одрон – Kurir.mk

Нормализиран сообраќајот на патот Куманово-Крива Паланка

Дарко Андоновски — Sat, 04 Nov 2023 19:12:14 +0000

Од АМСМ известуваат дека сообраќајот на патниот правец Куманово–Крива Паланка од 18:15 часот е нормализиран и се одвива непречено, без застои и ограничувања. Сообраќајот на овој патен правец пред Страцин беше во прекин поради поголем одрон, а екипи на ЈП Македонија пат работеа на расчистување и нормализација. Оттаму информираат дека сообраќајот на другите државните патишта се одвива непречено, по претежно влажни коловози. Додека интензитетот на сообраќај на патните правци надвор од градските средини е умерен, а на граничните премини од македонска страна, нема подолги задржувања за влез и излез од државата. Од АМСМ се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Се пренасочува патот Крива Паланка-Куманово, екипи на Македонија пат работат на терен

Тале Кристо — Sat, 04 Nov 2023 12:23:41 +0000

Сообраќајот на магистралниот патен правец А2 , Куманово - Крива Паланка, се пренасочува преку алтернативен пат откако беше затворен за сообраќај пред околу два часа поради големи одрони што ги зафатија двете коловозни ленти кај село Ругиннци, кај месноста викана „Ругинска кривина“. -Екипите на Јавното претпријатие за одржување регионални патишта „Македонија пат“ се на терен, механизацијата работи интензивно, но прекинот се уште трае, информира раководителот на секцијата на „Македонија пат“, Крива Паланка, Боби Димитровски. Нагласи дека сите возила се пренасочуваат по алтернативен пат. -Сообраќајот засега, со помош на службеници од Секторот за внатрешни работи и вработените во ЈП „Македонија пат“ се насочува кон стариот пат Куманово-Крива Паланка, кај Грушино, прецизира Димитровски.

Одрон на регионалниот пат Извор – Иванчишта, сообраќајот во прекин

Тале Кристо — Sat, 04 Nov 2023 12:21:40 +0000

Регионалниот пат меѓу кичевските села Извор и Иванчишта е затворен за сообраќај, поради одрон/свлечиште на патот. Како што информира АМСМ, сообраќајот е во прекин од 12:05 часот.

Поради одрон затворен патот од Куманово до Кратово и Крива Паланка

Тале Кристо — Sat, 04 Nov 2023 10:16:37 +0000

Поради одрони на патот кај село Ругинце од 10:20 часот затворени за сообраќај се патните правци Куманово-Кратово и Куманово-Крива Паланка, информира АМСМ. Екипите на Македонија пат се упатени на местото и работат на расчистување на одронот.

Одрон целосно го запре сообраќајот на патот Делчево – Македонска Каменица

Ивона Петрова — Wed, 01 Nov 2023 11:33:45 +0000

АМСМ информира дека денеска од 11:45 часот цеосно е во прекин сообраќајот на патниот правец А-3 Делчево - Македонска Каменица. Појаснуваат дека прекинот на сообраќајот е поради одрон на патниот правец.

Одрони пред тунелите кај Плетвар, сообраќајот Прилеп-Росоман во прекин од поплавите (ВИДЕО)

Ристе Здравков — Sat, 17 Jun 2023 08:38:34 +0000

Од утрово целосно е непроодно движењето на патниот правец Прилеп-Росоман после Плетвар поради одрони и поплавување на патот. „Кај „Плетвар пред тунелите има свлечиште и одрон на карпи. Се преземаат мерки за расчистување“, информираат од АМСМ. Алармантна е состојбата кај Плетвар, поточно кај изградбата на новите тунели кај Фариш. Водата носи се пред себе, а автомобили се заглавени на патниот правец Прилеп-Градско.

