. Најмногу станови ќе се градат во Скопскиот регион, 216, од кои 196 се во Општина Гази Баба. Меѓу општините со пoголем број планирани нови станови се и Струмица, 87, Гевгелија, 86, Гостивар, 76, Дебар, 40,.. Предвидената вредност на објектите за кои се издадени одобренија во септември годинава изнесува 3 833.718.000 денари, за 16,7 проценти повеќе во однос на истиот месец од претходната година. Од издадените одобренија за градење, 184 (57,9 проценти) се за објекти од високоградба, 35 (11 проценти) од нискоградба, а 99 (31.1 процент) се објекти за реконструкција. На 195 (61,3 проценти) од објектите како инвеститори се јавуваат физички лица, а на останатите 123 (38,7 проценти) објекти инвеститори се деловни субјекти.

Во јуни издадени 320 одобренија за градење

Ивона Петрова — Tue, 17 Aug 2021 10:36:36 +0000

Во јуни годинава се издадени 320 одобренија за градење, што е за 17,2 проценти повеќе во однос на јуни лани, објави денеска Државниот завод за статистика. Најголем број од одобренијата се во Скопскиот регион, 106, по што следат Југозападниот со 61, Полошкиот со 44, Вардарскиот и Источниот со по 30. Според издадените одобренија за градење, предвидената вредност на објектите изнесува 4.568.461.000 денари, што е за 64,6 проценти помалку во однос на јуни минатата година. Од ДЗС појаснуваат дека намалената предвидена вредност се должи на фактот дека во истиот месец од претходната година биле издадени одобренија за градење на објекти од нискоградба со поголеми вредности, како магистралниот транспортен гасовод во Пелагонискиот Регион, делница 5 од магистралниот гасовод во Полошкиот Регион, биогасната и ветерната електрана во Вардарскиот Регион, далноводот од Битола до македонско-албанската граница во Југозападниот и Пелагонискиот Регион. Од вкупниот број издадени одобренија за градење, 191 (59,7 проценти) се за објекти од високоградба, 43 (13,4 проценти) од нискоградба, а 86 (26,9 проценти) за објекти за реконструкција. Од вкупно 320-те објекти, кај 164 (51,2 проценти) како инвеститори се јавуваат физички лица, а кај156 (48,8 проценти) деловни субјекти. Во извештајниот период е предвидена изградба на 639 станови, со вкупна корисна површина од 61 828 метри квадратни. Најголем број се предвидени во Скопскиот, 180, од кои најмногу се во Општина Сарај (141).

Во мај издадени 300 одобренија за градење, планирани 615 станови

Ивона Петрова — Fri, 09 Jul 2021 11:15:57 +0000

Во мај годинава се издадени 300 одобренија за градење, што е за 86,3 проценти повеќе во однос на мај лани, објави денеска Државниот завод за статистика. Предвидената вредност на објектите изнесува 3.492.299.000 денари, што е за 124 проценти повеќе во однос на мај 2020 година. Од вкупниот број издадени одобренија за градење, 164 (54.7 проценти) се наменети за објекти од високоградба, 27 (9.0 проценти) за објекти од нискоградба и 109 (36,3 проценти) за објекти за реконструкција. Кај 145 објекти (48.3 проценти) како инвеститори се јавуваат физички лица, а на 155 (51,7 проценти) инвеститори се деловни субјекти. Гледано по региони, најголем дел од одобренијата, 85, се издадени во Скопскиот регион, по што следи Вардарскиот со 65, Полошкиот со 40,…., а најмалку се во Североисточниот, каде се издадени осум. Во извештајниот период е предвидена изградба на 615 станови, со вкупна корисна површина од 49 094 метри квадратни. Најголемиот дел од предвидените станови, се во Скопје каде ќе се градат 406 станови. Станува збор за 163 стана во Општина Гази Баба, 64 во Кисела Вода, 60 во Сарај, 47 во Карпош, 44 во Центар.

Во април издадени 173 одобренија за градење, ќе се градат нови 835 станови

Ивона Петрова — Thu, 11 Jun 2020 09:55:05 +0000

Во април годинава се издадени 173 одобренија за градење, што е за 27,9 проценти помалку во однос на април лани. Најголем број, 36, има за Скопскиот регион, по што следи Полошкиот со 25, додека во останатите региони бројката се движи од 15 до 18, покажуваат податоците на Државниот завод за статистика. Според издадените одобренија за градење во април, предвидената вредност на објектите изнесува 3 657 228 000 денари, што е за 31,1 процент помалку во однос на истиот месец од претходната година. Од вкупниот број издадени одобренија за градење, 92 (53,2 проценти) се наменети за објекти од високоградба, 18 (10,4 проценти) за нискоградба и 63 (36,4 проценти) за објекти за реконструкција. Во извештајниот период е предвидена изградба на 835 станови, со вкупна корисна површина од 62 697 метри квадратни. Најголемиот дел се во Скопскиот регион, каде според одобренијата за градење се планирани нови 403 стана, од кои 317 во Општина Аеродром, а 74 во Општина Центар. Во останатиот дел од државата се планираат и 102 станови во Дебар, 69 во Гевгелија, 58 во Гостивар. Од 173.те објекти за кои е издадена дозвола за градење, на 93 (53,8 проценти) инвеститори се физички лица, а на 80 (46,2 проценти) инвеститори се деловни субјекти.

Во декември лани издадени 286 одобренија за градба, нови 423 станови

Катерина Бојаџиева — Fri, 14 Feb 2020 11:16:50 +0000

Во декември лани се издадени 286 одобренија за градење, што е за 2,1 процент помалку во однос на истиот месец од 2018 година. Предвидена е изградба на 423 станови, со вкупна корисна површина од 32.307 метри квадратни, објави денеска Државниот завод за статистика. Според издадените одобренија за градење, предвидената вредност на објектите изнесува 3.460.995.000 денари, што е за 59,4 проценту помалку во однос на декември 2018. Намалената предвидена вредност се должи на фактот дека во претходниот период беше издадено одобрение за градење на експресен пат во Североисточниот Регион. Од вкупниот број издадени одобренија за градење, 130 (45,4 проценти) се наменети за објекти од високоградба, 56 (19,6. проценти) за објекти од нискоградба и 100 (35 проценти) за објекти за реконструкција. Од вкупно 286 објекти, на 151 (52,8 проценти) како инвеститори се јавуваат физички лица, а на 135 (47.2 проценти) од објектите се деловни субјекти.

Издадени повеќе одобренија за градба, ќе се градат станови, најмногу во Аеродром

Ивона Петрова — Thu, 10 Oct 2019 10:45:57 +0000

Двеста и десет одобренија за градба се издадени во август годинава, од кои најголемиот дел или 136 одобренија се за високо градба, објави Државниот завод за статистиката, констатирајќи зголемување на бројот на издадени одобренија за 9,4 отсто. Објавените податоци покажуваат дека во скопскот регион се издадените 49 одобренија предвидена е изградба на 147 станови, од кои, пак, 125 се во општината Аеродром. Ќе се гради и во југозападниот регион, каде се издадени 45 дозволи за градба, во Полошкиот 33, Вардарскиот 24, Југоисточниот 22, Пелагонискиот 20, Источниот 13 и најмалку во Североисточниот четири. Податоците на Државниот завод за статистика покажуваат дека предвидената вредност на сите објекти за кои е издадена дозвола за градба изнесува 2.326.990 илјади денари, што е за 53,7 отсто повеќе во однос на истиот месец од претходната година. Од вкупно 210 објекти, на 145 или 69,1 отсто како инвеститори се јавуваат физички лица, а на 65 или 30,9 отсто објекти инвеститори се деловни субјекти. Во извештајниот период е предвидена изградба на 278 станови, со вкупна корисна површина од 24 728 кавдратни метри.

Намален бројот на издадени одобренија за градба

Катерина Бојаџиева — Tue, 11 Jun 2019 12:35:35 +0000

Според податоците на Државниот завод за статистика, во април 2019 година се издадени 240 одобренија за градење, што е за 3.6 % помалку во однос на истиот месец од претходната година. Според издадените одобренија за градење, предвидената вредност на објектите изнесува 5 309 660 илјади денари, што е за 14.6 % помалку во однос на истиот месец од претходната година. Од вкупниот број издадени одобренија за градење, 122 (50.8 %) се наменети за објекти од високоградба, 35 (14.6 %) за објекти од нискоградба и 83 (34.6 %) за објекти за реконструкција. Од вкупно 240 објекти, на 122 (50.8 %) како инвеститори се јавуваат физички лица, а на 118 (49.2 %) објекти инвеститори се деловни субјекти. Во извештајниот период е предвидена изградба на 391 стан, со вкупна корисна површина од 28 249 м2.

Катастрофална статистика: Во октомври за 31 отсто помалку градби отколку лани

Предраг Кукиќ — Thu, 13 Dec 2018 08:47:36 +0000

Во октомври годинава за 31 отсто се издадени помалку одобренија за градење во однос на октомври лани. Податоците на Државниот завод за статистика покажуваат дека во октомври се издадени 276 одобренија за градење. Од вкупниот број издадени одобренија за градење, 158 или 57,2 отсто се наменети за објекти од високоградба, 48 или 17,4 отсто за објекти од нискоградба и 70 или 25,4 отсто за објекти за реконструкција. Од вкупно 276 објекти, на 157 или 56,9 отсто како инвеститори се јавуваат физички лица, а на 119 или 43,1 отсто објект инвеститори се деловни субјекти.

Во декември издадени 257 одобренија за градба

Ивона Петрова — Mon, 12 Feb 2018 11:47:05 +0000

Лани во декември во земјава се издадени 257 одобренија за градење со предвидена вредност на објектите од 1,73 милијарди денари, што е за 22,8 отсто помалку одобренија во однос на истиот месец од претходната година и за 76,7 отсто помала вредност. Со нив е предвидена изградба на 209 станови, со вкупна корисна површина од 25.413 метри квадратни. Според податоците на Државниот завод за статистика, од вкупниот број издадени одобренија за градење, 155 (60,3 отсто) се наменети за објекти од високоградба, 19 (7,4 отсто) за објекти од нискоградба, а 83 (32,3 отсто) за објекти за реконструкција. Од вкупно 257 објекти, на 184 или 71,6 отсто како инвеститори се јавуваат физички лица, а на 73, односно 28,4 отсто инвеститори се деловни субјекти.