Деветнаесет мртви под одрон на земја во Кина

Тале Кристо — Mon, 05 Jun 2023 06:41:19 +0000

Деветнаесет лица вчера загинаа во свлечиште во провинцијата Сечуан, во југозападна Кина, објавија кинеските државни медиуми. Според првичните информации за несреќата, локалната самоуправа пријавила 14 загинати и пет исчезнати, но телата на исчезнатите подоцна биле пронајдени, пишуваат службените гласила. Изворите наведуваат дека до одронот на земјиштето дошло на врвот на планината, кај една шумска фарма, во близина на градот Лешана. Во 20 часот (14 часот по средноевропско време), пронајдена е 19-та жртва и потрагата по исчезнатите е прекината, јави кинеската државна телевизија CCTV. Повеќе од 180 лица се испратени на местото на несреќата за да трагаат по преживеани, соопштија локалните власти. Местото на несреќата е во планинска област, на околу 240 километри јужно од Ченгду, административниот центар на покраината. Околу 40.000 лица живеат во оваа рурална провиниција, главно од шумарство и земјоделство. Одроните се честа опасност во кинеските планински и рурални области, особено за време на сезоната на дождови.

ВИДЕО: Одрон кај Љубаништа, прекинат сообраќајот на патот Охрид-Свети Наум

Ивона Петрова — Sat, 03 Jun 2023 18:30:19 +0000

Поради одрон на патот во целосен прекин е сообраќајот на регионалниот пат Охрид - Свети Наум, кај селото Љубаништа. Како што соопшти АМСМ, сообраќајот на овој регионален пат е од 19:15 часот.

Турист од Полска повреден при одрон кај Матка

Ивона Петрова — Mon, 29 May 2023 17:22:38 +0000

Центарот за управување со кризи информира дека денеска преку линијата за итни случаи 112 е добиена пријава за одрон на патот кај Матка после браната, при што повреден бил туристи од Полска. -Од Секторот за операции и координација на ЦУК, беше спроведена координација за згрижување повреден турист од Полска и за преземање мерки за безбедност, бидејќи имало опасност од други одрони, а и за расчистување на одронот во тој локалитет. Повредениот 45-годишен турист од Полска, бил удрен од еден камен од одронот кај Матка, по што веднаш, со Итна медицинска помош е префрлен на скопските клиники. Инаку, редоследот на денешниот настан е следен: По добиениот мејл од страна на 112 во 12.55 часот, а во врска со пријава за одрон на патот кај Матка после Брана Матка и можноста да дојде до повреда на некои туристи кои се наоѓаат на дадената локација од страна на ЦУК веднаш беше известен раководителот на ЈП „Улици и Патишта“ на Град Скопје за нивна интервенција расчистување на теренот. Одговорот беше дека надлежност за тој пат има Македонија Пат и самата Општина Сарај под кои субјекти се наоѓа дадениот локалитет. По остварените комуникации со Општина Сарај и Македонија Пат е добиен одговор од Македонија Пат дека според дадените координати тој пат не е под нивна надлежност туку под надлежност на Општина Сарај. Телефонски контакт беше остварен и со комуналниот инспектор на Општина Сарај на кој му е пренесена информацијата за надлежностите, поточно дека ниту ЈП Улици и Патишта, ниту Македонија Пат имаат надлежност за негово расчистување и дека тој пат е под ингеренција на Општината. Од страна на ЦУК, од Секторот за операции и координација, му беше даден и број за контакт со Македонија Пат по негово барање. Потоа, по повторно добиениот мејл на линијата за итни случи 112 во ЦУК во 14.28 часот во кој беше наведено дека има и повреден турист од Полска и дека има опасност од други одрони, од ЦУК, од Секторот за операции и координација, повторно е стапено во контакт со инспекторот на Општина Сарај од кого е добиен одговор дека тие се на лице место и дека од еден камен што се одронил бил удрен во ногата бил 45 годишен турист од Полска, по што веднаш, со Итна медицинска помош е префрлен на скопските клиники. Според првичната информација од терен, не станувало збор за одрон туку за два – три камења кои паднале од поголема висина при што едниот го погодил туристот во нога. На лице место имало и припадници од Полицијата. Од нивна страна и од страна на Општина Сарај ќе биде направен записник за утврдување на фактичка состојба, информираат од ЦУК.

Нормализиран сообраќајот на автопатот Скопје – Велес

Ивона Петрова — Wed, 05 Apr 2023 06:19:13 +0000

Сообраќајот на автопатот Скопје - Велес утринава е нормализиран. Сообраќајот на делницата на автопатот Скопје-Велес после местото викано Ветерско синоќа беше во целосен прекин. Причина за прекинот на сообраќајот беше одрон во близина на наплатната станица Сопот, кај бензинската станица „Детоил“.